الى ام اسيد1 وكل وحدة حاصلة واش الطيب

[ام حمزة22]

المشاركة الأصلية كتبت بواسطة غزالة الصّحراء

حبوباتي تصبحوا على ألف خير. واحلام سعيدة.مع التحيات الحارة للجميع بدون استثناء. على أمل أن تعود إلينا كلّ غائبة بخير وسلام وتتلم اللّمة من جديد مع مواضيع جديدة إن شاء اللّه.

[غزالة الصّحراء]

المشاركة الأصلية كتبت بواسطة ام حمزة22

شكرا جزيلا لك حبوبتنا الغالية. وعذرا عن الانقطاع غير المتوقّع. في أمان اللّه للجميع. :m h31:

[حياة نور الدين]

المشاركة الأصلية كتبت بواسطة غزالة الصّحراء

أهلا بك اختي حياة. واش أنقولك من غير الحمد للّه على نعمه . ولو أنّ مفارقة الابن لأمه ليس بالأمر السّهل . لكن من أجل أن يضمن لنفسه مستقبلا . فهذا قراره. ولن أمانع. ربيّ ايسّر عليه حياتو. ويجعلو دائما من المتفوقين. آمين.
أما عن سكنك رّبي ايفرج عليك ويفتحلك ابوابو. الدنيا مازالها بخير. قبل ماتعملوا القرض من البنك سقسوا ألي عندهم الدراية بالموضوع باش ايسهلوا عليكم العمل. وربي ايجيب الي فيه الخير. ويخرجك من المكان الضيّق للمكان الواسع. وربيّ ايفرغ لك هاذي الهموم ويلاقيك بلي يقدم لكم المساعدة. وغير ماتخميش حنونتي رانا كامل أخواتات . إذا مافرغتيش قلبك عند أخواتتك وين أتفرغيه. حنونتي خبرينا بالحل ألي وصلتو ليه. ربي ايسهّل عليكم الأمور. شدي فيه ودعي لما تصلي.

اميييين اختي ربي يخليك على دعوتك ويبحفظك اخت غالية ربي يفرحك بوليبداتك انت ثاني

المشاركة الأصلية كتبت بواسطة ام حمزة22

وعليكم السلام
ربي يقدرك حبيبتي وان شاؤ الله يسهلك وتدفعي الشطر 2 ولي فيها الخير ربي يقدمهالك بادنه سبحانه وتعالى والله لا يحرم موؤمن من السكن والصحة والهناء

ان شاء الله يا اختي وربيب يفرحك انت ايضا بوليداتك
تصبحون على خير

[غزالة الصّحراء]

المشاركة الأصلية كتبت بواسطة حياة نور الدين

اميييين اختي ربي يخليك على دعوتك ويبحفظك اخت غالية ربي يفرحك بوليبداتك انت ثاني


ان شاء الله يا اختي وربيب يفرحك انت ايضا بوليداتك
تصبحون على خير

تصبحين على ألف خير. وربي ايفرج عليك بالسّكن ويخليلك الأمورتين وتحضري لأفراحهم وتعمليلهم العرس في سكنك الجديد. كاليوم إن شاء اللّه. آمين. .

[ام حمزة22]

[omjoujou]

صباح الانوار على الغوالي كيف اصبحتم
حبيباتي ام حمزة و غزااااااالتي و حيوتي ومنال تسلمولي يا اغلى ناس على قلبي اما لون لي درتو لشعري يعني موالفة ديما نديرو blond clair وزدت فوقو les mèches اما القصة coupe courte و تحبو الصراحة سي السيد والله ماقالي والو لانو مسكين ديما يشوف نفس اللون عييت نبدلو نخاف نريسكي هههههههه اما انا عجبتني اللون المفضل عندي
غزالتي ربي يوصل ابنك على خير
حياة نورالدين ربي يفرج عليك و على المسليمين اجمعين
انا ليوم مش راح ندير لغدا رايحة دار سلفتي ليوم يجيبولهم الذبيحة
سلامي ليكم كامل سلاااااااااااااااام

[حياة نور الدين]

صباح الخير عليكن حنوناتي
ام جوجو بصحتك ماعليش زوقتي وزينتي لنفسك سي سيد دائما مايشوفش هههههه
ام حمزة ربي يسهلك امورك ويعطيك الصحة على واش راكي تقدمي راني درت موضوع تركيب الزويتنات
غزووووولة ربي يوصلك وليدك بالسلامة
سلمى بقلاوى ام سوهيل نوضوا ............
هذه لكن كل واحدة باسمها

[بقلاوة]

المشاركة الأصلية كتبت بواسطة حياة نور الدين

صباح الخير عليكن حنوناتي
ام جوجو بصحتك ماعليش زوقتي وزينتي لنفسك سي سيد دائما مايشوفش هههههه
ام حمزة ربي يسهلك امورك ويعطيك الصحة على واش راكي تقدمي راني درت موضوع تركيب الزويتنات
غزووووولة ربي يوصلك وليدك بالسلامة
سلمى بقلاوى ام سوهيل نوضوا ............
هذه لكن كل واحدة باسمها

ههههههه هاني نضت آ لالة حياة و كليت لابار نتاعي يعطيك الف عافية ، اسثحولي لبنات ما قدرتش نجاوب عليكم بسبب النت راهي ثقيييييييلة جدا، و راني .نكتب و خايفة ما تفوتش

[omjoujou]

حياة نور الدين انا ثاني ديت لابار تاعي يعطيك الصحة يا لفحلة
بقلاوة يسعدلي صباحك

[***سلمى ***]

صباح النور عليكم

[omjoujou]

صباح النور سلمى كيف اصبحتي
نويت نروح عند سلفتي هاذ الصباح لكن لظروف تاجلت حتى لعشية
غدايا شربة فارميسال و سلطة وفواكه

[روح مراد]

مساء الأنوار عليكم يا البنات واش راكم
غزالتي ما تخميش بزاف على فراق وليدك و لكن من الأحسن تخمي أنه راهو يجاهد من أجل العلم و من أجل مستقبل زاهر
راني عارفة واش راكي تحسي و لكن صدقيني مع الوقت ترجعي توالفي الوضع
أنا خاوتي كامل قراو في الخارج و مازال اللي راهم عايشين في الخارج ضرك بعد سنوات رجع الوضع عادي صدقيني بلاك رجعنا نشوفو اللي في فرنسا اكثر من هذاك اللي عايش هنا ضرك يكبرو أولادك و يرجع الوضع عادي ربي يحفظو و ينجحه هذا ماكان

[ام حمزة22]

السلام عليكم

واش راكم لبنات
ان شاء الله تكونوا انتم وعائلتكم بالف خير

* ام جوجو ما عليش كل عطلة فيها خير وبصحنك واش طيبتي وبصحتك الصبيغة انا هداك هو اللون اامفضل عندي ودايما ندير معاه ليماش باه يزيد يشراق بصح نفضلها غير في فصل الصيف وفي فصل شتاء ندير شاتان باه نبدل شوية لوك


*حبيبي حياة يعطيك الصحة على المتقبة وبارك الله فيك على الموضوع درك نروح نضرب طلة عليه

*روح مرراد واش رتكي ان شاء الله ريحتي من تعب الوليمات ربي يدوم الافراح

*سلمى واش راكي والوالدة الكريمة مازالت معاك ولا راحت وخلاتك تهلا ي روحك ما بقاش قد لي فات حبيبتي

*بقلاوتي الحلوة واش راكي والنت دابما تعكسنا كي نسحقوها تفولي راهي دير فينا زكارة

*غزالتي واش راكي ان شاء الله ركب وليدك ربي يسهل عليك وينجحو ويصبرك على بعده

[ام حمزة22]

لبنات اليوم طيبت السردين شوية قليتو باادرسة وشوية د رتو شطيطحة

هدا رابط طريقة السردبن بالدرسة والقرسة نتاع الفرينة وسامحوني راح تلقاو صعوبة في دخول الصفحة لان ما كانش عندي الوقت نصغر الصورhttps://www.djelfa.info/vb/showthread...1670897&page=3
اما مقادير شطيطحة سردين هي اولا نقي سردين ونلسق الحبة مع ختها ونحضر الدرسة لي سبق ودكرتها المتكونة من فلفل دريس وثوم وكمون وملح ندرسهم او نرحيهم بالخلاط الكهربائي
في طنجرة نحط الدرسة لي وجدناها ثم نضيف زيت ورند نخليهم يتقلاو ثم نصيف نصف كاس ماء ونخليه يطيب بعد ما يشرب هداك الماء نمرق الطنجرة بعد ما يغلي نضيفلها السردين ونخليه ربع ساعة حتى يطيب السردين نخلبكم مع الصور

[منال ومنير]

المشاركة الأصلية كتبت بواسطة حياة نور الدين

السلام عليكن
اهلاااااا غززوووووولةواش راكي طريق سلامة لفلذة كبدك وربي يبنجحوا ويبوفقوا
اما بالنسبة لي انا درت في السيكن الترقوي المدعم وخلصت الشطر الاول خمسين مليون وهادوا اليامات قالونا تخلصوا الشسطر الثاني واللي هو خمسين مليون ايضا لكن انا معنديش هذا المبلغ خممنا نديبروا قرض من البنك بصح رانا خايفين من الاجراءؤات وانا نسكن مع عجوزتي وراكي تعرفي المشاكل رغم كوزنتي وحدي لكن........... ربي يبفرج اسمحولي احكيتلكم قصة حياتي قلبي راه معمر

سلام اختي
رب يفرج عليك فيما يخص القرض ميش انت لديري الاجراءات المرقي هو ليعملهم ولازم يكون المشروع تاعو مضمون من طرف الصندوق الضمان انت قوليلو رانا حبين ناخذ قرض وهو يدبر راسو اختي اخذت اعانة من صندوق ااوطني للسكن تتمثل في 70 مليون او 40 مليون