الى ام اسيد1 وكل وحدة حاصلة واش الطيب - الصفحة 412

بقلاوة · 2015-08-31, 13:15

اقتباس:

المشاركة الأصلية كتبت بواسطة ام حمزة22

السلام عليكم
بقلاوتي الحلوة ما يكون غير خاطرك نقعدو مع الطبخ والكوزينة وهدا مايمنعش نقلك ربي يحققلك كل امانيك
انت اليوم طيبت سباقيتي بيص مدهون غير بالزبدة وعليه جبن الشيدار ولادي طلبوهولي وكانت قعدتلي ماكلة نتاع البارح بصح انا شهيت سباقيتي وكليتو وما سخنتش مكلة البارح خليتها للمساء

وهدا طبقي السابق لوبيا ماشطو بالبصل وطماطم والطبق 2 اوملات لوبيت ماشطو

بصحتك السباقيتي و باين كل شي من تحت يديك حلو يا لو كان تطبخيه بالما و الملح، مشكورة على رسالتك عزيزتي ام حمزة، و حين كتبت ردي و ارسلته جاءتني رسالة ادارية بالرفض لان عدد مشاركاتي لم يصل 500 مع كل الاسف، لذلك ساضيف مشاركات اكثر باذن الله للرد على رسائلي

ام حمزة22 · 2015-08-31, 13:25

اقتباس:

المشاركة الأصلية كتبت بواسطة بقلاوة

بصحتك السباقيتي و باين كل شي من تحت يديك حلو يا لو كان تطبخيه بالما و الملح، مشكورة على رسالتك عزيزتي ام حمزة، و حين كتبت ردي و ارسلته جاءتني رسالة ادارية بالرفض لان عدد مشاركاتي لم يصل 500 مع كل الاسف، لذلك ساضيف مشاركات اكثر باذن الله للرد على رسائلي

الله يسلمك يا حلوة اعلم انك ما تقدريش تراسليني ومازال ما لحقتيش لعدد مساركتك لاكن حبيت نراسلك ونوصلك فكرتي ربي يحفضك ويخليك ويسعدك حبوبة

ام حمزة22 · 2015-08-31, 13:29

للبنات سامحوني نخليكم نروح نتكسل شوية من بعد نروح عند اهلي الجمعة لي فاتت ما شفتش الوالد نتاعي شفت غير الوالدة تلاقيت بيها في التلتيام نتاع لوس اختي ربي يرحمو ويوسع عليه
تحياتي ليكم جميعا وامسية سعيدة وهنيئة

Meriemchawiya · 2015-08-31, 13:33

من الصباح و انا نقرى في مسيرة الصفحة راني في دار بابا نتوحم عندهم و العشية مروحة لداري معنديش النات اليلة نقوقو نتوحم على النات لازم يدخلهالي و نكون معاكم في الصورة نتمنى تتقبلوني

غزالة الصّحراء · 2015-08-31, 13:43

أهلا ومرحبا بالعسولات ألي نوروا الصّفحة. وايضا بكلّ جديدة معنا. حبوباتي واللّه غير نضت بكري. على جال أهلي جاوا أيطلوا على وليدي الكبير بسلامتو راه رايح لفرنسا . أعطاولوا فيزا أنتاع الدراسة في الخارج. وداوا أمعاهم أختي الصغيرة. قلت أنخليها عندي اتجوز كاش أيامات بصّح هذا ماكتب لها.ر ربي ايكتبلها مكتوبها وتروح لدارها قولوا آمين. وأهلا ومرحبا بالجميع. على حساب الشوفة بدات المياه ترجع لمجاريها. العسولات راهم ايولوا وحدة بعد وحدة. عودة ميمونة. أختي أم جوجو، روح مراد ، مرحبا بكم من جديد. طبعا لم أنس العسولات الأخريات أقول للجميع أهلا وسهلا بكنّ. صدوفتي الغالية وين راكي. بقلاوتي العسولة يعطيك الصحّة على مشاركاتك القيّمة. اللّه لايحرمنا منك.
عسولاتي كلّ واحدة باسمها الحاضرة والغائبة والجديدة سلامي الحار للجميع. ولي العودة مرة اخرى للصفحة حين تتحسن النت. الكوزينة راهي اتعيّط لي . قلت لها استناي اشويا . راني زاهية مع العسولات انتِ ماش رايح تهربي. دائما راني معاك ههههههههه حتى الكوزينة ماطلقتنيش.

ام حمزة22 · 2015-08-31, 13:44

اقتباس:

المشاركة الأصلية كتبت بواسطة Meriemchawiya

من الصباح و انا نقرى في مسيرة الصفحة راني في دار بابا نتوحم عندهم و العشية مروحة لداري معنديش النات اليلة نقوقو نتوحم على النات لازم يدخلهالي و نكون معاكم في الصورة نتمنى تتقبلوني

اهلا وسهلا بيك مريم سرفتينا بوجودك وسعدت بردك
لاكن ما دام راككي تتوحمي مادابيا ما طليش على قسم الطبخ راح تتشهاي وما نقدرش حتى نوصلك لقمة راح اخد دنبك يا بنتي
تامهم ربي يطلعك على خير ويسهلك وحمك وولادتك

ام حمزة22 · 2015-08-31, 13:48

اقتباس:

المشاركة الأصلية كتبت بواسطة غزالة الصّحراء

أهلا ومرحبا بالعسولات ألي نوروا الصّفحة. وايضا بكلّ جديدة معنا. حبوباتي واللّه غير نضت بكري. على جال أهلي جاوا أيطلوا على وليدي الكبير بسلامتو راه رايح لفرنسا . أعطاولوا فيزا أنتاع الدراسة في الخارج. وداوا أمعاهم أختي الصغيرة. قلت أنخليها عندي اتجوز كاش أيامات بصّح هذا ماكتب لها.ر ربي ايكتبلها مكتوبها وتروح لدارها قولوا آمين. وأهلا ومرحبا بالجميع. على حساب الشوفة بدات المياه ترجع لمجاريها. العسولات راهم ايولوا وحدة بعد وحدة. عودة ميمونة. أختي أم جوجو، روح مراد ، مرحبا بكم من جديد. طبعا لم أنس العسولات الأخريات أقول للجميع أهلا وسهلا بكنّ. صدوفتي الغالية وين راكي. بقلاوتي العسولة يعطيك الصحّة على مشاركاتك القيّمة. اللّه لايحرمنا منك.
عسولاتي كلّ واحدة باسمها الحاضرة والغائبة والجديدة سلامي الحار للجميع. ولي العودة مرة اخرى للصفحة حين تتحسن النت. الكوزينة راهي اتعيّط لي . قلت لها استناي اشويا . راني زاهية مع العسولات انتِ ماش رايح تهربي. دائما راني معاك ههههههههه حتى الكوزينة ماطلقتنيش.

:d:d:d

اهلبن بالغالية غزالة والله كنت خارجة لقيتك قلت نسلم عليك ونقلك طريق السلامة لابنك ربي يرجعهولك بخير وعلى خير ويكمل دراستو وينجح وتفرحي بيه ونفرحو معاك
اما عن اختي للاسف راح تولي لروتين لي كانت فيه المهم ربي يرزقها بالزوج الصالح لي يسعدها ويفرحها

ام حمزة22 · 2015-08-31, 13:49

منال ومنير · 2015-08-31, 13:51

اقتباس:

المشاركة الأصلية كتبت بواسطة بقلاوة

و الله اختي منال و منير لقد أصبحت حساسة جدا لدرجة كلما أقرأ تعليق على كلامي أو دعوة خير تنزل دموعي، بوركت أختاه و كل من دعت لي دعوة طيبة في ظهر الغيب، غيرولنا الموضوع أرجوكم ، كاش طيابات اليوم ولا والو؟؟ انا غداي مرقة زيتون درتها البارح للعشا، و أنتن يا بنات؟ بدءا بك يا منال واش طيبت؟؟؟

انا اختي عاملة بسح راني ندير عشاء وغداء في ليل كيما البارح انا درت الحلبانة وزيدت شوية باش يتغداو اولادي كي جي عمتهم تسخنلهم الفطور برك وتتلهالي غير بصغيرة

ام سوهيل · 2015-08-31, 13:52

اقتباس:

المشاركة الأصلية كتبت بواسطة غزالة الصّحراء

تسلم الأيادي أختي ام سوهيل. ربي يحفظلك سوهيل على مواضيعك المميّزة. راهم ايشهيوا. من فضلك الوصفة إذا كان عندك الوقت. وشكرا لك مسبقا حنونتي.

مساء النور وش راكم لبنات

غزالة وش راكي هاكي الوصفة الي طلبتيها

فقط نصيحة متخليهش يقعد الغدوة ميوليش مليح

https://www.djelfa.info/vb/showthread.php?t=1761759

منال ومنير · 2015-08-31, 13:54

اقتباس:

المشاركة الأصلية كتبت بواسطة ام حمزة22

اهلبن بالغالية غزالة والله كنت خارجة لقيتك قلت نسلم عليك ونقلك طريق السلامة لابنك ربي يرجعهولك بخير وعلى خير ويكمل دراستو وينجح وتفرحي بيه ونفرحو معاك
اما عن اختي للاسف راح تولي لروتين لي كانت فيه المهم ربي يرزقها بالزوج الصالح لي يسعدها ويفرحها

اختي انشاء طريق سلامة لولدك ورب يكون معاك وصبرك فراق صعيب وانشاء الله يكمل الدراسة ويرجعلنا كامل انشاء الله بشهادة عليا ويفع بلدو
امممممممممممممممممممممممممممممممممممممممن

غزالة الصّحراء · 2015-08-31, 14:00

اقتباس:

المشاركة الأصلية كتبت بواسطة منال ومنير

انا اختي عاملة بسح راني ندير عشاء وغداء في ليل كيما البارح انا درت الحلبانة وزيدت شوية باش يتغداو اولادي كي جي عمتهم تسخنلهم الفطور برك وتتلهالي غير بصغيرة

أهلا ومرحبا بك اختي منال ومنير . ربي يوفقك دائما. وبصحتكم واش طيبتي. وربي يحفظ لك أولادك ويطوّل في عمرك وتحضري لأفراحهم.
أختي منال حنونتي أوليدي لكبير بسلامتو هو ألي راه رايح لفرنسا باش ايكمل أقرايتو. أدعولوا معايا اينجحوا ربّي ويوفقوا ويبعد عليه البلاء. انا بأمس حاجة إليكنّ.

غزالة الصّحراء · 2015-08-31, 14:04

اقتباس:

المشاركة الأصلية كتبت بواسطة ام سوهيل

مساء النور وش راكم لبنات

غزالة وش راكي هاكي الوصفة الي طلبتيها

فقط نصيحة متخليهش يقعد الغدوة ميوليش مليح

https://www.djelfa.info/vb/showthread.php?t=1761759

أهلا بك أختي أم سوهيل . ويار بّ العائلة كامل بخير. خصوصا سوهيل. يعطيك ألف عافيّة على الوصفة وشكرا جزيلا على الملاحظة. اللّه لايحرمنا منك ومن مواضيعك.

ام حمزة22 · 2015-08-31, 14:06

اقتباس:

المشاركة الأصلية كتبت بواسطة منال ومنير

اختي انشاء طريق سلامة لولدك ورب يكون معاك وصبرك فراق صعيب وانشاء الله يكمل الدراسة ويرجعلنا كامل انشاء الله بشهادة عليا ويفع بلدو
امممممممممممممممممممممممممممممممممممممممن

حبيبتي ام منال راكي غلطتي غزالة هي لي وليدها رايح يسافر لدراسة ربي يرجعو بخير وعلى خير

ام سوهيل · 2015-08-31, 14:07

مرحبا بي العائدات ام جوجو توحشنلك وعودة ميمونة

روح موراد وش راكي ربي يخليلك العيلة نتاعك ويرجعلك ميمتك سالمة غانمة

غزالة مبروك على وليدك نشاء الله تشوفيه في اعلى المناصب

ام حمزة وسلمى وحياة نوردين وكل الاخوت الاخريات سلمي ليكم كامل

انا اليوم صيحت على هاد القاطو باش يشربو بيه القاهو

هنا قبل ما يطيب

وهنا بعد ما طاب وتزين

وهادا فطوري اليوم

وهادا معقود