دورة " اللَّهُم بلغنـــــا رمضان 1438 لا فاقدين و لا مفقودين

[ام تينة]

"لا حول ولا قوة إلا بالله"
فإنها تشرح البال
وتصلح الحال
وتُحمل بها الأثقال
وترضي ذا الجلال

[ام تينة]

كيف حااالنا مع القران اجيبي بينك وبين نفسك اخيتي

لاتهجروووووووووووووووووووووووووووووووووووووووووووو ووووووووووووووووووووووووووووووووووه

[arwa alaa]

اهلا ام تينة
اختي رويدة لوخرين رطب يغسلو مليح ولا الي حطيتي خير اسمحيلي هبلتك

[حياتي كلها امل]

السلام عليكم اختي رويدا انا نفس الطريقة للاحتفاظ بالمعدنوس والحشيش ويبقى مدة طويلة مليح
ام شمسو شكرا على طريفة تجميد اللحوم

[ام تينة]

نفدَ صبرك؟
ضاق صدرك؟
تملكك الهم؟
حاصرك الغم؟
اصرف لنفسك علاجًا سماوياً
ورقة مصحف تقرؤها
وتلاوة تسمعُها
وركعات تُصليها*

[ام صفصف]

صباح الخير على احلى فراشات، ان شاء تكونو كامل في احسن الاحوال
رويدا،اروى، ام شمسو بارك الله فيكم على النصائح المقدمة.
ام هجر ، والله فرحت كي جربت لحبل وعجبك، انا اعتمدو صديق وفي في المطبخ، يعني بمجرد ما نشوف ماعون بدا يتغير لونو ، نستعملو.

[omelbanin]

السلام عليكم يا فراشات
شكرا ام شمسو ورويدة ماشاء الله عليكم فحلات الله يبارك
انا مازالني مع غرفة النوم اليوم نظفت السقف ونحيت لي ستور وغسلتهم نظفت النافذة والباب

[ام شمسو محمد]

حبيبتي الفجر القادم من الافضل تيبسي الفول و تقشريه و تخبيه و كي تحبي تستعمليه بيتيه في الما قبل ما تطيبيه .
و الفلفل احنا دائما نجففوه و نطحنوه منزليا ..( نستعملوه حاااااااار ) ...تفقدي كل حبة فلفل و تخلصي من الحبات اللي فبهم الكحولية او بقع بيضا او ريحة مغايرة ....اغسلي كل حبة بالما السخون و امسحيهم بطرشونة نظيفة .
و على حساب منطقتك و سكنك تقدري تجففيهم لداخل او برا ...اذا كان عندكم الرطوبة او المطر او ما عندكش وين تنشري تقدري تجففي لداخل في غرفة معتدلة مافيهاش الرطوبة خاطر الرطوبة تخليهم يتعفنوا .....حطيهم في بلا و ديريهم في مكان تدخل ليه الشمس و تكون الغرفة فيها تهوية ...و كل يوم قلبيهم ..خليهم اسبوعين .
باش تجففي في الخارج خصوصا في المناطق الجافة و المشمسة كيما عندنا ....حطي الفلفلات على درا للشمس قلبيهم كل يوم و دخليهم في الليل ...خليهم حوالي اسبوعين و كي ينشفوا اللي تحبي ترحيه و اللي تحبي تحتفظي بيه احنا نقولولو راموش نديروه في المراقي و الشخشوخة و العيش يبقى سنوات ما يروحلو والو

[ام شمسو محمد]

اروى الزنجبيل باش تجففيه ...اغسلي الجذر و قشريه و قطعيه شرائح متساوية باش ينشف مع بعضاه ...حطي الشرائح كل قطعة لاصقة في اختها فوق papier sulfurisé في بلا تاع فور ...شعلي الفرن على اقل درجة و خلي الباب شبه مفتوح ..خليهم ساعتين او اكثر مع تقليب الشرائح من وقت لاخر ..... .خرجيهم و حطيهم يبردو

[arwa alaa]

شكرا ام شمسو راح نجرب الطريقة ونقولك
ام شمسو وحد المرة شيحت الفول مقشر فسد كيفاش تشيحيه

[ام شمسو محمد]

بما انو الفرااااشاااات انطلقوا في تنظيف غرف النوم...راح نتكلموا على هذا الموضوع ..

تنظبف غرف النوم :

حضري ادواتك : قفازات ، اسفنجات ، شيفونات ، مكنسة و منشفة ، اكياس قمامة ، طابلية ......

وجدي منتجات التنظيف :

سائل الاواني ، جافيل ، منتج تنظيف متعدد الاسطح ، بيكربونات ، قارص ، خل ابيض .....

تقدري تديري خلطات تنظيف بمكونات مختلفة :
في بخاخ خلطي الثلثين ما و الثلث خل ابيض و ملعقتين سائل الاواني .
او خلطي في وعاء : 1 لتر ما سخون + نص فنجان بكربونات + نص فنجان خل ابيض .

ثم انطلقي في التنظيفات :

1_ ارمي ...افرزي ...احفظي : طبقي هذا المبدا في الخزاين ، لي تابل دونوي ، القجور ....
تخلصي من كل الاغراض اللي ما تحتاجيهاش :
* اللي ما استعملتيهمش من اكثر من سنتين .
* اللي ما تتناسبش مع اسلوب حياتك .
* اللي ندمتي كي شريتيهم و مخبيتهم "au cas où" .
* الي مقطعين او مكسرين و مخليتهم فقط للذكرى او للقيمة العاطفية او على امل اصلاحهم ..
* التحف و اغراض الزينة الزايدة .

2_ نحي الستائر اغسليهم .

3_ نظفي السقف .

4_ نظفي لوستر مع الحذر بقطع الكهرباء و ما توقفيش تحتها .

5_ نظفي الحيوط و البيبان .

6_ نظفي القواطع و لي بريز .

7_ نظفي النوافذ من الخارج و الداخل .

8_ نظفي قطع الاثاث و المصابيح .

9_ نظفي و رتبي السرير و الماتلا و اغسلي الدراوات و المخاد و الزورات و الكوات .

10_ اغسلي التابيات .

11_ اغسلي الارضية بعمق .

[ام شمسو محمد]

اروى الفول خليه يشيح في قشرتو في مكان بارد و جاف و بعيد على الضو ...كي ييبس قشريه و خبيه .
تقدري ايضا تقشريه و تكونجليه ما يروحلو والو

[الفجر القادم]

المشاركة الأصلية كتبت بواسطة ام تينة

سلااااااااااامتك من الزهايمر اختي الفجر القادم نحبك في الله ونحب كل اخواتي بوركتن

شكرا حبيبتي ام تينة،احبك الله الذي احببتني فيه اللهم الف بين قلوبنا و اجعلنا اخوانا على سرر متقابلين امين، و جوزيت خيرا اخيتي على المجهود المبذول و لا تهني و لاتحزني لاننا كلنا اذان صاغية و اعين مبصرة،بارك الله فيك و في اهلك.

[الفجر القادم]

الف شكر حبيباتي اروى و ام شمسو على التوضيح، و بوركتما اختاي،شكرا اخيتي رويدة على النصائح لي تقدميها انت و كل اخوات الحاجة لي نحوس عليها نلقاها هنا في الدورة، ربي يدومها لمة.
مرحبا ام البنين و حياتي كلها امل،ان شاء الله اموركن بخير.

[الفجر القادم]

عفوا منك اخيتي ام صفصف كيف حالك؟ و حال العائلة ان شاء الله الكل بخير.