~~واش طيبتي اليوم؟! الجزء 91 اهلًا اهلًا بالعيد~~ - الصفحة 41

Simassim · 2014-09-30, 11:53

كنت نطل بالتلفون برك والنت تروح وتجي وزيد راني نظل نجري ورا ولدي صاب الصغار والوسع
هههه ملك نورهان اليوم غدانا عدس رجال ماراهمش هنا
حقا طهرت لولدي تهنيت منه بصح راه لاصق فيا صورت ولدي كان يلعب بتليفون محالي تصاور وخسرلي تلفون زعمة حبتوا يسكت هرسولي
والله توحشتكم بزااااااااااف

مرام والله عرفتك غي هاد المرة بصح دخلتي لقلبي ودايما ندعيولك ونهار تتزوجي من فرنسا وانا زغرتلك ونجيك بلاعرضة لول. الحمد لله تحسنت حالتك وربي يرزقك العافية ويهني قلب يماك عليك وتفرحيها يارب

malek nour hane · 2014-09-30, 11:57

سيماسيم مبروووك على وليدك صار ختنتيلو و ماعرضتيناش...الكواليس دبر راسك تجيبيهم ههه....و ادخلي للدرشة تعيشي محتاجاتك

kaouka · 2014-09-30, 12:02

سمسم مبروك لوليدك ﻻعقوبه ﻻزواجو نشاء الله الف الف الف الف الف الف الف الف الف الف الف مبروك

Simassim · 2014-09-30, 12:02

بالنسبة للعيد فأدرنا نفطروا على الملفوف بالكبدة و نديرو الطحال والقلب ووووو. مشووين على الفحم معاهم سلاطة ونزيدو المخ ماما تطيبهم بالصوص والبيض
والعصر نحطو بوزلوف مبخر للحاج والليل يشووا اللحم
نهار الزاوج نروحوا نفطرو عند عمي نجتمعوا كامل يديرو الطعام ويشووا كل واحد يجيب طرف لحم باش ندوقوا من كباش عمامي وعماتو
وفالليل نشوو ا. ونبعد مسلسل الشي دائماً خص يكون وإلا اخي يديرلنا العرس هههه
نهار ثالت عيد نديرو دوارة و نهار رابع عيد نديروا زيتون بالرقبة فالفطور والشي نخلوه فالليل نكونوا مجتمعين يديروا الفحم

بصح دار شيخي عاداتهم مختلفة

نخليكم نروح نوجد فطور وليدي

عائشة حسان · 2014-09-30, 12:03

السﻻم عليكم
اهﻻ سماسيم ومبروك على وليدك الختانة العاقبة لزواجه يارب
مﻻك ربي يجيبك لبﻻدك لماليك على خير
مراااام الف الف الف مبروك وال حمد لله يارب كي بديتي توقفي عقبال ما تمشي وتسبقي مﻻك في السباق والعاقبة لزواجك يااارب اكثري من الاستغفار اختي ففيه الفرج الكثير
والبقية بدون استثناء يعطيكم الصحة على كل ما تقدموه وعيدكم مبارك مسبقا وكل عام وانتم بخير

kaouka · 2014-09-30, 12:04

اقتباس:

المشاركة الأصلية كتبت بواسطة malek nour hane

هههههههههههههه معولة تفوتيني ولا مرام ...ان شاء الله نشوفوك احلى عروس و نديرولك اروووع عرس انا قريبة ليك اعرضيني برك خخخخخ مانقولش لالا
وش درتو غداكم...درت حمص ام كوثر و الحمد لله................خخخخخ شوفو وصلت للالف ولا مزال؟؟

ركي قريب وعله ركي قلق وشراكي حنونة نهر تروحي رح تخلي سمطا ديري لنترنات في دارك هك به تقعدي ديما معانا

عائشة حسان · 2014-09-30, 12:06

نسيت ما قتلكمش درت للعيد قاطو بوسو وﻻ تمسو ودرت قاطو مول الشاش من قناة سميرة وجربت صابلي نص بنص ﻻم اماني الرائعة ونزيد البقﻻوة وادا بقالي الوقت نجرب مقروض ام انس وهديل

x ام رحاب x · 2014-09-30, 12:09

مبروك على وليدك لعقوبة لزواجو يارب سيماسيم
عائشة حسان انت تاني كل عام وانت بالف خير
نور ملاك ان شاء الله نهار الي تدخلي بلادك بالف خير رانا كامل نستناوك بقلوبنا

malek nour hane · 2014-09-30, 12:14

سيماسيم اييي العيد عندكم متول اجواء روووعة
عائشة حسان بصحتك القاطو بالفحلة ياعمري عالبقلاوة امممم..و القاطو بوسيهولي بالاك تمسيه
كوكا يا كوكا اني قريب نروح ان شاء الله قدمو نمحيكم خخخخخخ ..النت الله غالب مكانش حانتوحشكم نورمالمون ديرو بوز حتى نولي خخخخخ...ان شاء الله كي نروح تصلح يديرو النت و نتواصلو..وش غديتيهم
عطر مازلتي مع القاطو...قوليلي وش درتي قتلني الفضول ...ماتنسايش لابار تاعي ههههه وكتاه تدخلي قريب نروح واااع
ليزا توحشتك ادخلي يابن عمي حاتخليهالي حرقة فقلبي

malek nour hane · 2014-09-30, 12:16

ام رحاب وشراكي ان شاء الله راكي لاباس....وش وجدتي للعيد ..وش درتي للغدا ااامممم
صح غداااكم كااااااامل

ام ندى 87 · 2014-09-30, 12:22

سيده كارمن وام رحاب ننضم للمجموعه حتى انا زوجي يكون خدام نهار العيد الله غالب في سبيل الوطن والله غير راني مقنوطه من نهار تزوجت وانا نعيد وحدي كي العيد صغير كي لكبير والله سامطتلي

malek nour hane · 2014-09-30, 12:25

احم احم خخخخ قفلت الالف واخييييييييييييييييييييييييييييييراا باركولي هيا حطو القاطو هههه

kaouka · 2014-09-30, 12:28

ملك ركي قريب تولي عندك 100 رني نحسبلك خخخخخخخخخخخخ صح غداكم كملين ولي سيمين ﻻتنسونا بدعاء ولكم بمثل انا نروح ريح نقرأ منعرف كشما نهز abcd خخخخخخخخخخخخ قلك كيشب كملوها هههههههههههههه من بعد

ام ندى 87 · 2014-09-30, 12:29

مرام ياعمري ربي يشافيك شفاء تام والله غير فرحتلك يا توامي ههههه
سماسيم الف مبروك على وليدك لعقوبه لوليدي راني خايفاتو علابالي يلصق فيا
ملاك وين تروحي وتخلينا والنت راهي ساهله باه دخليها مابقاتش كي بكري وكاين عدة حلول اخرى

عائشة حسان · 2014-09-30, 12:41

ملوووووووكة الف الف الف مبروووووووووووووووووووووك وصلتي الالف
هكا تقدري تبعثي الرسايل
عقبال ما تديري النت في دارك