الاخت yarasmin26 ترد على استفساراتكم هنا - الصفحة 41

فوزية1975 · 2013-11-26, 06:57

اختي نريد قلاصاج الشيكولة بالقياسات المضبوطة و شكرا

fatima adem · 2013-11-28, 16:33

momkine tarikat makrroute

nor bella · 2013-11-29, 16:06

السلام عليكم
اختي حبيت نسقسيك على عجينة البقلاوة حبيت مقادير و نوع الزبدة و الفرينة المليحة و طريقة التحضير و مشكلتي انها ماتجينيش مورقة و زيد العجينة تبعدلي على الحشو
في انتظار ردك شكرااااااااا

ماريام · 2013-12-01, 14:03

حبيبتي ممكن وصفات لانواع حلويات الاعراس صديقتي خطوبتها هاد الشهر وحابتني نعاونها وانا قلت غير حبيبتي الي تعاوني ربي يعيشك

<نَجْمَاتْ> · 2013-12-02, 07:58

اختي اناحابة نسقسيك على كرام شونتي انا نديرها جيني تقريبا تشبه لاموس يعني كي قارنت بين تاعي وتاع ام رامي اللي دارتها في عيد ميلاد بنتها تاعها متماسكة

ربي يحفظك اعطيلي الطريقة الصحيحة وشكرا شكرا

ام محمد 05 · 2013-12-02, 09:46

من فضلك اختي حابة نسقسيك على كايك المحلات سيتيها ولالا واذا حبيبتي سيتيه ربي يحفظك قوليلي درجة حرارة الفرن كم

ام سراج وملاك · 2013-12-02, 12:31

اهلا اختي نتمنى منك تعطيني كشما وصفة قاطو بنين يكون طري واقتصادي في نفس الوقت لاني محتاجاتو عندي مناسبة نتمنى انك تردي عليا في اقرب وقت وشكرا .

اميرة الحب22 · 2013-12-02, 15:13

مسهء النور كيفاش نقدر نشارك ونحط الصور

مينيفر · 2013-12-03, 21:41

السلام عليكم
أريد أن تعطوني مقادير كعك النقاش بالسميد وجزاكم الله ألف خير

ome dadi · 2013-12-04, 00:07

سلام عليكم اختي ياسمين اريد معرفة مقادير بريوش كما يتبع في المخابز مشي كما اندره في الدار لآن هذاك نعرف

المقادير وشكررررررررررررا

xana · 2013-12-04, 11:27

السلام عليكم ممكن اختي وصفت كريمة الباتيسري الي جي خفيفة و مافيهاش بنة الزبدة

ام محمد 05 · 2013-12-05, 11:29

الله يعطيك متتمناي ويفتح عليك يارب راني سيت وصفة كايك المحلات نتاعك وجاتني روعة روعة والله مثل الي تتباع ربي يجازيك كل خير وحابة نسقسيك راني شاتية ندير بيتزا مي حابتها كيما نتاع برا اذا تعرفي من فضلك اعطيني المقادير وبربي نشاء الله نسي وصفاتك كامل ونرد بالخبر وربي يعاونك واسمحيلي طولت عليك

ابو عبد الجبار · 2013-12-06, 08:29

السلام عليكم ورحمة الله و بركاته
هناك قاطو تاه الشمسية يقطع مليح و اقتصادي و كاين كذلك تاع الرخامية بطابع السيليكون بنين بزاف و اقتصادي و كاين قاطو كلني و اشكرني و قاطو آخر بطابع المعمول
قاطو الشمسية :
10 حبات بيض + 10 كيسان تاع لاتاي زيت + كأس و نصف سكر عادي + 2 لفاني + قشور حبة ليمون إن وجد لديك +1كغ مايزينة + 4خمارة تاع القاطو تكمل تروان بالفرينة
من بعد تشكليهم كويرات و تحطيهم في صينية تكون سخونة شوية و تطبعيهم على الصينية مباشرة بطابع الشمسية استعملي الجزء الداخلي تاع الطابع فقط و ضغطي مليح متخافيش ، تكوني من قبل بعدتي بين كويرة و اختها باش مين تشكلي الطابع ميتلصقوش
مين يطيب ديري حبة فوق حبة لصقيهم بمربى المشمش طبعا و زيني الحواف بنواد كوكو
و ديري في الوسط نقطة من المربى أو بإمكانك مين تشكلي الكويرات تكوني نزعتي شويا عجينة وزيديلها كاكاو و ديري كويرة صغيرة تاه العجينة لي درتي فيها كاكاو في وسط الكويرة تاع العجينة مين تطبعيها تجي شابة
أما تاه الرخامية :
500 غ مارغرين طرية + 2 كيسان سكر عادي + 4 حبات بيض كاملين + 4 صفار أي تحتاجين لـ8 حبات + 2 خمارة تاع القاطو + 2 لفاني + 4 مغارف تاع مايزينة + فرينة مين تلمي العجينة خليها طرية شوية و زيدي لثلث تاع العجينة كاكاو بعدها شكلي حرابيش في كل جزء من تاع سيليكون ديري حربوش عجينة عادية + حربوش تاع الكاكاو تفبهم على بعضهم البعض و ديريهم في الوسط بعدها تضغطي على العجينة ببطء باش تحصلي على شكل الحبة ملاحظ فقط تكون العجينة في نصف السيليكون لاخاطر تخمر الحبة
مين يطيبو و هما سخونين دري فوقهم سكر ناعم
هذه نقلتها من قناة سميرة جربتها و نجحتلي الحمد لله
قاطو كلني و اشكرني
500 غ مارغرين طرية + 1 كأس سكر ناعم + أقل قليلا من كأس كوكاو مطحون مليح + 1 لفاني + 1 خمارة + 2 مغارف كاكاو + فؤينة
تحليها بالحلال و تشكليها بأي طابع تحبيه أنا درتها بطابع تاع الدمعة كل ما يكون الطابع صغير تكون الحبة ظريفة المهم رقي العجينة خاطر غادي تلصقي حبة فوق حبة
إما تلصقيها بالمربى عادي أو خليط يتكون من : 250 غ مارغرين طرية + 5 مغارف كبار مربى المشمش ، أنا درتها بالمربى عادي
بعد ما تلصقي حبة فوق حبة غمديها في الشيكولاطة و زينيهي من الفوق بأي شيء يكون عندك قادرة ديري زيقزاق تاع الشيكولاطة
أتمى لك التوفيق

Hemal · 2013-12-08, 19:23

salam hébite nsaksi kiféh nkat3o makroule louz béch ijiwna gé3 kifkif tol ou 3ord merci

ranimranim · 2013-12-12, 19:19

اقتباس:

المشاركة الأصلية كتبت بواسطة أم ياسين الزهراء

سؤال هو حبيت ندير قلوب الجلجلان وحرت كاين وصفة مافيهاش البيض واخرى فيها البيض واخرى تتعسل واخرى ماتتعسلش تلفتلي حابة نجربها وحصلت واش رايكم اللي تجاوب تكون جربتها هكى على بالها افضل وشكرا

الوصفة مافيهاش البيض راني جربتو وجاني روعه جربيه بالمفادير التالية،نحط 250غ زبده مع100غ سكر عادي طلعيهم بالخلاط حتى تاخد شكل كريمي نزيد قرصه ملح فانيلا وتضيفي 380غ فرينه حتى تحصلي على عجينة طريه،شكلي كريات صغيره رمديها في الجلجلانيه محمصة شويه وضعيها في مول السليكون على شكل مربع او قلب اوبيضوي يكن قعرها منقوش بنفس الشكل مربع او قلب .....،واملئي ثلاثة ارباع المول لانه يتنفخ مع انه لا يحوي على الخميره،ضعيه في الفرن ،عند نضجه زينيه بالمعجون في الوسط