الطفولة والاطفال واسئلة الامهات

[khadija la brune]

المشاركة الأصلية كتبت بواسطة lyna2007

اختي الكريمة تجربتك ليست صحيحة 100 في 100 لان البوتي سويس يمكن تبداه من الشهر 6 وكذلك عصير وعصيدة الفواكه تبداهم من 6 اشهر وليس 09 اشهر بالنسبة لحليب الاصطناعي لازم بعد عليه مادام راهي تربي في بنتها وماكثة في البيت فحليب الام كافي وحده مدة 6 اشهر
بالنسبة للتيزانة الحلبة غير منصوح بها بتاتا للاطفال الرضع لانها تسمنهم ولن تعرفي الوزن الحقيقي لرضيعك هل حة ام سمنة
الكمون كذالك نضع 2او3 حبات فقط لاكثر السكر ممنوع كذلك للطفل مادون العام يعني حتى يبلغ الطفل سنة باش نبدا نضع السكر في اكله
وكلامي هذا صحيح 100 في 100

يا اختي انا هد الحوايج لي قلتهم لختي ماشي قالولي عليهم انا مجربتهم و هكدا ربيت ولدي بيهم و راه غايا الحمد لله و بصحة جيدة و ما عانا من اي مرض و الحمد لله و بالنسبة للحليب انا ولدي رضعته و مازال نرضعه من صدري و ناويا نكملهاله حتى كي يدير عامين و انا رديت عليها على خاطر قالت نديرلها الحليب فالليل .
و التيزانة لي قلتي عليها تسمن هدي قاع مكانش منها و الغريان لازم تعطيه التيزانة باه يديقاجي و وانت في ميزك تعطي التيزنة للغريان مرة كي غادي يشربها صافي قاع ما يدوقش طعم الحلاوة حتى كي يدير عام هدي راكي غالطة فيها

[lyna2007]

المشاركة الأصلية كتبت بواسطة khadija la brune

يا اختي انا هد الحوايج لي قلتهم لختي ماشي قالولي عليهم انا مجربتهم و هكدا ربيت ولدي بيهم و راه غايا الحمد لله و بصحة جيدة و ما عانا من اي مرض و الحمد لله و بالنسبة للحليب انا ولدي رضعته و مازال نرضعه من صدري و ناويا نكملهاله حتى كي يدير عامين و انا رديت عليها على خاطر قالت نديرلها الحليب فالليل .

و التيزانة لي قلتي عليها تسمن هدي قاع مكانش منها و الغريان لازم تعطيه التيزانة باه يديقاجي و وانت في ميزك تعطي التيزنة للغريان مرة كي غادي يشربها صافي قاع ما يدوقش طعم الحلاوة حتى كي يدير عام هدي راكي غالطة فيها

اولا لم اقل التيزانة تسمن قلت وضع الحلبة في التيزانة تسمن لان الحلبة تسمن وروحي اسألي الطبيب يقولك
كما ان الحلاوة اللي راكي تتحدثي عنها مارانيش غالطة راني متأكدة
الطفل الرضيع لا يعرف ذوق السكر ان لم نعطيه اياه والاطباء في العالم باسره يرفصون اعطاء السكر للطفل في العام الاول له

ومن فضلك لا اريد جعل هذا الموضوع اخذ ورد بيني وبينك اذا كان لديك معلومات تريدين ان تنصحي بها الاخوات ماعليك الا الذهاب الى موضوع جديد واكتبي معلوماتك

فيها كما تشائين صحيحة ام خاطئة
بالتوفيق

[_lydia]

المشاركة الأصلية كتبت بواسطة lyna2007

وفيك بركة
نعم تقدري تسخني بيه واذا كان مايسخنش مليح او كان يخرج هواء وتشمي الغرفة فيها هواء مش نقي فمن الافضل تشري ريزيستونس اومدفأة تع الكهرباء
بالنسبة بوتي سويس نحيه لها معليش فالرضاعة تكفيها
بالنسبة للباس نعم يكفي ولازم تشوفي لما تمسيها تلقاي جسمها دافئ ويديها ايضا ديرياهاالقفازات الصغار راهم يتباعوا
ربي يحفظهالك

يعطيك الصحة اختي ربي يوفقك ان شاء الله

[mereyoucef]

انا بحكم تجربتي استفدت كثيرا من نصائح الاختlyna 2007 ارجو فقط ما تزعفيش و تبقاي فقط معنا و شكرا لك مرة اخرى

[imi25]

السلام عليكم
بارك الله فيك اخت لينا راني من متابعي موضوعك من الاول ما شاء الله فادني بزاف بزاف الف شكر
بنتي راهي كبرت الان عمرها 19 شهر ولحد الان مازال متغلقتش فتحة الراس (يعني تغلقت شوية ومزال شوية) وراهي تشرب كل يوم 1 مل من فيتامين د
ديتها عند طبيبة قالتلي عادي حتى تقفل عامين ونصف باه تنغلق بصح انا قريت عليها في الانترنت قالو لازم 18 شهر تنغلق
للعلم راني ساكنة في الامارات وكامل نعانين من نقص فيتامين د حتى انا وراني ندير ابرة كل شهر

[mereyoucef]

صباح الخيرالاختlyna 2007 في الحقيقة ابني عندو 3 سنين عندو مشكلة انو لايتكلم مع الناس يتكلم معي فقط و بطلاقة لكن مع الناس او الجيران او حتى في الروضة ما يتكلمش ابدا كيفاش تروحلو هاي الطبيعة شكرا

[ميلار القدس]

صباح الخير اريد ان اسال عن القماط الى متى يمكن ان ابقي ابني عليه علما اني الفه بهدف حمايته من نفسه وخطر الاختناق

[محمد بلقاسم]

أختي الكريمة بارك الله فيك و أنار لك دربكي كما نورتي دربنا بنصائحك القيمة,أريد أن أسألك عندي ابن عنده 3 سنوات أنجبته بعملية جراحية كما أنه لم يرضع رضاعة طبيعية كنت أعطيه الحليب الاصطناعي لكن الأن تقريبا لا يأكل تماماأي فاقد لشهية و أحيطكي علما وزنه 16 كغ و طوله 98 سم فهو طويل بالمقارنة مع وزنه هل هذا الوزن عادي أو ناقص و أرجو أن تفيديني بنصائحك و شكرا لك.

[عطر الازهار]

السلام عليكم
اين انت اخت لينا ؟متقوليش برك تخليتي علينا...........ان شاء الله مايكون الا الخير
عندي بنت عمرها عام و3 اشهر تعاني هدو الايام من الديدان الشرجية منيش حابة نديه عند الطبيب لاني كرهت منه خاطر نديها تقريبا كل شهر تمرض هادي المرة قلت منديهاش نديرلها دواء طبيعي من عند صاحبات الخبرة فالله يخليك اختي اعطيني الحل ادا عندك وربي يجازيك ان شاء الله
راني في الانتظار انا وبنتي المسكينةوالله غير راها تعاني ينوظها من النوم

[jouri adel]

سلام اختي مشكورة جزيل الشكر على النصائح المفيدة لي راكي تقدمي فيها
انا عندي بنتي عندها 4اشهر ونصف و عينها اليسرى تدمع مع افرازات درتلها اونتيبيوتيك مي عاود ولى واش تنصحيني يالاضافة زيزتها اليمنى فيها حبة بيضاءويابسة واش نديرلها و بارك الله فيك

[jouri adel]

سلام حبيت نزيد نصقصي على الاحمرار من الحفاظات عييت كيفاش نديرلها و ثاني خرجلها حب اسفل البطن افيدوني ارجووووووووووووووووووكم و شكرا

[yatoyato31]

مساء الخير اختي استعملي الدواء الاحمر راهو ناجح مئة بالمئة انشاء الله عن تجربة شخصية

[lyna2007]

المشاركة الأصلية كتبت بواسطة imi25

السلام عليكم
بارك الله فيك اخت لينا راني من متابعي موضوعك من الاول ما شاء الله فادني بزاف بزاف الف شكر
بنتي راهي كبرت الان عمرها 19 شهر ولحد الان مازال متغلقتش فتحة الراس (يعني تغلقت شوية ومزال شوية) وراهي تشرب كل يوم 1 مل من فيتامين د
ديتها عند طبيبة قالتلي عادي حتى تقفل عامين ونصف باه تنغلق بصح انا قريت عليها في الانترنت قالو لازم 18 شهر تنغلق
للعلم راني ساكنة في الامارات وكامل نعانين من نقص فيتامين د حتى انا وراني ندير ابرة كل شهر

السلام عليكم
أختي الكريمة لازم تتبعي طبيب الاطفال وتنتظري الى غاية انغلاق الكامل للفتحة لا تقلقي لان هذا الامر راجع للمناخ وبالتالي هي مسالة وقت داومي على متابعة نصائح طبيبتك

[lyna2007]

المشاركة الأصلية كتبت بواسطة mereyoucef

صباح الخيرالاختlyna 2007 في الحقيقة ابني عندو 3 سنين عندو مشكلة انو لايتكلم مع الناس يتكلم معي فقط و بطلاقة لكن مع الناس او الجيران او حتى في الروضة ما يتكلمش ابدا كيفاش تروحلو هاي الطبيعة شكرا

اختي الكريمة ربما ابنك عندو الحشمة يستحي كثيرا

وفي هذا السن نقدر نعتبر الامر عادي فهو يخاف من كل ماهو خارجي مازالوا صغير لكن نعتبره مشكل بعد سن الخامسة يعني بعد بداية التامدرس فهذا الامر ان بقي عليه سيصبح مشكل وعائق

لكن اطمئنك ان في هذا السن الأمر عادي جدا فالأطفال يختلفون وهناك من لا يتأقلم مع العالم الخارجي بسرعة

انتي عليك ملاحظته في البيت ان كان يجبد روحوا ويستحي في طلب شيء ما
واذا كان عندوا اخوة لاحظي طريقة تعامله معهم
ادا كان الامر عادي فهذا يعني ان المسالة مسألة وقت فقط وسيزول هذ المشكل ان شاء الله

[nihale89]

السلام عليكم اختي لينا ابني عندو 3 سنوات
اصبح عنيف بعض الشيء ويعيد الحروف الاولى من الكلمة
حابة ندخلو للروضة لا للدراسة وانما ليتعلم التواصل الاجتماعي مع الاطفال
هل الروضة مفيدة ولا نخليه معايا في البيت احسن
وبارك الله فيكي