مجلس تــــألقي **هنا ملتقانا اليومي** - الصفحة 41

biba04 · 2013-09-15, 14:13

اقتباس:

المشاركة الأصلية كتبت بواسطة stayfiya

السلااام عليكم لحبااااب واس راكم رانيي معاكم في بث مباشر من عند لاكوافوووز علابالكم الخطابة جاين راني جبت ميما للصالون دوكوافير باش تستيكيها و مالا..! لااه. تدخل بطوماطيشة للضياااف عيييييْبْ هههههه راهي قاتلي ديرلها نيتواياج دو بو و تقصلها ديقرادي و ديرلها بروشينغ آليكستيريور واش رايكم و قلتلها ماتنساش المانيكير و قاتلي نديرلها عفسة بونيس من عند لاميزون هههههه هيا و من بعد

مرحبا سطايفية تهلاي في ميما مليح وماطوليش على الخطابة

stayfiya · 2013-09-15, 14:13

صحة ام ميمي و بيبا راني شفت الحطة نتاعك يامحاينك مزاتي دوري بالتيقري انا من الضربة اللولة درت الليكات قالي هتلر ههههه ضك بركييت بصح مابانتليش مليح فصالتها !!!! انا شوفي تيماجيني بلي سلكت وحدة و جبتها صورتها و قلبتها و قلبلي الصوارد ههههههه ياو سطايفية واعرة و البارير ملك خاص و البشماق اووسيي ضك شوية و نحطهم اي النت رايحة فيها طووول زعما الهضاب العليا ههههه

ام مريم اسراء · 2013-09-15, 14:16

بيبا راني عارفة النتيجة من ضرك و منخبيش عليك كنت خايفة من هاذ التحدي من اول ما اعلن عليه الاخ عمر و انتي ما شاء الله راكي في الميدان و خبيرة في القنادر يمالا راح تزيد نسبة خروجي الليلة
سطوفتي و اخيرا و الله لا كريمة رحتي ديتيها للكوافوز و راني نستنى في البونيس .... انا لعبتها حيلة قلت ندخل mima من الكوزينة لحطابة دايريكت ياك خالتها و تعرف الطبق المستور .... سطوفة خفي حطي الصور انتي و البنات

ام مريم اسراء · 2013-09-15, 14:19

متقوليليش سطوفة شفتي شاطرة و تتهمي فييا و تقولي ام مريم واعرة يا راني ديت غير الشيعة
لو كان غير دبرتيلي في وحدة من لقنادر الي حطيتيهم في رمضان خليتيني لتبهدايل و تزيدي تقولي تيقري راكي ربيتيلي الخباط
ايا خفي جيبي ميما راهم الحطابة في الطريق و الا تحبي تجي من وراهم

ام مريم اسراء · 2013-09-15, 14:21

اختي سمرجان خفي عاودي صغري الصور قبل ما ينقصلك الاخ عمر - 2 مزال مطلعوليش
يا هبة القندورة شابة ياسر و الباقي مبانوليش خلاص

سمرجان · 2013-09-15, 14:27

السلااااااااااااااااام عليكم لبنات راكم في القمة يعطيكم الصحة
ام مريومة عاودي اكتياليزي لاباج النت تبالي راهي عندك ضعيفة

سمرجان · 2013-09-15, 14:28

جوجو حبوبة ارواحي

عذراء الجبل18 · 2013-09-15, 14:30

ana had lmaRRa dkhalt fiha dakhla rous hhhhhhhhhhhh
wechraki samarjan rtahti chwya
lbnat hwayjkouuuuum 3AJBOUNIIIIIIIIIIIIIIIIIIIIIIIII BEZAAAAAAAAAAF

سمرجان · 2013-09-15, 14:33

نقول الحمد لله جوجو وانتي لاباس ؟؟؟اني عندي موعد درك مع الطبيب عليها زربت حطيط وهادوك راهم ضفاري خبش بيهم ههههراني نحي فالفاراني هههههه

ام مريم اسراء · 2013-09-15, 14:33

سمورتي راني شفت الحطة نتاعك شابة الله يبارك تشبه لقندورة هبة ان شاء الله تتاهلو للتحدي المقبل في انتظار سطوفة الي عملة فكرة لا تخطر على بال احد شفتو الاصرار و التحدي واش يدير

stayfiya · 2013-09-15, 14:34

واش قصة النت عندي جابلي غير الصبابط ياو القش ماخرجليش بفففففف

سمرجان · 2013-09-15, 14:36

يبارك فيك ام مريومة وبالتوفييييييييييييييييييق ليك ولكل البنات

ام مريم اسراء · 2013-09-15, 14:37

سطوفة راكي حابة تطلعينا لاتونسيو كيما الاخ عمر المرة الي فاتت .... ها احشمي و الله مغسلت المواعن و لا رقدت مريومة حطيهم ينوبك فيا اجر خليني نشوفهم و من بعد زعكيني نقيل

biba04 · 2013-09-15, 14:49

سمرجان وعذراء لبستكم باهية بصح الاكسسوار ماضهروليش ممكن الصور كبار
سطايفية رانا نستناو

ام مريم اسراء · 2013-09-15, 14:57

ياو فيفي وراكي متقوليليش راكي عند الحفافة يا خلاص عليك راح تعملي ل mima شينيو ها جري راني نستنى فيك انتي و سطوفتي طولتو الغيبة