وصفات من حراير مطبخ وش طيبتي اليوم

[lamia zina]

وصفة ام ياسين الزهراء
نتاسيبال هاكي وصفتي تاع المقرقشات ونديرهم بلا ماشينة معنديش

3 كيلات فرينة + 1كيلة ماشي معمرة نقصي حوالي زوج صباع ماشي تاع سنديرلا ليدام انا ندير المدينة مدوبة وباردة وخلطي مليح وزيديلهم 2 حبات بيض مع قرصة ملح ولمي بالماء واقسميهم قطع وحطيهم في صاشي ومنبعد حليهم مليح واقلي

[imene mimicha 05]

الوصفة اللي طلبتوها ...........
500غ زبدة
+2كيسان سكر ناعم +كاس نواد كوكو محمس
2 كيسان كاوكاو مقلي مرحي
+ نص كاس جلجلان محمس
+2 حبات بيض فانيليا
+1/2خميرة كيميائية
نلمد بالفرينة عجينة طرية ومالازمش تكون يابسة نعمل سارسو تاعي ونصفه في بياض البيض ثم في الكاوكاو مرحي خشن والنصف الاخر يبقى بدون ولاشئ بعدما يطيب النصف هذا نعمله شكلاطة و نزين حسب الذوق بالخليط الابيض


إضغط هنا لرؤية الصورة بحجمها الطبيعي.

[lamia zina]

وصفة الاخت lahna moka
بابا بالبرتقال:
في كاسرونة ذوبي 50 غ زبدة مع 2 ملاعق كبيرة برتقال
من جهة اضربي 2 بيض مع 50غ سكر حتى تولي كي الموس و بعدها زيديلها الزبدة الذائبة و مبشور برتقال و اخلطي ثم زيديلها 150غ فرينة مغربلة و كيس خميرة و ديري الخليط في مولات البابا و سوّيها و ديريها فالفرن حتى تحمار
في هاذا الوقت ديري 100 ملل ماء مع 100غ سكر و شوية مبشور وديريها فاق النار حتى تغلي 5 دقايق برك و نحيها زيديلها شوية عصير برتقال و كي يوجد خليه يبرد
كي يطيب البابا غمسيه في الشاربات بصح ما تطوليش باش ما يتشمخش مليح
ديريها في صحن و زينيها بالشانتيلي و شكلاطا مبشورة أو مبشور برتقال
بالصحة و الراحة
ملاحظة: هاذ المقادير دارتلي 10 حبات واذا أردت أكثر ضاعفي المقادير

[lamia zina]

وصفة ليزابال
ام أمنية لاباس على بنتك انشالله و ربي يشفيها في القريب العااااجل اااااامييييين
هاهي وصفة المعقودة سوفلي ليك وللغالية ريهام
نقي 3 حبات بطاطا متوسطين وإذا صغار ديدري 4 واغسليهم وقطعيهم و طيبتهم فالما والملح
في هاذ الوقت حضري عجينة الشو لي تكوني معتمدتها أنا طريقتي هي كالتالي
كأس ماء وكاس مشي معمرمارغرين طرية قرصة ملح حطيهم فوق النار حتى تذوب المارغرين تماماً نحي من فوق النارو ضيفي كأس فرينة مرة وحدة وخلطي بملعقة خشبية رجعي فوق النار مع الخلط المستمر باش تنشف من الرطوبة الزائدة نقلي في وعاء تبرد شوية و ضيفيلها 4 حبات بيض كبار و إذا كانو صغار ديري 5 حطي بالوحدة وخلطي حتى تتجانس مع العجينة زيدي أخرى و هكذا حتى تكمليهم
مين تطيب البطاطا صفيها مليح مالماء و مرسيها مليح بالفرشيطة ذوقيلها الملح و حطيها فوق عجينة الشو ضيفي نصف م ص فلفل اسود وخلطي مليييييييح حتى يتجانس الخليط قطعي 8 حبات فرماج لافاشكيري أو أكثر حسب الذوق و خلطي
ديري مقلة فيها زيت غزير تسخن و بملعقة ارفدي شوية خليط البطاطا و عجينة الشو و ملسيها بملعقة أخرى يعني حتى يولي الشكل بيضوي و املس و حطي فالمقلة مباشرة من الملعقة والنار تكون بين هادية و متوسطة راح تتنفخ حمريها من الجهتين تجئ خفييييفة و بنيييينة تهبللللل و فارغة من داخل و فيها الفرماج والله هااااايلة مممم حطيها فوق الورق الماص
اسمحولي بالاك طولت فالشرح وتبان صعبة بصح فقط باش نفهمكم والله سااااااهلة مااااهلة و ماتديش الوقت و ماتتحلش فالمقلة أنا عندي سنيييين راني نديرها وما تتملش

[*عاشقة الجنة*]

aphrodite16

صوص التوفي

كاس سكر و ربع كاس ماء و خليهم على النار حتى يولي لونهم دهبي
نحيهم من على النار و لوحيلهم شوية زبدة و خلطي
و خففيها بلاكرام فراش
انا كي ما تكونش عندي ندير الحليب مغليي و سخون نفسسس النتييجة

[ام رضوان*]

بارك الله فيكم يا شاطرات

[أنآحلُم]

ام محمد تاج

كيكة الميكرو اوند
2بيضات وزوج مغارف معمرين سكر عادي وفاني ومغرف صغيرة كاكاو ومغرف كبيرة زيت واربع مغارف حليب ونص باكي خميرة وحطيها في الكيسان ولا صحونة خاصين ومدهونين بالزبدة والفرينة وحطيه ثلاث دقايق وانا زدت ثلاث دقايق خريييين :d:d:d كي طيب نحيها وذرذري عليها السكر قلاصي

[lamia zina]

وصفة الهام
عفسة اللوز والكاوكاو ......للاقتصاد
حبيباتي بهذي الطريقة تقتصدو النصف يعني بدلا ماتشرو 100 ألف لوز تشريو غير 50ألف والطعم هوهو

وباش ماتقولوش بخلتنا هذي الرسالة اللي بعثت لطوكيو مانقصت منها حتى كلمة :


حبيبتي شوفي ديما تلقاي وصفات معالجة الكاوكاو باش يصبح لوز كاذب بصح في الحق والله يبقى ثقيل وماشي بنين خلاص ويبان كاوكاو الصراحة ماتعجبنيش الطريقة أفضل نشري اللوز بالغلاء وندير حتى لو شوية وجي مليحة وبنينة وتحمر الوجه على مثلا بقلاوة بالكاوكاو ماتتكلش وثقيلة
مالا خممت في هذي العفسة وجربتها في مقروظ فلة والله وتباتي ماتفيقي بيه باللي كاوكاو بصح لازم تخلطيلو لوز يعني هذا هو السر اللي يخلي الخدعة ناجحة 100/100
شوفي ديري كيلة لوز بالقشرة ( لانو القشرة فيها نكهة ) وزيد تعاونك تغطي طعم الكاوكاو وكي تشوفي بعينك الخليط ( للي ماعلابالوش ) يحسبو جوز + لوز وهو لوز + كاوكاو
الطريقة هذي مليحة بالخصوص كي يكون عرس ولازم كمية كبيرة تقتصدي بصح الاقتصاد مايكونش على حساب الطعم لالا والله يبان كامل لوز زيجي بنين يهبل :
تبعيني ضرك :

كيلة لوز بالقشرة ( في وصفة فلة درت حوالي 200دج لوز الكيلو يدير 1100دج )
+ كيلة كاوكاو ماشي محمص لأنو لو يكون محمص خلاص طفرت ماتقدريش درقيه باللي كاوكاو لازم يكون ماشي محمص ومايهمش بالقشرة أو بدون المهم ماشي محمص

حطيهم في الروبو وأرحيهم مع بعض عادي واقسميهم على 4 أقسام متساوية وهزي قسم كيليه هذيك الكيلة ديري قدها سكر
يعني ديري 4 كيلات مكسرات بكيلة سكر عادي ( باش الحشو مايجيش يابس ومايجيش حلو بزاف لانو من بعد يتعسل ) هذي الكيلة نديرها في كل انواع القاطو

+ فاني ( رايحة تعطيك ريحة روعة وتغطي ريحة الكوكاو )
+ شوية قرفة ( راهي من الأسرار اللي تخبي طعم الكاوكاو وتخليه يشبه للوز )
+ اكستري نتاع اللوز الحلو وليس المر ضروري يكون حلو ( هذا ثاني سر مساعد جدا )
+ بللي بماء زهر يكون ريحتو مليحة ماشي هذاك اللي كي الماء

ورجعيلي الخبر

حقة نصائح مقروظ فلة :
* العجين ما تنشفيهش كيما المقروظ خليه طري ويلصق شوية
* العجين القسم الأول تطرحيه عادي
* القسم الثاني والحشو تاخذي برايي حليه فوق كيس وحطيه مباشرة
* الصينية لازم تكون صغيرونة قطرها حوالي 30سم فقط
* أسقيها مليح وغطيها كيما قلب اللوز وخليها تبات باش تقطعيها لانو كي كليت منو وهو جديد ماصبرتش تحسي الدقيق مازال يتقرمش وكي يبات يطرى ويتشرب مليح

تعرفي كي يكون يطيب في الفور مممممممم على هذيك الريحة
ماتنسايش تغربلي الفرينة

تحياتي



باااااااااااااااي مروحة

[aphrodite16]

lahna moka



125غ مرغرين_ 1 بيض_ 3 ملاعق كبيرة نواد كوكو_ 2 ملاعق كبيرة سكر عادي_ ملعقة صغيرة خميرة الحلوى_ 1 ملعقة كبيرة ماء الزهر_ فرينة
التحضير:
اضربي مليح المرغرين مع السكر ثم زيديلها البيضة و النواد كوكو و ماء الزهر و اخلطي ثم زيدي الخميرة و الفرينة للحصول على عجينة مثل الصابلي ديريها كرات صغيرة اضغطي بيها في مول السيليكون(فالليل نصورلك المول تاعو) و ديريها فالفرن حتى تنضج
كي تطيب قلبيها و رشيها بالسكر الناعم و هنا زينتها بمعجون السفرجل الملون بالأحمر.

[فايزة44]

غريبية les rosaces


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


300غ زبدة ستار +200غ سكر رطب +م ص لاروم نتاع القهوة (او اكثر يبقى اختياري) + قرصة ملح +3 صفار + الفاني

والفرينة

نصيحة: خلي لعجينة جارية واخدمي بالشوية ...يعني متنشفهاش ضربة وحدة بالفرينة باسكو قادرة تشيحلك وانتي

مازالك تخدمي...

استعملي المحقن الاصفر اللي فيه 15 سنة او 11..لزوج يصلحو....ولوحيها تطيب في فرن مسخن اولا ...على نار هادئة

جدااا.....وكي تبرد لصقي حبة فوق حبة بــمعجون+حلوة الترك + جوز مرحي )

وزينيها بالديكوجال والحلوى الفضية ...وشهية طيبة

[هدى ام ريماس]

شكراااااااااااا هنيتينا من البحث

[oum ibrahim]

الهام 07
كيفية التزيين بالشكولاتة البيضاء و السوداء
تذوبي في نفس الوقت
* شكلاطة بيضاء في حمام مائي مع شوية حليب تخثريه بشوية حليب غبرة ممكن تحبي تزيدي فيها نكهة النوازات او البرالين أو نسكافي للبنة
* شكلاطة سوداء في حمام مائي مع شوية حليب او كرام فراش
الكلاطة البيضاء والسوداء تحاولي ديريهم شوية جاريين ماشي ثقال بزاف ، باش كي تصبيهم مايزربوش ينشفو حتان تكملي خدمة في عقلك
كي يوجدو في زوج :
تحطي الشكلاطة البيضاء في كيس التزيين ( كورني وإذا ماعندكشاستملي شكار حليب نظيفة )
ثم تصبي الشكلاطة السوداء على كامل وجه القاطو
وتقصي بسرعة طرف كيس التزيين بحيث تكون الفتحة خشينة شوية برك بصح لانو الشكلاطة جارية رايحة تسيح شوية والخطوط يزيدو يعراضو شوية
بسرعة جيبي عود الأسنان وديري خطوط من اليمين لليسار ثم العكس من اليسار لليمين وخلاص خليها تجمد وقطعيها

[oum ibrahim]

ريهام 16
"حلوة المنقوش"




المقادير

• 3 كيلات فرينة(كيلة=250 مل)

• 1كيلة نشاء (مايزينة)

• 1كيلة سمن طرية + 2 ملاعق زيت

• قرصة ملح

• لافاني

• 1كيلة سكر غلاص ناقصة 2 أصبع و نكملو الكيلة يالقزوز الأبيض الشفاف (ماشي ألي عندو لون)

• 2 ملاعق أكل ماء الزهر

الحشوة

• 500 غ غرس(عجينة التمر)

• 200 غ لوز مرحي و نسخنون(يتحمص) باش يدخل مليح في التمر و يطريه(تقدري تعرضيه بالجلجلان لمرحي)

• شوية قرفة

• لافاني

• قطرات من ماء الزهر(كل حلوة تاع تمر وتطيب في الكوشة نضيفلها ماء الزهر باش يبقى التمر طري )

• قرنفل(اختياري) أناو أعوذ بالله من كلمة أنا مانحطوش خاطرش قاطع

للتزيين

• عسل ثقيلة(أو معجون المشماش و نضيفولو شوية عصير البرتقال ) للدهن
  

• جلجلان محمص

القازوز من هذا النوع






إضغط هنا لرؤية الصورة بحجمها الطبيعي.








التحضير


في وعاء نخلط الفرينة+مايزينة+قرصة ملح+لافاني
ثم نضيف السمن + زيت و نبسس مليح
و في الأخير نضيف السكر غلاص الممزوج مع القزوز و دائما الخلط بأطراف الأصابع بدون عجن (القزوز كملاحظة بفعل الغازات ألي فيه تعمل كمادة رافعة للعجينة كما خميرة الحلوى)
و نضيف ماء الزهر



نترك العجينة ترتاح لمدة ساعة تقريبا


إضغط هنا لرؤية الصورة بحجمها الطبيعي.

في هذا الأثناء نخلط مكونات الحشو و نشكل حرابش تكون أغلض من حرابش تاع كعك النقاش (نستعين بشوية فرينة )


إضغط هنا لرؤية الصورة بحجمها الطبيعي.

نأخذ العجينة و نشكل حرابش ثم نحط الحشوة في الوسط و نغلق الحربوش باحكام (كما نديرو في المقروط غير الحربوش هنا اكون رقيق)


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.







نقطع على شكل أصابع بالميل




ثم ننقشو كل حبه حسب الرغبة(أسمحلو حبيباتي نقشي مراهش كما ماما الخبيرة هههههههه)


إضغط هنا لرؤية الصورة بحجمها الطبيعي.



كما تقدرو ديرو شكل ثاني للحلوة لكن الأصابع هم الشكل الأصلي لحلوة المنقوش و هو
تقطعو دوائر و تحطو الحشو في وسط دائرة

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


تغطى بدائرة ثانية تكون فيها حشو






و تنقش من تحت و نطلع للفوق
كما راه موضح في الصور






إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ندخلو الحلوة للفرن

وكي تطيب ندهن الوجه نتاع كل حبة بشوية عسل ثم نرش الجلجلان لمحمص من فوق

إضغط هنا لرؤية الصورة بحجمها الطبيعي.





و هذا شكلها النهائي حبيباتي


إضغط هنا لرؤية الصورة بحجمها الطبيعي.







إضغط هنا لرؤية الصورة بحجمها الطبيعي.




إضغط هنا لرؤية الصورة بحجمها الطبيعي.

[oum ibrahim]

ريهام 16
الوردة المنقوشة
المكونات

العجينة
هذه المقادير تقطع كمية كبيرة و اذا حبيتي أقسمي على 2 أو 4 المكونات

المقادير

• 400 غ مارغرين طرية (ماما أديرها بالسمن و جي روعة)

• 2 كيسان سكر غلاص(كأس= 250 مل)

• كأس مايزينة (نشاء)

• 2 باكي خميرة حلوة

• لافاني

• قرصة ملح

• 8 صفار بيض

• فرينة حسب ما تتلملك لعجينة

الحشوة

• الحشوة اختيارية تقدري ما ديريهاش(شخصيا أغلب الحلات ما نديرهاش) و مكونتها هي حلوة الترك أو مكسرات (حبات جوز مثلا)
  

للتزيين


عندك اختيارين

• الأول سكر الغلاص + معجون الفراولة (أو معجون المشماش + عطر الفراولة + ملون أحمر)*

• الثاني أنصاف حبات الكرز المصبر(les cerises confites )

التحضير


خلطي في صحن صفار البيض + خميرة الحلوة (خلط الخميرة مع سائل يفقدها نصف وظيفتها و هذا المطلوب باش ما تطلعش الحلوة بزاف و تحافظ على شكلها الجميل)


في وعاء ضربي المارغرين بالباتور + سكر غلاص(يمكن هذه العملية أديريها غير باليد )
زيدي قرصة الملح + لافاني
ضفي خليط الصفار مع الخميرة
و في الأخير ضعي المايزينة مع الفرينة حتى تتحصلي على عجينة تكون طرية شوية و ماشي يابسة

أدهني قوالب الديزيات و رشيهم بالفرينة (كاين عدة أنواع من القوالب لكي الاختيار المهم تكون عالية في الارتفاع )


إضغط هنا لرؤية الصورة بحجمها الطبيعي.

أعملي كور كما تاع لمشوك
اذا حطيتي الحشو ألي هو حلوة الترك أو حبة من المكسرات أغلقي جيدا عليها و عاودي كوريها






إضغط هنا لرؤية الصورة بحجمها الطبيعي.



ثم حطيها في المول ألي يكون مدهون و مرشوش بالفرينة و سوي السطح مليح باش اتكوت الحلوى على مستوى واحد(زعمة خبيت صبعي و وريتلكم بيد الملعقة هههههه)


إضغط هنا لرؤية الصورة بحجمها الطبيعي.







ثم أغطسي أصبعك في الفرينة و أعملي حفرة في وسط الحلوى(ما تضغطيش حتى قاع المول حتى وسط حبة الحلوة فقط)








إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.
أحكمي النقاش و نقشي ساير داير (tout autour)تبعي حسب براج المول








عاودي أضغطي في الحفرة بواسطة الأصبع باش تأخد الشكل الجميل


إضغط هنا لرؤية الصورة بحجمها الطبيعي.





إضغط هنا لرؤية الصورة بحجمها الطبيعي.







إضغط هنا لرؤية الصورة بحجمها الطبيعي.





أدخليها للفرن المسخن مسبقا


كي أطيب رشي على الحلوة السكر غلاص بواسطة المصفاة
بعدها ضعي حوالي ½ ملعقة قهوة من معجون الفراولة في وسط الحبة(مكان الحفرة)


و تقدم


بالنسبة للنوع الثاني


أنقشي و تركي الوسط دون نقش(أملس)






إضغط هنا لرؤية الصورة بحجمها الطبيعي.





إضغط هنا لرؤية الصورة بحجمها الطبيعي.



و حطي في الأخير نصف الكرزة المصبرة ألي تكوني غطستي أسفلها في بياض البيض باش يثبت خلال الطهي




إضغط هنا لرؤية الصورة بحجمها الطبيعي.







إضغط هنا لرؤية الصورة بحجمها الطبيعي.





إضغط هنا لرؤية الصورة بحجمها الطبيعي.

بعد الطهي حطيها في des caissettes و قدميها (بلا ما ترشيها بالسكر غلاص)


هنا خلاص الترافيك ههههههههههههههههههههههههههههههه خسارة عندي غير صور نهائية للنوع الأول





نتمنى الوصفة راهي واضحة للجميع

[oum ibrahim]

lahna moka
وصفة التيراميسو بالبرتقال:
250غ جبن الريجيم_ 3 بيض_ برتقالة_ 6 ملاعق كبيرة سكر_ ملعقة صغيرة ما شي معمرة مايزينة_ فانيلا_ أصابع les boudoirs
التحضير:
وجدي أولا un coulis d'orange: ديري في كاسرونة عصير برتقالة و 2 ملاعق كبيرة ماشي معمرة سكر و شوية من مبشور البرتقال( ما تكثريش باش ما تجيكش مرّة) + المايزينة المحللة في شوية تاع الماء و خليها على النار حتى تثقال نحيها و خليها تبرد.
من جهة فرقي الصفار و البياض و طلعي البياض كالثلج مع رشة ملح.
و في اناء آخر اضربي الصفار+ الفانيلا مع 4 ملاعق سكر الباقية حتى تحصلي على شكل mousse زيديلها الجبن و اخلطي ثم بعدها البياض و اخلطي بلطف.
في كؤوس ضعي طبقة تاع كريمة البرتقال و فوقها الأصابع المغموسة في عصير البرتقال (هاذاك اللي نشروه في قرعة) و فوقها الكريمة تاع الجبن و زيني بباقي كريمة البرتقال.
بالصحة و الراحة.