الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة حياة نور الدين

اهلاااااااااااا

أهلا بك اختي حياة نور الدين. كيفك وكيف أحوالك واحوال الأمورتين؟ . بالمناسبة البركوكس أنتاعك هايل. وخاصّة وهو حار . رايح انزيد انديرو بطريقتك. راكي عارفة . قد مانديروا نعشقوا. وشكرا على ردودك العطرة. ربي ايطوّل في عمرك وتحضري لأفراح الأمورتين.

[غزالة الصّحراء]

المشاركة الأصلية كتبت بواسطة بقلاوة

صباج النور عليكم يا بنات يومكم طيب ان شاء الله

وصباحك منوّر ، نوّرتي عسولتي البقلاوة. واش راكي عسولتي؟ ياربّ اتكوني بألف ىخير.

[غزالة الصّحراء]

المشاركة الأصلية كتبت بواسطة crono

مشاء اللله يعطيك الصحة راني ديت حقي :d كلش هيل وبطبع كما مولاتهم
الكروشي الله يبارك مشاء الله ربي يخليلك صحتك والله حت أنا وليت تقيلة في الخدمة و عنيا نقصو منيش نشوف كما كنت ايام زمان
زمان والله زمان

أهلا بك أختي كرونو هذي غيبة. مرحبا بك شرفتي ، الدّار دارك ، بصحتك حنونتي ادي واش اتحبي. مطرح مايسري يمري . تاكليهم بالصحّة والهنا. ربي ايفرحك بالباك أنتاع بنتك ونزغردلك. تستاهلي أكثر حنونتي.
أما عن الكروشي وليت فنيانة أخلاص خاصّة الخدمة أنتاع الخيط الرقيق. واللّه ايام زمان راحت وأكيد ماش رايح أتولي .
كيما أتقول ميادة الحنّاوي" واللّه زمان ياهوى زمان...... " وللأغنيّة بقيّة....

[غزالة الصّحراء]

المشاركة الأصلية كتبت بواسطة crono

الله يسلمك حببتي راني خدمة واحد للبريوش من دون زبدة ولازيت لكن بالكريم فريش اكثر من رااااائعةنحطهولكان شاء الله
وهادي لطلبتيها مني
https://www.djelfa.info/vb/showthread.php?t=1839748

اللّه يعطيك الخير من عندو كيما ماكيش تحرمينا من ردودك العطرة . والف شكر على الموضوع الي فيه الشّرح الوافي ، وعدتي ووفيتي. . ربي ايجازيك كلّ خير. أما عن البريوش ماتقصديش بريوش ام أماني. وإذا لم يكن كذلك فمن فضلك اعطينا الوصفة. اللّه يعطيك ماتتمناي.

[غزالة الصّحراء]

المشاركة الأصلية كتبت بواسطة ام حمزة22

أهلا بحبوبتنا الغاليّة اللّه اينورها عليك كيما راكي نوّرتي لنا الصّفحة وياربّ كلّ عائلتك اتكون بألف خير. لك ألف شكر على الهديّة القيّمة التّي رافقت عودتك. عودة ميمونة إن شاء اللّه.

[غزالة الصّحراء]

المشاركة الأصلية كتبت بواسطة بقلاوة

صباح الخير غاليتي ام حمزة و الله غير توحشتك و صدقيني بالرغم من ان البركة في البنات الحاضرات لكن الصفحة بدونك صامطة فانت حلاوتها و رونقها حفظك الله من كل سوء ، و لن انسى ان أصبح على كل البنات الحاضرات و الغائبات و حتى الزائرات من بعيد

بقلاوتي العسولة .أضم صوتي لصوتك.. وأدعم قولك بقول احد الشعراء وهو يمدح الملك: أنت شمس والملوك كواكب.
أختي ام حمزة أنت الشّمس واحنا الكواكب. فرحتنا تنكمل بوجودك بيننا . والكلّ بإذن اللّه رايح ايضوي. ويزيد للصفحة النور والبهاء. ربي ايخلينا لبعضانا ويدوّم محبتنا في اللّه ويقويها.

[غزالة الصّحراء]

المشاركة الأصلية كتبت بواسطة منال ومنير

مساء الخير الحمد لله رانا املاح برك كانت بنتي مريضة اية راهي تسنن الحمد الله راهي مليحة
راني قريت الردود لفتوني كاين اخوات جدد معانا مرحبا بيهم في لمتنا الكبير انشاء الله يستفيدو منا و نحن نستفدو منهن يا رب

أهلا بك اختي منال ومنير وآية. ربي يحفظلك أولادك كامل . والحمد للّه وماشاء اللّه الأمورة آية راهي اقريب أتشاركك في الردود . ومبروك عليها السنين. لعقوبة لأشياء اخرى ألي اتفرحك. وخاصّة لما أتناديك ماما. وألف مرحبا بكلّ جديدة معنا. ومرحبا أيضا حتّى بالزّائرات. ونتمنّى للجميع الاستفادة.

[غزالة الصّحراء]

المشاركة الأصلية كتبت بواسطة ام سوهيل

مساء النور لبنات وش راكم ام حمزة على سلامتك وش راهي اختك واللعايلة نتاعها ربي يصبرهم

لبنات سلامي ليكم كامل الحضرات والغيبات

ام جوجو طولتي علينا انتي وصدفات

شوفو عملت ليبيني او سفنج

اخدة الوصفة من المنتدى خرجولي هايلين امممممممممممممم وش نقولكم



شفوهم من الداخل راهم خمرين ومشي معجنين

تسلم الأيادي أختي ام سوهيل. ربي يحفظلك سوهيل على مواضيعك المميّزة. راهم ايشهيوا. من فضلك الوصفة إذا كان عندك الوقت. وشكرا لك مسبقا حنونتي.

[حياة نور الدين]

المشاركة الأصلية كتبت بواسطة غزالة الصّحراء

أهلا بك اختي حياة نور الدين. كيفك وكيف أحوالك واحوال الأمورتين؟ . بالمناسبة البركوكس أنتاعك هايل. وخاصّة وهو حار . رايح انزيد انديرو بطريقتك. راكي عارفة . قد مانديروا نعشقوا. وشكرا على ردودك العطرة. ربي ايطوّل في عمرك وتحضري لأفراح الأمورتين.

اهلاااااااااا غزولة واشراكي شكرااااا على الدعاء ربي يخليك

[غزالة الصّحراء]

المشاركة الأصلية كتبت بواسطة تاج الايمان

سلام عليكم

مشكورين اخواتي والله لموضوع انقضني كم من مرة

أهلا وسهلا ومرحبا بك بيننا. شرفتي الصفحة ونورتيها بمشاركتك المتواضعة. أكثر اللّه من أمثالك. وربي ايخليلك خوك" نوح" ويطول في عمرو. يتربى في عزكم إن شاء اللّه. والحمد للّه أنك استفدتي من الصفحة أتمنى أن نقرأ لك على صفحتنا الخاصة مواضيع من إعدادك. فلا تحرمينا منها، فنحن نتتظرك. بشغف شديد. دمت من الوفيات لنا . :m h31:

[غزالة الصّحراء]

المشاركة الأصلية كتبت بواسطة حياة نور الدين

اهلاااااااااا غزولة واشراكي شكرااااا على الدعاء ربي يخليك

أهلا بك أختي حياة الصفحة واللّه اتنورت مع وجودك. اللّه اينورها عليك . كنت غير وحدي . نكتب ونزيد. راني كنت أندير استدراك. في خاطركم تستاهلوا ياعسولاتي . على خاطر اتوحشتكم. اما عني. راني مع البقلاوة. أعجنت 3 صينيات. وراني مع التخمال . راني اقريب نرجع للخدمة. وأختي راهي عندي. راهي اتعاوني اشويا. ربي يحفظها ويفرحها في حياتها ويعطيها واش تتمنى . آمين يارب ّ العالمين.

[غزالة الصّحراء]

المشاركة الأصلية كتبت بواسطة بقلاوة

كم أتمنى بل كم أشتاق. لحمل طفلي بين ذ راعي. صغيرا. و مرافقته لشراء لوازم المدرسة حين يكبر قليلا، ثم رؤيته يكبر أمامي يوما بعد يوم ، و احضر عرسه و رؤية اولاده، ترى هل سأعيش لارى تلك الايام ؟؟ أم سأظل مشتاقة؟؟؟؟؟ الى كل أم. هنا أدعو الله أن يحفظ لها أبناءها و أن يحفظها لزوجها و بيتها و أولادها، مهما كانت ظروف الحياة صعبة لا تحرموا أولادكم من شيء فهم نعمة من الله عليكم الحفاظ عليها و حمد الله على أن رزقكم اياها

عسولتي البقلاوة ماشاء اللّه عليك وعلى تعبيرك. راه عسل xعسل يا عسل. فصاحة من المستوى الرفيع. اللّه ايحقق لك أمنياتك.وكاليوم إن شاء اللّه تحملي ابنك بين ذراعيك، والأروع هو من يمسك بيديك لترافقيه حيث المحلات التّي تبيع كلّ مايهواه. حنونتي وجدي غير الدراهم. ربي ايخليهولك ويطوّل في عمرك وتحضري لأفراحو. وكاليوم إنشاء اللّه اتخبرينا أنت بنفسك بنجاحاتو. وحنا كعائلتك الثانية نفرحوا لك بطريقتنا. اللّه ايطول في عمرك حنونتي وتشوفي بعينك ابنك وهو يكبر بين أحضانك الدفيئة والمتدفقّة بالحنان الخاص من نوعه. فتبقى الأم أما مهما كانت الظروف. ربي ايفرح كلّ مشتاقة لكلمة أميّ. آمين.

[حياة نور الدين]

يعطيك الصحة على البقلااوة وربي يعينك سلمي على اختك وعودة موفقة للخدمة راح نتوحشوك

[غزالة الصّحراء]

المشاركة الأصلية كتبت بواسطة ***سلمى ***

لبنات واش بيكم حابين تهبطولي الدمعة بالسيف .انا راني نتمنى انو اللي في كرشي يوصل سالم ويعوضني على اللي فات.


ربي ينولك واش حابة يابقلاوة.عن قريب انشاء الله

انا عندي اخت واحدة وبنت خالة واحدة كاختي في عرسي كانو هم يديا ورجليا وتشنقو في القضيان تاعي .وكنت نقول لوكان عندي اكثر من اخت ماكانش هكا وزيد بنات العايلة ماقصرؤش قامو العرس .وحتى واحد ما راح غضبان والماكلة بالفاضل والدراهم اللي معولين عليها تتصرف فضلت منها. وربي نزل الباراكة والحمد لله.

سلامتك ألف سلامة من الدّموع أختي سلمى ربيّ ايفرحك ويتمم الولادة على ألف خير. أتهلاي في روحك برك. والحمد للّه انّ اللّه أحاطك بمحبّة احباب مثل أختك وابنة خالتك وكلّ بنات العائلة. ياربّ يفرحولك ثاني في الولادة أنتاعك وتنساي ماسبق. آمين.

[غزالة الصّحراء]

المشاركة الأصلية كتبت بواسطة حياة نور الدين

يعطيك الصحة على البقلااوة وربي يعينك سلمي على اختك وعودة موفقة للخدمة راح نتوحشوك

بلا مزيّة حنونتي تستاهلوا أكثر. ياليت نقدر أنوصلهالكم على المباشر باش تفرحوا اكثر. يوصل السلام بإذنه ، اللّه ايسلم عليك الخير والربح. وربي ايعاونك أنت أيضا في أشغالك ، خاصة في تربية بناتك تربية صالحة ترفعي بيها رأسك ، وتكونين السيّدة السّعيدة. يتوحشك الخير دائما حنونتي. ماش رايح انغيب ، اكيد لما ايكون عندي الوقت رايح نضرب طلّة على عسولاتي الحلوات.اللّه لا يحرمنا من بعضنا.