الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة بقلاوة

غزالة زاليتنا لاتية بام جوجو وبقلاوة .................................................. ..غرت انا

ماهيش. زالياتك غزالة هي فقط كانت ترحب بي لاتي جديدة بينكم. ، تم انك لم تظهري يا سلمى لعزيزة اليومين السابقين فكانت البنات الحاضرات يدردشن قليلا هذا مكان و أكيد راكي غالية عند غزالة، و عند الكل ، ان شاء الله تقومي بالسلامة و تفرحي بولادة احلى بيبي[/quote]

أهلا بأختي البقلاوة العسولة . واش راكي. البارح أسهرنا بصّح ماكملتش معاك بسبب النت. وثاني رحت كملت البقلاوة أنتاعي . أكيد رايح نرسل الصور, لما ايكون أوليدي الصغير بسلامتو في البيت والنت اتكون أقويّة.
بقلاوتي . أنت أروع محاميّة . اللّه ايخليك لينا. شفتي في السابق كنت تشتكي . واليوم ماشاء اللّه راكي أتدافعي. الحّق يبقى هو الحّق . اللّه لا يحرمنا من بعضنا. واللّه غير كامل راكم غاليات وعزيزات ومحببات . ربي ايدوم محبتنا .

[غزالة الصّحراء]

المشاركة الأصلية كتبت بواسطة روح مراد

صباح الخير حبيباتي ما قدرتش نقرا اللي فاتني
نتمنى الشفاء العاجل للمرضى و مبروك على الباقية ما فهمتش ا زيادة أو زواج أو عيد ميلاد المهم باركت و خلاص غزال، ام الحبايب،و جميع الأخوات إنشائ الله تكونو بألف خير

أهلا بك روحي وروح الصفحة . واش راكي حنونتي . واش راكي مع الأشغال الكثيرة. ربي ايعاونك. وربي يجعل حج الوالدة فاتحة خير عليك وعلينا. وربي يرزقك بذريّة صالحة أتزيد أتعلي من قدرك ومكانتك عند الكلّ وخاصّة مراد. وربّي ايكون سندك وأتي تشاركين في التحضيرات للأفراح . اللّه ايفرحك أنت ثاني ويتلم الكلّ عندك ويردولك الجميل بطريقتهم. آمين.

[غزالة الصّحراء]

المشاركة الأصلية كتبت بواسطة omjoujou

صباح الانوار حبيباتي
ام حمزة حبيبتي كيف اصبحتي
غزاااالتي حنونتي وش ديري
ام سوهيل ام الحبايب ام الخير سلمى بقلاوة حياة نورالدين وكل الاخوات سلامي ليكم
انا وجدت غدايا بكري ليوم خرجة نشري شوي حوايج غدوة ىان شاء الله ماشية لبحر مع زوجي ووليداتي
درت لوبيا بالكرعين سخف عليها زوجي و كسرة اتتاع مطلوع

أهلا بك حنونتي أم جوجو. وصباحك أكثر نور.
أم جوجو راني درا البركوس كيما الي درتيه. فقط مادرتلوش الفول اليابس ماعنديش. ودرتو حاااااااااااااااااااااااااااااااااااار كيما يبغيه الخاطر. أكليت حتى اشبعت. ربي ايجازيك بالجنّة أنت وأم سوهيل. راكم خليتوني ناكل واش كنت أنحب أيام زمان.
والعائلة درت لها الخضرا مفورة ودخلتها للفور وعجنت المطلوع . والديسير الكرموس .

[روح مراد]

شكرا غزالتي على كلامك الطيب و الجميل و الحنون ربي يحفظك و يحفظ أولادك و العقوبة ليك إنشاء الله الحج

[omjoujou]

مساء الانوار غزالتي حبوبتي بصحتك البركوكس و بصحة وليداتك الخضرة المفورة و المطلوع متنسينيش في لابار تاعي تاع البقلاوة

[omjoujou]

غاليتي ام حمزة مبنتيش عسى المانع خير

[غزالة الصّحراء]

المشاركة الأصلية كتبت بواسطة روح مراد

شكرا غزالتي على كلامك الطيب و الجميل و الحنون ربي يحفظك و يحفظ أولادك و العقوبة ليك إنشاء الله الحج

أهلا بروحي وروح الصّفحة نوّرتيها اللّه اينورك. تستاهلي العسل الحرّ بيه تلقاي الشفاء والهنا ماشي غير الكلام المعسول. ومانيش أنبالغ لما نكتب ليّأيّة واحدة ردّ ربي ايخليكم ليّ . كلّ واحدة ومكانتها وشخصيتها. المهم كلنا أخوات في اللّه وكلّ واحدة بحاجة إلى أخرى في موضوع من مواضيع الحياة . وشكرا لدعائك لأولادي ولتمنياتك لي بالحج. ربي يسمع منك ويرزقك أنت ثاني بذريّة صالحة. هذا الوقت ألي رانا فيه نحتاجوا بزاف لدعوات خير من قبل الأحباب ربي ايكثر لنا منها. آمين.

[روح مراد]

و الله يا غزالة مرات نقول لوكان غير جيت نعرف نهدر كيفك كلام حلو مرتب و موزون واقيل نجي نقرا عندك شوية

[غزالة الصّحراء]

المشاركة الأصلية كتبت بواسطة omjoujou

مساء الانوار غزالتي حبوبتي بصحتك البركوكس و بصحة وليداتك الخضرة المفورة و المطلوع متنسينيش في لابار تاعي تاع البقلاوة

اللّه اينورها عليك اختي أم جوجو. مرحبا بك. واللّه ايسلمك أنت ثاني . ويعطيك ألف عافية. راكي خليتيني ناكل واش كنت نعشق بكري. ربي ايجازيك كلّ خير. أما عن البقلاوة غير ماتخافيش . رايح انحطهالكم كامل . وبصحتكم مسبقا.

[غزالة الصّحراء]

المشاركة الأصلية كتبت بواسطة روح مراد

و الله يا غزالة مرات نقول لوكان غير جيت نعرف نهدر كيفك كلام حلو مرتب و موزون واقيل نجي نقرا عندك شوية

واش أنقولك أختي روح مراد مرحبا بك عندي. واللّه هذا من طبعي مانيش أنبالغ. هكذا أنا وهكذا هي شخصيتي. أنت الأحلى وأنت العسل أختي روح مراد. وعلى حسب مواضيعك أنت أيضا تتميزين بميزان خاص قليلا تواجده عند بنات اليوم. وهو الحكمة والتريث وحبّ الخير للكلّ وسعه الصّدر. وهل أنا مخطئة؟؟. لا طبعا . ربي ايخليلك مراد ويفرحكم عن قريب إن شاء اللّه. آمين ياربّ

[روح مراد]

آمين يا ربي ربي يخليك

[حياة نور الدين]

السلام عليكن
اهلاااااااا حنوناتي غزالة وسلمى وبقلاوة وام جوجو واتم سوهيل واهلااأاا بعودتك روح مراد ومننساش سلطانة الموضوع اختي ام حمزة
راني نشوف فيكن ناشطات الله يبارك انا مقدرتش ندخل الصباح كانوا عندي اشغال درت مسمن الاخت وهرانية ودرت حلوى بالعجينة السحرية
اما بالنسبة للفطور درررررررت ���������� عدس متضحكوش علابالي السخانة مي توحشناه انا والبنات زوجي لوكان يشوفوا يتغاشى هو في الشتاء كي نديروا يقولي فيلم رعب �������� هو اليوم خدام حتى الغدوة يكمل لدا انتهزت الفرصة ودرت والش نحب الصور للمسمن والحلوى منبعد نحطها

[حياة نور الدين]

ام جوجو بصحتك الفطور راه يشهي
غزالة وين راه حقي تاع البقلاوة

[omjoujou]

اهلين حبيبتي حياة نورالدين ارواحي ضحكي عليا انا و وزجي برد علينا الحال فرد مرة انا في هاذ السخانة البارح سخفت على العيش درتو لغدا و هو سخف على اللوبيا بالكرعين درتهلو ليوم
بصحتكم العدس في انتظار نشوفو الحلوى و المسمن تاعك لي خدمتيهم يا لفحلة

[حياة نور الدين]

المشاركة الأصلية كتبت بواسطة omjoujou

اهلين حبيبتي حياة نورالدين ارواحي ضحكي عليا انا و وزجي برد علينا الحال فرد مرة انا في هاذ السخانة البارح سخفت على العيش درتو لغدا و هو سخف على اللوبيا بالكرعين درتهلو ليوم
بصحتكم العدس في انتظار نشوفو الحلوى و المسمن تاعك لي خدمتيهم يا لفحلة

اهلااااا حنونتي والله مرات نتشهاو اكلات الشتاء في هده السخانة انا ثان راني حابة البركوكس وراني نسنى وقتاش يعاود يخدم في الليل ونديروا