|
قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الدورة الرابعة"الرقي لمدبرة منزل مثالية"
|
أدوات الموضوع | انواع عرض الموضوع |
2012-03-01, 20:51 | رقم المشاركة : 586 | ||||
|
|
||||
2012-03-01, 20:57 | رقم المشاركة : 587 | |||
|
تروحي و ترجعي بالسلامة حنونة
|
|||
2012-03-01, 20:59 | رقم المشاركة : 588 | |||
|
السلام عليكم لبنات |
|||
2012-03-01, 21:03 | رقم المشاركة : 589 | |||
|
الجمعة |
|||
2012-03-01, 21:12 | رقم المشاركة : 590 | ||||
|
اقتباس:
|
||||
2012-03-01, 21:19 | رقم المشاركة : 591 | |||||
|
اقتباس:
أهلا و سهلا و مئة ألف مرحبا بيك حبيبتي أسيل بيناتنا راكي بين احباباتك و اخواتاتك بالطبع حبيبتي قلوبنا راهي مفتوحة ليك ماشي غير صفحات الدورة ممكن تبدي معانا حبيبتي من الآن و العمل اللي ما خدمتيهش الاسابيع اللي فاتت تكمليه فالدورة الجاية بإذن الله اقتباس:
و عليكم السلام حبيبتي
أنا في الخدمة اولا حبيبتي راني تبعت ردودك على لبنات ندعيلك الله يشفي لميمة اللهم إني أقسمت عليك برحمتك أقسمت عليك بمحبتك وودك أقسمت عليك بكل إسم هو لك أن تشفي والدة حبيبتنا أسيل و ترزقها الصحة و العافية و تجتبيها من كل بلاء و من كل ضر و من كل سقم و ترجعها لبيتها سالمة معافاة و ادخل السرور على قلوب أهلها بشفائها اللهم آآآميييين آآآميييين آآآآآميييين شوفي حبيبتي ما تحتاجيش انظملك وقتك تباريك الله راكي فحلة رغم راني حاساتك سنك صغير راكي قايمة بداركم وخاوتك و أهلك كيما يلزم الحال تباريك الله عليك أنت فقط مهولة على ماماك نوصيك تلجئي إلى الله صلي و ادعيه و سبحي و اذكريه كثيرا و ثقي به ثقة عمياء أنه مع أمك و أنه رايح يشفيها باذنه و قدرته سبحانه و تعالى لازمك غير شوية كوراج و طاقة تديهم من الله و تقربك منه لأنه مارايحش يسمح فيكم حبيبتي أبدا و رانا هنا اي شي تحتاجيه تلقينا قدامك غير تفتحي الميكرو نتاعك تلقاينا في وجهك عندي نصيحة نعطيهالك لاحظت أن المشكل نتاعك راه فالتسياق ممكن بطبيعة الحال بسبب الظروف اللاارادية أنك تسيقي يوم بيوم او كل يومين أو أنك تنقي طابق اليوم مليح و تسيقيه و الثاني غير ترتيب خفيف بلاما تسيقيه و غدوة ديري العكس و الصالون نقيه و اغلقيه بالمفتاح الغرف اللي ما يحتاجوهمش خاوتك رتبيهم و بلعيهم بالمفتاح حاولي تخلي خاوتك قدامك في بيت القعاد و ما يدخلوش لغرفهم حتى يحبوا يرقدوا باش ما يربلوهالكش و تبقي نظيفة هاكدا تبقى عندك غير بيت القعاد اللي فيها فوضى المواعين حاولي تغسليهم أول بأول باش ما تلقيهمش في طريقك و تقدري تراقبي خاوتك راهم تحت مسؤوليتك شفتي راني نعطي لبنات نصيحة باش يطيبوا قهوة لعشية في الصباح بعدما يوجدوا لفطور و يغطوا السني و لعشية غير يخرجوا لحليب و القهوة مالثلاجة و يحموها و السني تكون واجدة و يحطو قهوة لعشية لما يجوا الاولاد و باباك ارتاحي لعشية بعد الفطور و بعد القهوة ادخلي وجدي العشا و عشي خاوتك بكري و رقديهم و لمي الكوزينة على السريع ما تكثريش على روحك الطياب ولا تحوسي تبدعي لالا طيبي اللي تقدري عليه ممكن اديري جدول بالوجبات نتاع هاد الأسبوع و تقولي لباباك واش لازمك قضيان و خضار هاكدا كل يوم الصباح تدخلي للكوزينة و هي نظيفة تشرح القلب و انت عارفة واش راكي رايحة اطيبي ما اضيعيش الوقت كامل و عندك المقادير اللازمة باش توجدي الغذاء لمي كامل الماعين اللي ما تحتاجوهمش أو الماعين الزايدين خلي المغارف و الكيسان و الطباسة برك قد عدد أفراد الاسرة نتاعك هاكدا ما يبقالكش ماعين بزاف تنغبني بيهم باش تغسليهم و ربي يكون في عونك و يحمل عنك و يفرج همك حبيبتي و يفرح قلبك بشفاء أمك في القريب العاجل جدا اللهم آآآمييين |
|||||
2012-03-01, 21:32 | رقم المشاركة : 592 | |||||
|
اقتباس:
يا حبيبتي ردك هذا أجمل هدية اعطاهالي ربي اليوم ربي يخليك ليا حبيبتي و زادك هنا على هنا و راحة بال على سعادة اللهم آآآمييين ربي يوفقك حبيبتي في كل ماراكي منمنية و يعطيك الخير و يجازيك خيرا على مجهوداتك اللهم آآآمييين اقتباس:
يا قلبي على نسوفتنا
شوفي حبيبتي يروح الكاس و ما تتجرحش هي الحمد و الشكر لله لي جات فالكاس ماعليش الطفل بطبيعته maladroit لازمنا نعلموه التصرف الصحيح بهدوء و بصرامة وقت الخطأ أما باقي الأوقات لازم يلقوا الحنان و التفهم و العناية و تاني راكي قدوة حبيبتي تفكري أن طفلك هو مرآتك أنا من جهتي عندي الثقة فيك أنك راكي في مستوى كل التحديات و قلبك ما دارته حتى وحدة لأنك أكثر وحدة راكي حاسة بالمسؤولية و الحمل اللي راه على أكتافك اتجاه أولادك ماشاء الله عليك حبيبتي شفتي واش قال الدرس أعطي لنفسك شهر في المرحلة الأولى ماشي ليلة و المرحلة الثانية شهرين و الثالثة 3 أشهر يعني لازمنا شوية صبر و ثبات و نظن ماشي هاد الاشياء اللي تنقصك عندي احساس أنوا البنت اللي تكتب هدفها في أجندة و تكتب كلماتها المحفزة في أعلى الصفحة بعيدة كل البعد عن الانهزام و الاستسلام و الرجوع للوراء هدفك راه قدامك و رايحة توصليه و تفوتيه بإذن الله و من بعد رايحة تقوليلي راني حطيت هدف جديد حبيبة يادرى واش رايح يكون هاذ الهدف الايام رايحة تبينلنا بإذن الله |
|||||
2012-03-01, 21:37 | رقم المشاركة : 593 | |||||
|
اقتباس:
ماشاء الله على ملاكي راكي تشرحي القلب شي جيد كي راكي تقري كل يوم سورة ياسين حتى حبيبتنا مريم تقراها كل يوم و الله أعلم مممممم راكم تغيرا ربي يستركم مالعين اقتباس:
لالا ملاكي ما تزعفيش من حتى وحدة
كل وحدة و ظروفها خاصة اللي عندها التزامات اتجاه زوجها و أولادها راهم غير الاولاد يستنفذوا كامل وقتها راني معاك أنا نونسك حبيبتي أنا راجلي راه في دارهم ماماه راهي متهلية فيه و دايراته في عينيها ربي يخليهالنا و يباركلنا فيها و يفرحها بينا و بكامل أولادها بإذن الله ملاكي أنت قلبك صافي و يحب الناس ما تعتبي على حتى وحدة عادا راهم لقاوا الوقت باش يدخلوا و يكتبوا تطبيقاتهم ربي يكون في عون كل وحدة في هاذ الدورة و يحققلنا كل مارانا متمنيين بإذن الله |
|||||
2012-03-01, 21:52 | رقم المشاركة : 594 | |||
|
يا حبيبتي أشورة تباريك الله عليك راكي قايمة بالواجب معا لبنات ربي ما يحرمنيش منك أشورتي شحال نفرح مين نلقاك رادة على لبنات و مرحبا بيهم شكرا لك على قلبك اللي راه ضامنا كلنا ربي يخليك لينا حبيبتي UOTE=اشورة;9039634] سلام كيف احوالكم البارح مكتبتش تطبيقي باسكو الميكرو حرنلي اللي نكتبها تمتم تتمحى البارح الصباح صليت الفجر وقريت الورد و الاذكار ومن بعدهاوجدت الفطور فطرنا ودوزنت الغدا وخليتو يطيب، نقيت الكوزينة درت مسحة للكوشة والفريجيدار و البلاكارات تاع البوتاجي و الطابلة و سيقتها و من بعد طلعت الفوق خملت شونبرة تاعي و الشنابر لخرين و كنستهم و مسحت الغبرة و سيقتهم و درت المعطر وسكرتهم وسيقت الدروج و هبطت لتحت تاني خملت الشنابر و الصالون و سيقتهم +الحمام وحطيت الغدا ومن بعد غسلت المواعين و كيما قتلكم عاونتي راجلي فالتصحيح ولدك راني حاصلة فيه ومن بعدها وجدت الاتاي وشربنا وبديت فالعشا درت حوت مشوي و سلطة و بطاطا مقلية و قازوز وغسلت المواعين و نقيت الفوضى نتاع الشوى ومن بعدها طلعت الشونبرة نتاعي توضيت وصليت درت الكرام و قريت الادكار و رقدت بنتي و تاع اليوم فالليل نشالله نكتبو رايحة نغسل التابيات اللي بقاو مادامها الشمس طالعة................[/QUOTE] يميميميميم ماشي غير أنا اللي راني نجوعك حبيبتي حتى انتي راكي قاتلتني نموووت على الحوت مشوي علاش ما عرضتينيش نتعشى معاك المرة الجاية لما اديري الحوت مشوي ماتنسيش تعيطيلي خخخخ تباريك الله على الشاطرة ربي يسترك حبيبتي و يحفظك من كل شر مواااااح QUOTE=اشورة;9045227]. يمي يميييييييييييييييييييييي نموت عليهم في زوج راني كنت خاوية جاو في وقتهم........................[/QUOTE] ههههههههه مزية اللي عجباتك كنت خايفة الذوق نتاعها مايجيش قد قد شكرا على الوردة حبيبتي أنت أحلى وردة اهداهالي ربي شكرا لك أشورتي 85] صليت الفجر الصباح و قريت الوردو الادكار و بديت نوجد فالفطور و الغدا و فطرنا و غسلت المواعين وبديت فالشغل بكري نضفت الشنابر كيما يلزم الحال و نضفت الطابونة مليح وسيقت ومن بعدهاحطيت قهيوة نتاع العشرة مع موسكوتشو سقهويت وقعدت قدام لاتيلي نتفرج و جا وقت الغدا تغدينا و غسلت المواعين و رقدت لجين و تحطيت فالتابيات غسلتهم و من بعدها دوزنت العشا و شربت القهوة و كملت التصحاح تاع الورق (شكيتهم مصيبة والله احصلت ضيقو الروح)ههههههههه و تعشينا و غسلت المواعين و سيقت الكوزينة و ودك راني مع بنتي نتعفر معاها فالميكرو ......................تموت على الكلافي تهبلني كي نعود نكتب [/QUOTE] ههههههه
غير قوليلنا شا هي أعلى نقطة ربي يكون في عونك عملك متزن تباريك الله و منظم ربي يدوم النعمة حبيبتي راكي اديري الريجيم باش تسمني انتي تاني؟؟؟ خخخخ اذا هاكدا راني لقيت صحاباتي خخخخ فوتيلنا بنتك تكتبلنا يومياتها معا ماماها خخخخ ربي يحفظهالك من كل شر و يفرحك بيها أشورتي اللهم آآآمييين |
|||
2012-03-01, 21:54 | رقم المشاركة : 595 | ||||
|
اقتباس:
بالنسبة للطابق العلوي يرقدو فيه الدراري و انا تلقاينا وقت الرقاد نطلعو الاكثرية نجلسو في الاسفل كيما قلتي الكوزينة كي يكملو الغداء ولا العشاء نغسل لماعن و نسيقها هكدا كي نوض الصباح نلقاها مفروزة كي نبدا نفرز نبدا من الفوق راكي تعرفي الدراري و حالتهم نفرز البيوت تاعهم و الصالون اللي الفوق تاع الضياف واحد مايدخل ليه بالتقريب نسيقو مرتين في الاسبوع ولكن الغرف تاعهم نسيقهم يومي و الدروج مين نجي نكمل بتقريب نلحق بالغداء كي نفرز الطابق السفلي الصالون اللي نقعدو فيه بزاف ولا الغرفة تاع امي والغرف الاخرين مانلحقش باه نسيق مرات نخلي بعد الغداء و مرات مانقدرش و مرات وراء العشاء نسيق ضرك لازملي حل مع التسياق واسمحيلي حنونة تعبتك معايا راني نعمل بنصائحك اختي الكريمة ربي يحفظك اختي واكيد اي حاجة نحتاجها راني نسقسيكم |
||||
2012-03-01, 21:59 | رقم المشاركة : 596 | ||||
|
اقتباس:
يا قلبي على وردة قلبي
والله ألم الضرس مصيبة حتى أنا وحد الضرس تهرستلي و مرة على مرة توجعني بصح كيما صرالك لالالا حبيبتي راكي سكتيلها هاد الطبيبة نوصيك وردتي ما تروحي عند الطبيب نتاع الاسنان إلا اذا كان معروف و سمعته جيدة بين الناس ما تروحيش عند الاطباء اللي فالاستعجالات راهم مصيبة كلشي يخلطوه راهم صغار و جايبينهم يتعلموا فالناس ربي يكون في عونك و يحفظك من كل شر خرجي معروف حبيبتي اللي جات على هاد القدر و ماشي اكثر بعيد الشر و اتهلي في روحك و ما تعرضيش فمك للهواء البارد طهورا ان شاء الله وردتي ما اثقليش على روحك و ما تتقلقيش راني هنا حبيبتي ممكن تاخذي راحة و ترتاحي ما تخمي في والوا و ما تطلبيش السماح يا وردة قلبي فيبالي مازال ما تعرفينيش لالا أبدا ما نزفعش منك بالعكس هولتيني عليك لكن اعطيتك مهلة معينة إذا ما بنتيش نطلق حملة البحث عليك باش نطمن عليك الحمد لله على كل حال ربي يجعلها أكبر مصائبك و يشفيك ان شاء الله موااااااح |
||||
2012-03-01, 22:04 | رقم المشاركة : 597 | |||
|
والله راكي جبتيها نحوس نزيد شوية لخاطر ملي تزوجت نقصت هههههههههههههههه |
|||
2012-03-01, 22:11 | رقم المشاركة : 598 | |||
|
السلام عليكم واش احوالكم والله توحشتكم بزاف كنت نقرى في المشاركات اي فاتوني والردودونشكركم كامل الي سقسيتو عليا |
|||
2012-03-01, 22:18 | رقم المشاركة : 599 | ||||
|
اقتباس:
انشاء الله حنونة تبرى برك والله متمنية نشوفها معايا في الدار اليوم قبل غدوة ضرك انا تخلطتلي على خاطر خاوتي الدراري يقراو الكبير جامعي و احد في المتوسطة و الصغير ابتدائي كي عادو يقراو نبكر معهم نخدم شغلي و نوجدلهم الفطور باه نقدر نروح عند امي لازم عليا نكمل شغلي ماكاين حتى واحد في الدار نروح عندها و نرجع قبل مايجي خويا الصغير ماعندهمش وين يروحو وانا مانحبش نخليهم بلا غداء و لا قهوة على بيها نزرب بالغداء ونروح لشغلي راني نحاول نخدمهم كيما يلزم بقالي غير المشكل تاع الشغل واقيلى ندير جدول كيفك |
||||
2012-03-01, 22:29 | رقم المشاركة : 600 | |||
|
اختي حبيبة وكامل الاخوات علبلكم بلي انا راني مكملة البرنامج قبل ما ندخل للدور ولكن راني متبعتكم وانا حابة تعطيني برنامج نخدم عليه عند يما لانها فعلا محتاجة مساعدتي علما اني نزورها في الويكاند برك وكل ما نروح نلقى الشغل بزاف دار كبيرة راكي تعرفي بلا ما نحكي قتلك تقريبا الي نخدمو هاد السيمانة نخدمو سيمانة الجاية وعلى دربة ونعيا بزاف وما نحبش نقوللها سيرتو كي كنت ملفتها من قبل نقضيلها كامل شغالها ولكن من قبل ما كانتش عندي مربة ودرك وليت نعيا داري وبنتي ودارها..... وزيد ختي الكبيرة ما تجيش لدارنة بزاف مرة في الشهر والشهرين وتقعد لاتية مسكينة غير بولادها وتحب يما تريحها كي عارفتها عيانة في بيت عجوزتها واختي الصغيرة غير نطبطب تحد الخدمة من يدها وما تعاونيش دلوعة ونحبها ما نلقى ما نقول الوغ اعمليلي برنامج نمشي عليه في دارها كل ما نروح نسيق ونغسل الحوايج ونطبق الخزاين وانا راني حابة حاجة خلاف حاجة تفرحها وتريحها الله يفرحك بالاحبة |
|||
الكلمات الدلالية (Tags) |
لمدبرة, مثالية", أوسم, الدورة, الرابعة"الرقي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc