الجزء 177 من واش طيبتي اليوم ك وزينة - الصفحة 40

انا هي رزيقة · 2017-02-15, 13:14

ليزاتي يا حلوتي يا عمري شحال فرحت بطلتك علينا لي تسوا الدنيا و مافيها و الله نحبوك يا ليزاتي .... ربي يخليلك لينا و يخليلك كل عزيز عليك حنونتي
و شفت ثاني دخلت ام برهوم ملكة الحلو دون منازع حمدا لله كي طمتينا عليك اختي و يا رب يا رب يا رب تسلكي على الف خير انتي و غاليتنا حياة و ام يوسف و شاوية حرة و كل الحوامل امين يا رب العالمين
و دخلت ثاني ام ياسو الف الف الف مرحب بيك حبيبتي توشحناك يا ام ياسو ...
راجعت بوخفيف حبيباتي و شفت en passant خيرات توبتي و مليسات و فاتي الشاوية و اختها و ام هدول و حياة و ام محمد البوغوص حقا بصحتك البارفان و الشوكولا حنونتي و ام عبيدة كل سنة و انت بالف خير ام عبيدة و شكون ثاني يا ربي بلا مننسى نسلم على حبوبتي صدق العطاء و عاصمة الهضاب و كل من نورت هذ الكوزينة بتعليق او اتحفتنا بطبق من اناملها الذهبية

اريج 07 · 2017-02-15, 13:17

زقزوقتي نروح نكمل شغلي و نجي نراسلك نحتاجك اوكي

om obaida · 2017-02-15, 13:24

مساء الفل وصح غداكم

مريومة بصحتكم ليكادو بيناتنا عجبني ليبوات منبرة

زيكا اهلين حبوبة وشراكي راكي طلي كي هلال العيد وزيد شفت بلي راكي تمدي في زيت زيتون وانا منغيضكش والله نموت عليه مي عندنا ازمه فيه اللهنا ميجيش ملح وغالي

ابني نور عيني · 2017-02-15, 13:24

اهلين زقزوقة توحشناك وشراكي
ام عبيدة كل عام وانتي باللف خير ربي يحفظلك كل عزيز و يفرحك و يعطيك ما تتمناي

أم يوسف2 · 2017-02-15, 13:25

زقزوقتي على السلامة كنت رايحة نقول وشبيها مادخلتش الحمد لله لي راكي بخير
ام ياسين وشبيك انت تاني تطلي وتهربي خههههه راكي مليحة
اروجة صافا لاباس علاه حطيتي الصور تاع لاصال ماشفتهمش

انا هي رزيقة · 2017-02-15, 13:29

اسمحيلي ام محمد البوغوص راني حاسة روحي مقصرة في حق كوزينتك حنونتي بصح و الله الخدمة راهي تدي كل وقتي او وليت نعيا بزاف و لعشية يدوبك نطيب و نحط و ناكلو و نخمل الكوزينة و نخليها تشعل كيما تقولي ....خخخخخ باه نقعد اخيرا نتكا شوية .... خخخخ بصح راني صورتلك اابارح هذ السلطة الجميلة... متقولوش راهي بمناسبة عيد الحب و الله جات صدفة برك ....خخخخ و زدنا معاها حوووت و فغيييت كيما تقول ليزاتي العسل بصح مصورتش ... و منكذبش عليكم زيكو جاب ثاني شوكولا قالك شفت الناس تشري شهاوني عاندت .... خخخخخ و الحمد لله حمدا كثيرا طيبا مباركا فيه

حياتي كلها امل · 2017-02-15, 13:37

السلام عليكم ياحلوين واشراكم
ام ابراهيم يارب يعطيك ساعة ساهلة يارب انت وكل حوامل المنتدى ويرزق كل وحدة بالذرية الصالحة
اليوم درت حلوة فرنسية جات هايلة والعجينة والكريمة الي بقات درتها كي لتاغتولات ومازال بقاتلي العجينة وخلاصتلي الكريمة درتهم في ليمول واحدهم علابالي بلي صرعتكم

ابني نور عيني · 2017-02-15, 13:37

اقتباس:

المشاركة الأصلية كتبت بواسطة انا هي رزيقة

اسمحيلي ام محمد البوغوص راني حاسة روحي مقصرة في حق كوزينتك حنونتي بصح و الله الخدمة راهي تدي كل وقتي او وليت نعيا بزاف و لعشية يدوبك نطيب و نحط و ناكلو و نخمل الكوزينة و نخليها تشعل كيما تقولي ....خخخخخ باه نقعد اخيرا نتكا شوية .... خخخخ بصح راني صورتلك اابارح هذ السلطة الجميلة... متقولوش راهي بمناسبة عيد الحب و الله جات صدفة برك ....خخخخ و زدنا معاها حوووت و فغيييت كيما تقول ليزاتي العسل بصح مصورتش ... و منكذبش عليكم زيكو جاب ثاني شوكولا قالك شفت الناس تشري شهاوني عاندت .... خخخخخ و الحمد لله حمدا كثيرا طيبا مباركا فيه

يا عمري على عسولتي واش هاد الزين الله يبارك كلشي يهبل و خفيف والبنة اكيد فووور والله يديك يتلفو في حرير ربي يعطيك كل ماتتمناي و راني متفهماتك والله صعيبة حياة المراة العاملة برا ولداخل ربي يكون في العون و يخفف عليك وياجرك على تضحياتك انتي برك مينداك طلي علينا بطلتك الحلوة و طمنينا عليك راكي عزيزة بزاف علينا وتهمنا اخبارك
بصحتك الشيكولا واتهلاي في روحك اختي سلام

ابني نور عيني · 2017-02-15, 13:43

حياتي كلها امل مرحبا واشراكي الحلوة جاتك هايلة اممم تشهي بصحتكم

حياة نور الدين · 2017-02-15, 14:45

عليكن

تفضلوا فطوري البسييط

وهدا ليزا وزيكا نعرفهم يموتوا على هدوا الصوالخ

وهدي باش تحلوا

حياة نور الدين · 2017-02-15, 14:53

رزيقة اهلاا اختي والسلاطة تقتل يا حتنونة كما تقول ليزا فيلم بصحتكم حبيبتي وربي يقدرك

مريومة خسارة ملحقتش على الصور بصح راكي عارفة وين ترسليهملي نشوفهم التقرعيج قتلني ههههه بصحتكم الدوبارة بزيت الزيتون تع رزيقة خخخ ربي يدوم المحبة وكثر خيرها

ام محمد بصحتك واش فطرتي

ام يوسف وام عبيدة بصحتكم انتوما ثان

ام هاجر الحلوى تبان تشهي بصحتكم اختي

ام ياسو اهلاا بك

ليزا بصحتك الجلبان والفغيت هههههه

ربي يدوم الرزق ان شاء الله ويبارك لكم في صحتكم

ابني نور عيني · 2017-02-15, 15:02

اقتباس:

المشاركة الأصلية كتبت بواسطة حياة نور الدين

عليكن

تفضلوا فطوري البسييط

وهدا ليزا وزيكا نعرفهم يموتوا على هدوا الصوالخ

وهدي باش تحلوا

يمممممي كلش يهبل وخاصة هاداك الروز ماما تديرهونا هكدا ملي كنا صغار ولدوك نموتو عليه شهيتيني واقيلا لعشيا نديرو
بصحتكم كلشي اختي و ربي يدوم النعمة عليكم