اقتباس:
المشاركة الأصلية كتبت بواسطة oum islem
السلام عليكم ورحمة الله
مساء الخير أم هدول وكل الغاليات الحاضرات ولي يطلو من بعيد لبعيد
بغرير ام حسام راه ليكم السماح بصح المحاجب اعذروني ليا وحدي ناكلهم وحدي حتى وما تسامحوش 
ام هدول جبتلك شوية طيابات راني كل ما تصحلي نصور ونخبي
كل ما يكون عندي وقت نحط شوية
|
منورة ام اسلام بيك بطيبابك متشوقة نشوفو ونمتع نضري بيه ...مانكلش على روحي المهم نستمتع ونقول امممممممممم
اقتباس:
المشاركة الأصلية كتبت بواسطة oum islem
ميلك شايك تاع حبيبتي الغالية دائمة الحمد ولبان كايك تاعها تان
وهدا تعرفوه وكامل تحبوه
 |
امممممممممممممممممممممممم يشهو ...زيديني وامتعني
اقتباس:
المشاركة الأصلية كتبت بواسطة oum islem
شوية مخللات درتهم للشهر الفضيل مع ميناج شامل كامل متكامل
والفريك والمرمز والمسفوف بعثوهملي أمي حبيبة قلبي وعجوزتي ربي يشفيها والتوابل المغربية جاوني هدية من المروك
اللهم بلغنا رمضان وأعنا على صيامه وقيامه
 |
بصحتك واش بعتتلك الوالدة وعجوزتك ربي يخليهم ..تهنيتي من الميناج يالفحلة ...والتوابل المغربية رايحة تزهي مائدة رمضان ربي يدخلو هلينا بالصحة ولهنا
الوصفة الاخيرة تهبل راني هوزيتها عندي نجربها الف شكر
اقتباس:
المشاركة الأصلية كتبت بواسطة oum islem
جربت لي بابا تاع أم لجين وهيثم خفاف ويشبهو بزاف لتاع برا عيبهم الوحيد ريحة الخميرة واضحة بزاف فيهم مع اني درت زاست ليمونتين وبرتقالة
المهم عجبو وليداتي وفرحو بيهم وكلاوهم ربي يفرحك بوليداتك وينجحو بتفوق يا أم لجين وهيثم
وهدي عجبتني لذا قررت نولي نكدية شكون تحب تعاند
 |
بصحتهم ولادك الباابا المهم عجبهم وفرحو بيه ..يا عمري نفرح كي نشوف لولاد فرحانين واش تحضربهم ميمتهم ربي يخليك ليهم وتشوفيهم ديما زاهين وفرحانين
بصح القرار الاخير نقولك اتولهي راكي غالطة خليك من المراة النكدية هههههههههههه..تقتل
اقتباس:
المشاركة الأصلية كتبت بواسطة oum islem
بالتوفيق لكل التلاميذ الممتحنين ربي يكون في عون الامهات وعوني
يا رب يفوت هدا الأسبوع على خير ونجني ثمار تعبنا
مع السلامة غالياتي
في أمان الرحمن وحفظه |
شكرا على الوصفا ت ا لمنقولة ..في ميزان حسناتك
امممممممممممممممم ثم امممممممممممممممممممم بارك الله فيك طلت نورتني وزهاتلي الكوزينة ربي يفرحك ويهينك وينجح وليداتك ...سلالالالالالام
( تقرير عن مشاركة سيئة )، و الموجودة أسفل كل مشاركة .
2016-05-09, 21:25
اللهما لك الحمد حتى ترضى و لك الحمد ان رضيت و لك الحمد بعد الرضا . تهلاو في ارواحتيكم لبنات 
مساء الانوار الحبوبات النشيطات النكديات جبتلكم قراتان المعجنات والبركوكس درته اليوم وبودينغ التمر وسموتيز الفراولة وكرانتيكا
العرض العادي
