الجزء 137 من كوزينة واش طيبتي اليوم ((كوزينة النجاح في الدارين ))

[أم تسنيم 2017]

الف الف الف مبرووووووووووووووووك للناجحات لعقوووووووووووووووووبة للتخرج ان شااااااااااااء الله ايا عندمن سهرة ليووووووووم

[أم هبوبة]

المشاركة الأصلية كتبت بواسطة ارزاق

مساء الخير نعاود نهني الناجحين الللللف مبروك
لبنات من الصباح وانا نحوس علي وصفة قاطو وملقيتش لي تلقاها ندعيلها من صمصوم قلبي .الوصفة تاع قاطو النيسلي دارتو الهام وقالت تاع خالتها الصورة راهي في موضوعها صور حلوياتي تاع العيد

الوصفة تلقيها مكتوبة في الردود
https://www.djelfa.info/vb/showthread.php?t=1809519

[أم هبوبة]

صح فطوركم و للمرة الالف الف مبروك للنانجحبن
زينب الحمد لله الي ربي فرح خلتك و ارحمها برحمته الواسعة و اتلف مبروك لبنت خالتك على النجاح رحمة ربي واسعة الحمد لله

[ارزاق]

الاخت رنيم والاخت ام هبوبة اللللللف شكر والله تعبت وانا نحوس علي الوصفة ربي يفرحكم بلي في بالكم ويستركم دنيا واخرة ويرزقكم الصحة والعافية

[ام و ابنة]

صح فطوركم

يا ربي دوم الافراح

اختي قمر فعلا لاحظت انك غايبة ربي يشفي زوجك و يسهل لك امورك

[ام و ابنة]

لبنات في طولكم في عرضكم في ارتفاعكم خخخخخخخ
ربي يعيشكم لازمني قبل الصباح وصفة كعك النقاش بنين و يذوب و شباب
اختي طلبت مني تجي عندي غدوة و تعاوني باش نديرهولها
ما تحشمونيش
الوصفات كاين بزاف بصح انا نحوس وصفة مميزة و مجربة و مضمونة

[الرجاء الاماني المجد]

صح فطور الجميع كيف حالك اختي ام وابنة انا لا اتقن الحلويات كثيرا وانا اتعلم منكن ولكن سيجيبك الاخوات

[أم محمد تاج]

صح فطوووركم سميناتي الحلواااااااااااات
قمراية الله يشفي زوجك ويعافيه يارب

[أم محمد تاج]

ام وابنة حنووونة ضرك نجيبلك ناع اللهلوووبة رائع كامل جربناه تحححححححفة يعطيها الصحة صابريني حنووووونة

[um alaa]

المشاركة الأصلية كتبت بواسطة ام و ابنة

لبنات في طولكم في عرضكم في ارتفاعكم خخخخخخخ
ربي يعيشكم لازمني قبل الصباح وصفة كعك النقاش بنين و يذوب و شباب
اختي طلبت مني تجي عندي غدوة و تعاوني باش نديرهولها
ما تحشمونيش
الوصفات كاين بزاف بصح انا نحوس وصفة مميزة و مجربة و مضمونة

*

اختي هاد الوصفة تع اللهلوبة
كعك النقاش
500غ مارغارين فلوريال أو أي نوع آخر ، 135غ سكر رطب ، فانيلا، 4 صفار بيض + 1 بيضة كاملة ،1 خميرة ، 135غ نشاء ، نلموا العجين بالفرينة (حوالي 650غ بالتقريب )
اللي ماعندهمش ميزان يديرو كاس كبير او 10 ملاعق سكر ناعم و كاس متوسط ماشي كبير نشاء
الحشو: حوالي 250غ غرس،1 ملعقة كبيرة نتاع حلوة الترك ( اختياري)،*1ملعقة كبيرة نتاع جلجلانية حب ،1 ملعقة كبيرة جلجلانية مرحية ،2 ملعقة كبيرة زيت ، 1 ملعقة كبيرة ماء زهر ، 1/2 ملعقة صغيرة قرنفل
1- نبدى نخفق الزبدة اللي تكون طرية مع السكر الناعم والفانيلا (ماشي شرط نخفق بزاف غير تمتزج المكونات خلاص).
2- نبدى نضيف في البيضات وحدة وحدة ونخفق
3- نزيد النشاء المغربل ونخفق شوية برك (ثواني فقط )
4- نضيف الخميرة والفرينة المغربلة ونخفق بالشوية ونضيف الفرينة حتى تتلم عندنا العجين . ماتنشفوهاش بزاف من بعد تشققلكم لازم تزيدوا الفرينة غير بالشوية حتى تتحصلوا على عجينة طرية كيما نتاع الصابلي ماتلصقش في اليد كي تكوروها وتقدروا تشكلو منها سوار بدون مايشقق
5- عجنت الغرس مع الزيت وماء الزهر حتى رجع طري وزدتلو الجلجلانية اللي رحيتها مع حلوة الترك + الجلجلانية حب وعجنتو مليح ( إذا شفتوه مازال يابس زيدولو الزيت ماشي ماء زهر باش يبقى طري )
6- فوق كيس بلاستيكي وزنت حوالي 6-7غ لكل كرية غرس وشكلت حرابش وغطيتهم باش مايشفش الغرس ، هكذا من بعد كي تبداو تخدموا ماشي تبقاو تخلطو تمسو
الغرس ومن بعد العجين ، يكون الغرس واجد مسبقا خير .الحرابش يكونو رقاق ماشي خشان باش كي تنقشوا مايخرجش الغرس ومايكونش ثقيل وحلو بزاف
7- وزنت كريات العجين باش يجيو الحبات قد بعضاهم وخليتهم في كيس بلاستيكي باش ماينشفش العجين (35غ للحبة إذا حبيتوها كبيرة واللي تحب تنقص تقدر ).
8- نأخذ كرية نتاع عجين نشكلها حربوش وندي ونجيب مليح العجين باش تتلم وماتشققش ونشكل كيما الصورة ونغلق مليح .
9- باش العجينة تبقى ملساء وماتشققش على الجوانب كي ندوروها وتلصق بسهولة وجي متساوية ومتحوفة من كل الجوانب نقصوا الأطراف بالسكين كيما الصورة
10- ونجمع العجين كيما الصورة ، راهي العجين طرية أجمعوها مليح وحاولوا تخفيو أثر المكان اللي لصقتوها فيه
11- الآن أبداو أنقشوا من تحت الدور كامل بشكل مائل ميلوا مليح باش يجي باهي ثم أنقشوا من فوق بشكل مائل في الاتجاه المعاكس .
حاولوا تنقشوا فوق المكان اللي لصقتوا فيها الحربوش باش تخفيو الأثر :
12- ضرك نجيو للطياب : تسخنوا الفرن مليح على درجة 180° ومن بعد تحطوا النقاش يطيب في الرف العلوي كيما الغريبية باش مايتحرقش ويطيب براحتوا مليح من داخل ، راهوا مايطولش ( حوالي 20د ) كي تشوفوه رجع بلون برتقالي فاتح من تحت نحيوه راهو يطيب كيما الغريبية مايطولش ومانحمروهش ( حاولو طيبوه في صواني ثقيلة باش يطيب في غرضو ومايتحرقش )
13- كي يطيب ماتمسوهش خليوه يبرد في راحتو راهو مبسس مممممممممممممممم كي تذوقوه تفهموا يم يم روووعة.
نجيو للتزيين :باش ما تفسدوس السكر ديرو في صحن صغير وحطو بالحبة ورشوا شوية سكر ناعم خفيف للتزيين برك وحطو الحبة في كيسات ورقية وزيدو حبة اخرى وهطذا ومن بعد ترجعوا تغربلو هذاك السكر اللي في الصحن وتستعملوه عادي .
ماتنساوش تخبيوه في علبة محكمة الإغلاق .
* ملاحظة : ممكن ايضا تعملوه بشكل سيقار أو مقروطات صغار يعطيكم عدد حبات اكثر لكن انا في رأيي السوار هو المخير لانو الغرس يبقة محمي داخل العجينة ويبقى طري وحتى شكلو جميل .
* هذه الكمية اعطتني حوالي 50 حبة على شكل سوار وتعطيكم ضعف الكمية إذا عملتوها سيقار او مقروطات.
شهية طيبة

[hibatou ellah]

اختي جربي نتاع الهام 07 او اخت ام اماني راهم رائعين ويجيو يدوبو في الفم انا جربت نتاع الهام روعة

[أم محمد تاج]

https://www.djelfa.info/vb/showthread.php?t=1432975
هاو ليك ام وابنة حنووونة

[ام و ابنة]

المشاركة الأصلية كتبت بواسطة الرجاء الاماني المجد

صح فطور الجميع كيف حالك اختي ام وابنة انا لا اتقن الحلويات كثيرا وانا اتعلم منكن ولكن سيجيبك الاخوات

الحمد لله يسقي عليك الخير يا اختي وشراكي انت
راني شفت طيابك تبارك الله عليك شاطرة
معليش مام ما قدرتيش تعاونيني كي رديتي عليا بزاف الله يعطيك ما تتمناي

[طير الرحمة]

الف مبرووووووووووووووووووووووووووووووووك النجاااااااااااااااااااااااااااااااااااح لكامل الاحبااااااااااااااااااااااب
فرحتو اهللكن ورفعتو راسهم
وفرحتو رواااااااااااااحمن تاني عقوبة لشاهداتاخرى ان شاء الله
من الصباح وانا نرااااااااااااجع
فرحاااااااااااااانة بزااااااااااف لفرحتكم
حنا عندنا فى العائلة كاين الى نجح كاين لا
ربي يعوض عليهم وان شاء الله العان الجاي يجيبو معدلات ملاح

[ام و ابنة]

الله يفرحكم و يعطيكم ما تتمناو
ام محمد تاج و هبة الله و ام الاء
فعلا الوصفة و الرابط عندي بصح كنت حابة تاكيد من اللي جربوه
و ما دامكم جربتوه ثقتي فيكم كبيرة
باذن الله غدوة نعملو و نعطيكم الخلاصة خخخخخ