الجزء61 من واش طيبتي اليوم مرحبا بيكم

[النرجووسة]

المشاركة الأصلية كتبت بواسطة نخله.

ختي باه نتفاهمو حنا نقولولو لفطير ممكن مختلف و ممكن اختلاف تسميه

طريقتي سهله

كميه سميد+ ثلث الكميه فرينه+ شوي زيت اقل من فنجان+ملح+ خميره الخبز مغرف ص

تلميهم بالحليب دافي ممكن تبدلي يعني ديري حليب بودر وتلمي بالما

تعجني مليح 10/15 دقيقه على حسب نوعية السميد انا نستعمل سميد بن عمر رووووووووووووووووعه

تخبي العجينه في كيس وتخليها ترتاح ساعه على الاقل

تعجنيها شوي وتقرصيها وطيبيهم في طاجين الطين غير تبدا فقاهات رح تخرج اقلبيها

وباه ما تجيش فيه قشره تتنحى وحدها غطييه ونتي طيبي فيه انا ما عنديش غطا كبير غطيب بسينيه تع فرن:d

نخولتي هدا واش خبز الشورمة ولا فطير ولا مسمن ؟؟؟؟؟؟؟؟؟؟؟؟

[x ام رحاب x]

المشاركة الأصلية كتبت بواسطة oum anas 69

شكرا حبيبتي أم طيري الجنة حتى طيابك لايعلى عليه ماشاء الله عليك
أم رحاب مون صابني معروضة عندك حقيقة كلش يشهي و طايب بالشأن و الطبع يعطيك الصحة وااااع والله جعت كي شفت طيابك

حبيبتي ام انس جيتينا بعيدة الله غالب والله كون جيتي قريبة ما نخليها في قلبك

[النرجووسة]

المشاركة الأصلية كتبت بواسطة نخله.

نرجوسه لالا ماشي خل تاعنا

اللي يستعملوه في الزيتون قاتلي بور خل قاطع سبيسيال

ايه هداك ممنوع

[x ام رحاب x]

المشاركة الأصلية كتبت بواسطة lahna moka

ليزابيل حبوبة لالا ما تخميش خنفوستي الجميلة و على التطبيقات البراج فهمتها و المادلان كمان فهمتها بصح البسكوي رولي ولاّ مالح ولاّ ساك ؟؟؟؟
أم طيري الجنة حبيبتي مرحبا أنا راني مليحة ان شاء الله نتي تاني مواااااااااااااح
أم أرحاب قلتلك نموت على أطباقك, كاش نهار أعرضيني باش تديريلي هاذو بصح بشرط ماشي وحدك لازم نعاونك ما نبغيش تنغبني
تويتي شكراا على الرشتة ممممممممم
أم أنس بارك الله فيك على الوصفة مممممم تسلمي

الله يسلمك حبيبتي ايلا كنت مرة ارواحي ليا ويلا ماشالتكش الارض انشيلك فو قراصي وانت اقعدي وايجيك كلش طايب

[فاطمةع]

مساء الخير عليكم ام ياسين المقرمشات هايلة

[نخله.]

نرجوستي هذاك فطيري اللي حطيت صورتو

[x ام رحاب x]

المشاركة الأصلية كتبت بواسطة نخله.

ام رحاب ماشالله لوكان فقتلك نجي ثم للسونت فيل ونبرح ادوني لدار ام رحااااااااااااااااااااااب

اكلاتك تشهي والديكور روعه ربي سترك

ههههه ههههه قتلتيني بالدحك حبيبتي ماجي لسونتر ماوالو قوليلي انا انجي ندي وخيتي بالفرح والسرور اهلا وسهلا بالحبايب

[نخله.]

تعيشي ام رحاب علابالي بيكم ناس كرم

كل ما نجو ثما نخبو رواحنا بالحشمه وين يروح يعرفوه ويحلفولنا ما نلقوش رواحنا بالحشمه والقدر

[nihale89]

المشاركة الأصلية كتبت بواسطة أم إناس

نهال نجيك ولا لالا. قتلك وشي هذا معناته كلش كلش. التارت راني نشوف فيه انت صح نجيك ضرك

مساء الانوار
هههههههههههه ام انوس قتلتيني بالضحك يعطيك النو
قصدك واش هو الحشو؟ مافهمتكش

[بشرى2008]

عشايا نتاع الفقراء غراتان الخضر نتاع نور إيناس

[lahna moka]

أم أرحاب خويا راه يخدم فالجلفة معلم و يشكر فيكم بزاااااااااف يقولي دائما ناسهم طيبين و كرماء و الدليل أنت حبيبتي

[نخله.]

انا نروح راهو المنتدى يحاوز فينا راحولو الالوان وذرك يزيد شوي يتبلوكا

في لمان حبيباتي

الليله ترفع الاعمال كاش ما تزيدو ركعتين او تدعو


في امان الله

سبحانك اللهم و بحمدك اشهد ان لا اله الا انت استغفرك واتوب اليك

[x ام رحاب x]

المشاركة الأصلية كتبت بواسطة أم إناس

زهرة ياهرة وليت ماتشتينيش
لهنه حنونة المدلان راه امممممممم تسلم الأيادي عزيزتي
وعشاءى ان شاء الله زيتون
ام انس اممممممممم تارت التفاح اممممممممم تسلم الأيادي
وشكون تعرف صابلي الزيت الله غالب نسيت ماشريتش الزبدة
والبنه تاع صابلي الزيت كيفاش
ام راحاب. ماشاء الله طيابك امممممممم ياتيك الصحه

الله يطيك الصحة حببتي تسلمي

المشاركة الأصلية كتبت بواسطة النرجووسة

مشكورة يا الغالية

ام رحاب هده عرضة وعليها لكلام

الله يعطيك ماتتمناي على المجاملة

[فاطمةع]

كنت نشوف في الصفحات لي فاتو يعطيكم الصحة كلش هايل وفي القمة

[دائمة الحمد]

مساء الخير حبيباتي النت اليوم راهي عاملة رايها تجي وتروح كرهتني

بصحتكم كل طياباتكم فور
يعطيكم الصحة
جاسمن هاو رابط كسرة الرخساس

https://www.djelfa.info/vb/showthread...362108&page=48