ورشة انجاز تروسو سموكس - الصفحة 40

-رودينا- · 2012-02-21, 13:11

اقتباس:

المشاركة الأصلية كتبت بواسطة fifiarch

اهلين اختي هاجر
ايه هكاك لما الوحدة تتابع الاسئلة نتاع الاخوات تستفاد معهن
بالنسبة للمخاد يجوك حوالي اربعين سنتيمتر على اربعين
ملاح
خلي حوالي ستة سنتيمتر على الحاشية
ايه اخدمي باربع سنتيمترات تجيك الخدمة هااااايلة
ايه على المخدة نتاع القلب هاذ المساء او غدا ان شاء الله تلقايها موضوع منفصل في قسم الاعمال الفنية

سبحان الله الاخت هاجر تقول تقرا افكاري ودايما سابقتني كنت حابة نطرح عليك عزيزتي فيفي فكرة المخدة على شكل قلب كيفاش نخدموها وترددت قلت بلي راكي مشغولة بزاف منزيدش عليك يعطيكم الصحة لزوج

ام مرية · 2012-02-21, 13:20

مساء الخير اخواتي والله غير راني حشمانة كيفاش نقول
اسفة اخت فيفي هذا الاسبوع ما رانيش معاكم لانو يما مريضة بزاف وراني واقفة معاها ما نقدرش نلهى بحاجة اخرى ولكن ان شاء الله ابتداءا من السبت راح نكون معاكم وما تتقلقيش ما رانيشش رايحة نعييك نطلب من اخواتي يساعدوني وراح نلحقكم ان شاء الله يوم السبت مساء او الاحد ما عليش تقبلي يوم الاحد نعرض عليك تطبيقي راني قمت بكل الخطوات بقى غير الغرزة الله يحفظك ما ترفضينيش

chiraz16 · 2012-02-21, 13:34

اقتباس:

المشاركة الأصلية كتبت بواسطة fifiarch

صباح الخير اختي شراز
تعرفي طيحتيلي الموراااال للصفر
علاه تلجئوا لموضوع اخر
علاه انا ماحطيتلكمش القياسات و الاختيارات
او انني ماقدرتش نوصل المعلومة

صباح الخير حبيبتي اسمحيلي ايلا غلطت حاشى انتي الكل في الكيل ويعطيك الصحة على كل واش راكي تقدمي لينا
انا قصدت نحط حاجة زيادة برك باش يشوفو كوفرولي طالع ومخدوم فاللزيادة افادة اسمحيلي مرة اخرى

هــــــــــــــاجر · 2012-02-21, 13:39

اقتباس:

المشاركة الأصلية كتبت بواسطة حراوية وافتخر

سبحان الله الاخت هاجر تقول تقرا افكاري ودايما سابقتني كنت حابة نطرح عليك عزيزتي فيفي فكرة المخدة على شكل قلب كيفاش نخدموها وترددت قلت بلي راكي مشغولة بزاف منزيدش عليك يعطيكم الصحة لزوج

هههههههههه أيا مليح راني نهنيك مالكتبة. والأخت فيفي ربي يجازيها راهي مفضلى علينا عالراس مالفوق

اقتباس:

المشاركة الأصلية كتبت بواسطة ام مرية

مساء الخير اخواتي والله غير راني حشمانة كيفاش نقول
اسفة اخت فيفي هذا الاسبوع ما رانيش معاكم لانو يما مريضة بزاف وراني واقفة معاها ما نقدرش نلهى بحاجة اخرى ولكن ان شاء الله ابتداءا من السبت راح نكون معاكم وما تتقلقيش ما رانيشش رايحة نعييك نطلب من اخواتي يساعدوني وراح نلحقكم ان شاء الله يوم السبت مساء او الاحد ما عليش تقبلي يوم الاحد نعرض عليك تطبيقي راني قمت بكل الخطوات بقى غير الغرزة الله يحفظك ما ترفضينيش

ربي يشافيها ويعافيها ان شاء الله

chiraz16 · 2012-02-21, 13:39

اقتباس:

المشاركة الأصلية كتبت بواسطة batoul2000

السلااااااام عليكم اختي شيراااز
اسمك شباب يعجبني
اختي اللون لي اخترته الازرق تيركواز....اما الشرشيفة ما زال ما قررت...البعض قالوا لي نعملها بيضا و البعض قالوا لي ابتعد عن الابيض ونبقى ندور في اللون الازرق.........؟؟؟؟؟؟؟؟؟؟
في ما يخص القماش انا تاني نسل الخيط و ما نقطتش ...سل الخيط يجي ساهل
يسلمووووووووووووو اختي الحبيبة

صباح الخير حبيبتي وتسلمين انتي الاجمل
الازرق لون جميل ويخرج معاه الابيض هبال بصحتك

انا راني بديت نسل بصح خدمة كبيرة بزاف سوغتو كي القماش طويل راهي السلان اتاعو كثرمن خدمتو ربي يعينا

نبوغ · 2012-02-21, 14:59

السلام عليكم
أختي فيفي غير ليوم رجعت النت أنا شريت القماش 10 مترات برك ضوك نزيد 2 ليوم برك شوفت ردك و هاذوم أدواتي

مازالوا حوايج ناقصيني زربت بالقماش هو الأساس
راني شوفت الدرس وإن شاء الله نلحق في الوقت مع البنات

ام مرية · 2012-02-21, 15:28

اهلين بالحلوين واش بيكم يا البنات لاهفين نخليكم البارح في الصفحة 33 نولي اليوم نصيبكم في 40 راكم تباتو هنا ول ههههههه حقى ما قلتلكمش اليم علاش طولت ما دخلتش للموضوع لاني تلفت الطريق باش ندخل لورشة عمل تروسو سموكس دخلت لدورة تعلم السموكس وانا نحوس على الردود وعلى الاخوات ما لقيت والو قلت بيني وبين روحي واقيلا الورشة كانت غير منام نمتو رووووووووووحي من بعد باش فقت مت على روحي بالضحك وهاني رجعت ليكم و الحمد لله

-رودينا- · 2012-02-21, 15:50

اقتباس:

المشاركة الأصلية كتبت بواسطة ام مرية

اهلين بالحلوين واش بيكم يا البنات لاهفين نخليكم البارح في الصفحة 33 نولي اليوم نصيبكم في 40 راكم تباتو هنا ول ههههههه حقى ما قلتلكمش اليم علاش طولت ما دخلتش للموضوع لاني تلفت الطريق باش ندخل لورشة عمل تروسو سموكس دخلت لدورة تعلم السموكس وانا نحوس على الردود وعلى الاخوات ما لقيت والو قلت بيني وبين روحي واقيلا الورشة كانت غير منام نمتو رووووووووووحي من بعد باش فقت مت على روحي بالضحك وهاني رجعت ليكم و الحمد لله

الحمد والله على سلامتك خيتو ام مرية

-رودينا- · 2012-02-21, 16:01

مساء الخير ياجماعة واش اليوم ماقريناش الانسة فيفي مابنتش اليوم موالفة كل عشية تدخل غير الخير

على الاسلام غيورة · 2012-02-21, 16:29

سلام الله عليكم يا البنات

اسفة راني مانيش ندخل الانترنيت خلصت وغير البارح الي سلكناها

السمانة الماضية ما عرفت كيفاه ندير والطرق مقطعة

وزادها الويك اند ملفوق المهم اختي فيفي اسفة علا بالي بلي راني تلميذة كسولة

وراني هذه السمانة لهيت بامتحانات التلاميذ وان شاء الله السمانة الجاية نتفرغ للعمل

انا مستعدة لاي عقوبة

احبك في الله

rimoucha0187 · 2012-02-21, 16:30

اقتباس:

المشاركة الأصلية كتبت بواسطة noudjoud b b a

السلام عليك اختي فيفي
انا راني ليوم وين دخلت وشفت الورشة ومبروك الافتتاح
وراني حابة نقولك بلي راني نعرف بعض الغرز بصح حبيت انو نشارك معاكم باه نكمل نتعلم غرز اخرى
فهل هذا ممكن

salm noujoud hbibti ana li saksitek 3la lafrach ta3k haba nsaksi 3la lahachya ida dakhla f hadak couvre lit ta3k ya3ni 7émtre mahsoub fiha koulch walla kifah w tani yakhi yji gad srir brabbi

isawts · 2012-02-21, 18:03

اقتباس:

المشاركة الأصلية كتبت بواسطة نبوغ

السلام عليكم
أختي فيفي غير ليوم رجعت النت أنا شريت القماش 10 مترات برك ضوك نزيد 2 ليوم برك شوفت ردك و هاذوم أدواتي

مازالوا حوايج ناقصيني زربت بالقماش هو الأساس
راني شوفت الدرس وإن شاء الله نلحق في الوقت مع البنات

نبوغ منين شريتي لقماش ياخي انت من بسكرة

فادية الجزائرية · 2012-02-21, 18:06

هذه بعض مشترياتي أعطوني رايكم ............عندي 3 ألوان ومحتارة فاللون أنا قولت ندير البرتقالي ......ونبدل الحاشية

هاجر المسلمة · 2012-02-21, 18:16

[QUOTE=هــــــــــــــاجر;8924961]أختي هاجر المسلمة ...هاداك دونتال ولا حاشية اللي جاي كالأورغنزا فالغوز؟ وش أسمو؟ شحال شريتيه؟ شحال عرضو؟
اسمحيلي كثرت الأسئلة[/QUOاهلا هجورة اسمك كيما اسم بنتي
انا كتبت الطلبات لابن اختي وهو راح شرى كتبته الدنتال الي 2متر ويكون ايناسب المفرش للسرير اعطالو البائع هدا العرض قيسته 4سم اما السومة والله ما نعرف هو شرالي كل شيء مع بعض وصيتو يسالي على الستان روايال وكانت الصدمة جابو 25 الف للمتر كنت نشري ب20 احسن

fifiarch · 2012-02-21, 18:31

[quote=حراوية وافتخر;8923850]

اقتباس:

المشاركة الأصلية كتبت بواسطة fifiarch

شوفي اختي المفروض لما يتخيط مليح ما تبانش ياسر
اما لتفادي كل هاذا حاولي تبدي النقط نتاعك من الحاشية نتاع الخياطة هكا لما تخدمي مبعد الخياطة تجي في مكان مافيشو سموكس و هكا ماتبانش
اتمنى تكوني فهمتيني
والف شكر ليك على السؤال لانو في مكانو الصحيح
و باين عليك متبعة ملييييح

صباح الخير عليكم كيفكم
طرحت عليك هذا السوؤال من قبل انساتي والطريقة لي شرحتي بيها للاخت عملتلو تخطيط وسامحيني عملتو بيدي كنت مزروبا باش تشوفيه وتقوليلى فهمت صح ولا غلط لانو كنت فاهمة بلى نبدا التخطيط من اليمين الى اليسار
والكتابة لي بي البرتقالي هي الحاشية انتاع الخياطة

وبارك الله فيك

اهلين اختي
يعطيك الصحة هكاك الفكرة
تبدي التنقيط من الوسط الى الجهتين
ممتااااااز