حلقات السيدة يعلى حصريا

[oum salim]

السلام عليكم و ربي يسلمكم لبنات .
نكمل وصفة يوم الاربعاء .
غريبية القوفريت

500غ مارغرين.
كاس سكر عادي.
نصف كاس سكر ناعم نضرب مليح بالباتور حتى نحصل على كريمة .ونضيف لها
2 ملاعق ك عطر فراولة
2 كيلات (bol) قوفريت مرحي (ذوق فراولة).
1 خميرة .
ونلم بالفرينة حى نحصل على عجينة طرية ندخلها الثلاجة شوية.
نشكلها كويرات وندخلها في مول المعمول . كي تطيب نلصق فوقها نصف حبة كرز مصبر بالمربى ونرش عليها السكر الناعم.
او نحلها بالحلال وتقطع حسب الرغبة . كي تطيب نلصقها بالمربى ونزين الاطراف بجوز الهند او اللوز كوكاو مرحي .

[oum salim]

وصفات يوم الخميس .
les gaufres ( حلوى جافة)
250غ مارغرين .
2 ملاعق ك سكر ناعم
3 بيض
3ملاعق ك مايزينة
1فانيلا
1خميرة
نضيف الفرينة حتى نحصل على عجينة طرية .ترتاح في الثلاجة بعض الوقت.
نحلها بالحلال وتقطع حسب شكل المول (مربعات او قلوب) بعدما تسخن الالة نضع العجينة ونغلق عليها نتركها 5د.
ننزعها تعسل ونعمر الفراغات بالمربى ونرش عليها شوية جوز الهند.

[oum salim]

هذه حلوى كي يبقى لك بياض البيض في العيد ديري بيه هاذ الحلوى .
حلوى بياض البيض

1كيلة بياض بيض ( اذا كانت عندك الكيلة ناقصة زيدي لها حبة بيض كاملة )
1كيلة عسيلة.
ربع كيلة سكر
كيلة مارغرين ذائبة
نضرب جيدا بالخلاط ثم نضيف
كيلة( لوز مرحي +جوز الهند) او (كوكاو +جوز الهند)
1كيلة سميد متوسط(دشيشة متوسطة)
2خميرة
قشور 2 حبات قارص مبشور
نضيف المايزينة حتى نحصل على عجينة ثقيلة (مثل البسبوسة) نفرغها في مول مدهون بالمارغرين (ارتفاعها نصف المول)
نسويها بظهر ملعقة نغمسها في كل مرة في الماء .ندخلها الفرن تتحمر.
نتركها تبرد
نذوب 2علب شكولا ونفرغها فوق الحلوى
ونضع فوقها خطوط من الشكولا البيضاء نمشيها بالملعقة على شكل امواج بعدما تنشف تقطع مربعات .

[oum salim]

حلوى محشية بالشكولا
250غ مارغرين
كاس سكر ناعم
2 ملاعق ك كاكاو (بني فاتح) او 1ملعقة ك ( بني غامق )
1ملعقة ك حليب غبرة
4 صفار بيض
1كاس مايزينة
1ملعقة ك عطر كراميل
1 خميرة نلم بالفرينة عجينة طرية ترتاح في الثلاجة.
نحلها بالحلال وتقطع حسب الرغبةدوائر او مقيرطات او ازهار بطابع الصابلي . وناخذ طابع صغير تاع الزهرة نقطع ازهار صغيرة ( نصف عدد الحبات الكبيرة) نلصق الازهار الصغيرة فوق الكبيرة ببياض البيض .وندخلها الفرن تطيب .
بعدما تبرد نلصقها بالشكولا نوتيلا (nutella) (الحبة اللي لصقنا فوقها الزهرة الصغيرة من فوق طبعا)نمسح الاطراف بالمربى وترمد في جوز الهند . وتزين من فوق بنصف حبة كرز مصبر وخطوط من الشكولا ونرش عليها شوية سكر ناعم ..
وهكذا كملت وصفات الخميس
ربي يكون في العون .وتقبل الله صيام الجميييييييييييع.

[dahbiya]

المشاركة الأصلية كتبت بواسطة oum salim

حلوى محشية بالشكولا
250غ مارغرين
كاس سكر ناعم
2 ملاعق ك كاكاو (بني فاتح) او 1ملعقة ك ( بني غامق )
1ملعقة ك حليب غبرة
4 صفار بيض
1كاس مايزينة
1ملعقة ك عطر كراميل
1 خميرة نلم بالفرينة عجينة طرية ترتاح في الثلاجة.
نحلها بالحلال وتقطع حسب الرغبةدوائر او مقيرطات او ازهار بطابع الصابلي . وناخذ طابع صغير تاع الزهرة نقطع ازهار صغيرة ( نصف عدد الحبات الكبيرة) نلصق الازهار الصغيرة فوق الكبيرة ببياض البيض .وندخلها الفرن تطيب .
بعدما تبرد نلصقها بالشكولا نوتيلا (nutella) (الحبة اللي لصقنا فوقها الزهرة الصغيرة من فوق طبعا)نمسح الاطراف بالمربى وترمد في جوز الهند . وتزين من فوق بنصف حبة كرز مصبر وخطوط من الشكولا ونرش عليها شوية سكر ناعم ..
وهكذا كملت وصفات الخميس
ربي يكون في العون .وتقبل الله صيام الجميييييييييييع.

اليك اختي انا مفهمتش كيفاه نلصق الازهار الصغيرة فوق الكبيرة وضحيلي من فضلك ومشكوووووووووووووورة على المجهودات

[oum salim]

المشاركة الأصلية كتبت بواسطة dahbiya

اليك اختي انا مفهمتش كيفاه نلصق الازهار الصغيرة فوق الكبيرة وضحيلي من فضلك ومشكوووووووووووووورة على المجهودات

https://www9.0zz0.com/2012/08/12/00/727195955.jpg
نمسح الزهرة الصغيرة ببياض البيض ونحطها فوق الكبيرة وتجي كيما راكي تشوفي بعد التزيين .

[aziza05]

راني حابة نعاونك لكن نت عند ضعيفة و لم استمع لها لأن وصفات السيدة يعلى بزاف فور و هي ثاني فور

[oum salim]

المشاركة الأصلية كتبت بواسطة aziza05

راني حابة نعاونك لكن نت عند ضعيفة و لم استمع لها لأن وصفات السيدة يعلى بزاف فور و هي ثاني فور

تعيشي حنونة .مديلي طريقة وضع التسجيلات و هكذا تكوني عاونتيني ونكونوا كامل a jour.

[امال7]

تحياتى لةل الاخزات المتتبعات لهذا الرةن
شوفوا بسبوسة التى خدمتها فى رمضان من عند السيدة يعلى

[mimi53]

لبنات ربي يحفضكم ويخليكم يعتيكم ما تتمناو
انا سمحولي هادو ليام راني مريضة انشاء في اقرب الاجال رايحة نوافكم ونعاون اختي وحبيبتي ام سليم ربي يحفظها انشاء االلله

[oum salim]

المشاركة الأصلية كتبت بواسطة mimi53

لبنات ربي يحفضكم ويخليكم يعتيكم ما تتمناو
انا سمحولي هادو ليام راني مريضة انشاء في اقرب الاجال رايحة نوافكم ونعاون اختي وحبيبتي ام سليم ربي يحفظها انشاء االلله

طهور ان شاء الله ربي يشافيك حنونة .
هادي غيبة . عودة ميمونة .

[aziza05]

ربي يشافيك ان شاء الله

[douane hadjer]

من فضلكن ياسيدات اللي سمعت السيدة يعلى تمدلنا وصفات الحلويات تع يوم 13/08/2012

[douane hadjer]

plzzzzzzzzzz jai besoin 2 ses recettes

[aicha3357]

saha ftourkoum labnat,amana wasfat alyoum kamel,rabi yabalarkom almorad inchaalah