الجزء 148 من واش طيبتي اليوم كوزينة الاحباب و التفنن في الطبخ - الصفحة 40

x ام رحاب x · 2015-10-10, 08:25

اقتباس:

المشاركة الأصلية كتبت بواسطة ام مؤمن

الانترنت هبلتني ماقدرتش ندخل من لعشية و حبيت ام ساجد الغالية تشوف الخبز باش تجاوبني على اللباااااب ماقدرتش نعاود نحط الصور درت اقتباس هههه اذا جا الرد اصلا

يا ريت تقولولي واش هو السبب اللي يخلي الخبز تقيل من الداخل

و في الصور ايضا كاينة صورة اللحم المحمر سقسات عليه اخت راحلي اسمها ربما ام نور الهدى حابة تجربو اول مرة انا اليوم اول مرة درتو جاني هايل تبلت اللحم مليح حطيتلو شوية فلفل اسود و ملح و بابريكا فلفل احمر و كسبر و راس حانوت و شوية دبشة و بصل مقطع رقيق و ايضا طماطم مقطعة و ثوم جاف و ملعقة خل '(تقدري تزيدي زيتون مقطع)و خليتو بات في الثلاجة و في الغد حطيتو في ورق شفاف الفكرة من عند ام الاء ربي يحفظها و غلقتو في ورق المنيوم و حطيتو يفور 3 ساعات و نصف و قدمتو مع شوية بطاطا مقلية و زيتون بقالي من طاجين الزيتون او مع ارز

ايضا شفت طلب ام باسم سامحيني ماقدرتش ندخل من لعشية الصفحات ماتفتحوليش

معجون المكسرات

https://www.djelfa.info/vb/showthread...7#post11782177

يا ربي يوصل ردي راني رايحة نهرب من الانترنت هذي

و كي يصلح رايها نراجع شوية الاصفحات ماشاء الله

اكلك ايشهي والخبز خرجلك روعة

x ام رحاب x · 2015-10-10, 08:27

زهرة 30 ربي يكون في عونك ماشي ساهلة التربية وقولي الاختك الله ايبارك عليا اتشهي هاد التحلية كيفاش دارتها اممممممممممممممممم

x ام رحاب x · 2015-10-10, 08:30

اقتباس:

المشاركة الأصلية كتبت بواسطة ام رويدة

السلام عليكم

الف مبروك افتتاح هذا الجزء من الكوزينة
والتي استضافتنا فيه الكريمة ام مؤمن

افتتاحية ما شاء الله منوعة
اطباق وحلويات اقل ما يقال عنها تحف.....سلمت يداك اختي وربي يهنيك ويسعدك

باروووكي لام مؤمن و للغاليات النحلات النشيطات

واااااااااااااااااااااااااااااااااو ام رويدو الله ايبارك عليك تحفة حبيبتي

x ام رحاب x · 2015-10-10, 08:33

اقتباس:

المشاركة الأصلية كتبت بواسطة soriaalg

السلام عليكم ورحمة الله تعالى وبركاته
نيابة عن كل الجماهير الغفيرة خلف الكواليس اقول لكم جميعا
أعطاكم الله ما "تمنيتم"
وأجابكم بما "دعيتم"
ورزقكم ما "رجوتم"
وغفر لكم ولوالديكم..
أسأل الرحمن خالق الانسان منزل القرآن الذي يـــراكم ويعلم سركم ونــجواكم...
أن يجعل السعاده والصحه لا تفارق أعـــينكم وأبدانكم وأن يجعل أحسن أعمالكم خواتيمها وأن يحشرنا معكم في الفردوس الأعلي..
اللهم آمين...
أسعد الله مسائكم بكل الخير

الله ايخليلك كل عزيز حبيبتي تسلمي على هاد الدعاء الرائع ولك بالمثل

x ام رحاب x · 2015-10-10, 08:39

صباحك سعيد البحر الصافي كي اصبحتي حبيبتي
انا انخليكم راني رايحة اندير بركوكس وانا معنديش العيش رايحة نفتل شوية بركوكس وانطيبو للفطور سلالالالالالالالالالالالالالالالالالالالالالالالال الالالام
الي يدخل من بعدي صباحكم سعيد ويوم موفق ان شاء الله

زهرة الريف* · 2015-10-10, 08:49

السلام عليكم ورحمة الله وبركاته أخواتي
زهرة 30 يقولو مايكبر اس حتى يشيب راس ربي يعينك واطباق اختك ماشاءالله والتحلية هاذيك وشنهي
أم رحاب واش راكي واش غداك اليوم
أم جوجو بصحتك العرس المهم درتي الواجب وغيرتي جو
أم وابنة نقصي القازوز راه هو العلة ويزيد ينفخ الكرش ديري عصير طبيعي
أم بيسان ياختي ربي يعينك بين الكوزينة والخياطة والله بزاف كيفاش راكي تلحقي
البحر الصافي صباح الخير الرجاء الأماني بصحتك المقارونة وكاش منقولات اليوم
المعلمة بصحتك لاتارغت روحوا ضيافك ولامزال واش راهي عجوزتك ربي يخفف عليها وعلى كل مصاب

زهرة الريف* · 2015-10-10, 08:56

اقتباس:

المشاركة الأصلية كتبت بواسطة x ام رحاب x

صباحك سعيد البحر الصافي كي اصبحتي حبيبتي
انا انخليكم راني رايحة اندير بركوكس وانا معنديش العيش رايحة نفتل شوية بركوكس وانطيبو للفطور سلالالالالالالالالالالالالالالالالالالالالالالالال الالالام
الي يدخل من بعدي صباحكم سعيد ويوم موفق ان شاء الله

اليوم نهاروا يعطيك الصحة يالحرة انا يجيني مفتول من عند أمي تتعاون مع زوجة خالي ويديرولي عولة العام مع البربوشة ربي يحفظهم
ويرزقهم الصحة وزيارة بيت الله الحرام

البحر الصافي · 2015-10-10, 09:06

ام رحاب كنت نراجع وشفت هادي اعطيني الوصفة تعيشي راهي تشهي

إضغط هنا لرؤية الصورة بحجمها الطبيعي.

البحر الصافي · 2015-10-10, 09:12

واوووووووووووو ام ساجد تشهي وقيلا نروح نديرها للغداء

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

أم أماني وعبدو · 2015-10-10, 09:25

اسعد الله صباجكم بكل خير
صباح الخير ام رحاب ام وابنة ام جوجو البحر الصافي ام باسم وبيسان زهرة الريف زهرة30 الرجاء ام حبوبة ام عبدو وملاك ليزابال ام ساجد والى كل الملتحقات بعدي واللي نسيتها تسمح لي

ام سمسومة 89 · 2015-10-10, 09:25

اقتباس:

المشاركة الأصلية كتبت بواسطة البحر الصافي

ام رحاب كنت نراجع وشفت هادي اعطيني الوصفة تعيشي راهي تشهي

إضغط هنا لرؤية الصورة بحجمها الطبيعي.

صباح الخير يا حراير ......البحر الصافي حتى انا عجبتني الوصفة راهي حطتها ام رحاب واحتفظت بيها تفظلي الرابط أختي

https://www.djelfa.info/vb/showthread.php?t=1532405

البحر الصافي · 2015-10-10, 09:31

مشكورة ام سمسومة الله يخليك

lyzzabel · 2015-10-10, 09:43

صباااح الخييير حبييباااتي و نهااركم طيييب

شغت قاااع طيابااتكم يعطييكم الف عاافية ام مؤمن و ام باااسم و زهرتي الحلللوة و سروووور و ميييمتي الحنييينة و ام الجووود و ام محمد اسلاااام و الرجاااء و ام سهاااام و آياااات و زهرة الريييف و ام رويييدة وووووو كلشيي يشهيييي الله يبااركلكم في صحتكم و في أرزااقكم و يزييدكم من فضله يااارب

سرووور حبييبتيي راني حااطة وصفة العصبااان رااهي في وصفاات الحرااير و دييري بييه مرقة تااع الطعاام عاااديي كيما مواالفة تديرييها و سقيي الطعااام حنووونة و الجاااج محمر شووفي موااضييعيي و ادا بغيتييه يطييبلك كيما تااع برا ديرييه ف tourne broche و طيبييه بكريي على الناار تااع الشواااية

جيييل حبييبتي ربي يعطييك ما تتمنيي بصح ما تجيييش تقولييلنا شكوون عندها وصفة للتنحيييف خخخخخ هههه

صوريااا وااااو مااا أرررروع الدعاااء لي دعتييلنا بييه اللهم آميييين و لك بالمثل غاااليتييي و شكرااا على الإلتفاااتة باارك الله فييك

حقاا ام مؤمن بالنسبة للباااب تااع الخبز بالااك رااكي تخششنيي الخبيزاات و ما تخلييهمش يخمروو مليييح و العجيينة لاااااااااازم تكوون مرخوووووووفة نتمنى نكوون أفدتك و ان شااء الله تزييد تدخل ام سااجد و تشووف ويين الخلل

ام جووجوو بصحتك العرس هاكا يبقى باالك مهنيي و على التالوون قااع رانا كييفكييف حتى انا ولييت ما ننجمش نووقف بييييه خخخخخ

الفطوور اليووم مودر بغييت نديير البوزلووف و كان رااح الحاال و رااه يزييد يروووح خخخخخ

اللهم بك أصبحنا و بك أمسينا و بك نحيا و بك نموت و إليك النشور

زهرة الريف* · 2015-10-10, 10:49

سرور ربي يكملك وجيبي أحمد وإسم فاطمة مليح ياليت بناتنا يجيو في ربع أخلاق السيدة فاطمة الزهراء رضي الله عنها
ليزا كالعادة منورة بحضورك وكلامك الحلو ربي يوفقك عزيزتي و بصحتك واش مادرتي
سمسومة مرحبا اختي
أم إسلام طلي علينا وطمنينا عليك أنت وكوكا ولهنا وعزوفة وأم تاج إن شاءالله تكونو بخير وحبيبتنا دائمة الحمد وكذلك دائمة الشكر
ام حبوبة لا مازلتي شايطة على هذاك القاطوا روحي لعمك غوغل وديري قاطو الماكينة وراه يخرجلك لي تحوسي عليه بصح دزيلي سهمي
أم ياسوا وين راكي مبروك عليك الكويزنيار ياست الستات لعقوبة لحوايج آخرين
غدايا استقريت على اللوبيا الخضراء ولادي راهم هازين شنافتهم ماشي عاجبتهم وانا حابة ندير رأيي

زهرة الريف* · 2015-10-10, 10:52

هذا خبز ليزا ربي يجازيها كل خير درتو أول أمس