الجزء 180 من الكوزينة (رمضانكم كريم )

[zokhrofa]

المشاركة الأصلية كتبت بواسطة أمنية غفران

راني شفته بصح ممكن دير شوية بياض البيض باش يلصق خير من العقاش و لا اللوز واش رايك
وقيلة درتيلي السوسة باش نجربه ولا كيباه درك

علابالك درك كي يدخلو البنات ما يفهمو فيها والو هههههههههههههههههههههههههههه

هههههههههههههه عاودي حطيلهم الرابط

شوفي خلي نديرو انا و اذا عجبني الذوق نقولك ديريه هههههههه خير ما يروحو المكونات تاع شخصين

[zokhrofa]

اختي ام رحاب انتي الفحلة

لكن زعفت منك كي قلتي ما نديرش الحلوة كي توفات امي

اختي ديننا الاسلام و البقاء الله سبحانه و تعالى و الحزن بكل انواعه لن يفيد

انتي مسؤولة امام الله على ولادك و زوجك و هوما من حقهم يفرحو بالعيد

اي نعم انا معاك فراق كل عزيز صعيب فما بالك امك لكن هذا ما يعطيكش سبة انك تحرمي اهلك من فرحة العيد


هيا ارجوك تعوذي من ابليس راه يوسوسلك باش ما تفرحيش في عيد المسلمين

احنا عندنا عيدين و من واجب كل مسلم الفرحة وليس الحزن

حتى انو الرسول عليه الصلاة و السلام نهانا نزورو القبور قبل ما نكملو التقبال على كامل الحيين لي نعرفوهم

لذلك ربي يسترك نتمنى من كل قبلي انو رسالتي وصلت و ربما ربي بعثني ليك باش نبهك ربي يسترك و يعطيك الجنة انتي و امك و تشبعي منها ياااااااااااااااا رب

[بيان 5]

اختي زخرفة طاجين الجبن انا نخدموا بالدجاج مانحبوش باللحم المرحي نطيبو الدجاج نفتتوه ونحططولوا مختلف انواع الاجبان جبن ابيض شيدار موتزاريلا جبن ابيض اللي عندك وبيض تخلطيهم مع بعض والى الفرن ماتنسايش ترابي فرماج على الوجه


اختي ام رحاب راني حاسة بيك فراق الوالدين صعيب مام حنا في اول عيد بع وفاة ابي الغالي مانحكيلكش كيفاش فات لكن هذا قضاء الله يا اختي علش ماديريش قاطوا وتفرحي بيه عائلات فقيرة بنية الصدقة على امك اللي ندعيولها بالرحمة
ونأكدلك في كل عيد وفي كل يوم وفي كل لحظة راح تبقى في بالك انا بابا ربي يرحمو عندوا 4سنين كي توفى وخلى فراغ رهيب لحد الان مانسيناه ماننساوه لكن تستمر الحياة المهم حنا ماننساوهمش بالدعاء والصظقة

[zokhrofa]

اه فهمت اختي بيان ربي يسترك و انا فهمت الجبن تاع بكري لي نديروه فالدار

[روضة 88]

السلام عليكم
صحة رمضانكم وفطوركم وسحوركم
بعد غياب رجعت نشوفكم ونشوف كواليسكم للعيد.
ام رحاب أمك الله يرحمها توفات مع والد ام ماجد الله يرحمه .
مهما بلغ الحزن أشده ستمر الايام يكفي الدعاء لهم والصدقة.

[x ام رحاب x]

لبنات ربي يخليكم كل عزيز حبيباتي
زخروفة ربي يفرحك حنونة وربي يعطيك على حساب نيتك عزيزتي كلامك كلو صواب ربي يهديني برك الله يرحم ابي وامي ويدخلهم جنات الرحمان وربي يصبرني برك انشوف كاش ماندير وصفة ولا انخلي بناتي هوما الي يديرو الحلوة شكرا خنونة
بيان ربي يرحم باباك ويعطيك الصبر انا بابا الله يرحمو عندو 4 سنوات والخامس تبعاتو امي واش انديرو يالعزيزة من غير الدعاء الله يرحم موتانا ومتى المسلمين
روضة ليك وحشة كبيرة حبيبتي واش راكي واش راهي ام ماجد مزادتش بانت خلاص ربي يرحم والدها يارب ويعطيها الصبر وانت واش راكي ووليداتك واش راهم رمضانك بالصحة حنونة ماتقطعيناش ساعة واطلي علينا
لينا شكرا حبيبتي على كلامك الطيب تسلمي

[zokhrofa]

هااااااااااااااا من الصباح و انا نستنى في الرد ديالك اختي ام رحاب والله فرحانة بزاف لي اقتنعتي و ربي يرحم كل اموات المسلمين و يجعلنا كلنا من اهل الجنة يااااااااااا رب

معليش ديري لبناتك شوية كوراج انتي تان راهم يدوك قدوة في الصبر على المحن

[بيلسان91]

صحا فطوركم كل
واين وصلتو فلقاطو
انا درت كروكو وقاطو قطيفة وصابلي ومزال لمقرود ربي يقدرني عليه ونخدمو

[سحابة باردة]

مساء النور حبباتي صح فطوركم
حبيبتي ام رحاب اصعب حزن في الدنيا كيما تقول أمي هو الحزن على فراق الأم طعمو مر بزاف وميخفش بسهولة عزاءك الوحيد هو أنها عند ربي سبحانو أرحم الراحمين
ربي يصبرك تفكريها بدعاء والصدقة وربي يجعل قبرها روض من رياض الجنة أن شالله
زخرفة المقروط كيما يقولو بالوهرانية علامة ههههه
امينة بصحتكم قاطو العيد يالساجية
وبيان بصحتكم طاجين الجبن حتى انا انديرو كي نكره من البوراك بصح بالفيون داشي
هذ ماشفت اليوم لينسيتهم نقولهم تعرفوا الصيام وعمايلو ههههههه

[zokhrofa]

صح فطوركم

هههههههههههه صحيتي سحابة على علامة ربي يفرحك تمنيت نذوقكم منو

[ارزاق]

صح فطوركم ولي راهم مع القاطو ربي يعاونكم

انا درت هلالات بالعجينة السحرية تاع ام اماني ربي يرجعها بخير بصح خرجتلي الحشو تاع الكوكاو معرفتش لاه مع اني مالفا نديرو ويخرج مليح ودرت نوع اخر بالفلان ثاني تاع ام اماني جاني >وقو يشبه للغريبية ومزال نخمم واش نزيد صح هبطلي المورال كي مننجحش في قاطو منحبش نزيد ندير

[ارزاق]

اختي زخرفة شفت المقروط تاعك الله يبارك رووووعة راكي تبعدي في العين

ام رحاب الحنينة ربي معاك صح مش ساهل فراق الام لكن خلي بناتك يديرو حبات قاطو وربي يرحم امك

حياة غايبة ان شاء الله يكون المانع خير

[بيلسان91]

المشاركة الأصلية كتبت بواسطة ارزاق

صح فطوركم ولي راهم مع القاطو ربي يعاونكم

انا درت هلالات بالعجينة السحرية تاع ام اماني ربي يرجعها بخير بصح خرجتلي الحشو تاع الكوكاو معرفتش لاه مع اني مالفا نديرو ويخرج مليح ودرت نوع اخر بالفلان ثاني تاع ام اماني جاني >وقو يشبه للغريبية ومزال نخمم واش نزيد صح هبطلي المورال كي مننجحش في قاطو منحبش نزيد ندير

صحا فطورك اختي
وش نقلك عشية كاملة وانا نقول فقلبي منعرف كاين لي كيفي ولالا
هاكي ظهرتي نتيا
متلا نجرب وصفة كاين لي تنجح كاين لي متنجحش
متلا لي نجحت تعتمديها تجربيها قداش من مرة تجي مليحة هاه تجي تجربيها تفشل ولا متجيش كما مالفة منعرف علاش
كنت رح نسقسي لبنات هنا ومباعد سكتت

[ارزاق]

صح فطورك اختي بيلسان والله انا كل عام تصرالي ونقول علاه الفحلات يديرو القاطو ويتفنو فيه تعرفي تاع الهلالات غاضني الكوكاو راح خسارة وانا مجبرة ندير لانو ابني ربح السانكيام ولازم ندير حلوى تحمر الوجه والله البارح سهرانة ل2 تاع الصباح غاضتني روحي

[أمنية غفران]

السلام عليكم و رحمة الله تعالى و بركاته أخواتي الكريمات العضوات و الزائرات

صحا فطوركم

أختي ام رحاب ربي يرحم ميمتك و يجعل مثواها الجنة و الفراق ماشي ساهل ربي يصيركم أختي و يرحم جميع امواتنا برحمته و عن الحلويات حبيبتي خلي بنياتك يديرو الفال برك و ربي معاك

أخواتي كامل ربي يعنيكم واش نقول ليكم راني ميتة بالعيا هههههههههههه و كاين واحد تشاراك لقيتو بحلة جديدة لقيتو راهي حاكمتني دودة باش نجربو ههههههههه يا حوجي

اليوم العشاء كان شطيطحة لحم بقر كي حاب رمضان يروح بداو ياكلو دوزيام بلا



قبل ما نروح حبيباتي راني درت ليكم موضوع على طيات للمناديل تقدرو تحتفظو طريقتهم في حاسوبك او هاتفك ان شاء الله يعجبوكم و تدعيولي في هاد الايام المباركة يا رب

https://www.djelfa.info/vb/showthread...post3996923799

صحا سحوركم