شوفو القاطوا ديالي وقولولي رايكم - الصفحة 4

oum rahma · 2012-02-28, 12:34

حبيبتي كريمة والله اروع مايكون وكلشي هايل الله يبارك

ربي يتمملك على خير بارك الله في زوجات اخوتك والله نعم الاخوات

وربي يفرحك كيما فرحتيني بطلبك في اخر الصفحة

وشكرا لكل الاخوات اللي دعاولي انا وحبيبتي غنوش

نادية روز · 2012-02-28, 16:00

اقتباس:

المشاركة الأصلية كتبت بواسطة أخت الرجال

بارك الله فيكما أختاي
وربي يفرحكم ويملأ حياتكم سعادة يااااااااا رب
وكيما قلتلكم على عيني وراسي
هذه هي وصفة الساندوا
ولكنه يحتاج لخلاط هداك اللي نرحوا فيه الخضر للحساء أو الذي نصنع فيه العصير (ميكسور)لخلط المواد
وهذه المكونات لبلاتوا يكون 40 على 40 سم
إذا كان أكبر بقليل نزيد 1 خميرة أوكي؟
نبدأ بسم الله
-المكونات:
250غ مارغرين(أي نوع لكن حنا نخدموه بـ لابال)
كأس سكر قلاصي
4 ملاعق أكل عسيلة
12 ملعقة حليب
قرصة ملح
ملعقة قهوة لافاني
2 حبات بيض كاملتين
نضع كل المكونات بالترتيب في الخلاط ونخلطها جيدا
ثم نفرغ الخليط في إناء كبير ونضيف 3 ملاعق فرينة ونضع فوقها 2 خميرة حلوى(حتى لا تكتّل الخميرة في الخليط)
ثم نخلطه بملعقة أو بخلاط يدوي
ثم نستمر في إضافة الفرينة حتى تصبح لدينا عجينة متماسكة قليلا
(يعني يابسة شوية على عجينة الكيك لكن طرية على عجينة الصابلي)
وندهن البلاتوا بالزيت ثم نملؤه بالفرينة ونملأ كل جوانبه ثم ننفض الفرينة التي لم تلتصق بالزيت جيدا
ثم نفرغ العجينة داخل البلاتوا
وبما أن العجينة لن تكون سائلة كعجينة الكيك
يجب أن نفردها باليد وحتى لا تلتصق نضع كل يدنا في الفرينة ونضغط على العجين برفق
ونستمر في وضع يدنا في الفرينة وتسوية العجين حتى نفرده داخل كل البلاتوا
ولا تهتموا إن أصبح وجهه أبيض فهو سيتغطى بالشوكولا
ونضعه في الفرن ونتركه حتى يصبح لونه ذهبيا مائلا للعسلي من فوق ومن تحت
ثم نخرجه ونتركه يبرد
*
*
*
ونحضر الشوكولا
نذيب الشوكولا مع القليل من الحليب لنصنع سيرو ثم نضيف لها بعد أن تذوب جيدا حوالي 6 أو 7 ملاعق سكر قلاصي ونحركها جيدا حتى لا يتكتّل السكر ثم نطفيء الفرن
ونتركها تبرد قليلا
*
*
*
ثم نقطع الحلوى لقطع طولها 5 سم وعرضها 2 سم
ثم ندهنها بالشوكولا مستخدمين فرشاة (البانسوا)
ونغلفها بالقفريط المطحون أو الكاوكاو أو اللوز
ولكنها بالقفريط أحلى وألذ
وشهية طيبة
وبصحتكم
عذرا أنا نعرف نشرح وجها لوجه أفضل
ولكنني حاولت نفهمكم قد ما نقدر
وأي سؤال راني هنا
سلااااااااااااااااااااااااام

شكرا لكي حبيبتي وصفة رووووعة والشرح اكييدرائع ..بصح عندي سؤال الحليب بودرة ولا سائل

نسائم الهدى · 2012-02-28, 16:13

اقتباس:

المشاركة الأصلية كتبت بواسطة nour ali

شكرا لكي حبيبتي وصفة رووووعة والشرح اكييدرائع ..بصح عندي سؤال الحليب بودرة ولا سائل

لا شكر على واجب أختي الحبيبة
والحليب سائل موش بودرة
وبالكيل 12 ملعقة أكل يجيك تقريب كاس صغير وانت شوفي
بارك الله فيك حبيبتي
وسلااااااااااااااااااااااااااااام