عمل المرأة المتزوجة

[السَّحابة البيضاءْ]

لماذا تطلبون لاولادكم مدارس غير مختطلة

وانتم تتناقشون في منتدى مختلط

حتى واننا لانرى بعضنا مرئيا فافكارنا قد توقظ في البعض

ابدؤوا بانفسكم حتى يصلح اولادكم

[احلام وردية2]

والمراة علاش تفكر تخدم اصلا ان وجدت كل المستلزمات وما عندهاش احتياجات كل وحدة ما دابيها تقعد مرتاحة في بيتها وزوجها هو لى يصرف عليها ويبيلها طلباتها طبعا فى حدود امكانياته


شكرا على الطرح

ويبقى لكل واحد وجهة نظر وكل واحد وعندوا شى يناسبوا ما نقدروش نتافقوا عراي واحد

[فتـ حييةـاة]

المشاركة الأصلية كتبت بواسطة خوله فاشن

القوامه للراجل شاء ام ابا خدمة المره هي تطوير لنفسها ومساهمه في المجتمع اذا حبت المره بنفسها تثبت روحها او لا وبنفسها وش تعود راجلها
المره اللي تخلي راجلها في الدار وهي تخدم المره هي اللي تخلي الراجل خدام وهي خدامه والا في الداار ودراهمها ليها
كل شئ يعود عليها فاللي تشكي تشكي على روحها هي الغلطانه كان بينت له من الاول
ثما الدزاير تتبع القور الغرب في مساهمة المره في المنزل مع زوجها من ناحية المصروف والشرع اسلامنا قال دراهم المره ليها ولها الحريه فيهم اعطانا الحق الاسلام المره حبت تنزل روحها وتخدم وتعاونه شئ راجع لها ومكان لاه تشكي كانت قادره تخدم ليها من الاول تفهمه الخدمه ماهيش باش نجيب دراهم حتى ونخدم بلا راتب الخدمه تطوير للنفس
وكاين كلام بزاف راح لي المهم انا دوكا نرقد تصبحوا على خير
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

يا اخت المراة تقدر تطور نفسها وهي فالبيت مشي شرط تخدم و اعظم مساهمة تساهمها المراة فالمجتمع هي تربية اولاد تربية صالحة مشي شرط تروح تخدم باش تطور المجتمع .........على الاقل نقصت من نسبة ولاد الحرام

مين نعلم ولدي يحترم اللي كبار عليه فاشارع ما طورتش المجتمع ........... على الاقل ولد واحد يحترم الناس في وقت قلو فيه اللي يحترموا

مين نعلم ولدي يحافظ على نظافة المحيط ماساهمتش في تطوير المجتمع ............... على الاقل نقضي على التلوث اللي راه فالشروارع ولو بالنسبة قليلة

مين نعلمه مايكذبش ومايسرقش وما يغضبش ربي منه ماساهمتش في تطوير المجتمع ........على الاقل ننقص من الجرائم اللي رانا نقراوه فالجرائد

مين نسهر على سعادة اسرتي و والتضحية بكل شيء من اجلها ما ساهمتش في تطوير المجتمع ......على الاقل مانساهمش في زيادة نسبة الطلاق في المجتمع وفي نسبة الاطفال ضحايا الطلاق

مين نعلم بنتي تستر روحها فالشوراع مشي شرط نفرض عليها الجلباب بصح تتعلم تستر روحها في كل بلاصة قريبة عليا ولا بعيدة ما ساهمتش في تطوير المجتمع .......على الاقل يولي الواحد يقدر يخرج للشارع مع امه او اخته ومايحشمش من اللبسة اللي رتاه منتشرة الفيزو راه داير ظل ........على الاقل يشوف بنت مستورة يقول يرحم والديها اللي رباوها
اسالي كل النساء العاملات وقولي لهم واش هدفكم من العمل يقولولك سبب واحد وهو المال لكن اسالي المقربات منك حتى يصدقوك القول اما قولك دزاير تبع القور نقولك القور مادخليهمش كامل في هدرتنا لخاطرش الموضوع يتغير لو دخلنا فيه القور
انا يا ختي عكسك مانفضلش اني نخدم بدون راتب وعلاش غاوية تعب هذاك الوقت اللي نضيعه فالخدمة اللي بدون راتب نضيعه في اشغال البيت باش تريح ماما احسن على الاقل ندي دعوة الخير
وديري في بالك يا اخت بناتي مستقبلا ان شاء الله نقريهم ونحفزهم باش يقراو ونشجعهم وما نفرضش عليهم مايواصلوش قرايتهم اللي بغات تكمل للدكتورة مادابيا بصح فالعمل دبر راسها ؟؟؟؟
حتى انا والديا وقفو معايا وصرفوا عليا وحرموا انفسهم في سبيل باش نتمتع انا بصح نهار انهيت دراستي حتى واحد فيهم مافرض عليا نخدم ولا نقعد اللي عليهم داروه ومشي شرط نردولهم انا دراهم لالالالالالالالالا نردولهم بر وهذا اغلى من كنوز العال زدتلك هاذ الفكرة لان بعض صديقاتي يقولول نخدمو باش نردو خير والدينا نشرولهم ونصرفو عليهم ........ وانا عندي لا كلمة طيبة لابي او لامي تسوى عندهم الدنيا ومافيها
اختي نتقبل نقاشك وفاش غلطت وريلي مستعدة نصحح

[عُضو مُحترم]

المشاركة الأصلية كتبت بواسطة خوله فاشن

الله لما خلق الارض خلق فيها البشر ذكر وانثى كلاهما يكمل بعضهما ويبني هذه الارض
فالراجل مايقدرش يبني الارض بدون المرأه
تختلف النساء في البيتوتيات وفي اللي تحب تخدم
انا مع المرأه العامله لان افكارها ماترقدش لان المره في البيت تصير مع الاولاد وحالتها يتخدر عقلها حتى لو قرات كتب مايصير جديد ووتعلم
انا عن نفسي مانقدرش نقعد في الدار لاني بقاعدي في الدار يحكمني الكسل حتى عن شغل المنزل
اما اذا كنت خدامه بره نجي نشيطه نخدم الدار وكلش يكون فيا نشاط ماتعموش الفكره اللي حبت تخدم دبر راسها واللي ماحبتش تقعد في داراها
المره اذا لابسه مليح وفي خدمتها تهدر مع الرجال وواثقه من نفسها وتكون مؤدبه وين المشكل في التعامل مع الرجال الصحابيات زمان كانوا يتناقشون معاهم ويداووا المرضى وووووووووووو ؟

وش بيكم يالدزيرييين هذه ماهيش عقليتنا ؟؟ النساء زمان كانوا يحرثوا ويديروا هذه عقلية دول الشرق الاوسط ؟؟ ماهيش من الدين هذه ابدااااااااا
سما ماتخدمش المره الولاده تولي الراجل يولد وهكا ماتخلطوش الحابل بالنابل

الاقتباس بالاحمر

ارد عليك بنفس منطقك يا اختي خولة

بان العاملة تصبح بليدة في التفكير و ذلك ان تفكيرها لا يخرج عن اطار عملها

فاذا كانت استاذة ستفكر في البرنامج و ما تقوله للمديرو التلاميذ و المفتش

اذا كانت طبيبة لن يخرج تفكيرها عن إطار الامراض و الادوية و المرضى و lagarde و كذلك الامر بالنسبة للممرضة

لمن تعمل في الادارة سيتبلّد عقلها لبنحصر تفكيرها في كيفية ارضاء من تتعامل معهم و خصوصا الزملاء و المدراء


و اذا راني غالط صححي لي نظرتي التي استمدها من منطقك في التفكير


بالنسبة للازرق الداكن


اقول لك الجايحة ( المعفونة كيما يقولو) فقط من يتخدر مخها ندما تجلس في البيت

لان الهدوء و الانعزال الذي يوفره البقاء في البيت

هو فرصة رائعة للتفكير و الابداع

فمن يرى ابداعات الفتيات في مجال الخياطة و الرسم و الطرز

و الحلويات و مختلف وصفات الماكولات و المرطبات و المُعجنات

يرى العجب بل الاعاجيب

فبعض الخياطات في بيتها في مدة اسبوعين تصنع كاراكو او قفطان قسنطيني تبيعه ب 10 ملايين على الاقل

و هو ما يساوي عمل فتاة في عقود ما قبل التشغيل لمدة 6 اشهر

يعني التي تقولين عنها (مُخدّرة) تبيع للتي تقولين عنها (فاهمة) ابداعها ب 10 مليون

فماذا تعطي العاملة للخياطة؟؟؟؟ لا اتحدث عن المال

بل اتحدث عن قيمة مُضافة او ابداع او فكرة جديدة؟؟؟؟


ايهما اكثر إبداعا و اتقانا

من تصنع البسة و تبيعها و تساهم في الحركة التجارية و الاقتصادية ام مجموعة بنات في مكتب لا شغل و لا فائدة؟؟؟؟


و كما قلتي فهي قضية افكار

انتي عندك طريقة تفكير انا جاوبتك بنفس طريقة تفكيرك

و اثبتت لك بالدليل ان التي تبقى في البيت ليست حابسة

بل هي امراة منتجة و مبدعة في عملها البيتي

[السَّحابة البيضاءْ]

اخي الفتى الصغير لو كان الامر بيدي لغيرت اسمك الى حكمة رجل ناضج

[عُضو مُحترم]

يا اخي ليتهم يعلمون

المهم راني فترة امتحانات ادعولنا بالتوفيق

بارك الله فيك

[hydraulique51]

انا ضد فكرة عمل المرأة وخاصة في وقتنا هذا



تقبلوا مروري

[السَّحابة البيضاءْ]

الله يوفقك وينجحك

[hydraulique51]

آمين شكرا
ويوفق كل المسلمين والمسلمات

[j-med]

لقد شوهتم الاسلام، اختصرتم الاسلام في الاختلاط و الحجاب و .... وكان الاسلام جاء لينظم الجنس

وهذه المواضيع التي تتكلم عن المرأة عمل المرأة لباس المرأة تعليم المرأة ..... و كأن المرأة ليست انسان بل كائن آخر

اخرجوا من قوقعتكم و اتركوا هذا التفكير المحدود ،،،، انظروا الى اوروبا و أمريكا ، و انظروا الى السعودية و قارنوا بانفسكم

[أم البراء السلفية]

السلام عليكم ورحمة الله وبركاته
حياكم الله

بارك الله فيك على النصيحة
كي بطلت القراية كنت عارفة واش راني ندير
والحمد لله انا مقتنعة بزاااااف
صح مستواي هابط لكن الحمد لله على كل شيء كي فهمت كتبتى قاع راك مليح
المراة ماشي في مستواها الدراسي المراة بواش كاين في عقلها

المشاركة الأصلية كتبت بواسطة j-med

ردي الى ام البراء السلفية اللتي هي ضد تعليم المرأة

مستوى كتابتك و لغتك هابط .. انصحك بمواصلة تعليمك

[أم البراء السلفية]

هيه
يمكن يكون عندي عقدة كيما راك تقول لكن الحمد لله العقدة هادي في مصلحتى
ماكملتش دراستى صح
الحمد لله على نعمة الاسلام
هو اللي ورالنا الطريق الصحيح اللي نمشو فيها
+ انا مش حابة لبنات يكونو كيفي انا حابتهم يكونو
مثل ماكانو الصحابيات ونقتدو بيهم
وان شاء الله ربي يوفقنا لهادا الشي انا وجميع البنات المسلمات
اللهم احفظ بنات المسلمين ونساء المسلمين اللهم اتحفضهن من التبرج السفور
اللهم اجلهن هاديات مهديا ت بالصاحبيات مقتديات

المشاركة الأصلية كتبت بواسطة j-med

عندها عقدة، هي لم تكمل تعليمها و هذا واضح من ردودها، و لهذا تريد ان تكون كل البنات مثلها

اخى ننصحك تضرب دورة لفوق
صحا انت واش يعنيلك قوله تعالى ؟؟

وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

[أم البراء السلفية]

بارك الله فيك اختى
ماشاء الله
والله يعجبونى بزااااف اللي يتصرفو هاكدا ويكون مع اختو لانو راني نعرف مكانش اللي ماعلى بالوش واش راه يصرى
برى
ربي يهدينا ان شاء الله
صح سمعت انو كاين في الجزائر مدارس غير مختلطة
ماشاء الله ان شاء الله يديرو هادا في كل الولايات والله رايح يتصلح بزاف بزاف

المشاركة الأصلية كتبت بواسطة النجمة القطبية

يا اخى الكريم لا تتم المناقشات هكذا
الاخت حرة فى ابداء رايها
واعتقد ان اسلوبها راقى ماشاء الله عليها
اما بالنسبة للدراسة فهى ستكتشف مع الايام اهمية الدراسة للبنت خصوصا وربما ستجد البديل لاولادها مستقبلا
تعرفى اختى ام براء ذكرتينى باخت صغيرة سلفية اهلها اصدقاء لعائلة جدى وكان اخوها يجيبها تقعد عندنا هى صغيرة ووقفها عن الدراسة وكانت تحب تقرا
ممبعد سمعت بلى دخلت مدرسة خاصة غير مختلطة بالعاصمة
فكرتينى بيها طفلة هايلة والله
اذن البديل موجود
وربى يعلم

[أم البراء السلفية]

ياخى انا افهمت قصدك مليح
لكن للاسف
هادي لهجتنا
وماكش رايح انت ولا غيرك ايغيروهالى
ونعم اتمنى بناتى ان شاء الله يكون مستواهم نفس مستواي
وبارك الله فيك

المشاركة الأصلية كتبت بواسطة j-med

ساعيد كتابة ردي بطريقة اخرى

ام براء السلفية اقرأي ردودك و اعلمي ان مستوى بناتك سيكون مثل مستوى هذه الردود اذا " gاريتيهم في الدار في السنة السادسة" مثلما قلت

[محمد...عبد النور]

اخواني و اخواتي السلام عليكم
فقط أسألكم بالله أن تتركوا المشاحنات و تردوا بموضوعية كل واحد يقول خير أو يصمت كما قال نبينا محمد صلى الله عليه وسلم بأبي هو و أمي
ماعليش فقط باركولي أخذت نجمة ههههههههههها
ســـــــــــــــــــــــــــــــــــــــــــــــلا م