نادي الشرطة 2011 - الصفحة 4

Bourouba22 · 2011-09-22, 19:44

حسب ما تم مع الضباط:

وينت يديرو القائمة ==========> اذا كانت على مستوى الوظيفة العمومية فالقائمة على مستوى DRH قد تمت

وينت يصادقو عليها ==========> مديرية الوظيفة العمومية سريعة جدااااااااااا أخي العزيز

وينت يبعثو لونكات ==========> عندما تكتمل مهمة مديرية الوظيفة اعمومية في اجراء التحقيقات.

وينت يحققوا ويدو التحقيق الى drh ويعملو القائمة النهائية==========> بعد شهرين من التحقيق في مديريات الامن الولائية

وينت يبعثوا استدعاءات الدخول==========> بعد شهرين و نصف من اول استدعاء للتحقيق

والله ابن ادم ما يعرف واش يقول واش يعبر ==========> الصبر ثم الصبر فكل آت قريب و ما أصابك ما كان ليخطأك

حسبنا الله ونعم الوكيل==========> نعمة الكلام أخي algerien002 و الله المستعان

الدعاء اخوتي ستأتي ساعة الفرج ربي انجح كل زوالي........ و يفرج ربي

mamfort · 2011-09-22, 22:49

الله يجيب ساعة الخير خويا آلجيريانو ... وأنا على حساب ما فهمت اليوم أنو القائمة واجدة بقى برك تزيد يوافق عليها الوظيف العمومي ... راك تعرف في بلادنا ما تعرفش ساسك من راسك
وياخوو قالك واش يدير الميت في يد غسالو ... احنا صبرنا صبرنا نزيد وان شاء الله ما بقاش قد الي فات

mamfort · 2011-09-22, 22:54

صح خويا بوروبة عندك الحق في كل واش قلت غير حاجة وحدة الي ما نوافقكش فيها أنو الوظيف العمومي سريع ... صح ممكن من قبل لكن كي لحقت لعندنا حبست وراك تعرف مع هاد العفسة الجديدة تاع على حساب الشهادة والتلاعبات الي يقدرو يصراو فيها على هاديك راهم يدرسو فيهم ملف بملف واليوم السيدقالي بلسانو انو الرولوفي ماشي الدييراش الي دومونداتو بل هي الوظيف العمومي وهادا دليل على انو الدوسي ديالي راهم عندهم وراه في الدراسة ... المهم خليها على الله وخلاص

algerien002 · 2011-09-22, 22:55

اقتباس:

المشاركة الأصلية كتبت بواسطة mamfort

الله يجيب ساعة الخير خويا آلجيريانو ... وأنا على حساب ما فهمت اليوم أنو القائمة واجدة بقى برك تزيد يوافق عليها الوظيف العمومي ... راك تعرف في بلادنا ما تعرفش ساسك من راسك
وياخوو قالك واش يدير الميت في يد غسالو ... احنا صبرنا صبرنا نزيد وان شاء الله ما بقاش قد الي فات

ان شاء الله مادا بينا يا اخي العزيز

mizouhamza · 2011-09-23, 09:17

السلام عليكم خاوتي
البارح أهدرت مع صديقي راهواا في شرشال قالي بلي راهم جاونا الضباط تاع الشرطة

algerien002 · 2011-09-23, 09:21

اقتباس:

المشاركة الأصلية كتبت بواسطة mizouhamza

السلام عليكم خاوتي
البارح أهدرت مع صديقي راهواا في شرشال قالي بلي راهم جاونا الضباط تاع الشرطة

صباح الخير صح ضباط الشرطة راهم في شرشال وحاجة اخرى هدا العام ضباط الشرطة نظام العمومي ماكانش شرشال رحمة ربي.

mizouhamza · 2011-09-23, 09:36

اقتباس:

المشاركة الأصلية كتبت بواسطة algerien002

صباح الخير صح ضباط الشرطة راهم في شرشال وحاجة اخرى هدا العام ضباط الشرطة نظام العمومي ماكانش شرشال رحمة ربي.

صباح النور نعم قالي راهم جاونا... مي لي في شرشال من بعد واش يخدمواا ؟؟؟ صحبي راهواا في شرشال مي هو جيش قالي والله تعب كبير ههههههههههه

algerien002 · 2011-09-23, 09:52

اقتباس:

المشاركة الأصلية كتبت بواسطة mizouhamza

صباح النور نعم قالي راهم جاونا... مي لي في شرشال من بعد واش يخدمواا ؟؟؟ صحبي راهواا في شرشال مي هو جيش قالي والله تعب كبير ههههههههههه

هادوك دايرينهم اختصاص مكافحة الارهاب يدوهم على اساس القامة و البنية رانا سلكنا منها وربي يكون في عونهم.

kamikassat · 2011-09-23, 10:02

السلام عليكم ورحمة الله

kamikassat · 2011-09-23, 10:09

السلام عليكم إخوتي .....انا دخت فيكم ....وعلاش هذي القلقة .....كل شىء بمكتوب ربي ولو كان تنجحوش وش تديرو ....أنا عندي 3 مرات نفوت ضباط و نوصل للاخير ومانفوتش.....ووالفت وخلاص .....وعرفت بلي لا كانت كاتبة راهي تجي وهوما لي يعيطولي كي يحب ربي ...وسعو بالكم ي الخاوة راكم ضباط والضابط لازم يكون ثقيل ورزين وصبار ويتحمل ولا تحسبو المسؤولية ساهلة؟.... أنا عندي صاحبي دخل عندو 5 سنين وراهو 4 مرات يحط لاديميسيون تاعو من صعوبة المسؤولية ....ونتوما غير تنتضرو في النتيجة وخلاص

kamikassat · 2011-09-23, 10:09

ياجماعة كاين ناس اكثر منكم محروقين ودخلو العام هذا ومن بعد مافرحو وشافو رواحهم فيها ...خرجوهم من بلعباس على اتفه سبة غير لي فاريز خرجوهم عليها...ولي معدول وراجل وقالولو عندك رجل أطول من رجل ....ويحكولي صحابي راهم في بلعباس نجحوا قالولي واحد مريض ومعريفة مخرجوهش....بعد العصر في الريفيكتوار مريح وحدو ولابس الكومبا راح لشومبرة وقلع زي الشرطة ولبس مدني وهز كابتو وقالهم دوكة نخرج ودارلهم مشكل باش يروح يعني كي عادت ماهيش كاتبة تخطى كل العوائق وخرج وحدو

kamikassat · 2011-09-23, 10:13

...المهم آخر الأخبار.....
أنو العدد الذي دخل لبلعباس حوالي 900 ضابط و المرفوضين و الذي توقفوا بمحض إرادتهم بعد الكونتر فيزيت هم حوالي 145 .....وقد إختارو 150 ضابط من بلعباس و أرسلو لشرشال وهناك من رفض في شرشال في الكونتر فيزيت نتاع شرشال ولعلمكم لن يستطيع العودة لبلعباس وهذو ال 150 يختار منهم 100 و الباقي يعود إلى بلعباس وقد تم أختيارهم على أساس البنية الجسدية القوية وسيدرسون حسب المعلومات إختصاص ضباط الشرطة لحماية الشخصيات .....اما نحن فسيدخل منا حوالي 600 ضابط وقد تكون مدة التربص من 9 إلى 12 شهر فقط يعني كيما الفرماسيون سبيسيال نتاع الجيش لا شفيتو عليها و المكان الصومعة أكيدة و المدرسة لم تحدد بعد ...و الذي أخر النتيجة هو محاولة التأكد من الملفات لان هذا النوع من الاختبارات يسهل فيه التلاعب و المعلومات هي عند شخصين وهم المسؤولين عن تسربها لذالك فهي صعبة الوصول إليها إذن شدو في ربي والكاتبة تجي وخوكم راني كيفكم 28 سنة وكان ماجحتش ماعدتش نقدر نشارك ماتقلقوش برك وسامحوني كان طولت عليكم والسلام

mizouhamza · 2011-09-23, 10:18

اقتباس:

المشاركة الأصلية كتبت بواسطة kamikassat

السلام عليكم إخوتي .....انا دخت فيكم ....وعلاش هذي القلقة .....كل شىء بمكتوب ربي ولو كان تنجحوش وش تديرو ....أنا عندي 3 مرات نفوت ضباط و نوصل للاخير ومانفوتش.....ووالفت وخلاص .....وعرفت بلي لا كانت كاتبة راهي تجي وهوما لي يعيطولي كي يحب ربي ...وسعو بالكم ي الخاوة راكم ضباط والضابط لازم يكون ثقيل ورزين وصبار ويتحمل ولا تحسبو المسؤولية ساهلة؟.... أنا عندي صاحبي دخل عندو 5 سنين وراهو 4 مرات يحط لاديميسيون تاعو من صعوبة المسؤولية ....ونتوما غير تنتضرو في النتيجة وخلاص ....ياجماعة كاين ناس اكثر منكم محروقين ودخلو العام هذا ومن بعد مافرحو وشافو رواحهم فيها ...خرجوهم من بلعباس على اتفه سبة غير لي فاريز خرجوهم عليها...ولي معدول وراجل وقالولو عندك رجل أطول من رجل ....ويحكولي صحابي راهم في بلعباس نجحوا قالولي واحد مريض ومعريفة مخرجوهش....بعد العصر في الريفيكتوار مريح وحدو ولابس الكومبا راح لشومبرة وقلع زي الشرطة ولبس مدني وهز كابتو وقالهم دوكة نخرج ودارلهم مشكل باش يروح يعني كي عادت ماهيش كاتبة تخطى كل العوائق وخرج وحدو ...المهم آخر الأخبار.....
أنو العدد الذي دخل لبلعباس حوالي 900 ضابط و المرفوضين و الذي توقفوا بمحض إرادتهم بعد الكونتر فيزيت هم حوالي 145 .....وقد إختارو 150 ضابط من بلعباس و أرسلو لشرشال وهناك من رفض في شرشال في الكونتر فيزيت نتاع شرشال ولعلمكم لن يستطيع العودة لبلعباس وهذو ال 150 يختار منهم 100 و الباقي يعود إلى بلعباس وقد تم أختيارهم على أساس البنية الجسدية القوية وسيدرسون حسب المعلومات إختصاص ضباط الشرطة لحماية الشخصيات .....اما نحن فسيدخل منا حوالي 600 ضابط وقد تكون مدة التربص من 9 إلى 12 شهر فقط يعني كيما الفرماسيون سبيسيال نتاع الجيش لا شفيتو عليها و المكان الصومعة أكيدة و المدرسة لم تحدد بعد ...و الذي أخر النتيجة هو محاولة التأكد من الملفات لان هذا النوع من الاختبارات يسهل فيه التلاعب و المعلومات هي عند شخصين وهم المسؤولين عن تسربها لذالك فهي صعبة الوصول إليها إذن شدو في ربي والكاتبة تجي وخوكم راني كيفكم 28 سنة وكان ماجحتش ماعدتش نقدر نشارك ماتقلقوش برك وسامحوني كان طولت عليكم والسلام

لان الفرص قلال يا أخي أصبح الشاب الجزائري يخاف من ان لا يستطيع أن يظفر بمنصب شغل لكن الله كبير لازم أنيدواا الثقة في الله

algerien002 · 2011-09-23, 10:19

اقتباس:

المشاركة الأصلية كتبت بواسطة kamikassat

السلام عليكم إخوتي .....انا دخت فيكم ....وعلاش هذي القلقة .....كل شىء بمكتوب ربي ولو كان تنجحوش وش تديرو ....أنا عندي 3 مرات نفوت ضباط و نوصل للاخير ومانفوتش.....ووالفت وخلاص .....وعرفت بلي لا كانت كاتبة راهي تجي وهوما لي يعيطولي كي يحب ربي ...وسعو بالكم ي الخاوة راكم ضباط والضابط لازم يكون ثقيل ورزين وصبار ويتحمل ولا تحسبو المسؤولية ساهلة؟.... أنا عندي صاحبي دخل عندو 5 سنين وراهو 4 مرات يحط لاديميسيون تاعو من صعوبة المسؤولية ....ونتوما غير تنتضرو في النتيجة وخلاص ....ياجماعة كاين ناس اكثر منكم محروقين ودخلو العام هذا ومن بعد مافرحو وشافو رواحهم فيها ...خرجوهم من بلعباس على اتفه سبة غير لي فاريز خرجوهم عليها...ولي معدول وراجل وقالولو عندك رجل أطول من رجل ....ويحكولي صحابي راهم في بلعباس نجحوا قالولي واحد مريض ومعريفة مخرجوهش....بعد العصر في الريفيكتوار مريح وحدو ولابس الكومبا راح لشومبرة وقلع زي الشرطة ولبس مدني وهز كابتو وقالهم دوكة نخرج ودارلهم مشكل باش يروح يعني كي عادت ماهيش كاتبة تخطى كل العوائق وخرج وحدو ...المهم آخر الأخبار.....

أنو العدد الذي دخل لبلعباس حوالي 900 ضابط و المرفوضين و الذي توقفوا بمحض إرادتهم بعد الكونتر فيزيت هم حوالي 145 .....وقد إختارو 150 ضابط من بلعباس و أرسلو لشرشال وهناك من رفض في شرشال في الكونتر فيزيت نتاع شرشال ولعلمكم لن يستطيع العودة لبلعباس وهذو ال 150 يختار منهم 100 و الباقي يعود إلى بلعباس وقد تم أختيارهم على أساس البنية الجسدية القوية وسيدرسون حسب المعلومات إختصاص ضباط الشرطة لحماية الشخصيات .....اما نحن فسيدخل منا حوالي 600 ضابط وقد تكون مدة التربص من 9 إلى 12 شهر فقط يعني كيما الفرماسيون سبيسيال نتاع الجيش لا شفيتو عليها و المكان الصومعة أكيدة و المدرسة لم تحدد بعد ...و الذي أخر النتيجة هو محاولة التأكد من الملفات لان هذا النوع من الاختبارات يسهل فيه التلاعب و المعلومات هي عند شخصين وهم المسؤولين عن تسربها لذالك فهي صعبة الوصول إليها إذن شدو في ربي والكاتبة تجي وخوكم راني كيفكم 28 سنة وكان ماجحتش ماعدتش نقدر نشارك ماتقلقوش برك وسامحوني كان طولت عليكم والسلام

بارك الله فيك اخي ربي ينورك رانا كيف كيف في السن وبالاك في الوضعية والله القلق بسيف علينا يا اخي رانا تاكلين عليها لان الخدمة راهي عزيزة بزاف في بلادنا والله لوكان صبناها في السيفيل والله ما يشوفو خليقتي انا راني مفوت 4 خطرات و نجحت في الاولى و غبروني و دعوة الزوالي خرجت ودخلو مدير المدرسة انداك دريدي الى السجن راني طامع السنة مانكدبش عليك متوفرة فيا كل الشروط من البنية الجسدية الى الكفاءة العلمية المصيبة كدلك القلب راه معلق ما قالونا فيها و الا لالا لوكان الانسان عرف واش يدير الانسان يكون واقعي ماكانش في العالم مسابقة راهي اكثر من 15 شهر وهدا نتيجة الاستهتار بالشباب الجزائري ماعليش كاين ربي الواحد اليوم يقرى سورة الكهف ويدعي ربي باش يفرج علينا كامل ان شاء الله.

kamikassat · 2011-09-23, 10:30

خويا algerien002 لو ترجع لأرشيف الجمارك تلقاني انا من الناجحين في مسابقة ضباط الرقابة لهذا العام ولاليست تعلقت وفرحونا ومن بعد هزو غير 25 في ولايتنا وش تحب ربي قالي مازال مكتوبك وراني شاركت في مسابقة هذا العام ثاني و في 07/10 نفوت الكتابي ضباط الفرق الجمارك وشوف ربي ....وعندي صاحبي نحلل فيه في رمضان يحط معايا بالاك هذا العام فيها وهو ثاني نجح معايا وماداوهش ....قالي منزيدش نحط وقريب يبكي من الغيض....تصور غدوة عيطلي قريب يهبل قالي راهم عيطولي من واد السمار وقالولو أطلع لوهران تدرب راك نجحت في القائمة الإحتياطية .....تصور هوما دخلو وتدربو 15 يوم منهم 10أيام في رمضان ولا اكثر وهو دخل غير سمانة وعطاوهم 19 يوم برميسيون وبعد العيد قالولهم تدخلو مرحلة مابعد التدريب شبه العسكر ....يعني رب ضارة نافعة وعس تكرهو شيء وهو خير لكم ...زيد أصبر خويا algerien002 مكتوبك يجيك ولا تروحلو