كم مضى من سنة و أنت بطال ..؟

[el3azima]

الحمد لله على فضل الله

اللهم لا مانع لما أعطيت و لا معطي لما منعت

الواحد ما يقعدش يستنى في الدولة باه تعطيه منصب شغل
ما يقولش أنا عندي شهادة نروح نمرمد روحي
لا لازم الواحد يجرب كل السبل على أن تكون شرعية
من درجة لفرجة بحول الله

الله يوفقنا جميعا

[nanal]

12سنة الدبلوم الاول تقني سامي اعلام الي و 5 سنوات الدبلوم الثاني ليسانس لغة انجليزية و الحمد لله ربي يعطينا الصبر و القوة

[هدى 41]

راني في 06 سنوات و رني مازال مافقدتش الامل راني غير نجوز في المسابقات حتى يجيب ربي الخير و هذا كامل راهو مازال الكتوب و الرزق عند ربي سبحانه و تعالى ربي يسهللنا كامل

[ღ♥ღأهمـ واحدღ♥ღ]

تخرجت 2006 وجوزت الخدمة الوطنية وراني هنا نخدمـ في العامـ 5 ان شاء ربي يفرج علينا كاملينــــــــ،

[elryme]

الحمد لله معطيا مانعا
ومن يتق الله يجعل له مخرجا

[zanzi]

لحمد الله على نعمة الاسلام

[منتهى الرقة-*]

انا تخرجت هاد العام ليسانس حقوق و راني نخدم ف عقد ما قبل الادماج ك متصرف اداري في مؤسسة طب النساء و التوليد شا باغي ندير خير م القعاد ان شاء الله ربي يفرجها

[bilel080131]

5 سنين داخل فالسادس و ما زال و الصح الصح كل يوم يفوت و انا بطال نحس الصبر ينقص و الهموم تزيد و علابالك واش يغيظ علاه الطاقات الهايلة تع الشباب البطال ما تستغلش باه نطور الامة و ننصرو الدين و الطاقة الكامنة ادا ما تفجرتش في ال+ يجي نهار وين تتفجر في _
ربي يهدينا و يصلح احوالنا

[mira27]

Merçi mon frère pour tes mots; pour moi depuis 4 ans ,et je garde l'espoir , j'attends la reultat du concours,inchallah ykoun khir

[ahmed76]

أدعوا الله لي ولأخي أن نكون من الناجحين في مسابقة المقتصدين بارك الله فيكم

[lili 74]

07 سنوات
+ متزوجة
2 طفلين

[yahi88]

بكالوريا 1999.
متخرج 2005.
خدمت عقود ماقبل التشغيل 2007 - 2009
راني مع الخاص ، وضعية غير مرتاحة.
رانا مع المسابقات
كيما قال الاخ ،، لازم الواحد يشوف لخير خلق الله محمد صلى الله عليه وسلم. كيف عاش؟
كل حياته محن. اليس هو اقرب واعز بشر منذ الازل لخالق هذا الكون؟؟
كان بامكانه ان يعيش حياة لانحلم بها ولا نتصورها بتاتا.
لكن عاش حياته مهجرا.. و يتيما .. وفقيرا .. وراعيا ...و مكروها بين اقاربه ...
من يستطيع تحمل هذا؟؟؟
هذا ان دل ، فانما يدل على ان حسن الحال المادي في الدنيا ليس له علاقة بمكانتك عند الله.
صحيح الحالة الغير مستقرة تجعل المرأ قلقا كثيرا. و يرى نفسه انه يضيع بمضي الوقت. ولكن من جهة لابد ان يعلم ان الوقت الذي يضيع .. هو محسوب له في الجنة باذن الله.
فالاساس هو من ياتي الله بقلب سليم.
فتح الله علينا وعليكم . وبارك الله فيكم.

[opto]

ومن يتق الله يجعل له مخرجا.....
قال الله تعالى..فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا ..
صدق الله العظيم
انا مثلكم......قراية هبال ...وفي الاخير...الخدمة.......ربي يفرج.....قولوا امين.....

[ندرقية]

خريجة 2008

[jasminbari]

انا 07 سنوات و راه جاي الثامن راضية بقضاء الله و قضاؤو و راني كل مسابقة ندخلها و كأنها اول مسابقة في حياتي و الصح ما رانيش عارفة شحال جوزت من وحدة بصح الناس مهبليني علاه مالقتيش خدمة فلان و فلانة قاع خدموا راها كاينة الخدمة غير انتي الي مانعوفوا مالك هاذ الناس و كأنهم ماراهومش عايشبن في بلاد إسمها l'ALGERIE زيد على هذا كي نروحوا للمسابقة تلقى الفوضى و التمسخير و حراس مستهترين وحنا مقبوضبن على مستقبلنا ............... ثقتنا في الله هي الي تصبرنا