دورة تدريبية لتعلم صنع الحلويات مع أختنا " ام سوسو" جزاها الله خيرا

[rafik abdo]

المشاركة الأصلية كتبت بواسطة انتصار عربي

السلام عليكم الشكر الجزيل لبنت سكيكدة المشرفة المتألقة على فكرتها و الشكر الكبير لأم سوسو على كرمها و سعة صدرها لكما مني :


أم سوسو العزيزة اطلعت في مدونتك على قاطو عجبني شفتو في عرس اسمو les gauffres على ما أظن ربي يخليك اعطيني وصفته بدقة و اشرحيها جزاك الله الجنة و بلغك رمضان و قدرك على صيامه و قيامه

هلا بكي اختي
حاضر اختي تفضلي الوصفة والطريقة بتدقيق



المقادير
3 حبات بيض كاملين
3ملاعق اكل سكر رطب
1 ملعقة شاي فانيلا
250غ مرغرين طرية
3 ملاعق اكل ميزينة
1 ملعقة شاي بيكاربونات
1 خميرة
فرينة حوالى 500غ

ديكور
معجون المشماش
جوز الهند

طريقة التحضير
خذي مرغرين خلطيها مليح مع سكر ثم ضفي لها البيض واحدة تلوى اخرى ثم ميزينة وبيكاربونات و1 خميرة وفي اخير اجمعيها بفرينة حوالي 500غ
خليها ترتاح 10د
خذي العجينة حليها بواسطة حلال حوالي 4سم اطبعيها على شكل قلب
ومن بعد خوذي قالب تاع القوفر ادهنيه غير المرة اولى بشوية تاع الزين وضعي القلوب لي كنتي طبعتيهم
وضعيهم داخل القالب وطيبيهم فوق النار يعني ماشي في الفور في الطابونة.
كي يطيبو عاودي سكميمهم بسكين
وضعي فوقهم معجون المشماش او العسل وزينيهم بلجوز الهند


ارجو ان اكون وفقت في الشرح
ولكن لازم تزوروني في المدونة وتخلو الرد تاعكم ماشي تشوفو وتروحو .
موفقين
سلام

[mimicha1977]

المشاركة الأصلية كتبت بواسطة rafik abdo

هلا بكي اختي
حاضر اختي تفضلي الوصفة والطريقة بتدقيق



المقادير
3 حبات بيض كاملين
3ملاعق اكل سكر رطب
1 ملعقة شاي فانيلا
250غ مرغرين طرية
3 ملاعق اكل ميزينة
1 ملعقة شاي بيكاربونات
1 خميرة
فرينة حوالى 500غ

ديكور
معجون المشماش
جوز الهند

طريقة التحضير
خذي مرغرين خلطيها مليح مع سكر ثم ضفي لها البيض واحدة تلوى اخرى ثم ميزينة وبيكاربونات و1 خميرة وفي اخير اجمعيها بفرينة حوالي 500غ
خليها ترتاح 10د
خذي العجينة حليها بواسطة حلال حوالي 4سم اطبعيها على شكل قلب
ومن بعد خوذي قالب تاع القوفر ادهنيه غير المرة اولى بشوية تاع الزين وضعي القلوب لي كنتي طبعتيهم
وضعيهم داخل القالب وطيبيهم فوق النار يعني ماشي في الفور في الطابونة.


ارجو ان اكون وفقت في الشرح
ولكن لازم تزوروني في المدونة وتخلو الرد تاعكم ماشي تشوفو وتروحو .
موفقين
سلام

جزاك الله ام سوسو هذا مدة و انا نبحث على الوصفة بمناسبة اريد منك استفسار انا عندي الة لقوفغ لكن كهربائية هل تصلح معايا اذا عملتها فى الة الكهربائية

[rafik abdo]

والله يا اختي جامي جربتها في الة كهربائية
هاذو ليقوفر يجو برك في مول تاع النار جربي كمية قليلة فقط وضعيها في القوفر تاع كهرباء وشفي اذا تنجحي

[mimicha1977]

المشاركة الأصلية كتبت بواسطة rafik abdo

والله يا اختي جامي جربتها في الة كهربائية
هاذو ليقوفر يجو برك في مول تاع النار جربي كمية قليلة فقط وضعيها في القوفر تاع كهرباء وشفي اذا تنجحي

الله يحفظك و يخليك و جزاك الله عنا كل خيررررررررر

[1954مريم]

السلام عليكم اختي الحبيبة بارك الله فيك وجعله الله في ميزان حسناتك لكن ياريت تعطينا جدول الحلويات المقترحة خلال الدورة
ومن ارادت اشياء اخرى تطلب ان امكن حتى نستفيد اكثر خاصة حلويات الاعراس انواع جديدة والطورطات والكريمات
اختي العزيزة مجرد اقتراح وهذا فضلا لا امرا وربي يبارك فيك وجعله في ميزان حسناتك والسلام عليكم

[manouchebsm]

مشكوووووووررررةةة جزيل الشكر

[rafik abdo]

[QUOTE=fatima09;3438963]السلام عليكم أم سوسو راهو كاين وحد النوع تع القريويش شفتو في محلات بيع الحلويات يطيبوها في علب الطماطم ويكون عندهاشكل خاص وشباب بزاف
أطلب منكي اذا كنتي على علم بيها تعلمينا كيفاش يخدموها ومعذرة على الازعاج[/

تفضلي اختي طلب ان شاء الله يكون هدا هوالحلوى لي راكي تحوسي عليها

[fatima09]

السلام عليكم أم سوسو معذرة لم أشاهد ردك ومشكورة على المجهود هذيك الحلوة أسمها وردة الرمال ونعرفها أنا لراني نحوس عليها قريوش وتكون على شكل ضفائر وتكون مرتفعة للاعلى ويقلوها في علب الطما طم بصح منعرفش كيفاش يخدموها أتمنى أن تكوني فهمتنيومعذرة على الازعاج

[شقراء الوحات]

مشكووووووووور أم سوسو ننتظر المزيد وراح أجرب العرايش لاني عندي مدة أبحث عن المقادير المناسبة له

[عفة روح]

[amina3131]

السلام عليكم و رحمة الله تعالى و بركاته. شكرا جزيلا على الوصفات و لى طلب من فضلك سمعت عن عجينة اللوز بالغليكوز و حقيقة انا لا اعرفه حتى ما هو من فضلك هلا شرحتى لي ما هو . و ادا بامكانكى اعطائى وصفة عجينة اللوز. شكرا جزيلا.

[نينا الجزائرية]

بارك الله فيك
وراهي وصفة كروركي انا ثاني حابة نجربها بطريقة مختلفة لنعرفها

[rafik abdo]

المشاركة الأصلية كتبت بواسطة نينا الجزائرية

بارك الله فيك
وراهي وصفة كروركي انا ثاني حابة نجربها بطريقة مختلفة لنعرفها

القادير
500غ مرغرين
5بيض
كاس زيت
كاس حليب
700غ سكر
3خميرة
فانيلا
قشور الليمون
1500غ فرينة
طريقة التحضير
خذي المرغرين +السكر خلطيهم مليح بيدك او الباتور+ثم ضفي البيض وادة تلوى اخرى ثم الزيت والحليب خلطيهم مليح حتى تصبح مثل الكريمة ثم ضفي فانيلا قشور اليمون قرصة تاع الملح ثم اجمعيها بالفرينة حتى تصبح العجينة طرية
خذي العجين اقسميه الى ثلاث اقسام متساوية
2اقسام خليهم ابيض
اما القسم واحد ضفي له حوالي 150 الى 200غ تاع الكاكاو
خلي العجين يرتاح في الثلاجة مدة 15د تقريبا

ضعي الفرينة في المكان العمل حتى لا تلتصق بها العجينة
ثم افتحي العجينة البيضاء بواسطة حلال حوالى 2سم
وافتحي العجينة البنية حوالى 2سم
ضعي العجينة البنية فوق البيضاء ثم ابداي دوري فيها حتي تتحصلي على حربوش طويل ابسطيه شويا بيدك .
ثم خذي 1صفار بيض +ملعقة تاع القهوة سائلة خلطيهم مليح وادهني الحربيوش تاعك
وبعدين خذي شوكة واصنعي خطوطا متعاكسة
ضعيه في الفرن حتى يكتسب الون الذهبي
عند اخراجه من الفرن خليه يبرد
وبعدن اقسميه وحمريه ايضا من الجوانب

وفي طريقة اخرى عزيزتي اذا لم تريدي ان تصنعي حربوش
خذي العجين وافتحيه بواسطة حلال حولي 3سم واطبعيه دوائر 10سم وادهنيه بصفار وبواسطة شوكة اصنعي خطوطا متعاكسة
وهذا نوع يسموه /ليكالات/
وسلام عليكم ورحمة الله وبركاته
ارجو ان اكون قد وفقت في الشرح

[rafik abdo]

المشاركة الأصلية كتبت بواسطة amina3131

السلام عليكم و رحمة الله تعالى و بركاته. شكرا جزيلا على الوصفات و لى طلب من فضلك سمعت عن عجينة اللوز بالغليكوز و حقيقة انا لا اعرفه حتى ما هو من فضلك هلا شرحتى لي ما هو . و ادا بامكانكى اعطائى وصفة عجينة اللوز. شكرا جزيلا.

المقادير
250غ لوز مقشر ومرحي بودرة
250غ سكر بودرة
200غ ماء
130غ غليكوز
500غ سكر عادي
خذي الوز +السكر بودرة خلطيهم مع بعض

ضعي 200غ تاع الماء في كسرونة ضفي لها 130غ تاع الغليكوز+500غ تاع سكر فوق النار حتى يذوبو ومن بعد خليهم يبردو شوية
ثم اضيفيهم الى الخليط الاول المتكون من لوز+السكر رطب ضفي بشوي حتي تتحصلي على عجينة طرية
خليها تبرد وبعدين اصنعي بها ما تشائين .

هذه صورة لشراب الغليكوز


غليكوز هو عبارة عن سيرو يتباع عند لي يبعوا صوالح تاع الحلويات.

[كريمة عضو جديد]

سلام اختي نتمنى انك تعطينا اخر الحلويات الموجودة