سحر الترتيب

[جهينة اليقين]

سلام عليكم ا
انا من راي قرويجة اليوم بديت مع الطبخ خملت جهة الريفطايمو ونقيتها ونقيت الثلاجة زائد روتيناتي
ربي يعين الجميع

[ام هزار]

صباح الخير فراشات
جهينة نطلع البيكربونات مع الخل فقط او نزيد شوية ماء لاني خايفة من البراس
حبيبة انا مع الاخوات نزيدو نكملو المطبخ هدا الاسبوع باه نتهناو منو و زيد مع الخدمة برا راكي سيدة العارفين

[جهينة اليقين]

طبعا زيدي الماء يا ام هزار واذا حبيتي شوي سائل الاواني كذلك

[omelbanin]

السلام عليكم ، نعم اختي حبيبة نكملو المطبخ لانو فيه بزاف الخدمة ،كيما قالت وحدة هو مركز الزلزال لي في البيت ههه.
انا غسلت فيه السقف والنافذة و نظفت وسرجت ليزيليمو والثلاجة .

[miss hapiness]

المشاركة لي كتبت منذ قليل راهي عادية ؟؟؟ عندي راهي تبان رموز فقط !!!!!!

[crono]

صباح الخير فراشات
اصبحنا و أصبح الملك لله ... بداية اسبوع موفقة
بديت نكتب وخايفة لا نلصق في الميكرو ههههههههههههه
المهم نكتب شوية ونرجع من بعد نشوف البرنامج تاع اليوم
وش راكم اسمحولي على الغياب الله غالب كان لدي مشاغل في الحديقة والتي أعشق العمل فيها وأنسى نفسي و مع زوجي اشغال تع الدار الحقيقة متعبتني الخدمة معه كل يوم العمل كدوده مانحبسش خلاص حتى نطيح من التعب كل مره نحاول نديربرنامج لكن الله غالب لكن هذا الشئ اثر علي كل من يشوفني يقولي راكي تباني تعبانه عن جد راني نحاول نمشي معاكم
اليوم نضت على الخمسة باه نوض بنتي راجلي يخرج بكري اوصل بنتي الجامعة وكي اذن صليت ووجدت لفطور على بكري
ورايحة نتبدل معاكم اليوم نبدا نطبق ان شاء ربي يعاوني ويعاونكم
على بالي كثرت عليكم وللحديث بقيه.
وربي يوفق كل فراشة

[crono]

المشاركة الأصلية كتبت بواسطة miss hapiness

المشاركة لي كتبت منذ قليل راهي عادية ؟؟؟ عندي راهي تبان رموز فقط !!!!!!

صباح الخير اختي نعم المشاركة حذفتها تبان رموز فقط

[crono]

المشاركة الأصلية كتبت بواسطة ام هزار

[font="amiri"][size="5"][color="darkorchid"]مرحبا بالجميع

لبنات اللي عندها تدبيرة حول براس القهوة عندي مدة ما استعملتوش و عاد ما يخرجليش القهوة مليح جربت نطلع فيه ماء و خل و سائل اواني لكن دون فايدة بقالي نزيد نقيلو الصفاية تاعو بالابرة عل و عسى للعلم فقط هو من حجم كبير يعني نادرا وين نستعملو نكتفي غير بالصغار و شكرا مسيقا
تصبحون على خير حبيباتي

المشاركة الأصلية كتبت بواسطة جهينة اليقين

اهلا وسهلا بالجميع تقبل الله صلاة الجميع اللهم صل وسلم على سيدنا محمد
ام هزار البراس نحي لها الجوان ونحي الصفاية ونقيها من الداخل او طلعي فيها الكربونات مع الخل وشوفي
حبيبة انا كذلك نعمل بهذه الحيلة تاع العقل الباطن غير من راسي هههه ومعاونتني بزاف بزاف في حياتي في كل المجالات كي نكون مسافرة نخمل كل شي في الليل في راسي والصباح نطبق في وقت وجيز نكون واجدة وما نقعدش ندور كذلك كي يكونوا الضياف جايين نطيب ونوجد في عقلي الباطن ومن بعد نطبق جربوها يا لبنات والله نافعة جدا

صباح الخير عليكم نزيدلك هاد تدبيرة انا نعمل
ندير الملح مكان القهوة :dوندير الماء ونحطو كشغل رايحة تطيب القهوة وكيطلع الماء ينقي وينظف البراس طريق ة مجربة و رائعة
و مندك نقيها
بلخل الابيض الكربونات و قشر الرمان و االقرس و ازيس هادي الطريق راك تعطيك تعقيم للاجزاء كامل

[nassimab82]

السلام عليكم

اسمحولي مي أنا مابديتش بالمطيخ
لأني مع الملابس كيما علابالكم وقت تغيير الملابس

راني نجبد الملابس الشتوية نغسل و نوجد فيها بالعقل
و ترتيبها في الخزانات
إظافة غلى غسل الملابس الصيفية و تخزينها
و راح نكمل هذا الأسبوع معاها باش ي يبرد الحال

تكون مغسولة و واجدة و مرتبة
شكرا لكل مجهوداتكم و دعمكم merci

[miss hapiness]

السلام عليكم جميعا
أولا لي الشرف للانظمام إلى هذا الجمع المبارك و اتمنى الافادة و الاستفادة و أعرفكم على نفسي باختصار*
34 سنة موظفة زوجة و أم لطفلين ( 6. و 3 سنوات )
السكن : شقة ( غرفة و صالة )*
سبب للانظمام : الاطلاع . الاستفادة من التجارب و الخبرات . الحماس .*
خلاص طارت الأفكار ههههه
و انتقل إلى المشاركة التالية و التقرير اليومي

[miss hapiness]

التقرير اليومي : تم بعون الله*
( المنطقة الأولى : المطبخ )
1 - تنظيف سلة الأواني*
2 - تنظيف الثلاجة*
3 - طلاء بعض للأغراض في المطبخ*
4 - الروتينات اليومية .
5 - تبريد منطقة ساخنة ( المكتب )*

[miss hapiness]

قولولي لبنات ... راه مساعدكم الستيل الجديد تاع المنتدى ؟؟ ماعدتش نلقى ايقونة المشاركات الجديدة*
هل كاين طريقة تظهر الأعضاء المتواجدين ؟؟؟ *أو أن هذه الخاصية لا تتوفر في المنتدى ؟؟؟

[قرويجة]

السلام عليكم أخواتي في الله
نتمنى تكونو كلكم بخير الأخت حبيبة اليوم مطلتش لعل المانع يكون خير
أنا بصراحة كملت كل تنظيفات البيت لأن صغيرو إستغليت فرصة غياب زوجي طوال الأسبوع عن البيت يجي جمعة وسبت
و أنتم الله يعينكم

[رندة.]

السلام عليكم ورحمة الله وبركاته
ان شاء الله تكونو كامل بخير

بصحتك قرويجة كملتي تنظيفات بيتك كامل، وكيما قلتي غياب الزوج عن البيت يعطينا حافز وقوة باش نخدمو كل شيء.

أهلا وسهلا بيك Miss hapiness راكي شطورة وربي يقدرك على الخدمة الداخل وبرّا ويعين كل امرأة عاملة.

أنا من رأي الأخوات إلي راهم مازال ماكملوش المطبخ يعني راح نزيد نستغل هذا الأسبوع في تنظيفات المطبخ ان شاء الله.

[رندة.]

ام شمسو مانسيتش تعليقك على مداخلتي حول كتاب سحر الترتيب، أنا كتبت أنو حمّلت الكتاب وعطيتكم نظرة شاملة عليه وعلى الفصول تاعو، بصح وقتها مازال ما قريتوش للنهاية، راه يتضمن 218 صفحة يحبلّي باش نكملو.
عموما أنا لحد الآن كملت قراءة الفصلين الأول والثاني ويتضمنو نفس النقاط إلي شرحتهم قائدة الدورة " حبيبة " لكن بإسهاب لخاتش الكاتبة كل مرة تحكي على تجربتها الشخصية في اكتشاف سحر الترتيب وكذا تجارب زبائنها في هذا المجال.