الجزء 158 من وش طيبتي اليوم كوزينت المحبة والاخلاص - الصفحة 4

Omrihem · 2016-01-16, 10:15

صباح الخيرات والمسرات
صباح الثلوج والامطار
يسعدلي صباحكم حبوووووووووووووباتي
مبروك ام سهيل الكوزينة الجديدة جبتلكم صور الثلج من بعد نولي بالباروك إن شاء الله

القناعة كنز · 2016-01-16, 11:23

غذانا اليوم مع البرد هذا لوبيا و المطلوع نعمة كريم الحمد لله

انا هي رزيقة · 2016-01-16, 11:33

السلام عليكم يسعدلي نهاركن يا بطبوطات يا عسولات
ام سوهيل الف الف مبروك على افتتاح كوزنتك حبيبتي و ربي يفرج عليك باحلى كوزينة يا رب . و االله افرحت من قلبي كي افتحتيلنا بيتك يا طيبة هكذا نريح شوية من الضياف .... خخخخ طيابك تحفة حبيبتي دون مجاملة خلي برك الباب مفتوح دوك نحطلك باروكي طازة كوزينتك مزهرة جبتلك غير لجديد

روح مراد ام ريهام القناعة كنز صباح الخيرات حبيباتني

انا هي رزيقة · 2016-01-16, 11:40

هذي تارت الشوكولا درتها البارح طازة حشيتها بكريمة البرتقال تاع حبيبتي ليزا العسل ... امممم و زدت فيها قطع البنان و زينتها من الفوق بالشوكولا راهي في خاطرك ام سوهيل

انا هي رزيقة · 2016-01-16, 11:46

و هذو بعثتهم ليما هي تبعثلي في التقليدي و انايا نعطيلها العصري ... خخخخ

انا هي رزيقة · 2016-01-16, 11:50

ام اسلام ام عبدو ام نور الهدي حياة نور الدين ام سدرة ام جوجو وهيبة ام محمد اسلام ملاك ملاكي روضة الزوجة البارة تسلمو على الاطايب حبيباتي و صح فطوركم

انا هي رزيقة · 2016-01-16, 11:56

استناي ام سوهيل مازال زدت ثان درت سيغار ام عبدو ربي يحفظها عجبني روعة انا ناكل و نخممم عليها و ندعيلها بالخير .... خخخخ فقط انا درتو على شكل اصابع و هذ الطبسي بعثتو لاختي

omjoujou · 2016-01-16, 12:07

دخلت على الخيرات تاع الزقزوقة ممممممم كلش يشهي انا تاني خدمت قبيل كريمة البرتقال تاع ليزا لعزيزا جات روووووووعة راه نعمر بيها لي تاغتولات لعشية كي نكملهم نحط الصور
جبتلكم دولمة تاع السردين على طريقة ام رحاب لي ماتحبش الدوبارة تاع الفول تمد يدها لدولمة تاع السردين يلا باسم الله

انا هي رزيقة · 2016-01-16, 12:12

يا عمري على ام جوجو تسلميلي حبيبتي طليتي على قلبي الدولمة تبان مشهية موت و الصوص حمرا كيما نحب سخفتيني مع هذا البرد . امممم راني ديت الطبسي نسخنو لعشية بصحتكم اختي

ام عبدو و ملاك · 2016-01-16, 12:16

غدايا وجد

انا هي رزيقة · 2016-01-16, 12:22

و هذا فطورنا و عشانا تاع البارح و لله الحمد حمدا كثيرا و هذي التحلية ربي يدومها علينا يا رب

omjoujou · 2016-01-16, 12:24

المعلمة بصحتك الروز يشهي
زقزوقة غالي والطلب رخيس نعطي لختي قدرة كامل تاع الدولمة تستاهلي كل خير

انا هي رزيقة · 2016-01-16, 12:30

تعيشي اختي ام جوجو ربي يحفظلك كل عزيز و غال يا رب
ام عبدو بصحتكم الروز حقا البارح شبعتك دعاوي الخير السيغار تاعك هايل حبيبتي

الزوجة البارة · 2016-01-16, 12:33

هذا غدايا عيش حااار و سخووون

ام عبدو و ملاك · 2016-01-16, 12:41

اقتباس:

المشاركة الأصلية كتبت بواسطة انا هي رزيقة

تعيشي اختي ام جوجو ربي يحفظلك كل عزيز و غال يا رب
ام عبدو بصحتكم الروز حقا البارح شبعتك دعاوي الخير السيغار تاعك هايل حبيبتي

بلا مزية اخت رزيقة ربي يعيشك و يرزقك واش في بالك ان شاء الله انا الوصفة الحق هزيتها من الفيس بوك