دورة بيتي مشرق كفصل الرّبيع الجزء الثّاني - الصفحة 4

الوردة الندى · 2015-12-02, 16:30

مساءكم مبارك اين انتن يااااااااااااااااااااااااا فراشاااااااااااااااااااااااات

ام امجد14 · 2015-12-02, 16:48

السلام عليكم ارجو قبولى معكم

موضوع هااااااايل بوركتى اختى انا رانى مع النتواياج للشتا ء بصح للاسف نتواياج غير منضم بصح لاول مرة نحس روحى بديت و رانى قريب نكمل و الفضل يرجع للورقة و القلم
كتبت كل حاجة تتحتاج للتنضيف فى كراس
و كل حاجة كملتها ندير عليها علامة بالاحمر و رانى نزهى كل ما نشوف الكراس

الاشاء الى لازم تصليحها كتبتها هى ايضا و لكن للاسف زوجى ما عدوش الوقت و لكن انا موراه بالزن يخدمها باش يتهنا منى هههههههه

كملت غرفتى و غرفة بناتى و نصف المظبخ لانى عندى مظبخ مع الصالة مونجى فرشت تابى فى صالة مونجى قعت يومين و نحيتها حسيت روحى زدت الشقا غسلت شويا كوفيرتات فى هادا الشميسة تهنيت منهم و فرحت بيهم غسلت التابيات

مشكلتى مع تابيات نتاع الدوش كرهتهم و حسيتهم زيادة تعب و الشقا دايما منفخين هل يوجدو لهم حل

و شراشف الاسرا نتاع الاولاد منضرهم مزعععععععج خاصة مع الصباح هل نلقالهم حل ههههههه

و تزقزيق نتا الكوزينة مع العشية هلى تعانون منو او انا فقك و هل له حل

ان شاء الله تقبلونى بينكم و ربى يعاونى و يعاونكم

ام امجد14 · 2015-12-02, 16:55

الحمد لله مند ان شاركت فى الدورات الى فاتو تعلمت نحافظ على الروتين و عملت روتين خاص بى و ببيتى لانه من كابقين الروتين هاايل و يجعل البيت يبدو اكثر نضيف

و بالنسبة لقلة التركيو التى كنت اعانى منها عاجتها بكتابة كل شء على ورق مفعولها سحرى و الحمد لله مانى ننسى والو من واجبات تجاه زوجى و اولادى و لا بيتى

حتى انى حسيت مخى ريح من تفكير و نسيان

حبيييبة · 2015-12-02, 17:03

مساء الخير و النور و الرحمة
على رفيقات الدرب
على احلى فراشات

مساء الخير حبيباتي
أم تغاريد، ام مريم الجزائرية، zara08، الوردة الندى، أم نُسيبة العامرية، ام متين،
Rati Ne، واحة الوجدان، فراشات العمر، غزالة1، amel...، ام آدم،
بنت لبحر، أم ريتاج زهرة، الرجاء الاماني المجد، fatyph2012، Farida_dz،
arwa alaa، واحة الوجدان، رقية الناجحة، tamara25 ، assinet، ام امجد14

اهلا بالفراشات القديمات رفيقات الجهاد
و الف الف مرحبا بالفراشات الجديدات
شمرن عن سواعدكن و جهزن عدة القتال
سنقاتل سويا في صف واحد
سنقاتل الشيطان الوسواس الخناس الذي ربانا على الكسل و الخمول
سنقاتل انفسنا الضعيفة الغافلة عن ربها و عن عيش لحظاتها بكل ما تحمله من بهجة و سعادة
سنقاتل افكارنا السلبية التي تعمل كمرسات ترسي بنا في اعماق الضياع و الخيبة
سنقاتل الفوضى و الأوساخ و النجاسة في حياتنا و بيوتنا و اعمالنا
سنقاتل القبح، سنقاتل الروائح الكريهة، سنقاتل عاداتنا السيئة، سنقاتل الاهمال، سنقاتل التسويف،
سنقاتل تصرفاتنا البذيئة التي غفلنا عنها و ترسخت في اخلاق ابنائنا
سنقاتل و نقاتل و نقاتل كل ما ينغص على كل واحدة منا حياتها الجميلة التي وهبها الله اليها
سنقاتل لنرى الكون من حولنا جميل كما خلقه الله لنا
باعين متزينة جميلة و نظرات براقة جميلة و انفس مطمئنة جميلة و قلوب صافية جميلة و جسد قوي جميل
لنقاتل لنرى الجمال حبيباتي
الى الأمـــــــــــــــــــــــــــام سر.. لا للتراجع..

♥♥♥ أحبكن كثييييييييييييييييييييييييييرا في الله ♥ ♥ ♥

zara08 · 2015-12-02, 17:46

السلام عليكم

اهلا بك يا استاذة حبيبة ما اجمل الفاظك هي فعلا بمثابة دواء كلما رأيت اللون الوردي ابتهج قلبي
اعود الأن الى العمل انا البارحة اعدت تنظيم كل روتيناتي و جداولي رتبتها في اوراق لأبدأ معكن القتال الجداول التي قمت بكتابتها هي :
جدول الروتينات الثلاثة (روتين صباح السعادة ، روتين ظهيرة الفلاح ، روتين مساء الطاقة و العطاء)
جدول الأعمال اليومية
جدول الأعمال الأسبوعية
جدول اليومي للعناية الشخصية
جدول الأسبوعي للعناية الشخصية
وكتبت كل ما يجب أن افعله اليوم
حددت أهدافي الأسبوعية
و أهدافي للعام المقبل ان شاء الله

بقي لي جدول للجانب الديني و الوجبات اليومية

في جداولي هذه استعنت بما تعلمناه في الدورات السابقة وبعض القنوات يوتيوب منها قناة تنظيم البيت بأفكار بسيطة لإمرأة مغربية ، و قناة lolo lifestyle ، و قناة جوري أسيا فعلا قنوات قمة في الروعة لربات بيوت مثاليات سأضع روابط القنوات
https://www.dztu.be/channel/UCurc3jBjRIunSb9-cp2vPwA
https://www.dztu.be/channel/UC6hwM7drZtoOMvOPD3EbWUg
https://www.dztu.be/channel/UC1HEEE3vbXqS2gFJ33K0q2g

التطبيقات :
تجهز مستلزمات الغد تم التطبيق
تلميع الحوض تم التطبيق
تجهيز نفسي تم التطبيق
اللأماكن الساخنة تم التطبيق
غسل و مسح الاواني و ارجاعها الى مكانها تم التطبيق
في كل مشروع خطوة لم يتم لكن في هذا المساء سيتم باذن الله

و سلام

ام آدم · 2015-12-02, 17:56

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,

ام آدم · 2015-12-02, 18:00

[quote=رقية الناجحة;3994755585]السلام عليكن كلكن بدون ذكر الاسماء مبروك فتح الدورة الجديدة انا متابعتكم من بعيد ولكن ليس دائما يعني مرة على مرة موفقات جميعا ولكن هل ياترى مازلتو متفكريني؟[/quote]

والله يا اخت رقية غير البارح جيتي في بالي انت وام فاطيمة وبعيدة المنال واخريات
عودة موفقة ان شاء الله

ام آدم · 2015-12-02, 18:10

اخت حبيبة كلماتك ترد الروح
فعلا الشيطان والنفس والكسل الد اعدائنا
ولا سلاح لنا الا التوكل على الله والالتزام معا في هذه الدورة الرائعة

noor ala noor · 2015-12-02, 18:11

السلام عليكم حبيباتي
احم احم عندي مدة طويلة و انا نتابع فيكم خلف الستار و نطبق لكن بدون مساركة انا متزوجة و عندي طفلة 7 اشهر و الله العظيم استفدت بزاف من دوراتكن و تحفيزاتكن
كلمات كانت تقشعر لها حواسي و نلقى روحي نثابر و نتحمس باش نشوف بيتي في احسن حلة
انا ساكنة مع عجوزتي لكن عازلة عندي غرفة+صالون+مطبخ يعني حاجة صغيرة برك
لكن مع تربية ابنتي في البداية لقيت صعوبة كبيرة و وليت نخمل و نتكاسل بحجة انو بنتي تنوض في الليل و نبات واقفة معاها و في الصباح نلقى روحي داهشة منين نبدا و منين نكمل
عندي مدة شهر ملي التزمت النهوض على الساعة ال7 يعني قبل ما تنوض بنتي و نجهز الفطور و الغذاء نتاعنا و نتاعها و نغسلها حوايجها و نفوت النشاف او نسيق قبل ما تنوض و منين تنوض نلتهى فيها نغسلها و نعطيها ترضع و نعطيها حقها و نكون متهنية من شغل الدار و منين ترقد نروح نجري نوجد العشاء حتى ولا راجلي منين يجي يلقى 2 طيابات نقولو هذا غدا و هذا عشا قالي راني خايف تولي تفطرينا و تغدينا و تعشينا في وقت واحد و تليكيدينا كخكخكخكخ
و الله وليت نحس روحي شاطرة كخكخكخكخكخ في الاول كنت نخاف من الصباح اما اليوم الحمد لله اموري منظمة محافظة 7/10من الجانب الجمالي باقيلي تقصير في صلاة الفجر ان شاء الله نشد الهمة و نولي نوض نصليها
بارك الله فيكن يا فراشاتي و ان شاء الله احلق معكن لعالم راقي يا رب

Rati Ne · 2015-12-02, 18:16

مساء الخير عليكم فراشات شكر خاص للاخت حبيبة على التحية انا اليوم عيانة بزاف حاولت نتحدى التعب غلت الاواني فرست بيتي اي غرفتي غسلت 02 مطارح الغداء كان عندي تع البارح و العشاءعملت شطيطحة سردين و راني معولة على تدويشة سلام

amel... · 2015-12-02, 18:18

مساء الخير عليكم يا زميلاتي في القتال ... يا الحنونة حبيبة كلامك كي العسل و يعطي حماس للانسان ماشاء الله

ام تغاريد و كل وحدة باسمها ان شاء الله تكون لمتنا اجمل لمة و يباركلنا فيها الله عز و جل

انا اليوم فرحانة بروحي كي وليت للطريق ههه و بديت نظم روحي و الحمد لله و حقيقة راني حاسة بالراحة و الحماس بعدما

وليت لبرنامج كنت انقطعت عليه مدة من الزمن و هو برنامج الرقية لذلك نتمنى يكون روتين نتبعوه و نوالفوه ... علابالنا العين

حق لكن لازم كل وحدة فينا متخليهاش تفوت فيها و تقوم بالوقاية قبل ما يطفر الحال .... ان شاء الله توافقوني الراي و يكون

احد روتيناتنا الاسبوعية و لما لا اليومية

بالنسبة للتطبيقات .... تجهزي تم التطبيق و الحمد لله

روتينات الصباح .... تم التطبيق و الحمد لله

خطوة في كل مشروع ..... تم التطبيق و الحمد لله

الاماكن الساخنة ..... تم التطبيق و الحمد لله

تطبيق الفازلين .... تم التطبيق و الحمد لله

التفكير بايجابية .... تم التطبيق و الحمد لله

تلميع الحوض ... تم التطبيق و الحمد لله

و ذرك قلت ندور شوية في المنتدى بعدما وجدت العشا و حطيتو في الفور يطيب

ان شاء الله نتعاونو و نطلعو المورال ديما لبعضانا و نكونو كي الخواتات

الوردة الندى · 2015-12-02, 18:21

[cاريد مساعدتكم في كيفية ادراج الصور

بسمة امل الجزائر · 2015-12-02, 18:34

مساءكم سعيد فرشاتي الغاليات لكم وحشة كبييييييييييرة مبروووووةةك افتتاح الجزء التاني للدورة ربي يقدرنا لعمل الخيروالمضي قدما لحياة هنية سعيدة ساكون معكن بادن الله لكن من وراء هاتفي جهاز الكمبيوتر مازال معطل رغم كل التجارب الي درناهالو اخت حبيلة كلامك شفااااااااء لكل الصدور بورك فيك غاليتي ام تغاريد شكر كبيييير ليك لانك لم تفقدي الامل وفتحتيلنا هاد الجزء لنتعاون ونتبتدلافكارنا انا بعد ما رجعت من عند اختي بعد وضعها لمولودها بالعملية القيصرية رجعت مجهدة لهذا تراجعت نوعا ما في روتين لكن ياعدكن اني سارجع الى ما كنت عليه واصيز فزاشة رااااااءعة بارك الله فيكم وجعل تعبكم غي ميزان حسانىةكم

amel... · 2015-12-02, 18:47

اقتباس:

المشاركة الأصلية كتبت بواسطة شقية لكن وفية

مساءكم سعيد فرشاتي الغاليات لكم وحشة كبييييييييييرة مبروووووةةك افتتاح الجزء التاني للدورة ربي يقدرنا لعمل الخيروالمضي قدما لحياة هنية سعيدة ساكون معكن بادن الله لكن من وراء هاتفي جهاز الكمبيوتر مازال معطل رغم كل التجارب الي درناهالو اخت حبيلة كلامك شفااااااااء لكل الصدور بورك فيك غاليتي ام تغاريد شكر كبيييير ليك لانك لم تفقدي الامل وفتحتيلنا هاد الجزء لنتعاون ونتبتدلافكارنا انا بعد ما رجعت من عند اختي بعد وضعها لمولودها بالعملية القيصرية رجعت مجهدة لهذا تراجعت نوعا ما في روتين لكن ياعدكن اني سارجع الى ما كنت عليه واصيز فزاشة رااااااءعة بارك الله فيكم وجعل تعبكم غي ميزان حسانىةكم

علا سلامتك حنونة

ام مريم الجزائرية · 2015-12-02, 19:02

السلام عليكم واش راكم
مبروك الدورة الثانية صراحة الدورات ينشطو بزاف
دخلت كس شفت اختي ام امجد هذي غيبة واش راكي والاولاد
حبيبة حنونة مبارك عليك ربي يهنيك ويرزقك الذرية و كل منتظرة
ربي يعينا كامل ويسرنا