السلام عليكم مرحبا بكم معي في الكوزينة147 شعارنا نعم للتفاؤل

[oum islem]

الحمد لله على سلامتكم دائمةااحمد وام رحاب ربي يديم علييكم الصحة والعافية
ليزاتي بصحتكم شا غادي طيبي وشا غادي تاكلو مواااح منا ومنا ليك عجبتني بزاف غوزاالي انا نسميها الرعدة تخدم بالحس مش كما انا
ام باسم صباح الخير ليك ولحبيبتي ام هبوبة وام ملاك فردوس وام تاج وام ياسين ودائمة الشكر او ام جوجو واسمهان و...وكل الحاضرات

[fatisousou]

صباح الخير عليكم ونهاركم مبروك
مبروك ام حبوبةافتتاح الكوزينةبالربح انشاء الله يعطيك الصحة كل شي زوين ومتقون ماشاء الله

[سرور2]

المشاركة الأصلية كتبت بواسطة x ام رحاب x

امين دائمة الحمد والله نهار الجمعة كنت رايحة انموت على وبناتي قريب ماتو كي شافوني هاكداك
هي الحكاية خرج وليدي من التاسعة صباحا موالاش كامل للدار وانا قلت راه ايحوس عند الدار ودوك ايولي لحق وقت الفطور مادخلش وليدي عمرو مادارها صغير ويقعد عند الباب ولا راه يلعب في البالون عند الباب هاداك النهار ماعرفتش وين راح راح ايحوس عليه باباه مالقاهش وقالي النروح للجدارمية وقلت بلاك اداوه كيما راهم ايديرو المهم مالقيناهش في حتا بلاصة راح راجلي للصلاة وقالي كي انروح للجامع انحوس عليه بلاك نلقاه انعيطلك كي راح مالقاهش وزادو خرجو من الجامع ووليدي جامي غاب على الدار نسمع في واحد الراجل قالو راحو ايعومو في واحد اللاصة الي روح ليها ايموتو فيها وانا داك الوقت ماقعد فيا والو تغاشيت ماجبت حتا خبر الانو وليدي مايعرفش ايعوم وقلت راه مات خلاص طاحلي السكر قريب مت واتغاشيت وبقاو اينوضو فيا وباباه راح لهاديك البلاصة القا 3 صحابو هو مالقاهش قال هادا خلاص مات وخباوه عليا باه مانديرولهم والو وبقا يزقي عليهم وقالولو قال راح الحال عليا انروح لدار وبقا يكلم في لبنات ويقولهم جا للدار ولا لالا ويقولولو ماجاش يحسبو غرق وماحبوش ايقولولو حتان 4 تاع لعشية باه جا وقالي ماحسيتش للوقت علابيها طولت وانا هو جا وانا قريب مامت واش دارولي ماحبش يطلع السكر ادخلت في غيبوبة بسيف باش افطنت والدوركة راني مريضة من الخلعة والفشلة قتلتني والحمد لله وليدي ولالي بخير هادا ماكنت نطلب من ربي ايولي برك ماعليش يعطيك ايكون بخير راكم تعرفو قلب الامهات الله غالب

الحمدلله رجعلك وليدك بخي روالله الدمعةطاحت

الحمد لله على سلامتك حتى انت

[دائمة الحمد]

حبيبتي ام رحاب الحمد لله على سلامة وليدك والسكر كي يهبط راه الموت بعينها انا عندي عام نعاني من هذا المشكل
بسلامتك عزيزتي واش راح نقلك عزيزتي اجرنا عند ربي الاولاد وراهم غير الخلعات والروعات
نروح لغدايا راح نعمل قراتان بطاطا راني انا وولدي فقط
ربي يعينكم ويقويكم حبيباتي

[x ام رحاب x]

شكرا ليكم جميعا حبيباتي وربي يبعد عليكم هاد الاحساس والله راني للدوركة مصدومة
سرور حبيبتي تعيشي حنونة

[fatisousou]

صباح الانوار
مبروك الافتتاح الكوزينة ام حبوبة ماشاء الله كلشي زوين ومتقون يعطيك الصحة
ام رحاب سلام عليك ربي يشفيك
ام رحاب اشربي الماء المرقي انشاء الله اتروحلك الخلعة مع تحياتي

[دائمة الشكر]

الحمد لله اللي خرجت سلامات حبيبتي ام رحاب والله اديتي خلعة
انّا ثاني بنتي خطرى دارتلي هكذاك انّا بنتي راحت عند صاحبتها ديت خلعة وليت عقونة منهدرش خلعة عمري ماننساها
ربي ورحمتو وبالشفى عليك اختي الحمد لله
دائمة بالشفى عليك اختي وبصحتكم الفطور

[البحر الصافي]

نيسيت نبارك لام حبوبةدات القلب الطيب الف الف مبروك عزيزتي وطيابك يسخف يا الفحلة
جبتلك باروك عشايا تاع البارح حتان نجيب الجديد
نقول لام رحاب الحمد لله على سلامة وليدك

نروح نكمل شغالاتي اليوم نهاركبير

[ام و ابنة]

ام رحاب الحمد لله على سلامتك و يلامة وليدك و الله قلبي وجعني عليك

ام حبوبة الحبوبة الف مبرووك نستعرف بيك كي فتحت الكوزينة الجديدة بصح وين كنت مخبية هذوك الخيرات الله يبارك
منبعد باذن الله نجيب لك الباروك

ام جوجو انا ما نقدرش نصبح راقدة نضت صبت انترنيت ما كانش غير ولات بكا وليدي دار كوشمار جبتو عندي هديتو و زدت جبت اختو تم تم لحق وقت الماترنال و جدتهم و اديناه و ضرك شويا ولينا انا و بنتي

نخليكم غالياتي نروح لاشغالي بش نكمل بكري ما زال ما نقدرش نخلي وليدي النهار كامل في الماترنال مع اني ساعات كي نجيبو و يمرمدني شويا نندم نقول لوكان غير خليتو النهار كامل خخخ راكي تسمعي ام وسيم
دايمة الشكر مبروك على مرة خوك ما جابت و العاقبة لكل الحوامل هنا ربي يجعل ولاداتهم من اسهل ما يكون و في اول القائمة ام تاجو و لههونة

[x ام رحاب x]

شكرا ليكم حبيبات قلبي ووخيياتي والله غير راني عارفتكم كامل انكم تتحيرو معايا الله لايوريكم هادا الحزن والخلعة ربي يبقي الستر على وليداتكم ويبعد عليهم اصحاب السوء تسلمولي جميعا

[lyzzabel]

مييمتي الغااالية الف حمد لله على سلااامة ولدك و على سلااامتك و ربي يطولك في عمرك و ما تشوفي حتى شر في وليدااتك ،، انا من كترة الخووف ما نخلييش وليدااتي حتى يخرجو عند البااب ،، ربي يحفظ قااع الأطفاال و يحمييهم من كل مكرووه ياااارب و هااكي موااااااح على رااسك يا الحنييينة و الف حمد لله مرة اخرى

ام اسلااام حبييبتي كي صبحتي يا العمييرة ،، هههه شفتي لوكاان ماكااين لا روزاالي لا الرعدة ما نعرف كي يصراالناا خخخخخخموااحتيييييين منا و منا ،، شا درتي للفطوور ولا قلتي ما شفتش ردك

[omjoujou]

عزيزتي ام رحاب والله نقرا في ردك وش صرالك و الدموع نزلوا وحدهم الحمد لله كي رجع وليدك سالم وغانم الف حمد وشكر ليك يا ربي
وربي يشفيك حنونتي هاذي هي الكبدة واعرة
تعرفي بلاصتك البارح كانت فارغة والصباح هذا سقسيت عليك ربي يجيب الخير ان شاء الله

[x ام رحاب x]

ليزا يالحنينة ربي يخليك والبوسة راهي لحقت وعندك الحق حنونة كي كان صغير مانخليهش يخرج وكي كبر شوية قلت نهار الجمعة ايريح شوية بصح لصحاب واش ايديرو اداوه معاهم 5 كيلو على الدار علابيها ماولاش بلخف وانت لازم تديهم ولادك للمدرسة وجيبيهم علاخاطرش ماكانش لامان حنونة ربي يبعد عليهم كل سوء حبيبتي

[x ام رحاب x]

المشاركة الأصلية كتبت بواسطة omjoujou

عزيزتي ام رحاب والله نقرا في ردك وش صرالك و الدموع نزلوا وحدهم الحمد لله كي رجع وليدك سالم وغانم الف حمد وشكر ليك يا ربي
وربي يشفيك حنونتي هاذي هي الكبدة واعرة
تعرفي بلاصتك البارح كانت فارغة والصباح هذا سقسيت عليك ربي يجيب الخير ان شاء الله

شكرا عزيزتي والله راني عارفة خنونة ربي لايشوفك الخلعة حبيبتي الي ديتها ويبعد على وليداتك كل سوء تسلمي حنونة

[omjoujou]

ام اسلام حبيبتي يسعدلي صباحك
ام وابنة ربي يعينك
ام باسم وبيسان مخرجوليش الصور خسارة وانا نحب نشوف اطباقك
دائمة الشكر مبروك وش زاد عندكم وربي يشفي الوالدة تاعو
نروح حتى نكمل شغالي غدايا قريب يوجد حمرت ارنوبة وزدت درت معاها بطاطا طيبتها في لاصوص لي تحمرت فيها الارنوبة ونزيد نحمرها شوي مع زبدة في لفور
سلااااااااااااااااااااااااااااااااااام