اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 4

أم هبوبة · 2015-09-20, 16:27

سماح كنت خارجة من الخدمة قلت نظرب طلة عليكم لقيتك حليتي كوزينة جديدة الله يجعلها مربوحة على الجميع و خصوصا راه في ايام مباركة الله يجعلها عامرة بالخير و يفتح بيبان الخير في وجوهنا و طيابك ما شاء الله كل سيئ يشهي

حنان كوزينتك كانت ما شاء الله و دارك شابة و روعة تتهناي فيها ان شاء الله و ربي يفرحك بدرية صالحة سامحيني ما شاركتش فيها لظروف
الاخوات الكل الي حطو طيابهم ما شاء الله و اي راهم مع القاطو ربي يعاونهم راني نقول مرة ندير و من بعد نعزج بصح ديرتولي الكوراج بلاك ندير كاش نوع و لا زوج نديهم لدارنا نهار العيد انا حتى واحد ما يجي عندي
تبارك الرحمان عليكم
اخت ميزو ربي يفرج عليك و يشافيك
ام و ابنة ربي يشافيك
ام جوجو اظن اولادها كانو مرضى ربي يشافيهم
ام محمد تاج ان شاء الله ربي يجيبلك ساعة ساهلة و نفرحوا بمحبوبة الجماهير و كدلك الاخت لهنة ربي يجيبلك وقفة ساهلة و الله يفرح كل الحوامل
سلام نخليكم راني خارجة من الخدمة و رايحة لوليداتي راني متفرقة عليهم من الثامنة نتاع الصباح حال الخدامة
سلام

oum ibrahim · 2015-09-20, 16:32

وصفة الاكلير بالزيت
هذه الوصفة انت الي تتحكمي فيها يعني اذا حبيتي كمية كبيرة ديري كيلة كبيرة و اذا حبيتي كمية صغيرة صغري الكيلة
كيلة ماء
كيلة حليب
كيلة زيت
الفرينة حسب الحاجة
باكي خميرة هذه انا ضفتها تعلمتها من وصفة فلة
البيض حسب الكيلة اذا كبرتي الكيلة تحتاجي البيض بزاف و اذا صغرتي اقل
في كاسرونة فوق النار نحط الزيت والماء و الحليب لما يغليو ننزعهم من النار و نضيف الفرينة مع باكي الخميرة بالتدريج حتى نحصل على عجينة طرية و متماسكة كتلة واحدة ماشي ناشفة بزاف و اذا لقيتيها ناشفة تقدري تزيديلها شوية ماء دافئ
نبدا نضيف البيض بالواحدة انا كبلت بكاس 125 ملل استعملت 3بيض
ندير العجينة في لابوش ادوي و نشكل اصابع او وردات في صينية فرن مفرشة بورق الطهي و ندخلها لفرن مسخن مسبقا 180 درجة و نخليها تطيب و ما نحلش عليها الفرن ابداااااااااا حتى نشوفها انتفخت و تحمرت 25 دقيقة او اكثر حسب الفرن
نخرجها و نخليها تبرد ثم نفتحها و نحشيها بالكريمة حسب الدوق ممكن كريم شانتيي او كريم باتيسيير او كريم موسلين و نزيناها من فوق بالشكولا او الفوندون او نرش السكر الناعم و شهية طيبة

scorpionoir · 2015-09-20, 16:32

https://www.djelfa.info/vb/showthread.php?t=1867754لبنات لي تقدر تعاون المخلوقة تدي اجر

hab12456 · 2015-09-20, 16:40

الله اكبر الله اكبر لا اله الا الله
الله اكبر و لله الحمد

ام و ابنة · 2015-09-20, 16:42

ام ابراهيم جزاك الله خيرا عالوصفة راني حفظتها عندي و اكيد باذن الله نجربها

ام هبوبة انا ثاني و الله واحد ما يجيني و لكن القاطو لاازم تديري ياولوكان سنيوة وحدة للفال و لزوجك و تدي في يدك كي تروحي لاهلك و اهل زوجك احسن من حاجة تع بره

باسم وبيسان · 2015-09-20, 16:47

رانى جيت راه سخوووون شكون مزال ماشربش حليبووووو يتفضل سخف عليه وليدى باسم درتهولوووو نشاللله يعجبكم[IMG][/IMG]
[IMG]url=https://www.0zz0.com][/url][/IMG]
[IMG][/IMG][IMG][/IMG]