الجزء 141 من واش طيبتي اليوم؟.؟؟؟؟؟

[ام عبودة]

صباح الخير والمحبة جمعة مباركة على الجميع
ومبروك الكوزينة الجديدة كوزينة مربوحة على كل من شافها وشارك فيها
واش راكمومع تحضيرات الدخول المدرسي

[ام عبودة]

اسمحولي دخلت غير بيديا عندي مشكل في تحميل الصور من التابليت
كل ما نجي نحط رابط الصورة يتبلوكالي المنتدى حتى نغلق الصفحة ونعاود نفتح من جديد باش ترجع نورمال
شكون عندها هاذ المشكل تساعدني؟؟؟؟؟؟؟؟؟؟

[زينب 83]

صباح الخير على الحلوات القمرات ان شاء الله تكونوا كامل بخير

ام اسلام الف مبروك افتتاح الكوزينة و ربي يجعلها فاتحة خير عليك و تتحسن الاحوال و اطباقك طبعا رائعة كالعادة

هذا باروك من الأرشيف حتى ندير الجديد تقاسميه مع سكوربيون حتى هي عزيزة قلبي

[ام عبدو و ملاك]

المشاركة الأصلية كتبت بواسطة ام عبودة

صباح الخير والمحبة جمعة مباركة على الجميع
ومبروك الكوزينة الجديدة كوزينة مربوحة على كل من شافها وشارك فيها
واش راكمومع تحضيرات الدخول المدرسي

يا اختي انا عندي غير طفلة و احدة تقرا السنة 5 ابتدائي شريتلها كارتابل و زوج طابليات والحق القش تاع العيد خبيتولها للدخلة تاع القراية يعني ما شريتلهاش مع العيد الكبير قريب يعني مازال المصاريف والباقي كي تدخل تقرا يعني الكتابات و الادوات المدرسية

[ام افنان48]

صحا غداكم يالغاليات

[الرجاء الاماني المجد]

غدنا سلطة وشكشوكة وبطاطا مقلية منقدرش نصور لخطر كامير خسرت زينب تحفة وش حطيتي فن بمعنى الكلمة المعلمة الجديدة كيف حالك

[الرجاء الاماني المجد]

المشاركة الأصلية كتبت بواسطة ام افنان48

صحا غداكم يالغاليات

الله يسلمك يا غالية صباح الفل والياسمين لك وللسموحة وجمعة مباركة

[ساجده 82]

سلام ام عبوده رانا كامل مع التحضيرات حنا الكتب غاليين بزااااااااف مع كل عام يتبدل المقرر وكل مدرسه والكتب تاوعها زي
الله المستعان عندي زوج في الابتدائي. وزيد بعد 15 يوم من الدراسة يديرو امتحان معرفه المستوى ورانا 0000 مراجعه
الرجاء الاماني المجد درت تاع رمادنا راهي حطت ام وابنه الرابط في الصفحات الاخيره في الكوزينه السابقه

[fadila34]

زينب ما شاء الله عليك وربي يحفظك من العين ررررررررررررروعة وش حطيتي
الرجاء ام افنان المعلمة الجديدة ام عبودة صح غداكم وانا شاء الله ركم بخير وربي يعينكم

[ام افنان48]

جمعة مباركة عليكم كامل اخت رجاء واش راكي يال حبيبة المعلمة الجديدة ربي يحفظلك بنتك زينب واش حطيني الكل يسخف ربي يبارك

[ام افنان48]

ربي يخليك أختي فضيلة سماح ام عبودة ساجدة راكم كامل منورين

[om hind]

السلام عليكم رحمة الله
انا كل خطرةًنفول نشاركم في الكوزينة ونخاف ما تستقبلونيش اما هنا نعرفكم ومتبعتكم أرجو منكن الترحيب والقبول
المهم انا اليوم درت طعام باللحم بصح ناقصو اللفت معجب نيش بزاااف

[om hind]

يا بنات ماتزيدوش تقولو جمعة مباركة قريت بلي لا أصل لها ما قلها الرسول عليه الصلاة والسلام و لا الصحابة من بعده

[الرجاء الاماني المجد]

ام هديل منقباكش حتى تحطي الطعام ونشوفوه مرحبا بك بيننا راني غير نتمسخر على الطعام

[fadila34]

المشاركة الأصلية كتبت بواسطة om hind

السلام عليكم رحمة الله
انا كل خطرةًنفول نشاركم في الكوزينة ونخاف ما تستقبلونيش اما هنا نعرفكم ومتبعتكم أرجو منكن الترحيب والقبول
المهم انا اليوم درت طعام باللحم بصح ناقصو اللفت معجب نيش بزاااف

وعليكي السلام اختي هنا ركي مع خوتاتك ولا اكثر متشرفين بيك واهل وسهل فى كل وقت
وبصحتك الكسكاس