معجنات تكفي العائلة بأقل من 100 دج و أولها ب80 دج - الصفحة 4

idron0 · 2015-06-11, 10:00

بارك الله فيك

*سماح 94* · 2015-06-11, 15:58

فكرة راااائعة ساشارك ان شاء الله

وفاء الياسمين · 2015-06-12, 06:08

اقتباس:

المشاركة الأصلية كتبت بواسطة idron0

بارك الله فيك

وفيكِ بارك الله مرحبابيك

اقتباس:

المشاركة الأصلية كتبت بواسطة *سماح 94*

فكرة راااائعة ساشارك ان شاء الله

مرورك أروع مرحبا بيك

ايناس10 · 2015-06-12, 14:57

صح معاك حق كي يكون واحد يحوس يعمل حاجة احيانا يقول اييييي خلي برك هذا بيض وهذي فرينة ووووو وكي يحسبها كيما عملت انت يضحك على روحو ويحس ان اكلة لذيذة احيانا متسقامش حتى عشرلاف ويبان في عين نفسو باخل روحو وباخل عايلتو بالتقشف الي غير في محلو ههههه، فشكرا على الافادة

أم محمدين · 2015-06-13, 05:34

الله يبارك فيك أم نسيبة لوكان نحسب هاكدا لراجلي يرميني من الطاقة هاهاها
شوفي يكفي انك كي تعملي حاجة في البيت تضمني النقا و تتمتعي مرات بالوصفة هذا أهم شيئ
بارظ الله فيك مرة اخرى افكارك دائما مميزة

وفاء الياسمين · 2015-06-13, 08:19

اقتباس:

المشاركة الأصلية كتبت بواسطة ايناس10

صح معاك حق كي يكون واحد يحوس يعمل حاجة احيانا يقول اييييي خلي برك هذا بيض وهذي فرينة ووووو وكي يحسبها كيما عملت انت يضحك على روحو ويحس ان اكلة لذيذة احيانا متسقامش حتى عشرلاف ويبان في عين نفسو باخل روحو وباخل عايلتو بالتقشف الي غير في محلو ههههه، فشكرا على الافادة

بارك الله فيك و الله هي حقيقة بالحساب تعرفي واش هي المكونات التي تقدري تبدعين بها من غير ما تكلفي روحك و تتحصلي على حاجات بنان بزاف ربي يرزقنا من فضله و خيره و كرمه

اقتباس:

المشاركة الأصلية كتبت بواسطة أم محمدين

الله يبارك فيك أم نسيبة لوكان نحسب هاكدا لراجلي يرميني من الطاقة هاهاها
شوفي يكفي انك كي تعملي حاجة في البيت تضمني النقا و تتمتعي مرات بالوصفة هذا أهم شيئ
بارظ الله فيك مرة اخرى افكارك دائما مميزة

ربي يحفظلك عائلتك كل واحد و عقليتو انا راجلي كي نقتاصدلو 10دج يفرح بيا كل واحد كيفاش
المهم انو الانسان يعرف وين راه يدور في 100 دج و الا في 1000دج
ويا حبيبتي يامكسيكو المكسيك ماشي كيما الجزاير نتوما هاربين علينا بالحضارة حنا مازالنا في طباسا الطين

وفاء الياسمين · 2015-06-13, 08:27

السلام عليكم
ليلة أمس جربت نفس العجينة مع بعض التعديلات و نجحتلي و الحمد لله
عملت زوج كيلات فرينة و نض كاس حليب حطيت فيه الخميرة تتخمر و حطيتلو مغرف ماكلة سكر كيما الخميرة مغرف ماكلة أيضا و نحيت البيض و نقصت السكر و زدت شوية ملح
السكر غير هذيك المغرف مع الخميرة و الملح درة مغرف صغيرة باش مجيش مالحة بزاف و ماجيش مسوسة
وعجنتها مليح وكي قريب نكمل درتلها مغرف مارغارين كملت بيها لعجين و حطيتها تخمر
قليت في مغرف زيت حبة بصلة و حبة فلفل حلو وحبة طماطم وورقة رند و شوية زعيترة وزوج فصوص ثوم حتى ذبالو وطابو درتهم في الكسكاس باش يقطرو شوي
نحتاجهم شوي ناشفين
كي خمرة لعجينة قرصتهم قرصات صغيورين حجم حبة مندرين متوسطة الحجم و حليتهم بيدي و درت شوي شكشوكة الي قطرتها درت قرابة نص مغرف اكل تاع شكشوكة و غلقتها مليح و الجهة الي غلقتها منها هي الي نحطها من تحت
وكي نكمل نزيد نغطيها باليلاستيك و نخليها تخمر حتى يتضاعف حجمها انا خليتها نص ساعة دهنتها بالبيض و شوي ة حليب وشوية زيت شوي شوي برك
وطيبتها جات بزاف بنينة و اقتصادية