توفي مولودي والحمد لله.....

[شمس 15]

أميرة ختي رني حاسة بيك إبتُليت بفقدان فلذة كبدي كما ابتليتِ أنت.عسى خالقنا يرفع درجاتنا.عوضك الله خيرا حبيبتي و منحك صبرا.
ثقي بالله و ربي يرزقك بنين و بنات.

[بيلسان11]

انا لله و انا اليه راجعون ربي يصبرك و يعوضك و ايانا الذرية الصالحة المعافاة,

[sarsoura23]

ربي يرحمو ويلاقيك بيه في الجنة يا رب ويعوضك بجنين يفرحك يا رب معلاباليش لكان نشفاي عليا أنا نشفا عليك من ايام التجهيز خاطر رانا تزوجنا فترة وحدة أنظمي لغرفة الدردشة راهم الاأخوات ما شاء الله ربي يرزقك ويرزقني عاجلا غير أجل كوني قوية,

[سر التقى]

ربي يصبرك و يفرج كربك قولي اللهم اجرني في مصيبتي و اخلفني خيرا منها

[وصال سلام]

ربي يصبرك خيتي ويعوضك في مصيبتك خير خلف
قطعتيلي قلبي والله
لبنات راهم كفاو ووفااو ربي تلقايهم طير في الجنة ياارب

شوفي نقولك بلاك كن بقا حي يمكن يكون عاصي ليكم ولا جبار ولا يفسد في الار والناس تعاني منو ولا يجيك مريض كل يوم قلبك يتقطع عليه وووووووو

الحمد لله على حال راح للجنة وهو صفحة بيضاء افرحيلو والله
انا صح مانيش امو بصح نحب الاولاد اكثر بلاك كن عاش كنتي تتعلقي بيه اكثر واكثر هكذا ولا اكثر
ماتقلقيش روحك راكي نافس ونفسيتك تكون صعيبة بززااف
ربي يصبرك في مصابك ويخلفك خير خلف

[ام اماسي]

ربي يصبرك على مصيبتك يا ختي لااله الا الله سبحانك انت اني كنت من الضالمين

[وفاء سعاد]

ربي يصبرك يااختي وماتتقلقيش راكي نافسة وزيد راهو مكتوب ربي كون كاتبلو يعيش ياو لوكان خرج بلاقلب يديرلو ربي سبة ويعيش
وهدا راهو ماهوش تاع دنيا احتسبي الاجر وربي يعوضك ان شاء الله

[amira19]

بارك الله فيكم جميعا كلامكم اثلج صدري ربي يحفظكم

[سلمىسلمى]

السلام عليكم و رحمة الله تعالى و بركاته
ربي يعوضك اختي ....و يصبرك
و انا دخلت لموضوعك باش نحكيلك قصة واقعية
مؤلمة جدا جدا
أمي في 2009 توفي لها مولود و عند بلوغ الاول عام من وفاته توفي الثاني في 2010
و بدون ان اذكر التفاصيل تخيلي الوضع و لكن الحمد لله كما تقول امي كل يوم
في 2012 عوضها الله باخي الصغير
فاصبري و عسى ان تكرهي شيئا قد يكون خيرا لك
اتمنى ان اكون قد خففت عليك و لو بقلييييل و هذا الكلام موجه من امي لك
و شكرا

[amira19]

بارك الله فيك و الله في امك حبيبتي ربي يرزقكم من حيث لا تحتسبان يا رب

[عطر الياسمين الاصلي]

ربي يصبرك يا اختي ويعوضك بطفل سليم معافى من كل عاهة واحتسبي الاجر عند الله

[_اية_]

ربي يكون معاك

[•~ندية الجوري~•]

السّلام عليكم و رحمة الله...~

الله يصبرك اختي الغالية اميرة و يعوضك خير إنّه على كلّ شيء قدير

رجاءاً احذفي بعض الرّسائل حتى اتمكن من مُراسلتك ..

[imi25]

السلام عليكم
وكيفاش حتى خلوه يطول في كرشك وين راحت الطبيبة على الاقل كانت عطاتك مضاد حيوي
مسكين سوفرا في كرشك
المهم ربي معاك واللهم يعوضك خير

[amira19]

بارك الله فيكم اخوتي الكرام

اختي ايمي حسبي الله و نعم الوكيل فيهم لا كان قادرين يديرو حاجة و ماداروهاش

انا مومنه بقضاء الله و قدره هي مجرد اسباب ربي مكتبلو يعيش 3 ايام و يموت

ادعيولي اخوتي