كيف تزوجتي؟ كيف تزوجت ؟

[عابد لله]

زعمة حليمة راهي على وشك تكون اسرة وبطلت ههههههههههههههههه الله يهديك يا حليمة ازوجي جيبي اولاد واذا ما عجبكش يشدلك في بوتفليقة خرجيه من الدار وكولي شهريته هههههههههههههه

[hadjer english]

انازواجي شوية تقليدي وشوية عن حب هو ابن عمي يسكن ويخدم بعيييد عليناماكانش يعرفني ملييح وماكناش نتلاقاو ومرة رحت لدارهم وهو جا من الخدمة وتلاقينا اومبعد تفكرني هههههههههه وقال ليماه اخطبيهالي مع اني كنت صغيرة هدرو عليا اومبعد صراو مشاكل بزاااف وبقينا 7 سنين باش تزوجنا و دوك الحمد لله ربي يحفظهولي و يخليه ليا

[malak mimi star]

انا عرفتو كي كنت نقرا فالليسي حبينا بعضانا 7 سنين و تخطبنا عامين و درك راني مرتو و عندي معاه طفل عمرو 6اشهر و مزلنا نحبو بعضانا كيما اول مرةo:-)

[وصال سلام]

والله يا اخ عابد الله حطو عليك الفردة ماعادوش يطلقووك هههههههه حتان تقولهم راني راكب في الكورتااج ربي يسهلك خويا الدنيا مكاتيب

قسمتك تديها تديها كن تعود في فم واحد والله غير تتنحلو وتجي ليك

انا عازبة والله كرهنا من هادو لحكايات وكرهتونا في الزوااج وسنيييينو

مانيش نهدر عليك اخي الفاضل لكن من جيرانا و اللي نعرفوهم وعائلتنا وووو

[عابد لله]

الاخت معك حق تخافي لكن انصحك، اتفرجي على شريط وثالئقي خصا بالحياة البرية في افريقيا. شوفي الحيوانت المفترسة والحيوانات المفترسة - بفتح الراء- عندما ترين فضاعة القتل والصيد تقولي لنفسك كيف تعيش تالك الحيوانات هناك وتلك وتتكاثر. الحياة هكذا فيها الكثير من المصائب لكن ما اصاب غيرك ليس بالضرورة يصيبك وما اصباك ليس بالضرورة يصيب غيرك. فتوكلي على الله واحسني الظن بالله وسف ترين ان الله يوفر عليك البحث والاختيار. لهذا نستخيره. لكن عليك ان تقبلي النتيجة وانت راضية بها. والحمد لله انا راض عما انا فيه والله لاني ادرك الحكمة مما حدث معي.

[وصال سلام]

لقد وصلت الفكرة اخي الفاضل لاني سبق وان تفرجت عليها. وكلاممك اراحني جدا لان فيه الكثير من الحكمة وكما قال ربنا بهذا المعنى ومن اوتي الحكمة فقد اوتي خيرا كثير . حياتنا كلها فيها خكم ولكن نحن لا نعي ذلك لان الانسان بطبعه يحب كل الشهوات بدون منغصات
مشكوور اخي على كل شيء والحمد لله على كل حال

ربي يعوضك خيرا كثيرا

[ام يوسف 2737]

هو قريبي بصح ما كناش نتلقاو من واحنا صغار كي حب يتزوج اخته نصحته يتزوجني لانه يتيم الام جا يزورنا على انها زيارة عائليةبلا ما يبين حتى شيء بعداسبوع جا اخطبني و اتزوجنا بعد عام ونصف عندي معاه 19 سنة زواج و عرام ذراري و الحمد لله متفاهمين راكم عارفين الزواج طيحة و نوضة و شادنا الولف بصح زيه ماكانش في الاخلاق و المعاملة و انا نحبو بزاف و ندعي ربي يخليه ليا و لاولاده

[احترم نفسي]

انا عكسكم عرفتوا شهرين وجا خطبني وحبينا بعضنا و منقدروش بلاما نكونوا كيف كيف مي الاحسن يا اختي تكوني متفهمة الرجل يحب المراة القنوعة وانا الحمد لله قانعة بكلش ان شاء الله ربي يهنيكم خاوتي

[ألاء-]

كان زواج تقليدي
تزوجنا في ظرف عام فقط
لما تزوجت به كان لا يفرق بين امه واخواته يضع كل واحد في مكانه بالرغم من ان بيني وبينه 10 سنوات في منزل بمفردنا الا ان مشاكل دائما تلاحقني
كنت بالنسبة لعائلته مجرد خادمة ولا دخل لي في اي موضوع
كان يقول لي ان المراة تسمع كلام زوجها وامه وتسكت لكي يرضى عليها زوجها
حتى ان امه فرقنا عن بعضنا وكنا نلتقي في بيتنا الزوجي دون علم اهله
حسبي الله ونعم الوكيل
بعدها كثرت المشاكل بيني وبين عائلته ولم يستطع ان يخبرني بالانفصال حتى جاء محضر وابلغني محضر بالحكم بالتبليغ
وجرى طلاق تعسقى
اي طلاق من جانب الزوج
كلل هدا الزواج دون انجاب أطفال لان المشككل كان من جانب الزوج وصورت نتائج التحاليل
الا ان الله هو الذي حرمه من العيش معي
دامت مدة زواجنا عام
حسبي الله ونعم الوكيل
الان عمري 24 سنة رجعت للجامعة لاكمل دراستي ماستر
وكأنني لست امراة مطلقة

[عابد لله]

الطلاق ليس بالسوء الذي يتصوره البعض فهو قد يكون الحرية من سجن اللمشاكل الاسرية سواء للرجل او المرأة. ولهذا أحله الله

[ام نهوله]

عندما يصبح الشخص الذي اخترته لا يعني لك شيئا و عندما تصبح لا تحس بغيابه ولا حضوره عندما يصدمك بقرارات تخصكما دون الررجوع اليك حينها فقط يصبح الطلاق مخرجا لا مفر منه وسيجعلك تعيش الحريه ثانيه وبقرار انت اتخذته

[halima1983]

شكرا اخي عابد الله هههههه راك حبستني نعم راني دايما نحاول نكون اسرة و في اخر لحظة نتراجع ما يشدليش في بوتفليقة يشدلي في شهريتي نشاء الله

[هالة اسماء]

تزوجت عن طريق قريبتي كانت تدرس معي في الجامعة تزوجت قبل اتمام الدراسة بشخص ملتزم يعني كنا نقراو في كلية الحقوق و بعدها بعام انا كملت الدراسة عادي اتصلت بنا في احد الايام و تكلمت معي قالتلي كاين شخص ناس ملاح بصح خدمتو بعيدة ما قالتلي لا واش يخدم لا وين يخدم في هداك الوقت ما كنت نخمم فالزواج بصح قلتلها ادا كان يستاهل اني نحبس القراية ممكن يعني كان يحوس قارية و محبسة هو ملتزم يحوس وحدة كيف وكان عمري 20سنة المهم جاء لدارنا و خطبني و ما طولناش و عقدنا و راح لخدمتو قبل ما يروح جا عندي بعد العقد اللي كان يوم 8ديسمبر 2010 الجمعة جابلي كتابان نصيحتي للنساء و كتاب دليل المراة المسلمة قيم جدا و مفيد و هاتف طبعا ماكاش عندي بورطابل
المم ما كملتش القراية كان عامي الرابع والاخير بصح ماندمتش وما رايحاش نندم لان الشخص الي اخترتو واختارني لو قلت فيه ما قلت فلن اعطيه حقه هو الاب هو الاخ هو كل شيء في دنياي ربي يحفضو ويخليه لبناتو
زوجي كان لي نعم السند ونعم الرفقة ربي يدومها ان شاء الله
و راح يوم السبت و هاداك النار بعثتلو ميساج الي هو دعاء للمسافر لحد الان ما ممحاهش من البورطابل و التاريخ 11ديسمبر2010 و الساعة الي مكتوبة على الهاتف 07/07/07
بعدها بقينا على اتصال باش نتعرفو على بعضانا اكثر المهم العرس كان يوم 30mars2011
بقينا شهر في دارهم و روحنا الى وين رانا ساكنين اليوم يعني رانا قريب نكملو العام الرابع لزواجنا و مانيش ندمانة لو كان ترجع الايام رايحة نختارو و نعاود نختارو
رزقنا الله ببنتين لؤلؤتين معمرين علينا الدار ربي يحفضهم ويجعلهم من الصالحات القانتات العابدات
و الحمد لله حمدا كثيرا

[أم شروفة]

في هذه اللحظة ..................لا أريد تذكر كيف خطبني ولا حتى ذلك اليوم النحس اللي تزوجتو فيه .ولا حتى تذكر الأشخاص اللي لاقاوني بيه .........ولا حتى كلمة زواج بحد ذاتها..............وللحديث بقية ...إن شاء الله

[chouchou w]

ama ana lam ara zaweji motlakan ila fisora tamat alkhotoba wa daf3i al mahar wa ana lam altkih walamyarani abadan ila ki9arab nhar zwaj ta3na wakana sini 18 sana .al hamedolilah al an ana om li 3awlad la o3ani machakil binisba litarikati zawaji sadkonas bakri kigolo lamhaba man ba3ed zwajhhhhhhhhhhhhhhhhhhhhhhhhh