الجزء 73lن واش طيبتي اليوم كوزينة النجاحات

[chez biba]

السلام عليكم ورحمة الله وبركاته
صباح الخير دائمة الحمد، ام اناس، om omnia،
مبروك الكوزينة الجدية كيا، نرجع ان شاء الله مع الباروك

المشاركة الأصلية كتبت بواسطة omomnia15

انا اليوم عندي ضياف رايحة نطيب شربة مرمز ومعاها سوفلي ولا بوراك انا والوقت شطيطحة لحم وسلاطة ارز وطبعا فواكه ونروح نشري لصابلي وكاش نوع اخر ومسمن وعندي معجون فراز مجاونيش كامل وحشمت منهم مزية راهم الحوانت يبيعو كل خير والبارح فالليل وين قالو رانا جايين الله غالب ملحقتش كاشما ندير

ام أمنية ربي يسترك قوليلي كيفاش ديري شربة المرمز ؟

[عازفة الناي]

اسعد الله صباح الجمع
اتمنى لكم يوم مشرق و زاهي و جميل يحمل كل الخير و البركة والافراح
كوزينة مبروكة و مربوحة للاخت كيا و كل من يشاركها
دائمة الحمد وش راكي توحشنا جديدك؟
ام اناس حلويات دائما روعة
ام سهام المادلان راني نفطر بيه ههههههههههههه
البقية مازالو ناعسين
الباروك لي عودة ونحطو
تحياتي

[charolize]

الف الف مبروك كيا ختى يجعلها عتبة فرح ونسمع فيها الاخبار السارة وللغائبين يشاركونةالافراح ونعمر الكوزيبة بالزغاريد واشهى الاطباق والحلويات ياله كل معروض

[دائمة الحمد]

صباح الانوار عزيزاتي بيبا شاروليز عازفة الناي نهاركم زين
عازفة الناي الله غالب راهو الميكرو ما يقراليش الكارت ميموار امس اديناه يتخدم محالي كل صور الارشيف قريب نبكي
عندي حل واحد ندي الصور لفايسبوك اسينات ونهبطهم هنا بالصح مانقدرش نحط مواضيع بالتفصيل اكي تعرفي تعليقات الفايسبوك
ومانقدر نحط كان اشياء معينة

[charolize]

صباح الحب والإحساس ... صباح مكتوب بماء الماس ...صباح مخصوص لأعز الناس .
اللهم صبح احبتى بما يسرهم وكف عنهم ما يضرهم ويسر لهم أمورهم وأجمعنا بجنتك
صباح الخير مرة وللطيبين بعد مره وللغاليين على قلبي آلف مرة

[سهومةج]

السلام على الجميع مبروك الكوزينة
لبنااااااااااااااااااااااااااات عاونوني عندي ضياف
حابة ندير تارتولات مالحين بالعجينة السحرية ه نحشيهم
تاع ام اماني نطيبها نص طياب و مبعدا نحشيها و نزيد نطيبهم
هل تصلح هاد الفكرة لانو عندي زوج بنات صغار لازم نوجد من قبل ما اجو
و شكون تقترح عليا باه نحشيهم
وادا عندكم روسات تاع تارتولات مليحة تربحو فيا ربي عاونوني متحشمونيييييييييييييييييييييش ربي ايجازيكم

[ام سهام 02]

سهومة اذا حبيتي ديري تارتولات مالحين بالعجينة السحرية طيبيهم طياب كامل و خبيهم و هما دافيين في المجمد كتحتاجيهم ديريهم في الفرن و لا هذي الوصفة ثاني ساهلة
https://www.djelfa.info/vb/showthread.php?t=1374329

[سهومةج]

بارك الله ام سهام قوليلي نقدر نطيبهم صباح و العشية نحشيهم و نردهم للفرن

[ام سهام 02]

عازفة الناي بيبا شاروليز يومكن سعيد
ام ابراهيم توحشت طلتك و اطباقك الرائعة

[ام سهام 02]

المشاركة الأصلية كتبت بواسطة سهومةج

بارك الله ام سهام قوليلي نقدر نطيبهم صباح و العشية نحشيهم و نردهم للفرن

اسمحيلي اختي لم افهم سؤالك وضحيلي اكثر واش من وصفة راكي رايحة ديري .

[سهومةج]

ام سهام ندير العجينة السحرية تاع ام اماني نطيبهم و نعمرهم بالفيونداشي طايب و من فوق ندير كريمة الفرماج كيما فلة و نرجعهم ما يسخنو فق للفور قيس ما يسخنو لانو كلش طايب واش قلتي ما اجوش ناشفين

[اسماء47]

صبحكم الله بالخير
و نهاركم مبروك
الف مبروك الكوزينة الجديدة و مبروك لكل الناجحين و الناجحات
ليدي الله يبارك طيابك تحفة

[oum ibrahim]

صباحكم ورد و هناء و سعادة توحشتكم غالياتي و ربي الي يعلم راني معاكم حرف حرف كلمة كلمة صفحة صفحة يعطيكم الصحة كااااااااااااااااامل كل وحدة باسمها و لمستها
اسمحولي كنت مشغولة بزاف الايامات الي فاتو كانت عندي اختي عاونتني في الميناج ربي يحفظها و راهي عندي عجوزتي هذاك هو ماندخلش بزاف
ام سهام انا تاني توحشتك يا العزيزة و نقلك ربي يعطيك صحيحتك على الخير الي راكي تحطي فيه من مادلين و معجون اممم يهبلو الله يبارك و الي قالهم اقعدو البغرير سخفتيني فيه و اليوم راني معولة عليه للغدا اذا كتب ربي من فضلك اذا ممكن طريقتك اذا مافيهاش تعب
ام اسينات واش احوالها اسينات ربي يعطيها وقفة ساهلة يا رب قوليلها تدعيلي معاها
البقية كااااااااامل احلى سلام ليكم و ربي يعينكم

[oum ibrahim]

ام انوسة الرشيقة ربي يشافي خالك و كل مرضى المسلمين يا رب قوليلي من فضلك كيفاه شكلتي الصابلي و باه حشيتيه ؟؟وواش تقصدي بالنوادكوكو درتيه في العجينة ؟؟؟؟؟؟؟؟

[ام سهام 02]

المشاركة الأصلية كتبت بواسطة سهومةج

ام سهام ندير العجينة السحرية تاع ام اماني نطيبهم و نعمرهم بالفيونداشي طايب و من فوق ندير كريمة الفرماج كيما فلة و نرجعهم ما يسخنو فق للفور قيس ما يسخنو لانو كلش طايب واش قلتي ما اجوش ناشفين

سخني الفرن مليح وطفي ودخليهم واذا كان ميكرواند يكون احسن