عندما تصبح المتجلببة في مجتمعنا جدة

[mohamed160]

المشاركة الأصلية كتبت بواسطة مريم الصابرة

السلام عليكم اخي محمد بارك الله فيك وجزاك الله كل خير
انا بخير اخي محمد شكرا لك وانت والعائلة
إنت رجل وتحترم الجلباب لكن اجبني هل كنت لتنادي فتاة ما ولو صغيرة بلفظة امي
شكرا لك وجزاك الله كل خير

الحمد لله . لا ما نقلها آمى نديها على حساب سنها الصغيرة اختى كما انتى

[جَمِيلَة]

المشاركة الأصلية كتبت بواسطة مريم الصابرة

السلام عليكم غاليتي جمولة
شكرا على الرد الجميل والرائع عجائز العشرينات فعلا مرات نلتقي اصناف ونحن مارات يتمتمون بالكلام او يضحكون علينا مرات الضحك والإستهزاء من الفتيات تخيلي مرة وانا ركبت الحافلة تخيلي 3 ينات من الواضح انهن جامعيات نزلناامام الجامعة طوال الطريق وضحك وإستهزاء وفهمت انهن علي ويا لعقل اختك مريم عاقلة بزاف بهدلت بيهم الحافلة تتخيلي الكلام اللي قلت كلهن متبرجات ولا واحدة ترتدي خما ر سمعتهم كلام في حياتهم ما سمعوه كانو يضحكو نزلو ببخص الوجه قلت ولله ما نعرف شكون يضحك على لاخر نصك مغطي ونص الشعب كامل يتفرج فيه فرحانة بعمرك انا اللي نضحك عليكم اللي حاطينكم ما تسواوش مش إنتوما لو ما عايرتهمش ييا جميلة نكلاطي
انا إنزعجت من اللي هو في سن جدي ويقولي يمى يعني صدقيني اختي جميلة باقيتلو شخرة انا من المفروض نقولو عمو لكن إنقلبت الأدوار ووليت انا يماه
الله يهديهم اما الشباب والله يديرو في بالهم واش يديرو ما نشوفهمش اصلا
المعاكسة والله قليلة جدا مرات نسمع كلام نتأكد أنو صاحبها منحرف لما يعاكس بنت محجبة حجاب شرعي نمشي وندعي ربي يشفيه
شكرا غاليتي سرني ردك سابلغ شكرك للمخطوفة نيروز

وعليكم السلام ورحمة الله وبركاته
العفو اختي مريم
ما خليتيهاش في قلبك وانتقمت منهن هههه كما عهدناك
والله وقت غريب أصبحت المتبرجة تسمى الشابة والمحجبة تسمى عجوز وجدتي وأمي
يعني في المرحلة الأولى من حياتها تكون متبرجة وبالتالي هاته تسمى مرحلة الشباب وعنما تكبر في العمر وتصبح مسنة تستر نفسها وبالتالي نسميها عجوز -هذا هو السير الطبيعي للمعادلة نسميها نحن طول الأمل - هذه هي المرأة العادية
أما نحن استبقنا الأمور فسترنا أنفسنا في مرحلة متقدمة وبالتالي نحن عجائز وهنا يكمن الفرق بيننا
وكأنهم يقولون لنا يا خسارة شبابكن هههه
لكن توصلوا يقولونا أمي وجدتي والله أمر مبالغ فيه وأنا أراه استهزاء حتى ولو كان الرجل شيخا فلم يعد هناك فرق بينهم فهناك من هم شيوخ ويقومون بأفعال الشباب
ربي يجيب الخير
كيف حال اختي نيروز "المخطوفة" أصبح دخولها قليلا هاته الأيام بلغيها سلامي
بوركت

[moh140]

أسأل الله العظيم .. الرحمن الرحيم .. المنان الكريم .. رب العرش العظيم .. الملك العليم ..
أن يدخلك جنة النعيم .. ويحفظك من الشيطان الرجيم ..
ويعتق رقبتك من عذاب النار الأليم .. ويحفظ بدنك سليم ..
ويهديك صراطه المستقيم .. ويسقيك من عين تسنيم ..
ولا يطعمك من طعام الأثيم .. ولا يذوقك من عذاب الجحيم ..
واشكركم على مواضيعكم المميزة
واسال الله أن يتقبل منا ومنكم صيام شهر رمضان الكريم
لكم منى ارق تحية واحترام

[رحيق الروح]

المشاركة الأصلية كتبت بواسطة مريم الصابرة

السلام عليكم وسيلة واش راكي
الحمد لله ما جيتيش معايا لاجونس البارح لو تغميني يجي نهار نوريهولك والله يا عمي لحسن صغير عليه تحيلي قالي يمى قلق جدي تعرفي قتلو خبرني برك واش من عام جبتك للدنيا ممكن نكون كنت نقرا فلاكريش او حتى جبتك معايا كي ولدتني يمى هكذاك ويبقى كبير عليا
ناس مهابل الله يهديهم

و عليكم السلام والله لاباس الحمد الله..............ههههههههههههههههههههه راني نضحك كي المهبولة ضروك عمك لحسن يحاوزني من الدار............مي راكي رديتيلو الناس هبلت الشمس ضرباتو للراس ...............نسيت باه نقلك يا الخوافة راكي سلكتيلها اليوم راهي ضربت الزنزلة ............كون راكي متي هههههههههه.

[مريم الصابرة]

المشاركة الأصلية كتبت بواسطة moh140

أسأل الله العظيم .. الرحمن الرحيم .. المنان الكريم .. رب العرش العظيم .. الملك العليم ..
أن يدخلك جنة النعيم .. ويحفظك من الشيطان الرجيم ..
ويعتق رقبتك من عذاب النار الأليم .. ويحفظ بدنك سليم ..
ويهديك صراطه المستقيم .. ويسقيك من عين تسنيم ..
ولا يطعمك من طعام الأثيم .. ولا يذوقك من عذاب الجحيم ..
واشكركم على مواضيعكم المميزة
واسال الله أن يتقبل منا ومنكم صيام شهر رمضان الكريم
لكم منى ارق تحية واحترام

السلام عليكم اخي الكريم
بارك الله فيك أفرحني دعائك جزاك الله كل خير يا رب
تقبل الله منكم ومنا رمضانك مبارك اخي أنت وكل اسرتك الكريمة
شكرا لك ولك بالمثل اخي ادعو الله ان تكون الجنة دارك والرسول جارك يا رب

[مريم الصابرة]

المشاركة الأصلية كتبت بواسطة رحيق الروح

و عليكم السلام والله لاباس الحمد الله..............ههههههههههههههههههههه راني نضحك كي المهبولة ضروك عمك لحسن يحاوزني من الدار............مي راكي رديتيلو الناس هبلت الشمس ضرباتو للراس ...............نسيت باه نقلك يا الخوافة راكي سلكتيلها اليوم راهي ضربت الزنزلة ............كون راكي متي هههههههههه.

السلام عليكم
ما تقليليش وسيلة ضربت عندكم الزنزلة احوجي مزيا رجعت لدارنا لو مت بالخلعة ودرتلك النبهديل ثم انا فالزنزلة نولي ماننعشرش يا جدك لو رقدت برا لو رجعت لدارنا فالليل
روسوفور هذاك لو ما ردتيش لو طرطقت بيها في قلبي كيفاه شكيت بنت وليدو راهي قدي يقولي يمى تخيلي ناس مرضى
ربي يسار من زنلزلة سلامي لعمي لحسن وخالتي بزاف بزاف شكرا

[مريم الصابرة]

المشاركة الأصلية كتبت بواسطة جميلة مناجمنت

وعليكم السلام ورحمة الله وبركاته
العفو اختي مريم
ما خليتيهاش في قلبك وانتقمت منهن هههه كما عهدناك
والله وقت غريب أصبحت المتبرجة تسمى الشابة والمحجبة تسمى عجوز وجدتي وأمي
يعني في المرحلة الأولى من حياتها تكون متبرجة وبالتالي هاته تسمى مرحلة الشباب وعنما تكبر في العمر وتصبح مسنة تستر نفسها وبالتالي نسميها عجوز -هذا هو السير الطبيعي للمعادلة نسميها نحن طول الأمل - هذه هي المرأة العادية
أما نحن استبقنا الأمور فسترنا أنفسنا في مرحلة متقدمة وبالتالي نحن عجائز وهنا يكمن الفرق بيننا
وكأنهم يقولون لنا يا خسارة شبابكن هههه
لكن توصلوا يقولونا أمي وجدتي والله أمر مبالغ فيه وأنا أراه استهزاء حتى ولو كان الرجل شيخا فلم يعد هناك فرق بينهم فهناك من هم شيوخ ويقومون بأفعال الشباب
ربي يجيب الخير
كيف حال اختي نيروز "المخطوفة" أصبح دخولها قليلا هاته الأيام بلغيها سلامي
بوركت

السلام عليكم مجددا آه غاليتي جميلة وكم احب الألوان في ردوك لا ادري تمنحني فرحة وامل بوركت غاليتي
والله كاين ناس تفسر ها إحترام كيما قريت الردود ما نحتاجش إحترامهم كان من هذا النوع انا نحسها إستهزاء يا إما الأشخاص هذو عندهم عقدة او مرايتهم كذابة مخليتهم يحطو رواحهم صغار السن هنا ختك مريم تضكر تشري مرايات ومدهم كادوات احسن من ترد الهدرة تمدهم لما يوصل شخث قد جدي يقولي يمى من الاحرى روح نحفر حفرة وندفن عمري كي نوصل نكون ام لواحد عندو 60 وانا عندي 30 زاش بقات حياة رجعت بالمقولب حتى في هذي
شفت يا جميلة منين كنا على ديدانا كنا سوسو وفوفو ومنين قلنا ري خير منهم وتحجبنا رجعنا يمى وجدة الحمد لله طريق ربي خير منهم حبو يقولي كيوباترا من الفراعنة
الله يهديهم هذا واش نقولو انا نولي ثاني نقول يمى لوحدة عندها 15 هكذا ننتقم
شكرا لك

[مليحة العرب]

عاااااااااااادي جداااااا و الله لن اغضب ..
المنتقبة صح ما يقدروش يعرفو لكانت كبيرة و لا صغيرة اللي مرتدياته و انا عن نفسي يقولي جدتي جد جدتي ما غادي ينقص مني والو بالعكس غير يقولي جدتي و لا يمّا و ما يقوليش حاجة وحد اخرى و انا ما نقدرش ابدا نرد عليه اصلا ما نقدرش نحكي مع اي من التجاراو اي ذكر بحضور زوجي و كي نخرج بلا بيه نخلي ماما تحكيه
هاكا نتفادو اي مشكل و هادا منهم لا كنتي تتاذاي من هاد اللفظ
أعلى ما بخيلكم اركبوه اقولها لكل من يفكرانه يزعجنا
تحيّاتي ..

[مريم الصابرة]

المشاركة الأصلية كتبت بواسطة مليحة العرب

عاااااااااااادي جداااااا و الله لن اغضب ..
المنتقبة صح ما يقدروش يعرفو لكانت كبيرة و لا صغيرة اللي مرتدياته و انا عن نفسي يقولي جدتي جد جدتي ما غادي ينقص مني والو بالعكس غير يقولي جدتي و لا يمّا و ما يقوليش حاجة وحد اخرى و انا ما نقدرش ابدا نرد عليه اصلا ما نقدرش نحكي مع اي من التجاراو اي ذكر بحضور زوجي و كي نخرج بلا بيه نخلي ماما تحكيه
هاكا نتفادو اي مشكل و هادا منهم لا كنتي تتاذاي من هاد اللفظ
أعلى ما بخيلكم اركبوه اقولها لكل من يفكرانه يزعجنا
تحيّاتي ..

السلام عليكم اختي
أنت لما تخرجي تخرجي بخضور زوجك او امك اكيد لانو متزوجة عكسي ومرات اضطر للتعامل فالحافلة مع السائق او مساعده او تاجر فالمحل مرات ما نردش صراحة لا اهتم ولا ارد باي كلمة ولا اكلمهم اصلا ارد للذي هو امامي مباشرة مثلا بائع لما يقولي لي هكذا لفظة واحسها نبرة إستهزاء ارد
انا لم اقلق قال يمى سالتو متى انجبته وهذا فقط اما وضعي للموضوع من باب السؤال هل للتبرج علاقة بصغير السن لوما المتجلببة دائما في نظر المجتمع هي كبيرة سن ومعقدة وكثيرا من المواصفات التي نسبت للمرأة المتجلببة و المحجبة شرعا
شكرا لك

[مليحة العرب]

المشاركة الأصلية كتبت بواسطة مريم الصابرة

السلام عليكم اختي
أنت لما تخرجي تخرجي بخضور زوجك او امك اكيد لانو متزوجة عكسي ومرات اضطر للتعامل فالحافلة مع السائق او مساعده او تاجر فالمحل مرات ما نردش صراحة لا اهتم ولا ارد باي كلمة ولا اكلمهم اصلا ارد للذي هو امامي مباشرة مثلا بائع لما يقولي لي هكذا لفظة واحسها نبرة إستهزاء ارد
انا لم اقلق قال يمى سالتو متى انجبته وهذا فقط اما وضعي للموضوع من باب السؤال هل للتبرج علاقة بصغير السن لوما المتجلببة دائما في نظر المجتمع هي كبيرة سن ومعقدة وكثيرا من المواصفات التي نسبت للمرأة المتجلببة و المحجبة شرعا
شكرا لك

المشكلة مشكلة نظر و بصر ..
انقلبت المعايير و المفاهيم صدقا هزلت ..

[dida rida]

أين المشكل إذا ناداك بجدتي او يما هل سينقص ذلك من قيمتك أنا أرى أن الموضوع تافه ولا يستحق كل هذه الجلبة

[thawizat]

ههههههه أختي مريم ولله ضحكتيني تاع صح فكرتيني في صاحبتي تدير خمار طويل و حجاب واسع مرة رحنا حبت تشري كنت نستناها برا حتى خرجت منرفية منشعة باين عليها زعفت سقسيتها واش بيك شريتي ولا لا
قالت ولله ما نشري هداك ألي يبيع قالي يما و هو كبير علي ، أنا في عمري 21 واقتاش جبتو هذا لعجب كامل
ههههههه أشحال ضحكت عليها مسكينة وهي كانت في قمة الغضب
أما أنا صراحة لاحظت هذا الشيء تلقاي رجال كبار قد جدك يقولك يا أختي
واش تديري أختي مريم حبو يرجعوا رواحهم صغار
آنا ثاني وليت إحتراما لمشاعرهم نقول خويا ملغري راهم قد جدي منهدروش على بابا راه وليدهم
وكاين هذوك دراري صغار فارغين شغل يعسو واحدة حجاب ويعيطولها الحاجة هذوك واش تديري عليهم
موضوع رائع ربي يحفظك أختي مريم روحك مرحة

[مريم الصابرة]

المشاركة الأصلية كتبت بواسطة dida rida

أين المشكل إذا ناداك بجدتي او يما هل سينقص ذلك من قيمتك أنا أرى أن الموضوع تافه ولا يستحق كل هذه الجلبة

السلام عليكم
انا مشكل عندي إنت ماراهش مشكل عندك
ولما موضوع تافه علاه إنت تافهة كي شاركت فيه
نظن ما قتلكش شاركي تافه ما ترديش ساهلة بزاف

[مريم الصابرة]

المشاركة الأصلية كتبت بواسطة thawizat

ههههههه أختي مريم ولله ضحكتيني تاع صح فكرتيني في صاحبتي تدير خمار طويل و حجاب واسع مرة رحنا حبت تشري كنت نستناها برا حتى خرجت منرفية منشعة باين عليها زعفت سقسيتها واش بيك شريتي ولا لا
قالت ولله ما نشري هداك ألي يبيع قالي يما و هو كبير علي ، أنا في عمري 21 واقتاش جبتو هذا لعجب كامل
ههههههه أشحال ضحكت عليها مسكينة وهي كانت في قمة الغضب
أما أنا صراحة لاحظت هذا الشيء تلقاي رجال كبار قد جدك يقولك يا أختي
واش تديري أختي مريم حبو يرجعوا رواحهم صغار
آنا ثاني وليت إحتراما لمشاعرهم نقول خويا ملغري راهم قد جدي منهدروش على بابا راه وليدهم
وكاين هذوك دراري صغار فارغين شغل يعسو واحدة حجاب ويعيطولها الحاجة هذوك واش تديري عليهم
موضوع رائع ربي يحفظك أختي مريم روحك مرحة

السلام عليكم اختي
اهلا وسهلا نورت موضوعي هكذاك صرا لختك مريم روسوفور والله ممكن يكن من وقت الفراعنة اصلا راه إجرام في حق النقل إنو يخدم بسنو فالنقل لكن واش تقولي مسكين رزقو هذاك وربي يعاونو لكن يقولي يمى قتلو وينتا جبتك حابة نعرف برك انا شكيت كي زدت جبتو معايا مي يمى واقيل صغيرة عليه
والله مرات ما نردش نهايا ما نقيمهش ومرات نطرطف من جنابي يقلقو نولي ما نهدرش نشري مرايات ونمدهم كادوات الله يهدي ما خلق شكرا لك

[جَمِيلَة]

المشاركة الأصلية كتبت بواسطة مريم الصابرة

السلام عليكم مجددا آه غاليتي جميلة وكم احب الألوان في ردوك لا ادري تمنحني فرحة وامل بوركت غاليتي
والله كاين ناس تفسر ها إحترام كيما قريت الردود ما نحتاجش إحترامهم كان من هذا النوع انا نحسها إستهزاء يا إما الأشخاص هذو عندهم عقدة او مرايتهم كذابة مخليتهم يحطو رواحهم صغار السن هنا ختك مريم تضكر تشري مرايات ومدهم كادوات احسن من ترد الهدرة تمدهم لما يوصل شخث قد جدي يقولي يمى من الاحرى روح نحفر حفرة وندفن عمري كي نوصل نكون ام لواحد عندو 60 وانا عندي 30 زاش بقات حياة رجعت بالمقولب حتى في هذي
شفت يا جميلة منين كنا على ديدانا كنا سوسو وفوفو ومنين قلنا ري خير منهم وتحجبنا رجعنا يمى وجدة الحمد لله طريق ربي خير منهم حبو يقولي كيوباترا من الفراعنة
الله يهديهم هذا واش نقولو انا نولي ثاني نقول يمى لوحدة عندها 15 هكذا ننتقم
شكرا لك

وعليكم السلام ورحمة الله وبركاته
جمعتك مباركة أختي مريم
أسعد الله أيامك دائما تسعديننا بكلماتك وتعابيرك العفوية هههه
الاحترام واضح والاستهزاء واضح واحنا عارفين بأن صنفنا يستهزئ به المجتمع وهذا حتى يحاولوا صدنا عن السبيل عن قصد أو عن غير قصد
بدليل بمجرد أن طفلة صغيرة تلبس خمارا للذهاب للمسجد يقال لها "وين رايحة يا الحاجة" وهذا ينفر الأطفال من الحجاب
والحمد لله أننا صبرنا وسددنا آذاننا عن هذا لأن الأصعب ليس أن نتحجب بل كيف نثبت عليه نسأل الله الثبات
تجاهليهم جميعا اختي مهما فعلوا ومهما يفعلون فهذا لن يؤثر بنا
وربما الفنا كثيرا على هذه التصرفات حتى أصبحت عادية
وربما سيستغرب الكثيرون لما أثير هذا الموضوع لكنه واقع وتأثيره سلبي على بناتنا الصغيرات
ربي يهدينا
تحياتي لك