جلسات مع orthophoniste لمساعدة ابنك على التكلم

[ام ايمان16]

بطلي من استعمال كلمات مثل حاحا ددي مياو همي دودو لازم و هو صغير يرفد كلمات صحيحة

والبيبي كيفاش نقولو همي باش ياكل او دودو باش يرقد ؟
يعني البيبي نقولولو كلمات كيما لكبار ؟كيفاش يفهم ((بالاك سخونة؟بالاك الفورنو ؟روح ترقد ؟ارواح تاكل؟؟هل هكذا نهدرو مع البيبيات ولاكيفاش؟

[mereyoucef]

لا اختي تفاحة ليس بحليب الام يعني الياهورت الجبن وربما ايضا بغبرة انتاع الحليب انتاع البيبيات لاننا مانعرفوش كيفاش مخدومة و هما الي يخدموها و التوحد ما تقدريش تعرفيه ابدا بصح كاين حوايج يخلوك اتشكي في ابنك مثلا لما تعيطيلو مايدورش ليك تم تم تاخر في الكلام انعزالي مايلعبش مع الدراري .........

[ام ايمان16]

يعني حليب الرضاعة الصناعي يقدر يدير توحد؟؟؟
بالصح الغذاء الاساسي للرضيع هو الحليب ومشتقاته؟ماكانش بيبي مايكلش الياوورت والجبن والحليب لي هومااساس الكالسيوم لنمو عضامه السليم؟فكيفاش نجنبو مانعطولوش هاذو الامواد الاساسية بمااننا منعرفوش كيفاش خدموهم كيما قلتي؟

[Marc Edouard]

جزاكي الله خيرا

[mereyoucef]

والبيبي كيفاش نقولو همي باش ياكل او دودو باش يرقد ؟
يعني البيبي نقولولو كلمات كيما لكبار ؟كيفاش يفهم ((بالاك سخونة؟بالاك الفورنو ؟روح ترقد ؟ارواح تاكل؟؟هل هكذا نهدرو مع البيبيات ولاكيفاش؟
صدقيني مالقيتش واش انجاوبك لاني عندي طفل واحد فقط ربي يشدهولي و انا كيما انتي كنت ماعنديش ابدا خبرة فقط حطيت هنا تجربتي باش الي تكون عندها تجربة و مرت بالحالة تفيدنا لكن انضن تقدري تتكاي مع البيبي هادوك الكلمات لكن لما يبدا يتكلم و ينطق حبسيهملو و تكلمي معاه عادي باش ينطق صح

[mereyoucef]

يعني حليب الرضاعة الصناعي يقدر يدير توحد؟؟؟
ربما صح انا وليدي ماشربش حليب من عندي ابدا غير حليب الصناعي

[mereyoucef]

وانا الورتوفونيست الي كنت متبعة عندها ماقتليش ابدا على الحليب و مشتقاتو لكن انا وجدت هاته المعلومة في الانترنيت و oum radja قاتلها الارتوفنيست على هاته القصة

[ام ايمان16]

يعطيك الصحة اختي وربي يحفظك وليدك

[oum radja]

السلام عليكم
بالنسبة للريجيم قالتلي هو راه صغير اعطيه الحليب مرة وحدة الصباح مثلا وباقي اليوم اعطيه مربى الكابويا و خبز الشعير و الجوز و نمنع عليه كل حاجة فيها مواد حافظة وملونات
الحمد لله راه ياكلهم الا الجوز طحنته ونخلطه مع المربى و العصير
ورايحة نحاول نكثف مجهودي معاه
وقالتلي لازم تقطعي عليه طيور الجنة نهائيا مايزيدش يشوفها
والسمع راني متأكدة بلي يسمع مليح ينتبه للأذان و يسمع الباب كي يتفتح يروح يجري يشوف شكون جا ولي راه مقلقني اني كي نعيط له مرات يجي يجري حتى ونكون في بلاصة بعيدة و مرات يكون حذايا و ما ينتبهش
وتمنيت لوكان نقدرو نتواصلو مع هاذ الاخصائية هيفاء الكيالي على خاطر عندها اعشاب تفيد مريض التوحد بعد الريجيم
لي قدرت تتحصل على اي وسيلة تواصل معاها تفيدني بليز

[ام ياسمين10]

ربى يشافيلكم وليداتكم فلذات اكبادكم .

[ام ياسمين10]

اعراض التوحد كامل فى وليدى وخفت عليه بزاف وكى ديتو للارتوفونيست قالى معندوش وكملت معاه حتى تحسن راه عمره اربع سنوات بالضبط يهدر كلش بصح التركيز ناقص رانى مزلت خايفة عليه العام الجاى يدخل تحضيرى زعم يكون مستواه مليح .رانى حابة ندخلو مدرسة قرانية بصح مصبتش الى يديه ويجيبو

[نسمة الغربة]

أم رجاء
مع انه انا مانيش مختصة بصح حذاري الأعشاب
يعني ولدك مازاله صغير و يكفي تمشي على كلام المختصة
و مش لازم تقرئ حتى هنا و لا لهيك لخاطر كل حالة مختلفة عن الاخرى

انا ولدي مازاله نفس الشيء بدا ينطق شوي برك و نسى الكلمات اللي كان حافظهم
بصح راكم عاودتوا شجعتوني باش نبدأ معاه من جديد
و نخصص له وقت لخاطر كنت مشغولة عنه هذه الايامات

[ga3da asila]

السلام عليكن انا ابني عنده تقريبا 2 سنتين لا يتكلم غير انوشوية يخنتش (الصينية) ما يقول ماما ما يقول بابا. الحمد لله يفهم و يسمع مرنيش عارفة المشكل درتلو eeg قالولي ما عندو والو . درتلو سكنير تاني ما عندو والو الحمد لله. ملي زاد و هو مع طيور الجنة بلاك هم الي اخروه انا في حيرة

[mereyoucef]

اختي ربما فقط كيما نقولو عندنا بالدارجة لسانو ثقيل فقط مازال صغير

[oum radja]

السلام عليكم
راهم بداو يبانو لي عندهم هاذالمشكل مع ولادهم واذا راكم تلاحظو معايا انهم كل ولاد يعني ماكانش هاذ الظاهرة عند البنات؟؟
المهم انا لي راه شاغلي بالي هو قلة التركيز يعني كي يكون مشغول بحاجة مثلا يتفرج و لا يشوف في حاجة يبغي ياكلها و لا يرفدها ما ينتبهش مهما عيطت ومهما ناديت انا هذا لي راه مقلقني

والاورتوفونيست قالتلي مانقدر ندير والو حتى نشوف
p e a تاعه رايحين نديروه هاذ الايام ان شاء الله
وقالتلي علميه le soufle يعني يطفي شمعة او ينفخ بالونة وشريت له هاذيك اللعبة لي فيها الصابون باش يدير فقاعات وراني غير معاه بالصح صعيب الحال شوية
ادعولي ربي يشافيلي ولدي ويكون سليم