الجزء 39 من واش طيبتي اليوم تشجيعا للفريق الوطني . - الصفحة 4

aphrodite16 · 2013-11-17, 12:41

اقتباس:

المشاركة الأصلية كتبت بواسطة ilbeldelmondo

حنان انا علنتهولها ههههه ديري 6 petit suisses صغار

ايا مزيييييية
انا عندي 4 كبار نديرهم قاع ماشي بزاااف؟؟
و ياك بنييينة
بارسكو درت اللي يطيب و ما عجبنيييش

ilbeldelmondo · 2013-11-17, 12:42

اسمحيلنا بروقة انا لي قلت لسارة افتحي و لم اقرا هذه الشروط من قبل في المنتدى اعتذر

إلهام07 · 2013-11-17, 12:43

أم لقمان بصحتك البسبوسة هههههههه مزية لقيتيلها راسها

نجمة ساطعة تعجبني خفة دمك فلا تحرمينا طلتك

طومة وععععععع ماقدرتش نقولها
ايا روحي ............. عجبني ديكور العدس واش حطيتي في الوسط ؟ حقة هيه وصفة ام راضية

ladymillion · 2013-11-17, 12:43

مبروك الكوزينة سكوربيون والله مفهمتش وين نهدر سارة حبيبتي والاخوات مكان لا مشاكل موالو كامل خواتات ومكانش فرق وبسلامتنا حنا راني نظلوا دودودودودودو يعني تخلاص صفحات الكوزينة ثم ثم والكوزينة الجاية راح تكون ان شاء الله لسارة بعد اذن المشرفااااااات طبعا

سكوربيو الف مبروك يارب يسعدكم كامل وتكون لمة خير داااااااايمة يارب

لكن ياسكوربيو انا مانستعرفش لازم نشوف الكوزينة ولو ركن صغير منها باش يكون هاذ الموضوع كامل متكامل

هذا حلو جبتو في يديا غريبية الحبيبة ام كوثر مممممممم

افروديت راهي تجاوبك طومة قاتلي دورك نجاوبها

ilbeldelmondo · 2013-11-17, 12:44

اقتباس:

المشاركة الأصلية كتبت بواسطة aphrodite16

ايا مزيييييية
انا عندي 4 كبار نديرهم قاع ماشي بزاااف؟؟
و ياك بنييينة
بارسكو درت اللي يطيب و ما عجبنيييش

حنان بنين و خاصة تاع الفراولة ان شاء الله يعجبك و ايه ديريهم في 4

scorpionoir · 2013-11-17, 12:45

اقتباس:

المشاركة الأصلية كتبت بواسطة أم إناس

عقروبه مبروك عليكم الكوزينه الجديد
صح لغدكم شكون تعرضني

ارواحي عندي مرحبا الكوزينة كوزينتي ههههه

اقتباس:

المشاركة الأصلية كتبت بواسطة ilbeldelmondo

هذه شربة العدس بطريقة ام راضية على ما اضن رني ننسى الله غالب

بصحتكم ناوية حتى انا نجربها

اقتباس:

المشاركة الأصلية كتبت بواسطة السعيدة بربها سارة

شنو هاي الكلام
علاش انا درت مشاكل ؟
يعني قبل ما نفتح سالت وردو عليا اخوات
شكرا على الكلام جرحتيني بالكلام والله

درتينا مشكل سبق يا سارة

توجع اللي عندو قلب
مجرد موضوع نعلمو فيه ونتعلمو
دوك نقولهم يحذفو الموضوع تهناااااي
وماراح ندير مشاكل
وابقا بصمت

نو نو نو نو الزعل ممنوع عندي حبيبتي عادي كلام وراح
مانسمحلكش ما تشاركيش .ديجا حطيلنل الحلو لي حطيتيه لهيه في سع يالله

اقتباس:

المشاركة الأصلية كتبت بواسطة أم ماجد

نحكم مكان ومن بعد نرجع جا الشيخ هههههههه

بلاصتك محفوظة يا الغالية باش نروبلوها

اقتباس:

المشاركة الأصلية كتبت بواسطة بشرى2008

مبرووووك الكوزينة الجديدة جيت بيديا فارغين لاخاطر راني من المتوسطة عندي فراغ قلت ندخل نشوف حباباتي غالياتي واش راهم دايرين فيها
غدايا خبز وكاشير وفرماج وياؤورت وحبات مندرين جبتهم معايا من الدار الحال بارد وزيد فطور بااارد ربي يستر

بصحتك وربي ينجحك

اقتباس:

المشاركة الأصلية كتبت بواسطة touta2010

الف مبروك ااكوزينة الجديدة وان شاء الله تكون فال لمنتخبنا لعزيز وادعوني ربي يوفقني ونحمر وج صاحب السمو سهرة المبارات حاب نقدم كل ما لذ وطاب راني نخمم في لماعن واش يغسلهم

ديريلهم شيبس

اقتباس:

المشاركة الأصلية كتبت بواسطة روضة 88

مبروك علينا الكوزينة الجديدة

وحظ سعيد للمنتخب الوطني.

اقتباس:

المشاركة الأصلية كتبت بواسطة نجمة ساطعة

حدث خلل فني ههههههههههه في الكوزينة صلحوه و الا المنتدى راح يحبس هههههه المهم ندخلوا في زوج حاسة روحي تقول رايحة نبارك

على الحج المهم سكوربيون مبروك عليك الكوزينة و علقي علام ههههه

https://www.djelfa.info/vb/showthread.php?t=1468340

الله يسلمك

اقتباس:

المشاركة الأصلية كتبت بواسطة ilbeldelmondo

scorpion يا جارتي ربي يسعدك و يفرحك و مبروك الكوزينة
انا ماشي عارفة وين راكم المهم نحط وصفة الكيش لمن طلبهاام لقمان

ديري كاس فرينة صفار بيضة نص ملعقة خميرة الخبز ملح نص ملعقة سكر زيت حسب عينك بسسيها و كملي بالماء و حطيها ترتاح شوي ثم افرديها في مول مدهون بالزبدة و حطيها ترتاح شوي برك
في مقلاة قطعي نص بصلة متوسطة شرائح و حبة بسباس الى شرائح و شوي زيت او زبدة و نص كاس ماء و شعلي النار حتى يذبالو و يتبخر الماء أضيفي ملعقة موتارد حسب الرغبة و ملح فلفل اسود و دجاج اذا توفر مقطع انا ربتها بدونه و جات تهبل كي يطيبو طفي
اخفقي بيضتين و حليب و كريم فراش اذا وجدت و ملح فلفل ملعقة صغيرة خميرة و معدنوس انا مايبوهش زيتون اخضر اذا تحبي
نسخن الفرن و ندخل العجينة بعد ما ثقبناها جيدا
كي تحمار مت تحت نجبدها
نخلط الحشو مع البيض و نسكب على العجينة و نحط قطع الجبن الطري ان وجد و نردها تكمل طيب كي طيب البيض لي فيه الحشو نحمرها من فوق و اذا وجد الجبن المبروش نديرلها من فوق و شهية طيبة

هنا درتها صغيرة بدون دجاج

امممممممممم يشهي بصحتكم

اقتباس:

المشاركة الأصلية كتبت بواسطة أم ياسين الزهراء

مبروك الكوزينا وهدا طبسي لوبيا بالكرعين تاع الخروف ههههههههههههههه الهام راني نصحح

بصحتكم حتى انا نويت نديرها اليوم كي نضت لقيت روحي نسيت ما رنختهاش

اقتباس:

المشاركة الأصلية كتبت بواسطة ghorba

ان شاء الله رابحييييييييييين
وكوزينة مربوحة باذن

الله

ربي يدومها نعمة ويحفظها من الزوال

إلهام07 · 2013-11-17, 12:45

سارة : بروقة ماتقصدش على بالي بيها قلبها ابيض
ماتوعفيش حبيبتي هنا رانا كامل اخوات وحدة ماتزعف من الثانية وراهي شرحتلك وجهة النظر نتاعها
هيا راني نستنى تقوليلها ماني زعفانة ومواح
بروقة أخيتك اهدري معاها بالشوية راهي حساسة

melissat · 2013-11-17, 12:46

مبروك الكوزينة اختي سكوربيو
انشاءالله تكون فاتحة خير على منتخبنا الوطني
فطرت ارز مقلي
باااااااااااااااااااااي

ilbeldelmondo · 2013-11-17, 12:47

لهومة الدجاج حمرتو في الزبدة و زدتلو موتارد و فلفل دريس و ملح زعفران و ثوم حسب الرغبة

aphrodite16 · 2013-11-17, 12:48

وييي لايديي خلاص راهي جاوبتني مرسيي
صحيتي طووومة راح ندير تاع الشوكولا
ايا اومباعد شوية

ladymillion · 2013-11-17, 12:50

ام ياسو بصحتك اللوبيا نتي والهاااام شهيتوني بيها وخاصة بالكرعين تاكلوا بالصحة

صح غداكم كامل زينات الفحلات

حقى العدس جا يهبل لام راضية يعطيها الصحة وزادت فيه طومة شوي جاج من فوق محمر روعة