تحبون غسل المواعين أم لا .. نريدكم هنآ بالقرب .. نفيدكم و نستفيد منكم تلك هي غايتنا .. تفضّلوا .. أهلااا بالجميــــــــع - الصفحة 4

سآجدْ للهْ · 2013-10-13, 09:27

السلالالام عليكم
انا نعرف نغسل لماعن خاصة كيما ما يكونوش الاهل نقوم بالحالـة في المطبخ ساااهلــة
ولكن كاينة حاجة برك [ الضحاااايا] هههه ديما لازم تتكسر حاجة ولازوج..
يعني لازم نقضي عليها ونخفيها تماما وما يبقى حتى أثـر ليها..
ومع هذا يكشفوني كيما يجو يقولك واش درت كارييثـة في الكووزينة ثاني ههههههه

وعجبتني هاذي فرآآت يعطييها الصّحــة

بهاء الإسلام · 2013-10-13, 09:42

باسم الله والصلاة والسلام على محمد وآله وصحبه
هههههههههههههههههاااي
اسعد الله صباحكم
احب غسل الاواني

واجد متعة في ذالك ولي ميحبش يغسل يبعثهملي هههه

امممم بالنّسبة ليا المااعن عشقي الأكبـــر ..
ومشهورة في أعراس خالاتي أنا لي نتكفل بالماعن
نحس فيهم متعة ولا بالأحلاام(ماشي ديال فتافيت ههههه)

وانا نشوف اكثر شيء تكرهو لبنات غسل الاواني
لكن لماذا
هاي فكرة بلاك تليق بلي ميحبوش يغسلو المواعين
بصح شكون يقبل ياكل هكذا هههه

بوركت حسناتك حبيبتي

وفقك الله واسعدك

الأمنيات · 2013-10-13, 09:53

السلام عليكم
لا يوجد اي مشكل في غسلهم فقط المزاج لازم يكون مليح هههههههههههههههه
كي نكون نطيب الي نستعمله نغسله حتى نخفف على نفسي وما يتراكموش
اما ادا كان فيه ضيوف وكنت مقلقه نخليهم حتى تقولي حرب الفتنام راها في المطبخ هههههههههه
لكن في هده الحاله كي نكمل كل شيئ نروح نرتاح ساعه ونرجع لهم نكملهم
تاع الليل صراحة كنت نخليهم لكن وجدت انه انا الي نحصل فيهم
رجعت نغسلهم ونظف المطبخ مليح حتى في الصباح نلقا كل شيئ نظيف ههههههههههههههه
شكرا لك

سَـآجدة · 2013-10-13, 10:40

السلام عليكم اختي

نشكرك بزاف على هذا الموضوع

اكيد كل بنت تكره تغسل لمواعين بصح وحدة تعفس على قلبها ووحدة تتفنين

بالنسبة ليا انا نفضّل نغسل كلّ حاجة تطيح أوّل بأوّل ..

و اول ما كملو نحط بآسينآ فيها رغوة تاع الصابون و بآسينآ فيها الماء و انا نكره نغسل كلشي امبعد نشللهم

انا كل حاجة نغسلها ثم بعد نشللها بالماء و هكدا في دقيقة نكمل

مي بصح الحل في وقتنا نشريو صحن بلاستيك و نرميهم هههههه هدا هو الحل بالنسبة لبنات خرين

مي انا نقولهم لالا ما عندكم وين تهربو

و تانيك انا نشتي نطبخ بزاااف

بيلسان11 · 2013-10-13, 10:43

السلام عليكم .
رجعت كيما وعدت , أنا نسخن قليل من الماء ننحي بيه الدهون مع شوية ازيس نصف المهمة كملت و يبقى نعاودهم بالخف بالازيس معاه ماء سخون و من بعد نحط الماء في اناء cuvette و نشللهم زوج مرات و نحطهم يقطروا, كي يجوني ضياف بزاف ما نغسل في المطبخ نحطهم في الارض في سينية و نغسلهم و من بعد نحطهم ينشفوا و في الصباح نخبيهم. أما في الأيام العادية نغسلهم في وقتهم حتى كون نكون تعبانة لأنني في الأخير راح نغسلهم أنا فمن الأحسن الصباح نلقى كل شيء نظيف و تبقى الكوزينة نقية كي نروح نخدم,

معاً إلى الله · 2013-10-13, 11:03

رحت شويّة جيت لقيت الردود ما شاااء الله ..
يا لوكان تطلوا على كوزينتي ..
راني ندير شويّ قاطو للعيد ان شاء الله ..

البوطاجي نصف مليااان ..

نردّ شويّة على حضراتكم .. في انتظار انتهاء الطهو نغسل كلّش على خطرة ..

>
>
>
>
>

كونوا بالقـــــــــــــــربـ ..

معاً إلى الله · 2013-10-13, 11:09

اقتباس:

المشاركة الأصلية كتبت بواسطة بيلسان11

السلام عليكم دائما متألق ةأختي معا الى الله
أما اما ديما روطار راني كنت مع المواعين تاع العشاء لأنني عاملة و ما نقدر نخليهم يبقاو للغد ,أهم حاجة أنني ما نخليش الحاجات اللي نحضر بها الأكل حتى نكمل و ناكلوا لازم الأكل راه يطيب و أنا نغسل في المواعين حتى كي ناكل نلقى غير الصحون و الحاجات تاع الأكل .و لي عودة ان شاء الله للموضوع

و عليكم السلام و رحمة الله و بركااااته ..

أهلا بغاليتي بيلساااان ..
التألّق هو عنوانكم ..

و الله يعطيك الصحّة على تنظيمك للوقت ..

أحييك على هذا الجهد ..

.. هناك مقوووولة تقول ..
أنّ المرأة العاملة خارج البيت .. هي أكثر تنظيماااا للمرأة الماكثة بالبيت .. !!

.. أتُرااااها معلومة صحيــــــــحة ؟

أتمنى أن تعودي مرااات و مرااات حتى نستفيد من خبرتك ..

و أتمنى أن يشاركنا الجميع في الاجابة على هذا السؤااال المهم ..

.. مسرورة بتواجدكِ ..

معاً إلى الله · 2013-10-13, 11:18

اقتباس:

المشاركة الأصلية كتبت بواسطة pro24

السلام عليكم اخيتي ربي يحفظك
وانا اقرا في الموصوع ماشاء الله
وبعد ذلك ذهبت الى الردود فانبهرت بها كيف لا وانا اعرف بنات الجزائر اعز المعرفة
لو لم اقرا انه منتدى كل الجزائرين لقلت انا هنا غالط في العنوان فانا هنا مع بنات الغرب
بنات بلادي الله يخليكم الله يحفظكم ليس هكذا عرفتكم
والمشكل كلهن اجمعن على حب غسيل الاواني ولكن المعادلك الصحيحة في الميدان
المراة لا تحب غسل المواني والتسياق اكثر مشكل تعاني منه ويؤرقها طول العمر
المهم هذا ردي اخيتي الغالية
اما بنات بلادي ارجو ان اكون قد انصفتكن
اكرر شكري لك اخيتي

و عليكم السلام و رحمة الله و بركااااته ..
و حفظك الله أيضااا أخي الكريم ..

فعلااا ردود المشاركين و المشاركات أبهر من الموضوع في حدّ ذاته ..

و كما ترى أن الكثيرات أجمعن أنهنّ يحبن و يستمتعن بغسل الأواني ..

و مام لي ما تستمتعش بهذا العمل .. غاسلتهم غاسلتهم ..

هناك حكمة تقوووول ..

المرأة للطبيخ و لو صعدت للمريخ ..

و أنا سأقوووول ..

المرأة لغسل المواعين و لو بلغت الثمانين ..

بارك الله فيك على التواجد الكريم ..
أسعدني حضورك و أعتزّ بشهادتك ..

الدعوة مفتوحة لك و للجميع .. فعد متى شئت ..

تحياااتي و احترامي ..

راجية رضى الرحمان · 2013-10-13, 11:23

السلام عليكم و رحمة الله و بركاته

مرحبا لجميع الأخوات هنا " ضحايا الأواني " هههه

أما عن تجربتي فيمكنني أن أطلق على نفسي " رهينة الأواني " رقم واحد ,,
أحيانا أغسلها بمتعة كبيرة ,, خاصة إذا كان " المورال طالع " ,, أغسلها و أرتبها بفن ,,
و في أحيان أخرى أود الهروب ,, من كابوس يدعى مطبخى ,,
و منين ذاك نخمم لو كاين قنبلة من وقت الثورة نفجرها و نقضي تماما على ظاهرة المطبخ ,, هههه

في الواقع قد يرهقنا العمل بين الأواني غير أن النتيجة الرائعة التي نصل إليها تشعرنا بطعم النصر ,,
و يضل العمل الوسيلة التي نثبت بها وجودنا ,,

آمل أني قد وصلت لمبتغى موضوعكم
أختي الفاضلة
موضوعك جميل
تقديري و ودي

ام نسمة · 2013-10-13, 11:28

اقتباس:

المشاركة الأصلية كتبت بواسطة الأستاذ عدنان

السلام عليكم و رحمة الله و بركاته
يبقى السؤال ماذا لو يتجرأ الزوج لاحتلال المطبخ و غسل الأواني مثلا بدل زوجته؟
هل كانت لترضى الزوجة أن ترى زوجها على تلك الحال؟
لا أعتقد
بل أكاذ أجزم أنها لا تحب ذلك. رغم أن هذه المهمة غير منوطة بالزوجة حتما بل يتقاسمها الزوجان معا.
لذلك ما رأيكن أخواتي الفضليات أن تطلبن من أزواجكن مساعدتكن في يوم معين حنى تزلن من على أكتافهم غبار الكسل و الاتكال.
قد تغبن عنهم يوما فلا يستطيعوا القيام بأي شيء كما أخبرنا بذلك أخينا جمال في مشاركته السابقة.
أنا عن نفسي ما نحبش نعسل المواعن
و الأكثر من ذلك على بالي نكسرهم خاصة انهم يزلقوا في اليد من اثر الرغوة.
و لكن أحيانا نساعد زوجتي في تشلال المواعن لا غير.
حفظكن الله لأزواجكن و اولادكن أخواتي الفضليات و أثابكن أجر ما تفعلنه مع عوائلكن .

نعم المثل للزوج المتعاون
والله انا عن نفسي لا اقبل بتاتا ان يغسل زوجي المواعين لو اظطرني الامر ارميهم ولا اراه هو يغسل لا ادري لماذا بالرغم من ان اغلبية النساء ترحب بفكر المشاركة
حتى هو لا اظنه يحبذ الفكرة فلا اتجرء ابدا على طلب المساعدة منه هو فقط يجيد قلي البطاطا والبيض لما اكون غائبة عن البيت فقط لا اكثر ويترك الاواني كما هي حتى اعود وعلى حبة بيض يجبد كامل الطباسة ههههههه ونجي انا نغسل والدم يفور في راسي

ست الحبايب · 2013-10-13, 11:34

ليس لدي مشكلة مع الاواني احب غسلها اول باول ولا انام حتى يكون المطبخ في حالة جيدة ولكن يزورني احيانا ضجر من المطبخ ككل اذ اني المتكفلة به 100ب100ولا احد يساعدني لاني بين الذكور فقط ففي رمضان دائما اتمنى لو اني يعد الطبخ المضني لو انه لديا بنت حتى تغسل المواعين فقط
صديقتي اشارت عليا بشراء الة غسل المواعين وانها عندها واحدة تجدها مفيدة ولكن لست مقتنعة بها ابدا ابدا وفي نفسي اضحك على الناس الذين يستعملونها فغسل المواعين باليد نصف ساعة ارحم من غسلها بالالة ساعتين

ام نسمة · 2013-10-13, 11:36

اقتباس:

المشاركة الأصلية كتبت بواسطة عبد الجليل 14

السلام عليكم والرحمة والاكرام
اهلا اخت معا الى الله شكرا على الموضوع الهام والمميز
والذي اظنه خاص بالنساء نوعا ما لان غسيل الماعين اصبح شبح الكثيرات في المطبخ يحسن العون ربي يكون معاكم
يعطيكم الصحة الفحلات كلكم اجتمعتم هنا على انكم تغسلونهم كل يوم اممممممم الله يبارك

انا مانكدبش على روحي نهار تكون الوالدة مريضة ولا عيانا ولا وحدي في البيت انا نقوم باعمال المطبخ وغسيل الاواني يعني جامي خليت المطبخ طايح اون بان

هههههههههههههههه هادي حالتي والحمد لله نلقا راحتي كي نكون وحدي نغسلهم كيما نعرف
انا هادا رايي الخاص اخت معا الى الله
شكرا ليك مرة اخرى على الموضوع بارك الله فيك

ربي يبارك فيك ويكثر من امثالك ويحفظ الوالدة الكريمة
ياري ولادي يطلعو كيفك يعينوني على شغل البيت لما اكبر وامرض وهما يكونو رجال مثلك
وكما عبرت غسيل المواعين انا اعتبره شبح
لكن كي نكون في عرس او وليمة نحب نغسل ؟؟؟؟؟؟؟؟؟؟؟؟؟ ههههههههه ربما تحلالي كي تكون الهدرة والمغزل ههههههه يعني الغسيل مع المنشار ههههههههههه يكون مسلي

* عبد الجليل * · 2013-10-13, 11:42

اقتباس:

المشاركة الأصلية كتبت بواسطة زهورالفل

ربي يبارك فيك ويكثر من امثالك ويحفظ الوالدة الكريمة
ياري ولادي يطلعو كيفك يعينوني على شغل البيت لما اكبر وامرض وهما يكونو رجال مثلك
وكما عبرت غسيل المواعين انا اعتبره شبح
لكن كي نكون في عرس او وليمة نحب نغسل ؟؟؟؟؟؟؟؟؟؟؟؟؟ ههههههههه ربما تحلالي كي تكون الهدرة والمغزل ههههههه يعني الغسيل مع المنشار ههههههههههه يكون مسلي

يبارك فيك ويخليك ربي يرزقك على حساب قلبك
صح الجميع يخافوا من الغسيل تاع المواعن والتسياق ربي يعزك مانحكيلكش يبغوا يبكوا ههههههههه

امممممممم يحلى الغسيل كي يكون فيه الهدرة ولومبونس تلقى راحتك على الآخر ههههههههه

شكرا على مرورك العطر بارك الله فيك

معاً إلى الله · 2013-10-13, 11:43

اقتباس:

المشاركة الأصلية كتبت بواسطة ع.جمال

وعليكم السلام ورحمة الله وبركاته.
موضوع نسائي يشارك فيه رجل غريبة شوية هههه لكن أنا لاأحب غسل المواعن بل آكل وأتركها مبعثرة بعدما كانت موضوعة بطريقة منظمة ومرتبة وكان الله في عون بناتي لأن كل الأمهات تترك لهن غسل الأواني وتقوم أيضا بتربيتهن منذ الصغر على غسل المواعن فكان الله في عونهن مع العلم أن هذا العمل مفيد جدا لبعض المرضى خاصة العصبيون وبارك الله فيك على الموضوع الجميل ...............

و عليكم السلام و رحمة الله و بركااااتـــــــــــــه ..

مرحبا و أهلااا بالفاضل ع.جمال ..
نوّرت الموضوع ..

أنا لستُ معك في فكرة أنّ الموضوع هو موضوع نسائي ..
لا بل هو موضوع للجميع ..

لأن المرأة و الرجل متكاملان ..
لا يتطيع أحدهما الإستمرار دون الآخر ..

بمعنى عاااام .. الراجل بدون مرأة [ يكولي ] ..

أنا هنا لا أقصد الرجا كزوج ..
بل أقصد الرجل ككلّ الأدوار التي ممكن أن يكون عليها ..

فلا الزوج يمكنه أن يستغني عن خدمات زوجته أو ابنته ..
و لا الإبن يمكنه أن يستغني عن خدمات أمّه أو أخته ..

يعني المرأة فيها فيها ...

أكااااد أرى طاولتكم و أنت تعبّر عن حسن تنظيمها و ترتيبها ..
من فعل ذلك ؟ و من هيأها في تلك الصووورة ؟

أكيييد الزوجة الكريمة حفظها الله ..

و البنات لمن رزقه الله بهنّ ..

أتعلم ..

أحتار كيف يعطيكم قلبكم أنتم الرجال في ترك الطاولة من ورائكم مبعثرة ..

على الأقل على الأقل أقول على الأقـــــــــــــــــــــــــــلّ ..
ما تديروش الفتات في كلّ مكان و نظموا مكانكم قبل النهوض ..

و حبيت نشاركك أخي الكريم و كل المتواجدين هنا بهذه الصورة الكاريكاتيرية ..

التي تعبّر عن قيمة وجود المرأة في حياااااة الرجل ..

.. .. هيه مش غير راح يذبحكم البصل .. ..

لكم التعليق ..

تحيّة و تقدير لحضورك الكريم أخي ..

سلاااامي ..

بيلسان11 · 2013-10-13, 11:47

اقتباس:

المشاركة الأصلية كتبت بواسطة معاً إلى الله

رحت شويّة جيت لقيت الردود ما شاااء الله ..
يا لوكان تطلوا على كوزينتي ..
راني ندير شويّ قاطو للعيد ان شاء الله ..

البوطاجي نصف مليااان ..

نردّ شويّة على حضراتكم .. في انتظار انتهاء الطهو نغسل كلّش على خطرة ..

>
>
>
>
>

كونوا بالقـــــــــــــــربـ ..

السلام عليكم
اختي معا الى الله فكرتينا في القاطو الكوزينة و المواعين ماشاء الله ربي يقدرك . كي نحب ندير القاطو لازم ندير برنامج نطيب الغداء و العشاء مع بعضهم و نتفرغ للقاطو و المواعين تاع القاطو, بصحتكم الحلويات,