العلوم!!! باك 2013

[Hind_dz]

المشاركة الأصلية كتبت بواسطة ~ منصـ‘‘ـف ~

العفــو
إن شاء الله , فقط خممي مليح وما تتسرعيش
بالنسبة لعدد سنوات الدراسة راهم يقولو يفوتو بسرعة ( آني نصبر في روحي ههه)
إذا كنت مستمتعة بالدراسة نأكدلك بلي ماتحسيش بيهم نهائيا

اوكي اني نزيد نخمم مليح وان شاء الله نخير حاجة مليحة،،

ما علابالكش وين يبعثو صحاب الميدسين السنة؟

[sara2012]

المشاركة الأصلية كتبت بواسطة Hind_dz

اوكي اني نزيد نخمم مليح وان شاء الله نخير حاجة مليحة،،

ما علابالكش وين يبعثو صحاب الميدسين السنة؟

السلام عليكم هند :
بغيتك ختي تحطيلي العلامات تاوعك في جميع المواد با نعاند عليك ..ههههههه
كاش مرجع مليح في الفلسفة و الفرنسية و الانجليزية ....قريت في واحد المشاركة بلي عندك علامة كاملة في الانجليزية بصح magnifique ختي كفاه يعني نتي من بكري متفوقة في اللغات ؟؟و خاصة الانجليزية
راني نقرى فيها هاد الصيف و نترجم في النصوص جاتني حاجة مليحة و لا باه تنصحيني ؟؟ ما عنديش مشكل في القواعد و لا .........ديما مشكلتي في الفقرة سواء كانت انجليزية او فرنسية ....ايا تعيشي جاوبيني على كل حاجة و ربي يوفقك
اه نسيت اضافة برك في الموقع الاول للدراسة في الجزائر لقيت مواضيع بزاااف و كاين حتى البيداغوجية فادوك و لا لالا ؟
يعني كنتي تحليهم ؟+++مثلا بالنسبة للرياضيات تمارين البكالوريا لواه تشبه لتمارين و مسائل الكتاب و لا .....

[sara2012]

جاوبيني هند تعيشي و كاش نصائح فيديني في جميع المواد ...ياك خلصتي الباك ههههه
انصحيني مثلا على سر التميز و كفاه كنتي منظمة وقتك و تخدمي في الدار و لا ما تخدميش هههههههه اسئلة غريبة
كنتي تخيري فقرة في الفرنسية و لا compte rendu كفاه نستغل الكتاب المدرسي تاع الفرنسية و الانجليزية مثلا
و مثلا كاين في الانجليزية غير كيما شفت فقرات كبااااار في الاخير تاع لكتاب يفيدني كي نترجمهم ؟؟؟

[~ منصـ‘‘ـف ~]

المشاركة الأصلية كتبت بواسطة hind_dz

اوكي اني نزيد نخمم مليح وان شاء الله نخير حاجة مليحة،،

ما علابالكش وين يبعثو صحاب الميدسين السنة؟

إن شاء الله يارب ~
ماعلاباليش
فقط سمعت بأنو فتحو كلية الطب في النوفال بقسنطينة , العام هذا إن شاء الله يقراو السنة 1 و 2 فيها
نظن رايحين يوجهو لقسنطينة
صراحة انا حاب العاصمة وانت ؟

[sara2012]

المشاركة الأصلية كتبت بواسطة ~ منصـ‘‘ـف ~

إن شاء الله يارب ~
ماعلاباليش
فقط سمعت بأنو فتحو كلية الطب في النوفال بقسنطينة , العام هذا إن شاء الله يقراو السنة 1 و 2 فيها
نظن رايحين يوجهو لقسنطينة
صراحة انا حاب العاصمة وانت ؟

الأخ منصف نتا من ميلة و لا عين مليلة جاوبني خويا معناه كاين واحد المعهد حابة نصقصيك عليه تعيش

[sarah milano]

الاساتدة الوحيدين لي مايظلموش تاع العلوم على حساب واش شفت
الله يحفظهم

[~ منصـ‘‘ـف ~]

المشاركة الأصلية كتبت بواسطة sara2012

الأخ منصف نتا من ميلة و لا عين مليلة جاوبني خويا معناه كاين واحد المعهد حابة نصقصيك عليه تعيش

ايه من ميلة
لا أملك معلومات عن المعاهد
تفضلي بسؤالك ممكن نقدر نساعدك

[Hind_dz]

اهلا سارة،، تبانيلي متحمسة بزاف هههههه،، اوكي ضرك نحاول نجاوبك..

هاكي رقم التسجيل تاعي باه تشوفي العلامات 34063745..

الفلسفة ماعنديش الحق نهدر عليها على خاطر جبت 9 هههههه بصح كاين كتاب مليح اسمو السامي في الفلسفة..

الفرنسية و الانجليزية ماكنتش نعتمد فيهم على مراجع ماعدا البكالوريات السابقة،، كنت نحلهم،، والانجليزية من بكري مليحة فيها الحمد لله عليها ديت 20..

مليح كي راكي تترجمي فالنصوص على خاطر هك تتعلمي كلمات جدد و لازم تجربي تكتبي فقرات بالانجليزية و الفرنسية باه توالفي و ما يبقاش التعبير بيهم صعيب..

انا ماكنتش نقرا من النت تقريب خلاص على خاطر نقلق و يضيعلي الوقت بزاف و ماحليتش المواضيع البيداغوجية..

وتمارين البكالوريا تاع الرياضيات ما يشبهو لوالو صراحة هههههه انا جاني الباك كامل غريب و جامي شفت كيفو..

مبعد نكملك اختي على خاطر راني نكتب بالـclavier visuel و عييت منو..

[Hind_dz]

المشاركة الأصلية كتبت بواسطة ~ منصـ‘‘ـف ~

إن شاء الله يارب ~
ماعلاباليش
فقط سمعت بأنو فتحو كلية الطب في النوفال بقسنطينة , العام هذا إن شاء الله يقراو السنة 1 و 2 فيها
نظن رايحين يوجهو لقسنطينة
صراحة انا حاب العاصمة وانت ؟

انا حابة قسنطينة.. مش بعيدة بزاف و مش قريبة ههههه

مانيش حابة نروح للعاصمة على خاطر بعيدة بزاف..

[sarah de13]

ana diit 14 kima hssabt kharjat niichen

[~ منصـ‘‘ـف ~]

المشاركة الأصلية كتبت بواسطة hind_dz

انا حابة قسنطينة.. مش بعيدة بزاف و مش قريبة ههههه

مانيش حابة نروح للعاصمة على خاطر بعيدة بزاف..

إيه , بالنسبة ليكم و الله بزاااف مي الطب في العاصمة قالولي أفضل
الله اعلم

[sara2012]

المشاركة الأصلية كتبت بواسطة ~ منصـ‘‘ـف ~

ايه من ميلة
لا أملك معلومات عن المعاهد
تفضلي بسؤالك ممكن نقدر نساعدك

شكرا
انا حاسبة من عين مليلة ياك هي بلدية في و لاية ام البواقي و ميلة نورمالمو ولاية ههههههه و كي عدت من ميلة ما تقدرش تجاوبني معناه المعهد لي نصقصي عليه في عين مليلة و على كل حال مشكور

[sara2012]

صح راني متحمسة بزاااااااف
اوكي راني نسناك نشالله في نفس الموضوع
اذا باغية اي سؤال على كلية الطب بقسنطينة نصقصيلك بنت خالي راني نحكي معاها ديما و هي فوتت عامها الاول في الطب في قسنطينة
ههههه لي قدرت عليه انا ثاني
........مشكورة

[Hind_dz]

المشاركة الأصلية كتبت بواسطة sara2012

جاوبيني هند تعيشي و كاش نصائح فيديني في جميع المواد ...ياك خلصتي الباك ههههه
انصحيني مثلا على سر التميز و كفاه كنتي منظمة وقتك و تخدمي في الدار و لا ما تخدميش هههههههه اسئلة غريبة
كنتي تخيري فقرة في الفرنسية و لا compte rendu كفاه نستغل الكتاب المدرسي تاع الفرنسية و الانجليزية مثلا
و مثلا كاين في الانجليزية غير كيما شفت فقرات كبااااار في الاخير تاع لكتاب يفيدني كي نترجمهم ؟؟؟

الحاجة الاولى ماكنت نمس في حتى حاجة فالدار هههههه هذي هي الحاجة المليحة فالباك هههههه

حاولي تقراي قد ما تقدري بصح ما تعييش روحك بزاف باه ما يديرلكش إرهاق،، هذا هو سر التميز لازم تكون القراية هي الحاجة الاولى في حياتك..

العلوم و الفيزياء و الرياضيات لازم تفهمي الدرس مليح مليح و تحلي التمارين تاع الكتاب المدرسي خاصة الفيزياء و الرياضيات لازم تطبقي عليهم بزاف،، بصح جامي تهملي المواد الادبية،، لازم تبداي تحفظي من الاول تاع العام و ماتخليش للاخر..

وانا كنت نخير الفقرة في الفرنسية،، تبانلي هي خير،، و الكتاب المدرسي تاع الفرنسية جامي كنت نقرا فيه،، وتاع الانجليزية كنت نقرا فيه كي نقلق فالكلاسة للمتعة برك ههههه

ايه الفقرات مليح كي تترجميهم باه تتعلمي كلمات جدد خاصة اللي تحتاجي تعرفيهم فالوحدات اللي مقررة..

نتمنى نكون فدتك..

[uniquemehdi]

أنا ديت 16.5 في العلوم ""الموضوع الاول "" بصح هردني المصحح تاع الفرنسية ديت 8 كونت نستنى 15 على الأقل في الفرنسية معليش الحمد لله على كل حال .... nchlh moyenne medecine yahbat bark