وصفة palmier - الصفحة 4

قطرة الربيع · 2013-03-05, 08:29

امين رب العالمين ربي يعطيك ما تتمني

kadikirou · 2013-03-05, 08:52

chokran om anes

myrime · 2013-03-05, 11:08

شهيتيني أختي
أنا نحبهم بزاف كل مرة نشريهم و ظانت جاوك يحمقوا لوكان غي شرحتيلنا مليح بالصور كي كنتي تحللي فيها و كيفاه فورميتيهم هكاك
و بغيت نسكسيك أختي واش عملتيلها ملفوق حتى راها تبريي يعني تبرق
أنتظر ردك
شكرا مسبقا

sa-li · 2013-03-05, 11:15

مشكورة ختي على الرد

أممم ممكن تعطيني رابط الوصفة يمكن يكون أفضل

اقتباس:

المشاركة الأصلية كتبت بواسطة oum anas 69

شكرا أخواتي سررت بزيارتكم لموضوعي إن شاء الله نقدملكم كل جديد
أختي سالي انا العجينة نخدمها ما نشريهاش هذه طريقة الاخت ياراسمين 26 تجي مثل المحلات إذا حبيتي نحطلك الوصفة ما كاش مشكل انا في الخدمة

oum anas 69 · 2013-03-05, 11:48

اقتباس:

المشاركة الأصلية كتبت بواسطة myrime

شهيتيني أختي
أنا نحبهم بزاف كل مرة نشريهم و ظانت جاوك يحمقوا لوكان غي شرحتيلنا مليح بالصور كي كنتي تحللي فيها و كيفاه فورميتيهم هكاك
و بغيت نسكسيك أختي واش عملتيلها ملفوق حتى راها تبريي يعني تبرق
أنتظر ردك
شكرا مسبقا

شكرا لك أختي على الرد الجميل
إن شاء الله المرة القادمة نعاودهم بالتفصيل الممل على جالك بصح حتان نوجد العجينة اوكي
و البريق هداك من السكر ذاب رجع كراميل ما عملتلها والو
لا شكر على واجب انا في الخدمة

oum anas 69 · 2013-03-05, 11:52

اقتباس:

المشاركة الأصلية كتبت بواسطة sa-li

مشكورة ختي على الرد

أممم ممكن تعطيني رابط الوصفة يمكن يكون أفضل

اختي سالي هايليك الوصفة كيما كتبتها انتي فقط اقسمي على 2 باش تسهلك اوكي
صباح الفلول والياسمين"كمية كبيرة وانت نقسي في المقادير:1.500 غ فرينة+كوب زيت+40 غ ملح+عصير ليمونة وهذا هو السر {لنزع الرطوبة من الفرينة}رونيها بماء عادي في الشتاء والصيف من الثلجة كي تترون ترجع 3 كلغ ادلكيها بكف اليد حتى تصبح لينة وتروكيها ترتاح حليها بالحلال ضعي الزبدة التوريق750 غ{السر2 :اضربي الزبدة بالحلال حتى تولي بيضاء} من بعد بكف اليد حتى تصبح بيضاء وطرية ضعيها في الوسط غلقي اعليها منبعد اقلبيها اليكي وحليها بطول+ العرض ثم اعيدي الطريقة مرة اخرى وتروكيها ترتاح بداي التطبيق 1 و2 بنفس الطريقة ثم ترتاح ثم 3و4 ثم ترتاح والاخيرة5 ثم اتروكيها ترتاح ثم حليها وشكليها على سمك2 سم ملاحظة كي تشكليها اتروكيها ترتاح باه ماتتكمش منبعد شهية طيبة