عاونوني رايحة نموت

[اسعى لرضى الله]

اختي تجيك في الخسارة المادية ودك مكانش لولاد بيناتكم خير,,, الزواج يا اختي لازم يتبنى على الاحترام وكاين حدود بين الزوجين مشي معناها كي يزوجو يروحو الحدود هدوك

ومتخليهش يذلك كثر من هك غير ااخطيك منو

الرزق على ربي


وزيد هدا اللي يكفر ويسب من بعد واش يدير يعطيك الطرايح ؟

اتخيلي تزوجي وتجيبي لولاد؟؟

واش راح يتعلمو من باباهم الكفير وتطياح الهدرة؟ هاي متصلحش

يعني من حقك انك تختاري الزوج اللي يعينك على طاعة ربي ويحترمك

والثانية يكون من بعد اب صالح لولادك


انا كون كنت في بلاصتك اسمحيلي ياربييكون غير انا وياه فوق الارض منزوجوش كيعاد يا اختي في نظري الوجدة لا زوجت تزوج باش تتهنا وتحصن نفسها وتعيش مرتاحة نفسيا مشي تزوج باش تزيد المشاكل لراسها

[بين الحقيقة و السراب]

المشاركة الأصلية كتبت بواسطة خديجة 1010

منكدبش عليك اختي موالفتو محبيتو الحاجة الوحيدة لي خلاتني صابرة عليه هي اني مشيت في طريق ولازم نكملو مدام عقدت وتورطت وزيد لخسارة لي خسروها والديا باش نجهز وفاللخر مكان والو

أسأل الله أن يُعوِضك فيما خسرتِ، و ربما هو الربح بعينه [فرُبّ محنة منحة]
و حتما هو الخاسر الأكبر......
.
.
.
نصيحة لك يا خديجة، جميل أن نندم و نعاتب أنفسنا و لكن الأجمل هو تدارك الأمور، فلا تضغطي على نفسك أكثر!!

و خيره في غيره.....

[خديجة 1010]

انا والله ماعليا بيا الوالدين والفاميلية والناس راكي تعرفي ميرحموش يشقولو هادي بطلت قبل عرسها كشما شاف ولا سمع عليها

[ardfatima]

"وعسى ان تكرهوا شيئا و هو خير لكم و عسى ان تحبوا شيئا و هو شر لكم و الله يعلم و انتم لا تعلمون"
الاستخارة ثم الاستخارة و الدعاء
من المفروض يكون الزوج عونا لك على طاعة الله ليس العكس
لو كنت مكانك لفسخت كل شىء وانا راضية
تخيلي معي هل تفضلين الطلاق الان و انت لم يمسسك رجل اوفيما بعد الطلاق راه عندو ساهل تاكدي ان لم يطلقك الان سوف يطلقك فيما بعد و تخيلي وانت معك اولاد يجب ان تكوني صارمة في اتخاذ قرارك الاستخارة ثم الاستخارة
تاكدي هذا الذي لم يحترمك الان بعد الزواج سوف يضربك و يحتقرك و يعرف بنات و يخوض في علاقات و يجيبهم عندك لدار هذا لا يعرف الله وتتطور الامور هل ستصبرين لكل هذا قالك والديا ما يحكموش فيا هذا راه داير رايه

[مريم الصابرة]

المشاركة الأصلية كتبت بواسطة خديجة 1010

انا والله ماعليا بيا الوالدين والفاميلية والناس راكي تعرفي ميرحموش يشقولو هادي بطلت قبل عرسها كشما شاف ولا سمع عليها

السلام عليكم اختي
قوليلي واش فايدة الناس لما تعيشي مع راجل يحطلك راسك فالارض لا إحترام لا كلام توصل يقولك لو شفت ختك نديها قبلك ياخا هذا قادر يخونك حتى مع اختك لو تسمحلو الفرصة واش معنتها يتمنى ختك في بلاصتك كبيرة هذي واشبيك ويزيد يسبك بكلام ما ينقالش وراكي تخمي فالناس خممت في خديجة هي واش راهي تحس في حياتها مع الإنسان هذا مع ولادها غدولا من غدوى يكبرو ويلوموها وبلا ولادها هي لما تلقى حياتها معاه بدات ونهار سب ونهار ضرب ونهار قلة إحترام وممكن يولي يخونك مع النسا وتهدري يضربك ويقولك إنت قبلت واهلك لو تشكيلهم يقولك لو هدرت من الأول ما ديريش حساب للناس ونزن ما راكيش قادرة تخليه واش راحا نقولك إصبري على بلاه ةتحملي منو مادام راكي خايفة من كلمة مطلقة ومن الناس لازم تختاري هناك او هن الناس ربي معاك وتوصلس لقرار

[ardfatima]

المشاركة الأصلية كتبت بواسطة خديجة 1010

انا والله ماعليا بيا الوالدين والفاميلية والناس راكي تعرفي ميرحموش يشقولو هادي بطلت قبل عرسها كشما شاف ولا سمع عليها

لا تنظري الى كلام الناس لكاتبهلك ربي تديه مشي هما لغاديين يجيبولك رزقك ربي هو ليجيبهلك توكلي على الله الناس دائما تتكلم شوفي مصلحتك وين راهي
لربي راه كتبلك تطلقي من عنده و يجيك لخير منه و لا تتزوجي واحد كيما هذا اعوذ بالله

[اسعى لرضى الله]

المشاركة الأصلية كتبت بواسطة خديجة 1010

انا والله ماعليا بيا الوالدين والفاميلية والناس راكي تعرفي ميرحموش يشقولو هادي بطلت قبل عرسها كشما شاف ولا سمع عليها

خليهم يقولو واش المهم كي تلقاي راحتك

سما انتي باش ميقولوش هاي كشما سمع عليها ويشفاو تروحي تلوحي روحك في جهنم ؟ هاي متصلحش مام نفسك عندها عليك حق قبل ارضاء الناس

من حقك تزوجي واحد يزيد ينعتلك دينك ويحافط عليك ويحترمك مشي كما هدا

والله كي قريت موضوعك على اللول جاني نورمال كيعاد اي واحد يصراولو مشاكل في فترة الخطوبة مي من بعد كملت قريت الردود شوكيت كيفاش راكي تحملتيه كل هدا الوقت

اختي شوفي ننصحك جامي ديري حاجة مكيش باغيتها غير باش ترضي الناس

[بين الحقيقة و السراب]

المشاركة الأصلية كتبت بواسطة خديجة 1010

انا والله ماعليا بيا الوالدين والفاميلية والناس راكي تعرفي ميرحموش يشقولو هادي بطلت قبل عرسها كشما شاف ولا سمع عليها

على حسابك نتيا نهلك روحي المهم الناس ما يهدروش عليّا؟؟
خلّيهم يقولوا، و كي تلقيهم قوليلهم (واه شاف فيا مرض سكان المريخ حسبني منهم!)

مادابيا يمحولي بعض السيئات ، و لّي فحلة تهدر في وجهي،

***

و رزقك عند الله لن يُنقص منه كلام الناس شيئا، تيقّني.....

[faraday_dz]

اختي الله يفرج عليك و نصيحتي ليك هي اذا انتي ماكيش قانعة بيه الاحسن الانفصال قبل الدخول و الاولاد
لانو فهذ الحالة تتعقد الامور
و اذا كان و احد منكم ماهوش قانع بالثاني متتصلحش الامور مهما درتو
هذه تجربة رايتها في شخص قريب المراة لم تكن مقتنعة بخطيبها و تم الزواج و لكن تلك المراة اصبحت لا تعتبر زوجها من الرجال اصلا من فرط الاحتقار و التسبب في المشاكل و الانتقاد
يعني اذا ماعجبلكش حبسي من الان قبل ماتظلميه و لا يظلمك