حرام حرام - الصفحة 4

حمومان عزالدين · 2012-11-24, 08:24

للاسف الشديد هذي حالة الزوالي كيما انا باش ندفع دوسي عندي اسبوع وانا رايح جاي بلا فايدة وين الهربة وين

customx2008 · 2012-11-24, 16:55

عند اسبوع تروح وترجع دير كل يوم تخسر 500 دينار اضربها في سبعة ايام كون مديتها لواحد تم وتهنيت
وسجلت

khayrou 35 · 2012-11-24, 17:25

يا سي عز الدين راك دير هكا باه الناس ميجوش يحطو دوسيي و بالتالي يكون عدد الملفات قليل و تكون عندك فرصة كبيرة للنجاح فالمسابقة ياو دير في بالك ادا ربي مكتبهالك تديها و لو حاولت الجن و الانس باه تمنعك من دلك و ادا ربي مكتبهالكش و الله ما تربح غير كي يأذن الله امالة اخطيك م الهرج و المرج و اتكل على الله و اخدم ارضك
دير في بالك الراجل لازم وين يرمي رجلو يجيب امالة كون راجل و بركانا مالنواح و ادا منجحتش اقلبها فلاحة او مانوفر او ماصو

حمومان عزالدين · 2012-11-24, 18:32

اقتباس:

المشاركة الأصلية كتبت بواسطة khayrou 35

يا سي عز الدين راك دير هكا باه الناس ميجوش يحطو دوسيي و بالتالي يكون عدد الملفات قليل و تكون عندك فرصة كبيرة للنجاح فالمسابقة ياو دير في بالك ادا ربي مكتبهالك تديها و لو حاولت الجن و الانس باه تمنعك من دلك و ادا ربي مكتبهالكش و الله ما تربح غير كي يأذن الله امالة اخطيك م الهرج و المرج و اتكل على الله و اخدم ارضك
دير في بالك الراجل لازم وين يرمي رجلو يجيب امالة كون راجل و بركانا مالنواح و ادا منجحتش اقلبها فلاحة او مانوفر او ماصو

..........................
يا خويا والله ربي يهديك علاش تخممو غير هكا اقسم بالله غير مدفعتو لحد الحضة وربي شاهد علي ما اقول انا في هم كبير وانت تهدر هكا والله خصاري عليك خويا
لوكان دفعت علاش تعي روحي ونروح كل يوم + ياك راك تشوف الصور كا يوم نروح نصور ونحط الصور في المنتدي
ربي اسامحك علي هذ الهدرة

customx2008 · 2012-11-24, 20:25

اقتباس:

المشاركة الأصلية كتبت بواسطة حمومان عزالدين

..........................
يا خويا والله ربي يهديك علاش تخممو غير هكا اقسم بالله غير مدفعتو لحد الحضة وربي شاهد علي ما اقول انا في هم كبير وانت تهدر هكا والله خصاري عليك خويا
لوكان دفعت علاش تعي روحي ونروح كل يوم + ياك راك تشوف الصور كا يوم نروح نصور ونحط الصور في المنتدي
ربي اسامحك علي هذ الهدرة

وين راك تروح كل يوم لو كان كذالك مش راك تحط المشاركات نتاعك في المنتدى الصباح والعشية وزيد
انت من عين الدفلى وقتاه راك تروح وترجع واش راك تحط من صور انا في الجمارك وعلبالي بالا كل ماقلت راهو غالط
ونقدر نتاكد من الزملاء بالشلف يا خي دنيا

حمومان عزالدين · 2012-11-25, 13:21

اقتباس:

المشاركة الأصلية كتبت بواسطة customx2008

وين راك تروح كل يوم لو كان كذالك مش راك تحط المشاركات نتاعك في المنتدى الصباح والعشية وزيد
انت من عين الدفلى وقتاه راك تروح وترجع واش راك تحط من صور انا في الجمارك وعلبالي بالا كل ماقلت راهو غالط
ونقدر نتاكد من الزملاء بالشلف يا خي دنيا

...........
واش خويا انت خير من والله ايا عيط لصاحبك وتاكد بنفسك واذا انت راك عند هدرتك قدام الناس
ياك انا نسكن في العطاف ولاية عين الدفلي الشلف بعيدة علينا 50 كم عيط وتاكد ماش غير تهدر برك ولا انا راه عجابني الحال انا قلت والله وانت مامنتنيش وربي يغفر لك خويا

حمومان عزالدين · 2012-11-25, 13:24

يتسما علي حسابك انت راني نكذب ولا راه عجابني الحال ولا لاواش انا كل يوم نروح ونجي ونهدر نحب نفرغ قلبي هنا وانت تقلي هكذل ولا عيب عليك اخي ةياريت تعيط لصاحبك وتتاكد وراك عارف الرقم تاعي عيط لصحابك وتاكد قللهم واش حال استقبال الملفات في الشلف ويقوقواك كيفاش وانا والله منسمحلك علي هذ الهدرة دنيا واخيرة وربي وكيلك وكيلهم برك

حمومان عزالدين · 2012-11-25, 13:27

علي كل حال الحمد لله اليوم تمكنت من اداع ملفي بعد عناء طاويل واليوم والله غير من 3.00 تاع الصبح وانا تماك وعلي 10.30 دفعت الملف وجوزت البسيكو ورقك ملفي هو "247"Azzeddine Hamoumane

حمومان عزالدين · 2012-11-25, 13:39

الملف رقم 20 الذي اذفعه
.......................................
* 3 ملفات تاع الجيش الوطني الشعبي
* 3 ملفات تاع الدرك الوطني
* 2 ملفات تاع الحماية المدنية
* 2 تاع الجمارك
* 2 تاع وزارة التربية الاكادمية
* 2 الشبه العسكري
* 2 ادارة السجون
* 1 حراس الغابات في جيجل
2. التوضيف العمومي اجون سكريتي
..........
ومزال و اقفين الله غالب المعريفة مكاش علما اني اديت الواجب الوطني وبالضبط في تمراست في عين قززام في الحدود مع مالي

حمومان عزالدين · 2012-12-02, 08:55

الســـلام عليكم عندي 10 ايام ملي دفعت الملف تاع نزال مابان والو ؟؟؟

حمومان عزالدين · 2012-12-02, 08:56

ربى شكوتى!!!
أشكو إليك..يا من ترى حالي وتعلم شكوتي
أشكو إليك..يامن بيده زمام أمري ومن بيده أن يفرج كربتي
أشكو إليك ..إلهى ضعفي وحزن قلبي وضيق صدري وانعدام حيلتي
أشكو إليك ..وأنت أعلم منى بحالى وحال كربي وغربتي
أشكو إليك ..فمن لى ربى غيرك أنيسي فى وحشتي ووحدتي
أشكو إليك ..وأنت حسبي وأنت كل غايتي
أشكو إليك..فهل ترد علىِّ

naruto-dz · 2012-12-02, 11:02

يا خويا أرض ربي واسعة
جيب سلعة و بيع

حمومان عزالدين · 2012-12-03, 08:34

اقتباس:

المشاركة الأصلية كتبت بواسطة naruto-dz

يا خويا أرض ربي واسعة
جيب سلعة و بيع

................
وعلاش الدولة تخليك تبيع + بواش جيب السلعة باش تبيع

zaki dk · 2012-12-03, 08:49

السلام عليكم ورحمة الله تعالى وبركاته

يا سي عز الدين بارك الله فيك وانار دربك

مما استقيته من مختلف مواضيعك أنك باحث عن عمل لدى الدولة

يا خويا لعزيز دير في بالك هذا راهو الشغل الشاغل لكافة من هم في سني وسنك وبشهاداتهم العليا التي لم تشفع لهم

يا صديقي دير ربي في بالك وتوكل عليه وقدم الأسباب

رايح تدي منصب بربي انشاء الله

ودع عنك التذمر والحسرة والأسى والجزع فهي تجعل من المصيبة مصيبتين

مصيبة البطالة وتود بكثرة جزعك ردها مصيبتين ودير في بالك الشكوى لغير الله مذلة

كما ان الشكوى لغير الله من اسباب عدم اجابة

الدعاء

يا صديقي اقول لك : من يتوكل على الله فهو حسبه فنعم المولى ونعم المصير

لا يخدعنك اية معريفة ولا يبتزوك بأة رشوة فقط عمق ثقتك بالواحد الأحد

وعلق قلبك بالفرد الصمد ودع .

نعم نقولها بصوت مرتفع ان زمننا صعب والمجتمع لا يرحم

ومسؤولينا الغالب الأعم فاسدون نا ئمون في العسل

لكن ما باليد حيلة فعينك بصيرة ويدك قصيرة

فقط الشدة في الخالق هو الرازق ..

وربي يكون في عونك ويجيبها في الصواب

تقبل مروري

سلام.

zaki dk · 2012-12-03, 09:49

لا تـــحــــزن

أما ترى السحاب الأسود كيف ينقشع ، والليل البهيم كيف ينجلي ، والعاصفة كيف تهدأ ؟ إذا فشدائدك إلى رخـاء

وعيشك إلى صفاء ومستقبلك إلى نعماء ، إن شاء الله

ولكن إذا بارت بك الحيل وضاقت عليك السُّبل وانتهت الآمال وتقطعت بك الحبال فنادي وقل : يا الله

إذا ضاقت عليك الأرض بما رحبت وضاقت عليك نفسك بما حملت فأهتف وقل : يــا الله

إذا وقعت المصيبة وحلت النكبة وجثمت الكارثة فنادي وقل : يــا الله