العدسات اللاصقة.بين التعويض ...واستعراض لجمال مغشوش...عروس..2012

[ملاك العاصمية]

أنا كامرأة ضد العدسات اللاصقة
لا أحب ان ادخل في عيني مادة خارجية وانتي تعلمين حساسية العين
وحتى نوعية العدسات المتداولة غير صحية وغير مطابقة للوصافا تباع ب1800 دج وحتى 2500 لا غير
يعني على رخسها تبحر عينيها
وزيد كي تحطهم يبانو عينيها يلمعو كعيون الكلب حاشاكم واعتذر على التشبيه
العدسات الاصلية تتجاوز15000
واش جاب السعر الاول للثاني
يحكيو انو عروس ذهبت للحلاقة يوم عرسها وكما هو معروف في الاول تضعها تحت المجفف الكبير الكسك
وقبل ذالك سألأتها الحلاقة أتضعين عدسات
لكن الغبية استحت تقول نعم فنفت الأمر
ووضعتها تحت المجفف لساعات ومن شدة الحرارة ذابت العدسات
ولكم ان تتصور النهاية
لا أنكر اننا معشر النساء نحب التجمل والتفاخر لكن في حدود المعقول
وفي أمور لا تضرني صحيا ولا أخلاقيا
لكن الله غالب شكون يسمع

[أم نور]

مع الاسف كل شئ اصبح مغشوش حتى الجمال لم يعد طبيعي كما في السابق لكن الجمال المغشوش لايعمر طويلا
بارك الله فيك أختى على الموضوع

[ام البنوتة]

المهم حاجة حلال و هذا هو الفيصل في الموضوع

[ويناروز]

المشاركة الأصلية كتبت بواسطة سطايفية بكل فخر

االسلام عليكم عدت للموضوع
بمانو انا طالبة اوبتومتري فمجال العدسات اللاصقة اختصاصي
الهدف الاساسي لها كان تصحيح النظر خاصة لي عندهم زجاجات نظارات ثقيلة ولبويسونس تاعها كبير يعني ناقصين بزاف
هادو علاش ندارو العدسات ومش اي واحد يقدر يديرهم يعني عين من عين
مي مع تطور الوقت خرجو العدسات بالالوان وباش يكون في علمكم كايني عدسات ملونة وفي نفس الوقت راهي تصحح النظر كل واحد واش من لون يحب
على العموم هدي معلومات فقط
ارجع لموضوعنا الاصلي انا شخصيا كنت مع علاقة مباشرة مع هده الفئة بحكم تربصي عندالاوبتيسيان يعني تقريبا اصتدم باكثر من7 مرات بنساء او بنات حابين يديرو ليلونتي استيتيك في الاسبوع الواحد لي تقولي اعطيهالي مثل لون شعري
ولي تقولي اعطيهالي مثل لون لبستي ولي تقولي اعطيهالي متبانش بلي راني مدايرة ولي تقولي حاجة تخرجلي مع الماكياج,
واغرب قصة حدثت معي انو رجل جا يشري لزوجتو ليلونتي كي قتلو انا لازم تجي باش تخير اللون لي يخرج على وجها قالي انا نحب عينيها زورق وميهمنيش ادا خرجت او لا على عينيها ثما انا قريب طحت ستغميت,

وكنت كل مرة قبل من لبيلهم طلبهم اول سوال اطرحه عليهم هو وعلاش حابين ديرو ليلونتي لملونين والجواب كان متعدد الاسباب نقدر لخصها في ما يلي
فيه حالات البنات ميعجبهمش لون عينيهم الطبيعي وتقلك بلي لون بشرتها يناسبو لون احلى من هدو العينين وديما نحاول نقنعهم بلي لون عينيهم احلى لكن تهدر مع الحيط ينطق ليك وهي قريب تقولك معندو مدخلك مام بيناتنا كاينين ديزوبتيسيان كون تقولو جيبهالي برتقالي يوفرهالها وميهموش لتصلحلها او لا لانو حاطين لوبتيك تجارة
مرات تلقا بنات يحبو يديروهم غير في الاعراس باش يتصنعو بيهم ومن بعد ينحيوهم
ومرات يجيو يديو علينا ليلونتي باش يزيدو في بريق لعينين يعني يبان لون عينها الحقيقي ولكن يولي يبرق
هناك ايضا حالات العرائس غالبيتهم تقلك هدي ليلة عمري ونحب نكون في احلى حلة وتبقالي تصاور سوفونير وبلي مش رايحة ديرهم للابد وهناك من العرائس تلقاهم موالفين بالعدسات من قبل زواجهم وميقدروش يتخلاو عليهم كاينين حتى لي ميقروش لعائلة زوجها بلي مش عيونها
كاين حالات يكونو في عينيهم ا مشكل وباش يغطيو المشكل من احراج المجتمع يديرو عدسات ملونه هنا المجتمع لي ضاغط عليهم
وكاينين نساء متزوجات يديرو ليلونتي نزولا عند رغبة ازواجهن وهنا مركب النقص يولي فالرجل وليس للمراة
هدو بعض الحالات لي يمروا علينا وانتم احكموا بانفسكم

حسب رايي الخاص ا وتحليلي للظاهرة نقدر نقسمهم لفئتين هناك من تملكن مركبات نقص ولا يعجبها خلقها وهنا المشكل عويص فان تكرهي صفة الخالق الواحد فهده كارثة
وهناك فئة اخرى تضطر لوضعها لاخفاء عيب العين بسبب كلام الناس الجارح
او تلبية لرغبة زوجها وخشيتها على زواجه عليها او تطليقها وهنا مركب النقص يكون في الرجل ويصبح يشبه الفئة الاولى من النساء

اعلم اني اطلت الكلام ولكني احب ان اضيف بعض النصائح
اولا اختاه او اخي جمال العيون الطبيعية لا يظاهيه جمال فاحرصو على اعينكم لانه مهما كانت صحية فهي جسم دخيل في اعينكم انا شخصيا راني في الدومان ونعرف نفرق بين الصحية وبين لازياتيك ولكني عمري مدرتها وعمري مرايحة نديرها وافضل النظرات عليهافي حالات نقص البصر
ايضا في ما يخص عدسات التصحيح مش اي واحد يقدر يتحملهم لازم يستشير الطبيب اولا وهو لي يسمحلو باش يدير او لا
ثانيا لي مقدرش يطبق نصيتي الاولى وحب او حبت ديرهم احدروا العدسات المقلدة راهي خطيرة جدا رغم انو سعرها رخيص ولكن تسبب في العديد من المشاكل في العين الاحسن تشريوها من عند ليزوبتيسيان مش من الشوارع
ثالثا راعيو مدة صلاحيتها وسقسيو الاوبتيسان عليها كاينة لي جوطابل مرة وتنطاش وكاينة لي تحكم 6 اشهر ولي تحكم عام وحتى لي تحكم عام ونص وهدي حسب النظافة والخرص تاعكم
رابعا قبل وضع العدسة في العين تولهو ليها ادا كانت مخدوشة او مقطعة او فيها غبار او شيء وقبل ماديروها لازم تحطوها في البروديوي الخاص بيهاخاصة عدسات النظر وعندكم لتتقلبلكم رايحة تضركم
ايضا ادا كانت مدة صلاحيتها طويلة مرة على مرة اديوها ليزوبتيسيان اسستيريليوها باش تضمنو نظافتها
خامسا نظفوا ايديكم قبل وضعها وقبل نزعها وعمركم لتخليو ظفاركم طوال لانو ياثرو فيها
سادسا للبنات العدسات ميناسبهمش لماكياج والحرارة لدلك العدسة تلصقيها بعد مديري ماكياج ولما تنزيعي ماكياجك انزعيها اولا وبعد متصشوري باش ديريها وبلاكي تخليها في عينك وتدخلي تحت لكاسك هداك تاع الحلاقات رايحة تسبي في دوبانها في عينك مام الحمام ومتتتحميش بيها لانو الحمام سخون
للرجال ايضا متتحموش بيها
ايضا بلاكم تباتو بيهم لانو وجودها في العين مطولا ياثر على الاوكسيجين لي يدخل للعين
سابعا اثناء وضعها ديما انظروا للانف وحطوها في ابيض العين ثم اغلقوا عينكم رايحة تحكم بلاصتها وحدها دون ان تتضرر العين ونفس الطريقة لما تنزعوها انظرو للانف العدسة رايحة تقليسي لابيض العين واجبدوها بطكرف الاصبعين برفق باش متاديوش عينكم
نختم بالنصيحة الاخيرة هناك بعض النساء سامحهم الله تنفي وضعها للعدسات حتى على زوجها او من سيخطبها ولهدا رايحة نمد استيس للرجال باش يفيقو بالعدسة لي في عين المراة في حالة كدبها لاني لا احب ان تبنى عائلة عل اسس الخداع
اولا اخي انظر ليها بنظرة جانبية رايحة تبانلك العين فوقها حاجة مثل الظفر ارقيق وان لم تستطع النظر جانبيا انظر وسط عين الفتاة ادا لقيت السونطر تاع العين تاعها اسود والمنطقة المحيطة به فيها لون دلك اللون مهوش متنانسق جاي خيوط خيوط اعرف بلي راهي عدسة لانو العدسة لونها مش متجانس وفي الوسط شفافة
وكاينة طريقة ثالثة مش كل الناس تقدر تفرقها غير لي مالف يشوف العدسات هو انو العين ساعات تبرق بريق مختلف ومرات العدسة تقليسي في العين

هدي بعض النصائح مكنتش رايحة نكتبهم ولكن لما شفت الاخت لي قاتلك تفتت في عيني خفت عليكم سواء كانت العدسات لتصحيح النظر او ملونة

اختم كلامي بلي النظر هو الحياة فحافظوا على اعينكم
متاسفة للاطالة واعدروني لاني خرجت بعض المرات عن الموضوع الاساسي
شكرا اختاه للموضوع الهام

بارك الله فيك اختي سطايفية على التدخل والمعلومات المهمة جدا

صراحة استفدت منها كثيرا

جعلها الله في ميزان حسناتك

بالتوفيق في دراستك تخصص جميل جدا

ياريت مستعمليها يدركون اثارها

بارك الله فيك

[ويناروز]

المشاركة الأصلية كتبت بواسطة ملاك العاصمية

أنا كامرأة ضد العدسات اللاصقة
لا أحب ان ادخل في عيني مادة خارجية وانتي تعلمين حساسية العين
وحتى نوعية العدسات المتداولة غير صحية وغير مطابقة للوصافا تباع ب1800 دج وحتى 2500 لا غير
يعني على رخسها تبحر عينيها
وزيد كي تحطهم يبانو عينيها يلمعو كعيون الكلب حاشاكم واعتذر على التشبيه
العدسات الاصلية تتجاوز15000
واش جاب السعر الاول للثاني
يحكيو انو عروس ذهبت للحلاقة يوم عرسها وكما هو معروف في الاول تضعها تحت المجفف الكبير الكسك
وقبل ذالك سألأتها الحلاقة أتضعين عدسات
لكن الغبية استحت تقول نعم فنفت الأمر
ووضعتها تحت المجفف لساعات ومن شدة الحرارة ذابت العدسات
ولكم ان تتصور النهاية
لا أنكر اننا معشر النساء نحب التجمل والتفاخر لكن في حدود المعقول
وفي أمور لا تضرني صحيا ولا أخلاقيا
لكن الله غالب شكون يسمع

بالفعل اختي ملاك هناك كوارث حدثت بسس جهلنا بها

ربي يستر اختي

الف شكر على المرور الجميل

[ويناروز]

المشاركة الأصلية كتبت بواسطة أم نور

مع الاسف كل شئ اصبح مغشوش حتى الجمال لم يعد طبيعي كما في السابق لكن الجمال المغشوش لايعمر طويلا
بارك الله فيك أختى على الموضوع

وفيك بارك الله اختي ام نور

صدقتي اخني

لارك الله فيك على الرد والمرور الجميل

تحيتي

[ويناروز]

المشاركة الأصلية كتبت بواسطة ام البنوتة

العروس تتزين نهار عرسها ....تبانلي ما فيها والو برك لي تحطهم برا نشوفها معقدة
و العروس هاذي راهو شافها 100 مرة قبل الزواج يعني رانا في بكري نهار العرس باش يشوفها و من بعد يقول خدعتني
انا شخصيا مع صبغ الشعر و لي يقول حرام يجيب الدليل اما الرموش شفت هنا في المنتدى فتوى بلي حرام
يعني الفيصل عندي هو الحلال و الحرام

احترم رايك اختي لكن اثاره السلبية اكثر من التزين

انا لست اهل للفتوة

باركالله فيك على المرور الجميل

شكرا

[leila ben]

المشاركة الأصلية كتبت بواسطة نيروز

اختي الحمد لله انها خرجت سلامات

لان اثرها وخيمة على العين ربي سترك اختي

بارك الله فيك اختي على المرور الجميل شكرا على النصيحة

الف شكر

وفيك بارك أختي نيروز

[سطايفية بكل فخر]

المشاركة الأصلية كتبت بواسطة نيروز

بارك الله فيك اختي سطايفية على التدخل والمعلومات المهمة جدا

صراحة استفدت منها كثيرا

جعلها الله في ميزان حسناتك

بالتوفيق في دراستك تخصص جميل جدا

ياريت مستعمليها يدركون اثارها

بارك الله فيك

العفو اختي واجبنا واي سوال يخص موضوع العدسات تفضلوا بيه وانا اجيبكم ليس فقط الملونة ولكن عدسات التصحيح
+
طالعت جل الردود ومعظمهم يجزم ان العدسات خطرة لدرجو كارثية احب ان الفت انتباه ان لكل شيء اثار سلبية ولكن لقد بالغوا كثيرا في وصفها
واحب ان اقول لهم من يجعلها خطرة على العين هم من يضعونها اي ان الطريقة والماركة من توثران في العين
بالتوفيق للجميع اتمنى من يضع العدسات يراعي شروطها تجنبا لاخطارها
كما اتمنى ان لا يضعوا العدسات الا لضرورة فجمال العيون هدية من الرحمن

[*ثزيري*]

المشاركة الأصلية كتبت بواسطة سطايفية بكل فخر

العفو اختي واجبنا واي سوال يخص موضوع العدسات تفضلوا بيه وانا اجيبكم ليس فقط الملونة ولكن عدسات التصحيح
+
طالعت جل الردود ومعظمهم يجزم ان العدسات خطرة لدرجو كارثية احب ان الفت انتباه ان لكل شيء اثار سلبية ولكن لقد بالغوا كثيرا في وصفها
واحب ان اقول لهم من يجعلها خطرة على العين هم من يضعونها اي ان الطريقة والماركة من توثران في العين
بالتوفيق للجميع اتمنى من يضع العدسات يراعي شروطها تجنبا لاخطارها
كما اتمنى ان لا يضعوا العدسات الا لضرورة فجمال العيون هدية من الرحمن

السلام عليكم

شكرا للاخت نيروز على الموضوع الرائع
شكرا اختي سطايفية على المعلومات المهمة الف شكر

اذن اختيلا ضرر في استعمالها

يجب مراعاة عامل النظافة ونوعية العدسات

سواء عدسات التجميل والصحية اليس كذلك

[سطايفية بكل فخر]

المشاركة الأصلية كتبت بواسطة ريشاس

السلام عليكم

شكرا للاخت نيروز على الموضوع الرائع
شكرا اختي سطايفية على المعلومات المهمة الف شكر

اذن اختيلا ضرر في استعمالها

يجب مراعاة عامل النظافة ونوعية العدسات

سواء عدسات التجميل والصحية اليس كذلك

العفو اختي
نعم اختي ادا استعملت بالشكل الصحيح والنوعية الجيدة فاضرارها تقل الى نسبة ضئيلة جدا اقل من 1 بالمئة
لكن للاسف في بلادنا يحبو يعميو ر واحهم برواحهم
باش تجي مليحة تروح تشري عدسات من السوق وتنسى بانو الجمال من عند الله
فهو الجميل وخلق كل شيء جميل

[انس512]

بارك الله فيك اختي

موضوع في الصميم اصبح موضة

وكما قلت ومن البحث عن الجمال ما خربه

موضوع قيم