مجرد فكرة - الصفحة 4

MHTCOM · 2012-08-03, 03:03

والله كيما قال الأخ karimblida باسباب الزعاف راه صاري كوارث . راكي زعفانة نخاف ما تسحريش و تخرجيلنا بفكرة كيف تصبح باطمان . المهم صح رمضانكم

soso sirin · 2012-08-03, 13:37

اقتباس:

المشاركة الأصلية كتبت بواسطة mhtcom

والله كيما قال الأخ karimblida باسباب الزعاف راه صاري كوارث . راكي زعفانة نخاف ما تسحريش و تخرجيلنا بفكرة كيف تصبح باطمان . المهم صح رمضانكم

تعلمت حاجة في هاذي الدنيا انا نقول واش راني باغية و الناس يتقبلوها مايتقبلوهاش هذاك الشي راه شغلهم و تاني انا مانزعفش من شخص مانعرفوش اصلا انا نزعف من شخص يكون ياثر في حياتي و على السحور خويا منعندهم مانسحرش.و كون تخمم مليح و تشوف انو جل الاختراعات كانت فكرة غريبة و مستهجنة في الاول و الي كتبتو انا ماراه اختراع و لا اكتشاف هو فكرة عادية و راهي اقوقو مي المشكل راه فينا حنا

اقتباس:

المشاركة الأصلية كتبت بواسطة karimblida

و كأننا لا نعيش في نفس البيئة
الفكرة بعيدة كل البعد عن الواقع
يجب أن نطلق العنان لخيالنا و ننطلق من بيئة مثالية حتى نجعل منها مشروعا
أما عن المحتاجين اذا رأوا الردود ....اسألي نفسك أولا اذا شافو الموضوع واش رد فعلهم أنا أعيش بينهم و أعرف كيف يسترزقون و علاه خويا قالك انا راني عايشة في كاش قصر حتا انا من الطبقة المتوسطة
أخيرا
أحيي فيك تللك القوة العظيمة الله يبارك الزعاف عندك ماشي مشكل
الله يرزقنا كيما القوة نتاعك ,,,,,باسباب الزعاف راه صاري كوارث
أعيد و أكلرر أختي لا تزعفي

الفكرة ماراهي بعيدة على الواقع ماراهي مثالية فوق الحدود انا نشوفها عادية مي كيما قلت انت لازمنا حنا نكونو عباد عاديين هذا مكان .و انا لما طرحت الفكرة ماقلتش انا وحدي راح نطبقها و كون قادرة عليها اصلا علاه نكتبها كون خليتها عندي و خلاص و انا اصلا في الموضوع كتبت مجرد فكرة معنتها انا كتبتها للنقاش اما التطبيق فعلابالي راه شوية صعيب.و على كل حال ربي يخليكم على الردود و يحفظكم

مريم الصابرة · 2012-08-03, 14:37

السلام عليكم اختي وسيلة
شكرا بزاف على الفكرة إنت ربي يجازيك وهنا فالمنتدى كوني مهنية تنوي الخير يهاجموك تنوي الشر يحبوك هذي إديها من عندي راني قريت الردود تقولي قلتيلهم ارواحو نسؤقو الله يهدي العباد
اختي إنت ربي يجازيك أنا من راي راهي قريبة الزكاة اللي يحب يتبرع يشوفو مشرف يغطيهم رقم حساب ويلمهم نبعثوهم للشبا مختار من تيارت راه حط موضوعو الاخ عبد الله وبالدليل يغني مريض صح
وخولني نقول للأعضاء ماكانش إنسان فالدنيا يدغى المرض على جال الدراهم وعلى جال وعود أغلبيتهكم ما يوفوهاش نهدرو الصراحة وبلا زعاف يعني مسألة التشكيك في المرض هذي نظننها حاجة عيانة الشاب من تيارت محتاج وراه بين الخياة الموت لو يشوفو في وجهو ويلمو الدراهم يبعثوهملو وراه الاخ عبد الله صدبقو غنتوما ديرو النية مع ربي وهو وصل الامانة كان بها ما وصبهاش بينو وبين الله المهم فكرو فيها الفكرة
وسيلة حنونة إنت ربي يجازيك وكان تقدري ديري الخير ديريه وهنا فالمنتدى ما ما تزيديش تطرحي عليهم هذو الأافكار أغلبهم يقولك راني هنا ماديا ومعنويا وما رانيش عارفة واشن ومن بعد ماكان والو يا ختي الغنسان يطنع في ربي يشفيه ويرزقو صحتو ولخرين واحد ما راه مجبور يساعد عضو هنا شكرا

MHTCOM · 2012-08-03, 14:40

ماتعرفي والو لاصقة نهار كامل فالمنتدى و الفكرة غبية . تزعفي ماتزعفيش أنا ما نسمعش بيك أصلا أنت لي تحبي تردي على التعليقات قلبك ياكل فيك أنا شاركت وأنت بديتي بالهجوم . شوفي كاش فكرة مليحة ديريها فالكوزينة تستفاد منها العايلة تاعك

مريم الصابرة · 2012-08-03, 14:43

اقتباس:

المشاركة الأصلية كتبت بواسطة mhtcom

ماتعرفي والو لاصقة نهار كامل فالمنتدى و الفكرة غبية . تزعفي ماتزعفيش أنا ما نسمعش بيك أصلا أنت لي تحبي تردي على التعليقات قلبك ياكل فيك أنا شاركت وأنت بديتي بالهجوم . شوفي كاش فكرة مليحة ديريها فالكوزينة تستفاد منها العايلة تاعك

السلام عليكم خويا واشبيك عوايدك ناس ملاح هي قالت فكرة مليحة بنية المساعدة إنت عجباتك او لا إنت حر خويا ممكن راك داير الخير برا وناوي ديرو برا من المنتدى إنت حر خويا وربي يجازيك وهنا هي دارت فكرة ورانا ناويين نعاونو الأاخ من تيارت كان عجباتك الفكرة مليحة كان لالا خويا اصلا ما تحطش رد وعلاه تزعف روحك وعلاه الكلام الزايد هذا وإسمحلي

MHTCOM · 2012-08-03, 14:57

صحا مريم إنشاء الله راكي مليحة اليوم .المشكل ماشي فالفكرة المشكل في صاحبة الفكرة هي تحب ترد بطريقة قديمة و أنا نحب نعاند وكل واحد وعقليتو .

soso sirin · 2012-08-03, 15:04

اقتباس:

المشاركة الأصلية كتبت بواسطة mhtcom

ماتعرفي والو لاصقة نهار كامل فالمنتدى و الفكرة غبية . تزعفي ماتزعفيش أنا ما نسمعش بيك أصلا أنت لي تحبي تردي على التعليقات قلبك ياكل فيك أنا شاركت وأنت بديتي بالهجوم . شوفي كاش فكرة مليحة ديريها فالكوزينة تستفاد منها العايلة تاعك

نقلك حاجة ربي يهديك و اذا راك شايفني نهار كامل لاصقة في الميكرو امالا راك لاتي بيا و زاد اذا شايف الفكرة غبية فكان اولى بيك ماتردتش اصلا على الموضوع انا كي نشوف الموضوع مايستاهلش والله ماندخل مانخسر كلامي لانو هدرتي نعرف لمن نمدها و نعرف وين نديرها .و انا ماهاجمتك ما قتلك حتا كلمة انت الي ديت الموضوع بحاساسية لانو انا كيما قلت انت اصلا مانعرفكش امالا علاه نهاجمك .و زاد دارنا ماشتكاتلكش صح

chou_int · 2012-08-03, 15:04

السلام عليكم و رحمة الله
أنا من رأيي الفكرة في القمة و لكن عندي شبه تعديل مادا لو يفتح المشرف على المنتدى قسم حاجيات الناس في هدا القسم كل واحد محتاج أو عضو يعرف إنسان محتاج يضع الطاب يعضويات خاصة لتجنب الإحراج و يتكفل أعضاء دوو ثقة بالتأكد من صدق الحالة و بعدها يضع المشرف موضوع مثبت عن الحالة و نقوم بجمع التبرعات
تقبلو مروري
صح رمضانكم

مريم الصابرة · 2012-08-03, 15:05

اقتباس:

المشاركة الأصلية كتبت بواسطة mhtcom

صحا مريم إنشاء الله راكي مليحة اليوم .المشكل ماشي فالفكرة المشكل في صاحبة الفكرة هي تحب ترد بطريقة قديمة و أنا نحب نعاند وكل واحد وعقليتو .

السلام عليكم خويا
اهلا بيك واش راكظ انا والله بخير شكرا
والله يا اخي هي نيتها طيبة والعنوان قالت مجرد فكرة صح تطبيقها واعر لكن مش مستحيل اللي حاب يساعد اهلا وسهلا اللي شك وخاف ماكان لاه يدير الخير بطريقتو المهم الخير كاين ويكون وراه رمان والزكاة خلاص قالو عليها وكاين ناس نحتاجة شفت الاخ نتاع تيارت مسكين والله صح محتاج ربي يكون معاه
على هذا خويا بلا زعاف رانا خاوة وهي ردن لانو الصراحة لو انا نرد كيما هي علاه هاجموها راهي نوات الخير اللي عجباتو يقول مليح وإللي لا يقول فيها شك وما نساعدش ةين المشكل
شكرا خويا وصحا فطورك

مريم الصابرة · 2012-08-03, 15:08

اقتباس:

المشاركة الأصلية كتبت بواسطة chou_int

السلام عليكم و رحمة الله
أنا من رأيي الفكرة في القمة و لكن عندي شبه تعديل مادا لو يفتح المشرف على المنتدى قسم حاجيات الناس في هدا القسم كل واحد محتاج أو عضو يعرف إنسان محتاج يضع الطاب يعضويات خاصة لتجنب الإحراج و يتكفل أعضاء دوو ثقة بالتأكد من صدق الحالة و بعدها يضع المشرف موضوع مثبت عن الحالة و نقوم بجمع التبرعات
تقبلو مروري
صح رمضانكم

السلام عليكم اخي
والله فكرتك مليحة وان نظن هكذا يتقدم مشرف يعرض المساعدة ويتكفل لوجه ربي مثلا لاخ من تيارت كاين أعضاء معانا من تيارت ويتامد من الحالة وانا متاكدة بالي صح ويثبت الموضوع نتاعو ونلم والتبرعات ونوصلوهالو وهكذا كل حالة هكذا ونديرو الخير علاه لالا هذاك ما نلقاو شكرا وبارك الله فيك

karimblida · 2012-08-03, 15:16

اقتباس:

المشاركة الأصلية كتبت بواسطة soso sirin

تعلمت حاجة في هاذي الدنيا انا نقول واش راني باغية و الناس يتقبلوها مايتقبلوهاش هذاك الشي راه شغلهم و تاني انا مانزعفش من شخص مانعرفوش اصلا انا نزعف من شخص يكون ياثر في حياتي و على السحور خويا منعندهم مانسحرش.و كون تخمم مليح و تشوف انو جل الاختراعات كانت فكرة غريبة و مستهجنة في الاول و الي كتبتو انا ماراه اختراع و لا اكتشاف هو فكرة عادية و راهي اقوقو مي المشكل راه فينا حنا

الفكرة ماراهي بعيدة على الواقع ماراهي مثالية فوق الحدود انا نشوفها عادية مي كيما قلت انت لازمنا حنا نكونو عباد عاديين هذا مكان .و انا لما طرحت الفكرة ماقلتش انا وحدي راح نطبقها و كون قادرة عليها اصلا علاه نكتبها كون خليتها عندي و خلاص و انا اصلا في الموضوع كتبت مجرد فكرة معنتها انا كتبتها للنقاش اما التطبيق فعلابالي راه شوية صعيب.و على كل حال ربي يخليكم على الردود و يحفظكم

الفكرة في الواقع صعب جدا تطبيقها
المعاملات الالكترونية من تجارة و ما شابه...الباحثين و الدكاترة حايرين فيها
و زيد كل حركة للأموال تتعلق بها أمور أخرى مثل الرقابة عن المصدر و الوجهة لمحاربة تبييض الأموال و دعم الاجرام
و كذللك هناك صرائب و و و
ضناديق الزكاة ما سكتش من الاختلاسات و المشاكل

العائق الاساسي امام فكرتك الطموحة هي البيئة التي تطبق فيها و على رأسها القانون
ممكن تطبق في بيئة على الأقل عادية ماشي برك كيما الجزاير وين يبزنسو في قفة رمضان يا عجبا
لي حب يصدق يبدا بأهلو الجار و المقربين

تحياتي

soso sirin · 2012-08-03, 15:17

اقتباس:

المشاركة الأصلية كتبت بواسطة mhtcom

صحا مريم إنشاء الله راكي مليحة اليوم .المشكل ماشي فالفكرة المشكل في صاحبة الفكرة هي تحب ترد بطريقة قديمة و أنا نحب نعاند وكل واحد وعقليتو .

الله يسلمك الله غالب عقليتي جبتها من العصور الوسطى و راك قلت كل واحد و عقليتو و زاد صاحبة الفكرة ناقشتها في موضوع ولى المشكل فيها مشكلتنا انو حنا نعرفو الاختلاف مي مانفهموهش و مع ذلك شكرا على مرورك اخي

اقتباس:

المشاركة الأصلية كتبت بواسطة chou_int

السلام عليكم و رحمة الله
أنا من رأيي الفكرة في القمة و لكن عندي شبه تعديل مادا لو يفتح المشرف على المنتدى قسم حاجيات الناس في هدا القسم كل واحد محتاج أو عضو يعرف إنسان محتاج يضع الطاب يعضويات خاصة لتجنب الإحراج و يتكفل أعضاء دوو ثقة بالتأكد من صدق الحالة و بعدها يضع المشرف موضوع مثبت عن الحالة و نقوم بجمع التبرعات
تقبلو مروري
صح رمضانكم

والله حتا انا قلت مجرد فكرة معنتها الي عجباتو و عندو شي حاجة يهدر انا هذا الموضوع ماكتبتوش ليا وحدي راني كتبتو باه يهدر فيه كامل الاعضاء و الي بغاوها و الفكرة الي قلتها احسن من الفكرة تاعي بالف مرة على الاقل الواحد كون يخمم فيها يلقاها ماشي صعيبة باه الواحد يطبقها .شكرا خويا على الرد و على الفكرة و ان شاء الله تلقى صدى عند الاعضاء

MHTCOM · 2012-08-03, 15:19

مانيش نحب نكتر معاك ونعطيك أكتر من قيمتك راكي حابسة تحبي الناس تكدب عليك ربي يسهللك .

karimblida · 2012-08-03, 15:20

اقتباس:

المشاركة الأصلية كتبت بواسطة chou_int

السلام عليكم و رحمة الله
أنا من رأيي الفكرة في القمة و لكن عندي شبه تعديل مادا لو يفتح المشرف على المنتدى قسم حاجيات الناس في هدا القسم كل واحد محتاج أو عضو يعرف إنسان محتاج يضع الطاب يعضويات خاصة لتجنب الإحراج و يتكفل أعضاء دوو ثقة بالتأكد من صدق الحالة و بعدها يضع المشرف موضوع مثبت عن الحالة و نقوم بجمع التبرعات
تقبلو مروري
صح رمضانكم

الله يبارك فيك
نتوكلوا على ربي و باسم الله نبداو

soso sirin · 2012-08-03, 15:23

انا عارفة قيمتي و ماني نستنى حتا في واحد يقولي واش هي و لا واش تسوى كون جيت طفلة كون عرفت نهدر معاك مي لانو مربية بزاف و تربيتي ماتسمحليش انو نتعدى حدودي نقلك حاجة وحدا برك ربي يهديك و يهدينا اجمعين