إختر كلامك - الصفحة 4

مريم الصابرة · 2012-08-01, 13:01

اقتباس:

المشاركة الأصلية كتبت بواسطة baroud

لمن شاهد حصة خواطر بالامس !!!

ليس هناك شخص معاق ~
بل هناك مجتمع يُعيق ~

احمد الشقيري

السلام عليكم أخي شفت الناس هذو اللي يهبطوا المورال عندالو الكرسي هذاك للعب

عمتوتة1 · 2012-08-01, 15:08

اقتباس:

المشاركة الأصلية كتبت بواسطة مريم الصابرة

السلام عليكم يا جماعة رمضان مبارك كيف احوالكم؟
اليوم يا ريت لو نتناقشو حول موضوع مهم ممكن اغلبيتكم مرو بيه او يمرو بيه او ممكن ساهمو بيه ولو غير مباشرة
الإنسان المريض مرض خطير او مرض مزمن او معاق فئة من الناس مهما تكون شجاعتهم اما المرض يحسو أنفسهم نافصين على الناس
نكتبلكم الموضوع لانو كما تعلمون انا مريضة وعايشت المرضى فالمستشفى ونعرف واش يحس الإنسان المريض لكن الناس العاديين اللي ربي اعطاهم الصحة حتى المريض كان بصحتو علاه نتعاملو مع المريض على إنو عاهة كأنو هذا الشخص من المريخ ما عندوش إحساس ألم المريض ليس بصداع فمكان مرضو او وجع يروح ببعض المسكنات الم الرميض منكم يا ناس راعو شعور واحد ربي إبتلاه وإبتلاه إلا لأنو يحبو
نظرة المجتمع والبنات للشاب المعوق او الشباب للبنت المريضة او المعوقة إحنا البنات لما نبورو نستاهلو علاه نحبو الشباب مول الطوموبيل والفيلا واللي لما يجي للحومة البنات يتغمو لكن ما يهمش يدير علينا عشرة برا وإلا نتاع خمر او مخدرات المهم الهيئة قدام الناس ولكن لو يجي واحد ممكن معاق لكن راجل وراجل نتاع الصح وقادر يعيشنا اروع عيشة بالبساطة إيه لكن حنين بزاف ويخاف ربي وراحا تكون المرا معاه ملكة لالا إحنا نشوفو للمظهر وننساو إنو إنسان فقط فيه حاجة ميزاتو على الناس
راعو كلامكم يا ناس في عباد ربي يحبهم شعال فيكم من معوق في قلبو وفي عقلو شعال فيكم من مريض من نفسيتو تجرو مور المال ومور الحرام كأنو راحين تخلدو
كلامي قلتو لأني مريضة من المرضى وألف ألف الحمد ربي خيرني قلبي وعقلي صحاح ما يهمش المرض الآخر ويا رب نتزوج بشخص معاق نزيد ندي الاجر معاه ويا ويحكم ويا شعال راكم غايضيني يا المعاقين من القلب والعقل
شكرا

عمتوتة1 · 2012-08-01, 15:39

اقتباس:

المشاركة الأصلية كتبت بواسطة soso sirin

مشكلتنا انو ماوليناش نحسو و لينا قاسيين بزاف تقول علينا الات يا ليليا مي والله كاين ناس صح ربي نقصلهم شي حاجات مي والله كي تريحي معاهم تحسي روحك انتي الي ناقصة ماشي هوما والله كاين ناس مايشوفوش مي والله خيرمن ناس ربي مدلهم عينين كيما تاع الهامة مي هوما عميين من قلوبهم المرض ماشي عيب لانو راه ابتلاء من عند ربي و الي جا من عند ربي كامل مليح المشكل في المرض الي نديروه حنا برواحنا و كيما قلتي انتي اذا الوحدا دات واحد عندو مال قارون و هو يجري من وحدا لوحدا و يشرب و ماراه طالق حتا وحدا هذا واش دير بيه هذا راه مريض اصلا و مرضو مرض مستعصي و ديجا هوما ماشي مستحقين باه نعاملوهم معاملة خاصة و ماشي شرط لازم كل مانشوفو واحد انوغمال نشوفو فيه تحسب جا من المريخ لانو حنا الي انوغمال و حناالي رانا عاهات في المجتمع .حنا مانحسوش بالحاجة الا اذا توشاتنا حنا و لا توشات واحد عزيز علينا مي الله غالب عقلياتنا هاك و باه تبدليها شوية صعيب الواحد المهم يبدل هو عقليتو و الغاشي لاخر ربي يسهل على كل واحد .ربي يرزقك براجل يا ليليا الي يحطك في عينيه و تكوني ليه و يكون ليك جنة في الدنيا

..........................

مريم الصابرة · 2012-08-01, 15:50

اقتباس:

المشاركة الأصلية كتبت بواسطة عمتوتة1

السلام عليكم اختي بارك الله فيك

~ أســـرآر ~ · 2012-08-04, 18:51

السلام عليكم ورحمة الله وبركآته

أختي أنا تاني عايشت المرضى لأنني نقرا طب وعشت المرض وتألمت وبكييييييت ...... وهذا اللي خلاني نقتنع أكثر أن المرض والإعاقة مشي حاجة تخلي الإنسان ناقص أو مشي كما الناس لوخرين .....
وكما قال بعض الأعضاء المريض والمعوق هو معوق القلب والإحساس وليس الجسد ........

ربي يشفيك يآ أختي ويبعتلك الراجل اللي يساهلك لأنك حقآ تستاهلي كل الخير وحبيتك بزاف رغم أني منعرفكش .....

ربي يصلح ويحنن قلوب الناس على بعضاها يآآآآرب

maywa · 2012-08-04, 21:40

وش نقولو ربي يهدي والناس دائما يهدرو صدقيني حتى لي يكون بصحتو يجبدولو حاجة فيه لانو مكاش فينا لي كامل لازم لواحد يكبر بالو وما يسمع لحتى واحد وانتي ربي يجازيك كل خير

خولة لبابة · 2012-08-04, 21:47

صبر جميل أختي مريم و الله المستعان..........المرض ابتلاء من الله .........فهو يختبركي.........انتي الآن في امتحان و يجب ان تفوزي به لتنالي رضى الله...........لا تياسي يا اختي العزيزة.........انّ مع العسر يسر انّ مع العسر يسر........و اذا احتجتي الى شيء انا هنا .....و لديكي رقم هاتفي.........الله يشفيك و جميع المرضى.....آمين......

مريم الصابرة · 2012-08-04, 21:52

اقتباس:

المشاركة الأصلية كتبت بواسطة أحلآمـ بريئة

السلام عليكم ورحمة الله وبركآته

أختي أنا تاني عايشت المرضى لأنني نقرا طب وعشت المرض وتألمت وبكييييييت ...... وهذا اللي خلاني نقتنع أكثر أن المرض والإعاقة مشي حاجة تخلي الإنسان ناقص أو مشي كما الناس لوخرين .....
وكما قال بعض الأعضاء المريض والمعوق هو معوق القلب والإحساس وليس الجسد ........

ربي يشفيك يآ أختي ويبعتلك الراجل اللي يساهلك لأنك حقآ تستاهلي كل الخير وحبيتك بزاف رغم أني منعرفكش .....

ربي يصلح ويحنن قلوب الناس على بعضاها يآآآآرب

السلام عليكم اختي شفت اللي عاش مع المريض سواء الطبيب او المريض يعرف قيمة الأالم مرات تلقاي اطباء يحسو بالمريض والله غالب هذي خدمتهم تولي المناظر هذوك عادية عندهم ومرات تلقاي اطباء ما فيهمش الرحمة ما يحسوش بالمريض نهائيا وهذي عايشتها شخصيا
ربي يخليك حنونة وربي يشفيك إن شاء الله وربي يحبب خلقو فيك اختي حتى انا والله نحبكم كامل راكم خوتاتي بارك الله فيك شكرا

مريم الصابرة · 2012-08-04, 21:54

اقتباس:

المشاركة الأصلية كتبت بواسطة maywa

وش نقولو ربي يهدي والناس دائما يهدرو صدقيني حتى لي يكون بصحتو يجبدولو حاجة فيه لانو مكاش فينا لي كامل لازم لواحد يكبر بالو وما يسمع لحتى واحد وانتي ربي يجازيك كل خير

السلام عليكم اختي صحا فطورك
اكيد اختي والله ما نتقلقو من حاجة ربي على العكس انا وليت نحمجد ربي كل وقت ربي يحبني وإختارني من عبادو وإبتلاني هذا شرف ليا الحمد لله والناس تعلمت ما نتقلقش منهم الصراحة لكن لما نشوف سوء معاملة لمريض او معاق نرد الهدرة وما نسكتش لأانو مرات تلقاي المعاق يشدها في قلبو ويبكي بينو وبين نفسو لما إنسان يجرحو بكلمة ومرات تكفي نظرة يا ويلو اللي يقول كلمة قدامي على مريض او معاق ناكلو شكرا اختي بارك الله فيك

مريم الصابرة · 2012-08-04, 21:55

اقتباس:

المشاركة الأصلية كتبت بواسطة فلال باك

صبر جميل أختي مريم و الله المستعان..........المرض ابتلاء من الله .........فهو يختبركي.........انتي الآن في امتحان و يجب ان تفوزي به لتنالي رضى الله...........لا تياسي يا اختي العزيزة.........انّ مع العسر يسر انّ مع العسر يسر........و اذا احتجتي الى شيء انا هنا .....و لديكي رقم هاتفي.........الله يشفيك و جميع المرضى.....آمين......

السلام عليكم اختي
شكرا على الإتصال بارك الله فيك
اختي ربي يخليك فلال إنت حقيقة قمة فالأاخلاق وطيبة طيبة بزاف من صوتك باينة ومن مشاعرك ومن حنانك ربي يبارك فيك ويجازيك وحقيقة يا سعدو اللي يديك بنت اصل ومتربية ربي يبارك فيك شكرا

رملةالربيع · 2012-08-04, 22:02

ربي يهدي العرب

مريم الصابرة · 2012-08-04, 22:05

اقتباس:

المشاركة الأصلية كتبت بواسطة رملةالربيع

ربي يهدي العرب

السلام عليكم اختي
صحا فطورك اكيد الله يهدي العرب لانو الاوربيين يحترمو المريض شكرا وبارك الله فيك

خولة لبابة · 2012-08-04, 22:08

[quote=مريم الصابرة;11076577]السلام عليكم اختي
شكرا على الإتصال بارك الله فيك
اختي ربي يخليك فلال إنت حقيقة قمة فالأاخلاق وطيبة طيبة بزاف من صوتك باينة ومن مشاعرك ومن حنانك ربي يبارك فيك ويجازيك وحقيقة يا سعدو اللي يديك بنت اصل ومتربية ربي يبارك فيك شكر
هذا من ذوقكي يا أختي...........أتمنى أن أكون دوما في حسن ظنّ الجميع هنا في المنتدى........

مريم الصابرة · 2012-08-04, 22:23

[quote=فلال باك;11076707]

اقتباس:

المشاركة الأصلية كتبت بواسطة مريم الصابرة

السلام عليكم اختي
شكرا على الإتصال بارك الله فيك
اختي ربي يخليك فلال إنت حقيقة قمة فالأاخلاق وطيبة طيبة بزاف من صوتك باينة ومن مشاعرك ومن حنانك ربي يبارك فيك ويجازيك وحقيقة يا سعدو اللي يديك بنت اصل ومتربية ربي يبارك فيك شكر
هذا من ذوقكي يا أختي...........أتمنى أن أكون دوما في حسن ظنّ الجميع هنا في المنتدى........

السلام عليكم اختي شكرا شكرا الف مرة اختي راكي تبيبيلي ما عنديش باه نرجعلك شكرا اختي

صفاء الروح · 2012-08-05, 01:10

كلااامك راني عايشينو فالواقع ناس قاسين بزاااااااف ومجتمع ما يرحمش والصحة يمدها ربي لمن يحب والمرض يبتلي بيه عبادو اللي يحبهم
كيما نتي مريم ربي يشفيك ويرزقك براجل على قد نيتك يديرك تاج فوق راسو