مساعدة للعضوة مريم صابرة ادخلوووووو - الصفحة 4

امينة 1991 · 2012-07-05, 23:29

شكرا لك سوسو انتي و اختك على الفكرة الرائعة , والله انا احب مريم كثيرا احببتها في الله دون ان اراها وان استطعت ان اقدم لها اي شيء او اي خدمة فلن اقصر ابدا لانها اختي في الله .شكرا جزيلا على طرحك المميز

soso sirin · 2012-07-05, 23:56

الله يعطيك النو يا اسماء و هذي كامل ماتزيديش تعاوديها انا ولا انتي و لا اي واحد مايهمش و انا والله مانخمم في هاذو الحوايج و بلاكي تزيدي تعاودي تقولي هكا و زيد الصح في النتيجة مايهمش شكون الي قال و الا الي كتب و زيد ضروك زعفت منك تاع الصح يا لالة مولاتي

SOUSOU. DZ · 2012-07-06, 00:07

اقتباس:

المشاركة الأصلية كتبت بواسطة مريم الصابرة

السلام عليكم اختي يا عمري والله فرحني كلامك بزاف تعيشي لو عرفت تبكي وتحبيني لهذي الدرجة والله ما نكتب الموضوع ختي الغالية نهار نحتاج حاجة راني نقولك اختي ربي يخليك حنونة نوعدك لما نحتاج حاجة راني نقولك الغالية تعيشي

وعليكم اسلام هادي هدرة لوكان خبيتي علينا والله ماتفرا معايا الله يسلمك المهم ادا سحقيتي اي شيء ارواحي ليا ولا لهدا الموضوع ياك شفتي وشحال نحبووك ويحبووك اعضاء وقالو كامل نساعدوك بلامزية واجبنا

اقتباس:

مريومة حنا ها ماناش نهدرو وخلاص و لا حتا اسماء دارت الموضوع غير باه ديروه هي كتباتو و حنا ردينا لانو رانا باغيينك تقولينا كيفاه نعاونوك و زيد على الدعاوي هذيك بلا مزيتنا و بسيف علينا و زيد ماتزعفيناش منك يا مريومتي و زاد كنوز الدنيا و ماشي خسارة فيك واش حاسبة انتي ماشي قليلة و الله غالية علينا بزاف بزاف

نستعرف بيك ياوسيلة هادي الهدرة ولا خليني

SOUSOU. DZ · 2012-07-06, 00:07

اقتباس:

المشاركة الأصلية كتبت بواسطة امينة 1991

شكرا لك سوسو انتي و اختك على الفكرة الرائعة , والله انا احب مريم كثيرا احببتها في الله دون ان اراها وان استطعت ان اقدم لها اي شيء او اي خدمة فلن اقصر ابدا لانها اختي في الله .شكرا جزيلا على طرحك المميز

العفو لاشكرا على واجب جزاك الله كل خير

soso sirin · 2012-07-06, 00:10

اه يا اسومة اه والله مانقدر نزعف منك انتي و مريومة حاجة وخدخرى عندي والله معزتكم في قلبي كيما وحدا من خواتاتي و مانقدرش نزعف منكم و مهما ديرو و انا والله راني مخلوعة كيفاش بغيتكم هكا. الصح يا اسماء كون نقدرو نديرو حاجة لمريومة و هذاك هو الصح و ماشي انتي الي نزعف منها

SOUSOU. DZ · 2012-07-06, 00:25

اقتباس:

المشاركة الأصلية كتبت بواسطة قضــــــــــــ وقدر ـــــــــــاء

السلام عليكم
هبلتني النت مي الصباح راني معاها
المهم الآن فقط رأيت الموضوع
اللهم اشفها يارب
شكرا لك أختي سوسو على هاته الالتفاتة
ما تقترحونه سأوافق عليه
تحياتي
تحياتي

وعليكم السلام هدا انت استادنا يخا راك بدلت يااو وانا نقول واشبيه خونا عبد الشافي مابانش ايا مليح والحمد الله راك عودتنا على ستيل كتابتك على ديك فقتنالك مي روطار
ههههه ***قطاعات الجزائر والكل يتألم *** رانا كامل كيف كيف

اللهم ماامين العفو طبعا انا واخت سوسو سرين لي اقترحنا الفكرة
ان شاء الله حتى تخبرنا اخت مريم صابرة واش تحتاج ربي يخيلك

SOUSOU. DZ · 2012-07-06, 00:31

اقتباس:

المشاركة الأصلية كتبت بواسطة soso sirin

اه يا اسومة اه والله مانقدر نزعف منك انتي و مريومة حاجة وخدخرى عندي والله معزتكم في قلبي كيما وحدا من خواتاتي و مانقدرش نزعف منكم و مهما ديرو و انا والله راني مخلوعة كيفاش بغيتكم هكا. الصح يا اسماء كون نقدرو نديرو حاجة لمريومة و هذاك هو الصح و ماشي انتي الي نزعف منها

ربي يخليك ليا ياوسيلة والله مام انا دخلتي القلي انت ومريومة بلا دق دقو ههه ربي يعزك ههههههه انا راني فرحانة كي راكم خياتي وصديقاتي . ان شاء الله ترضا علينا وتخبرنا ربي يعيشك على بالي بيك راني غير نقصر معاك

soso sirin · 2012-07-06, 00:34

انا نقلك تصبحي بخير يا اسماء ايا غدوة ان شاء الله

SOUSOU. DZ · 2012-07-06, 00:38

وما م انا نعست غدوة ان شاء الله تصبح على طاعة الرحمن ورؤية الرسول في منام

2012-07-06, 01:18

السلام عليكم
من الخطأ أننا ننتظر ما تطلبه هي أنا لا أوافق على هذا
يجب أن نقوم نحن بالخطوة لا يبقى الأمر مجرد كلام بل يجب أن نترجمه إلى أفعال
ا(راني حاس روحي عضو جديد ربي يحفظك على السؤال جميل أن نسأل عن بعضنا البعض)
في الغد إن شاء الله سنكمل الحديث حول مساعدة أختنا في الله مريم
اللهم اشفها يارب
تحياتي

mohamed160 · 2012-07-06, 01:22

اقتباس:

المشاركة الأصلية كتبت بواسطة sousou. Dz

وعليكم السلام ان شاء الله خويا محمد دوكا نهدر مع اختي سوسو سرين ونشوف كاش حل ونقدموه ليكم مي نطلب منكم خير تنشطو معانا هدا مكان .................. ايه صح راني شفت كامل ردودك في موضوع ديالها والله هادوم هوما رجال ربي يخليكم لينا.................. مريم صابرة راهي في قلوبنا وعينينا وفوق روسنا

سلام عليكم هدواين جيت لدارى كنت خدام المهم الاخت مريم رهى لاباس واش خصها

اسلام انس · 2012-07-06, 06:44

الللهـــــــــــــــم اشفـــــــــــــي اخــــــــــــــتي مــــــــــــــــريم... انك انت الشــــــا فـــــــــــــي اميــــــــــــــــــن

وليا عولتــــــــــوش على حاجــــــــــــــــة قولولي................تقبلوامــــــــروري

soriaalg · 2012-07-06, 07:23

السلام عليكم

اختي انا لا اعرف تفاصيل حالتك ولست طبيبة ولا اعرف شيئا سوى انني احببت مساعدتك ومصرة على ان تقولي لنا ما قال لك الطبيب هل تحتاجين للسفر خارج الجزائر ؟؟ والله والله والله من كل قلبي اتمنى لك الشفاء العاجل لك ولكل مريض يارب اختي ارجوكي انظري هذا الكم الهائل من الاصدقاء يسألون عنكي ويريدون مساعدتك فلا تحرمين شرف المساعدة اما الدعاء فهو اقل ما نستطيع ان نقدمه لك
اختي سامحيني ارحجو ان لا تنزعجي من رسالتي فقط احبك في الله واتمنى لك الشفاء

مريم الصابرة · 2012-07-06, 10:32

السلام عليكم جمعة مباركة للجميع شكرا على كل شيء شكرا على كل كلمة على كل نية بمساعدتي بارك الله فيكم على كل حاجة اسماء وسيرين وكل واحد بإسمو شكرا الف مرة اليوم إدعولي وقت الصلاة إن شاء الله نولي كيما كنت على الأقل كنت نمشي حتى ومريضة لكن الىن ما نقدرش نمشي شكرا وربي يجازيكم على كل شي نتمنى ربي يسامحني تعبت امي معايا بزاف ربي يسامحني وتسامحني هي شكرا ألف مرة

الورود المنسية · 2012-07-06, 12:06

سأل الله الشفاء لاختنا مريم ولكل مرضى المسلمين ..............وعجب لأمر المؤمن ، إن أمره كله له خير ، وليس ذاك لأحد إلا للمؤمن ، إن أصابته سراء شكر ، فكان خير له ، وإن أصابته ضراء صبر , وكان خير له