دورة صيفية جديدة

[ام هزار]

اهلا سالي و بصحتك النظافة و الترتيب
بالنسبة للنشاط اللي نعملو مع بنتي في الصيف لحد الان وكخطوة اساسية و اولى هي مراجعة ما حفظته من قران في الجمعية الحق هي تقرا الفترة الصباحية برك و تروح تتغدى و تريح شوية و ممكن تقيل و بعد العصر نبداو المراجعة و التحضير للسورة المقبلة بالنسبة ليا هدا تحدي لنفصي بالدرجة الاولى
و راني نحوس في الانترنت على العاب او اشغال يدوية منشطة للفكر باه نعملها معاها كي يعود عندي وقت
في المساء قبل النوم قصة دينية حول احد الانبياء و حاليا رانا مع قصة سيدنا محمد صلى الله عليه و سلم

[crono]

مساء الخير فراشات راني نعني نات راهي كي زيت لعودة حببتي ونرد عليكم

[**ملاك**]

شكراااااااااااااااااااااا

[ام هزار]

لا عليك كرونو يا رب تتحل ازمة النات هدي و الله تعععععععععععععععععععب

[ام شمسو محمد]

المشاركة الأصلية كتبت بواسطة sali kanouza

الله الله على الطبيعة ماشاء الله ولا حول ولا قوة الا بالله
انا نحب النباتات كثيرا لكن نخاف ماتنجحليش خاصة مع الاولاد مايخلو والو
حبيت نطلب من الاخوات يفيدونا بالنشاطات للي يقومو بيها مع الاولاد في العطلة.لانهم تقريبا النهار كامل فالدار السخانة بزاااف

اهلا بيك سالي كيف الحال
مسالة العلاقة مع الاطفال موضوع مهم جدا و النشاطات و الاوقات المشتركة بين الاباء و الابناء هي اللي تشكل الفرق في شخصيتهم و يا اختي في هذا الوقت حيرونا في مسائل التعامل مع الابناء ماعرفناش كيفاش نديرولهم و كون نرجعوا للصح والدينا بالفطرة رباونا احسن تربية و حنا من كثرة ما قرينا ضيعنا مشية الغراب بمشية الحمامة ...على كل حال انا قناعتي بلي فترة الطفولة المبكرة قبل خمس سنوات اوقاتنا من حق اولادنا لازم ماينفصلوش علينا الاقليلا و يبقاو تحت العين ..بعد هذي السن تولي مهمتنا هي التركيز على اعدادهم و تعليمهم و تربيتهم و هذي كلها اعمال في غاية الصعوبة و محتاجة تفرغ نسال الله التوفيق ...كيما قالت ام هزار دروس تعليمية اوحصص تحفيظ او اوقات متعة في الخارج هي واش نقدرو نديرو اجمالا
و انما الانشطة مع الاطفال حاولي تخليها يومية و عفوية و دخليها في تفاصيل يومياتك ...شوفي هذا الموضوع نتمنى يفيدك
https://www.zokhrofa.com/%d9%82%d8%b6...6%d8%a7%d8%a1/

[crono]

[COLOR="SeaGreen"]السلام عليكم و رحمة الله و بركاته
نهاركم مبارك اخواتي في الله ان شاء الله تكونوا بخير و صحة و عافية
و كل الملتحقات و الغائبات نتمى تكونو بخير و صحة و عافية انتم و عايلتكم،
،ان شاء الله النات مديرهاش بيا
مشكوووورين على كلامكم الطيب و تعليقاتكم المشجعة
نحكيلكم الاسبوع الماضي لميت الفراش الي غسلتهم في الاكياس وزدت خيطت كيما غلاف تع المخدة

[IMG][/IMG]
بدرا قديم نحطو الفراش داخل و حطيتهم فيها جدة الله يرحمها كانت تدير هاذ الطريقةمن زمان وديتها عليها حتى الآن نديرهم فالبلاكار بهاذ الطريقة


ولا هادو كي غسلتهم و خرجت الصوف للشمس عاودت عمرتهم و درتهم في ساشيات تعهم




و الشمس عندنا ديارة حالة زدت خرجت ليماتلا للشمس


وهنا نحيت النعناع باش نيبسو وزدت غرست منو


هادي زعيترة غرستها غير كيما وراهي نبتتلي


مضحكوش عليا خدمت مايدة صغيرة من بقايا لي خلاهالي زوجي حتى هو يسلكها في النجارة ههه كي كون عندي الوقت نحطلكم واش خدمت بالخشب باش تعاندوني



ولا في الخياطة كان عندي قطع من قماش مرمي خيطت سلة نحط فيها الخبز



وهادا الحبق ليهدرت عليه اختي هاجر منبعد نحطلكم عليه الشرح اليوم نقصو و نيبس منو ونزيد نغرس منو


هاد ليمات في مساء راني مع زوجي نعاونو في ربط الاعمدة تع بوتو

[ام هزار]

بسم الله ما شاء الله اختي كرونو دخلاتك نوعية و كمية و الله بالسيف يجينا النشاط و احنا نتمتعو بانجازاتك اللي احيانا تجي من العدم و هدا هو سر الفحولة يااااا الفحلة تاعنا
الصراحة ما كنتش حاطتك بهدي المواهب كلها راكي اكتشاف و فخر المنتدى ما شاء الله عليك
جيت نحط تقريري اليومي و من بعد احشمت راني ما درت واتلو ا

[nihal159]

السلام عليكم و رحمة الله و بركاته؛ تحية طيّبة لجميع الفراشات المشاركات في هذي الدورة.
ملي بدات الدورة و أنا متتبعة وفيّة للبرنامج هههههههه لكن في صمت؛ و ليوم ذخلت على روائع و إبداعات أختي كرونو؛ ماشاء الله؛ حشمت من روحي نشوف كل هذي لفحولة و الشطارة و النشاط و نبقى ساكتة؛ الله يبارك ماقدرتش نعبّر من شدة إعجابي بيك؛ ماشاء الله و لا قوة إلا بالله.
أنا كما تعرفوني؛ عاملة؛ لكن مش كل يوم نخرج؛ يعني نهار على نهار فقط نروح نشوف الخدمة؛ لبار قعدت فالدار؛ نضت الصباح على 5 و نص ؛ فالصيف نحب نخدم خدمتي مع الصباح.
نقّيت الثلاجة و مسحت الرفوف؛ و غيّرت غلافات لمخايد نتآعي و ليدرا.
سيّقت الطيراس كما يحب الخاطر؛ و غسلت لي طابي تاع الكوزينة و الحمام حاشاكم و الديصوندلي تاع غرفتي.
كي ناظو الأطفال؛ فطّرتهم و نضفتهم و خليتهم يلعبو؛ و درت لغذا و سيّقت حاشاكم فقط.
لفراش تاع الشتاء؛ الحمد لله كمّلت غسلتو و خبيتو.

[crono]

المشاركة الأصلية كتبت بواسطة ام هزار

مساء الخير حبيبتي كرونو كتبت رد طويييل و من بعد طار الفونتيلو تاعي عاد يسخن بزاف لازملو خدمة ولا تطيشةههه
المهم رايحة نختصر ضرك
استفدت بزاف من مداخلاتك القيمة و الله تبانيلي مرا من حراير زمان ما شاء الله
نباتاتك روووووووعة انا ثاني مهوسة بيهم عندي ثاني نبات القاطيفة لكن بلون اخر اخضر و شمندري و حنا في المناطق الساخنة لا زملنا عناية خاصة الجو جاف جداااا

شكرا حببتي والله مهبلتنا هههه اه صح انا مربيتني جدة الله يرحمها حتى في درانا اقولولي فولة مقسمة على 2 عندى زوجة اخي كي تخدم نص خدمة نتعي تقشل ونا من طبعتي هي لا اااجل عمل اليوم الى الغد ...بعد مدة راح تلقاي روحك تخلصتي نهائيا من أي ظاهرة تتعلق بالكسل او بالعجز ....هذي تجربتي مختصرة
و نبات القاطيفة والله انا نحب هذي النبتا بزاف وغرسته اكثر من 6 مراة وتموتلي هده النبتة تتاثر بالسخانة بزاف و البرودة بزاف
غاضوني وزات شريت وحطيتها في البالكو و دخلتها في البيت وعاودة ماتتلي باش عرفت السببï»
وليت نحطها في الحوش في الضل وفي الشتاء مانخليهاش برا علي جال لجليد
الظل راح يخليها تصفار. عن تجرية. نسقيها صباح ونبخيها بالبخاخ ونديريلها فالشمش الدافئة تاع الصباح والقيلولة ندخليها للبيت يوميا هكذا . أنا فصل الشتاء ديريها توال النوافذ خلي الضوء يدخل ليها من وراء الزجاج. مانتخرجيهاش للبرد.
راني غارسة منهم بزاف وتجحولي ونسقيهم بالبقايا نتاع القهوةï

المشاركة الأصلية كتبت بواسطة ام هزار

هاو زاد طارلي الرد ثاني
ما دانيش النعاس نضت على ال6 سيقت الحوش و سقست نباتاتي عندي حوض ارضي صغير فيه الدبشة و المعدنوس و النعناع و الحبق ما صلحليش واقيلا من النمل و الباقي اصاوص يعني دي بو او بادن تاع الزينة غارسة فيهم بعض النباتات

انا تان عندي الحبق الحرارة الشديدة تقتل النبات ضعبها في الظل
شوفي هادي حطيتها في الضل

المشاركة الأصلية كتبت بواسطة ام هزار

فرزت ركن في الحوش باه ننقل ليه الطابونة ممن المطبخ على اساس يجي عامل الترصيص باه يخدمنا الغاز و ما جاش عندو عدر
شربت حليبي ابيض مع الخبز و العصل و حضرت للغدا و العشا شكشوكة الكوسة او الجريوات و شكشوكة بادنجان ليا و المسفوف للعشا هدا بالتزامن مع ترتيب المنزل و تنظيفه على السريع
صليت الضحى في 11 و 30
عفوا نسيت ما قلتش اني ديت بنتي صباحا الى الجمعية باه تحفظ القران الكريم في ال8 و 20 د و رجعت كملت اشغالي
تغدينا و صليت الظهر و جيت نريح شوية و من بعد نواصل ان شاء الله

يعمري ربي يحفضلت بنتك وينجحهلك ان شاء الله

المشاركة الأصلية كتبت بواسطة ام هزار

عفوا كرونو هل يوجد برنامج او خطة نمشيو عليها الكل او كل وحدة تحط برنامجها لحد الان راني نسنى فيكم و ما حددتش برنامجي :d:d

ان قلت كل وحدة تشارك و تحط تطبيقاتها ومقترحاتها وواش تقدر تفيدنا بيه
ولا راكي حبة برنامج نطلبو من اخت ام شمسو محمد هي نشاطة في دورة الفراشات تعملنا برنامج ولا حبت طبع

المشاركة الأصلية كتبت بواسطة ام شمسو محمد

هاني جيت كرونو ما تزعفيش رانا هنا ...الخمول راهو في المنتدى كامل مش غير حنا
المهم نحضرو و نطلو مرة على مرة ...اما هذيك الايام الجميلة ملي كانت الصفحات عامرة و المشاركات مزدحمة ماظنيتش ترجع
بالمناسبة نباتاتك تحفة و امتياز اخر يضاف لنشاطاتك المتعددة يعني مع شغل الدار و هوايتك الخياطة عندك اهتمام كذلك بالزراعة المنزلية والله غير يعطيك الصحة هذا اللي يقولولو علو همة ....صححيلي برك ...كاني فهمت بلي تخدمي يعني عندك وظيفة ثاني...الله يبارك اذا هكذا غير نروحو نروّحو خير هههههه

كلماتك رائعة اختي ام شمسو

ربي يعيشك ولا زمان والله توحشت اللمة الحلوة و ننشطو و نحفزو بعضنا كل نهار وبراكته المهم حنى رانا هنا ونتي مشاء الله عليك كنتي منشطة .و يسعدنا دائما حضورك ..و سابقى بخير ما دمت بصحبة النساءالواقفات مثلك و مثل كل الفراشات النشيطات.....
و شكرا على الابتسامات العذبة و الروح الايجابية اللي راكي تبثي فيها ...و قسم المنزل كلو يعترف لك
طبعا دائما نحس بفرحة كبيرة كي تدخل وحدة جديدة ..و تقول بلي لقات فائدة في اجتماعنا هذا
حاجة وحدة راهي محيرتني هو اختفاء أم تينة و تركها فراغ ملموس حقيقة
و أرجو من لديها أخبار عنها تخبرنا و تطمئننا عليها......
لأني لاحظت أغلب الأخوات يغيبو لفترة و مهما كان سببها إلا أنهم يرجعو و يبانو إلا أم تينة ما زادتش بانت
.اسال الله العظيم ان يجعل لمتنا هذي من اسباب ارتقائنا في الجنة ..

المشاركة الأصلية كتبت بواسطة samophisique

السلام عليكم اعانكن الله في كل اعمالكن ما شاء الله اخت كروني برنامج يومي حافل الحق عجبتني النباتات انا محرومة منهم الضيق و المنطقة سخونة بزاف كملت الفراش بقاتلي مطرح برك والمطبخ راني مدة اسبوع و مازال غسيل لحيوط نخدم غير مع العين تجي على14 و تروح ضرك رايحا نستخدم خلطة القرنفل و القارص و نعود نفسي على صلاة الضحى كنت خدامة ما نصليهاش دايما اهم اهدافي اني نتعلم الخياطة كرهوني الخياطات بالططوال فراش العيد الصغير لضرك ما كملاتوش و مشكيتش للعيد الكبير اسمحولي طولت لكن. والله نحسكم خياتي

صباح الهمة والنشاط، ربي يعينك ويقدرك على أشغالك ان شاء الله. ولا على الخياطة في الوقت الفرغ خيطي و حقيقة ممارسة الأشغال اليدوية دواء ضد القلق لربة البيت .............وإن رغبتِ في غرس لم تتوفّر لديكِ حديقة. فيمكنكِ استعمال وعاءً كبيرا يشبه الحاويات وتقطيعهِ إلى نصفين،
وغرسي فيه انا هاك درت لانا دجاج مخلي وللو

ونا تان نفس احسس
أحس بأننا أعضاء المنتدى كالعائلة
الكبيرة يجمعنا رابط متين هو هذا المنبر الذي أعطانا الفرصة لنجتمع على المحبة والأخوة

المشاركة الأصلية كتبت بواسطة حياتي كلها امل

السلام عليكم اختي كرونو يعطيك الصحة والله عجبني نوارك انا الله غالب نحب النوار بصح ماعنديش وين نغرس من ذاك نشري ونحطو عند عجوزتي تحت في الساحة اما ذاك البير وذيك الطبيعة الله يبارك
ام شمسو ربي يعيشك وانت الي طلتك بدنيا حبيبتي ربي يخليك انت وكل الفرشات يارب

وعليكم السلام الله يسلمك اختي امكنكِ استعمال وعاءً كبيرا يشبه الحاويات وتقطيعهِ إلى نصفين،
وغرسي فيه انا هاك درت انا عندي حديقة ادرت هاك لانا دجاج مخلي وللو

المشاركة الأصلية كتبت بواسطة omelbanin

سلام ،سلام ،سلام لاحلى وانشط لمة .
اللّظ°ه يبارك عليكم،نشاط ونظافة ونظام،وطبيعة،ماشاءالله.
بالنسبة ليا الاسبوع لي فات كنت في دار شيخي ،جيت السبت لقيت الدار كامل غبار،غسلت الدراوات وبدلت اغلفة الوسائد،غسلت الثلاجة لانو زوجي كان يجي يتغدى في الدار ،ونظفت الكويزينيار ،وطبعا تنظيف عميق للارضيات والحمام.
بالنسبة لنباتات انا عندي البعض .النعناع نحيت منو في رمضان بصح ما عاودش ناض غير بعض الوريقات زعما علاش

يبارك فيك اختي نعناع
لازم أولا نختار أغصان النعناع تكون غليظة نوعا ما لانها تعطي نتيجة أفضل تساعد على خروج الجذور في الاسفل نقوم بنزع أوراق النعناع السفلى يعني نترك فقط بعضا منها في أعلى الساق كما هو مبين في الصورة


نحتاج وعاء للزراعة نحضر تراب من الافضل ان نضيف إليه كمية من الرمل نخلط نص طينه على نص رمل لتسهيل توغل جذور النعناع فيه ، نحدث ثقوبا متعددة في التربة و ندخل سيقان النعناع فيه بسلاسة .
و نضيف كمية من تفل القهوة ( يعني ما يتبقى من خليط بعد إعداد القهوة ) نوزعهاا على كافة أنحاء التربة


النعناع لا يحتاج إناء عميق والأفضل أن يكون كبيراً بعض الشيء لأن النعناع يزحف وينتج نباتات جديدة .. عموما أي اناء يفي بالغرض شرط أن تعمل له بعض الثقوب في الاسفل
ثم تنقل فى التربة نضع أعواد النعناع ناااائمة على سطح التراب وندفنها
التربة اغلبها رمل و حافظ على الرطوبة دائم
و في الأخير نقوم بسقي النعناع و الطريقة الأصح و الأنجع هي إستخدام بخاخة أو رشاشة

[IMG]https://scontent-mrs1-1.xx.fbcdn.net/v/t1.0-9/32395273_2068066166800664_4728513337946537984_n.jp g?_nc_cat=0&oh=5cde8fa1e6b6ff6d57f6aaa76111d6c5&oe =5B816482[/IMG]
يعني ترش التربة بالماء لا يجب أبدا سقيها بالكثير من الماء لانه يؤدي لتلفها و السقي كذلك لابد أن يكون بشكل يومي.
لا يكون معرض لاشعة الشمس مباشرة و لا حتي داخل البيت من الأحسن يكون مكان فيه كل من الضوء و الهواء لنموها

المشاركة الأصلية كتبت بواسطة جهينة اليقين

السلام عليكم اسمحو لي ما رانيش ندخل بانتظام لكن راني متتبعة ومنكم نستمد الطاقة
كيم قالت المتالقة ام شمسو احنا رانا نعجزو
اليوم غسلت غلافات الوسايد وغلاف الماطلة وبعض الحوايج فالمشينة والي ما ياخذوش وفت في يدي ونشرتهم ولميت بعض الاغطية الي غسلتهم في دوخبيتهم تهنيت من الفراش
اه هاجر ام هزار سامو سالي ام هارون كلكم نشيطات الله يبارك
غيرتيني كرونو بالغرس الله الله انا عندي النعناع وبعض الصبارات المقاومة للسخانة في لا تيراس اما الحبق مسكين والقطيفة تحرقو دخلت البعض فالدروج
ام هزار بالاك النعناع راكي دايراتو في اصيص صغير وتضايق هو يحب الشمس والماء وليتساع

وعليكم السلام بوه انا لي عجوزة فيكم ههه
بصحتك الترتيب والله كفكيف تهنيت من الفراش دورك راني مع زوجي كل عشية راني معه نربط ردني منقور ديلو ههه
لحبق والقطيفة حطيهم في الضل على هاديك تحرقو

المشاركة الأصلية كتبت بواسطة ام هزار

لا عليك كرونو يا رب تتحل ازمة النات هدي و الله تعععععععععععععععععععب

كتبت رد طويل عريض لكن للاسف مالقيتوش

[حياتي كلها امل]

الله يبارك عليك اختي كرونو ماشاء الله ولاحول ولاقوة الا بالله قمة النشاط ربي يخليلك صحتك يارب الي يشوف تقريرك ينشط بسيف عليه ربي يحفظك يارب

[samophisique]

السلام عليكم والرحمة والاكرام شكرا لكل من تكرمت باثراء هذه الدورة و تنشيطها كملنا المدخل و المطبخ وين نتجهو هل ممكن برنامج نتبعه جميعا حتى نتحد في سرب واحد شكرا الاخت كرونو والله سلة الخبز رايعة رايحا نحاول نقلدك فكرة الخياطة احتاج. فيها لموجهة و استحيت من الزوج كي اخرج لاجراء دورك حيث كل ايام السنة وانا اخرج بحكم عملي واحضار واحدة للبيت رفضضتها جدة اولادي اليوم سوفاعيد اذابة الجليد من الثلاجة و دورة خفيفة غدا اظن يوم راحة و صلة رحم

[جهينة اليقين]

السلام عليكم يا سلام على النشاط
كرونو ما عندي ملنقول الله يبارك ويزيد
اليوم غسلت زوج تابيات مع بنتي وقتي كامل داتو لي الخياطة والكوزينة راهي في حالة والوفود تاع العطلة قريب توصل دبرو علي

[ام هزار]

سلام الله عليكن جميعا و رحمة الله تعالى و بركاته
اللهم صل و سلم و بارك على سيدنا محمد صلاة لا تنقطع ابدا
اليوم نضت صليت الفجر و دكرت و سبحت و رقدت
نضت في الثامنة كنت مرهقة شوية فطرت و حضرت الغدا و غسلت لماعن و اعتنيت ببنتي و من بعد دوشت حاشاكم انا و بنتي و تغدينا جميعا من بعد ما جا زوجي
و ان شاء الله نصلي الظهر و نرتح شوية و نقرى سورة الكهف و نراجع مع بنتي
اليوم ما صليتش صلاة الضحى حاجة كبيرة ناقصتني

[ام شمسو محمد]

اللهم صل على محمد وعلى آل محمد كما صليت على إبراهيم وعلى آل إبراهيم وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد ربي رجوتك ان تسعد قلوب الفراشات وتعطيهم ما يتمنونه وعطر صدرورهم بالإيمان وارزقهم الخلود في الجنان وانا معهم يا رحمن ... يارب اجعلنا من أهل الرحمة والمغفرة ومن عتقائك من الناراللهم آمين يارب العالمين.اللهم ارزقنا الجنة بغير حساب ولا سابقة عذاب اللهم اميييييييييين

[ام شمسو محمد]

هل تريد أن تجاب دعوتك
'
'

عن أنس قال:جاءت أم سليم إلى النبي صلى الله عليه و سلم
فقالت: يارسول الله علمني كلمات أدعوبهن
فقال صلى الله عليه و سلم:

تسبحين الله عشرا
و تحمدينه عشـرا
و تكبرينــه عشـرا

ثم سلي حاجتك فإنه يقول: .. قد فعلـت ..
'

الصحيح المسند 44
قال الشيخ مقبل الوادعي حسن على شرط مسلم