|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
جديد وحصري ..افتلي البربوشة في ربع ساعة برك .....
|
|
أدوات الموضوع | انواع عرض الموضوع |
2016-02-21, 22:00
|
رقم المشاركة : 1 | ||||
|
جديد وحصري ..افتلي البربوشة في ربع ساعة برك .....
السلام عليكم ورحمة الله وبركاته نتمنى الجميع راه بخير وبصحة جيدة الحاضر يعلم الغايب اليوم جيت وجبتلكم حاجة جديدة . مابقات حتى وحدة ماتعرفش تفتل البربوشة .ايه تفتلي البربوشة و في ربع ساعة برك تكون واجدة .نبداو على بركة الله تحتاجي دقيق وملح وماء كي العادة وروبو  انا استعملت نصف كمية الدقيق اللي راكم تشوفوا فيه لوحيه في الروبو مع الملح ومشيه يدوروابداي زيدي في الما بالشوي برك .ممكن اقل من نصف كاس المهم حتى يبدا تبل حبسي وحركي الدقيق من الجوانب وكملي حتى يتبل ..مالزمش يتبل بزاف والا يتعجن  ومبعد ابداي زيدي في كمية الدقيق الي خليتي والروبو يدور حتى يبدا ينشف وتتشكل عندك البربوشة نحيه من الروبو وغربليه في غربال باش يهبط الدقيق الزايد   حلي البربوشة وغربليها والي طاح منها عاودي اخدميه عادي هاهي النتيجة   البربوشة واجدة في ربع ساعة فوريها وكوليها بالصحة والهنا ملاحظة .ماتشمخيش الدقيق بزاف باش متعجنش تقدري ديري كمية كبيرة وتشيحيها وتخبيها عادي كيما اللي تفتليها باليد .كيما تقدري تاكليها في وقتها . اخيرا دعواتكم لأبي بالرحمة والمغفرة
|
||||
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري