نقاش حول الزواج من عسكري

[" أبو عبود"]

يا جماعة هي من جهة عندها الحق لانه ظروف عمل العسكري معقدة جدا. غذا كان سيتهي " الكونطرة في قوت قيرب ويستقر فيها قول أما يبقى طول عمره متنقل وهي تبات وحدها ومن مكان الى مكان راهي مشكلة. في الدول المتطورة العسركي عامل مثله مثل بقية لاناس لا ينتقل. يذهب الى الثكنة يعمل 8 ساعات ويعود إلى بيته. إن كان تخصص في الطيران أو البحرية فيوكن لديه بيت في اي منطقة يريد. كما انه يتم ارسالهم لتلقي تكون لمدة عام على الاكثر كل 5 سنوات. عندنا بكل اسف الدركي والعسكري اكثر النسا معاناة والله يخسرون الكثر في كل مرة ححتى انهم يبيعون اثاثهم عند كل تنقل لانه لا يمكنه نقله فالنقل مكلف ويبيعه باقل من ربع ثمنه.
لكن مع ذلك العسكري من حقه يتزوج ويعيش حياته يعني لازم ينتظر حتى ينهي عمله لكي يتزوج؟ وكل واحد يتحمل مسؤولية اختياره

[رونق البسمات]

المشاركة الأصلية كتبت بواسطة آمال دافئة

على حسب الشخص اختي

على حساب الشخص شكرا

المشاركة الأصلية كتبت بواسطة touta04

السلام انا راح نرد على الموضوع لأني باذن الله راح نتزوج من جدارمي يتنقل من مكان لمكان.انا نقولك أختي كي تكوني مظمئنة مع الانسان و تحبيه و هو راجل معاك و الله كلش يهون.كلش عندو الحل انا مثلا قريب نتخرج و راح نبدا نخدم و خدمتي كل يوم(طبيبة اسنانçو هو خدام بعيد و مكانش سكن الوظيفي مي الحمد لله كي عاد رجل صالح و يحبني ههه موفرلي الحاجة الي تساعدني0الأهم في كلش التفاهم و الحوار و العسكري راجل و الس شومور راجل الرجولية تتقاس بالعقل ميش بالزين و الشكارة

كلامك صح ربي يهنيك شكرا للمرور

المشاركة الأصلية كتبت بواسطة مطالب السمو

علا حساب هد العقلية لا أدري من ستتزوجين لأن هناك مهن كثيرة أخرى تحتاج التمرميد والخدمة الصعبة غير العسكر و الصحراء أصبح يبعث لها حتى الطبيب والمهندس ...لكن المهم هو الأخلاق والتفاهم لأنك قد تجدين رجل مهنته غير نتاع التمرميد لكن أخلاقه سيئة

المهم ان لا يكون عسكري حسب الردود الكثيرة للموضوع تغير تفكيري
شكرا

[رونق البسمات]

المشاركة الأصلية كتبت بواسطة abdelkader.gh

ما يميز العسكري عن غيره هو تنقله الكثير عبر كامل التراب الوطني و قلة عطله , فإن لم تقلقك هتين الميزتين فتوكلي على الكريم.

صح و الميزتين ما يقلقني اختاه

المشاركة الأصلية كتبت بواسطة abdouillizi

صدقني ما راحش ابدا تحسي بلي راكي متزوجة عنده 21 يوم عطلة في العام انا ابي كان عسكري مدة 10سنوات كره النهار الي خمم انو يدخل للكاسكيطة و مانعنا كلنا نخمموا فيها وأختي خطبوها 2 دركيين بعد تمكنها من الظفر بمنصب عمل لكن ابي قالها بقاي بلا زواج طول حيات وما تتزوجيش بيهم و حتى خاوتي واحد ما قبل

كلامك زاد من ثباتي على ثراري شكرا

المشاركة الأصلية كتبت بواسطة نواار

المراة الماكثة بالبيت ممكن تتزوج عسكري ويعيش قمة السعادة خاصة في البعد عن الاهل

يصبح هو كل شيءلها وهي كذلك

لكن العاملة مشكل في تغيير اماكن العمل والعقليات المختلفة لمناطق الوطن

بالاضافة الى مشكل الاولاد

حنان الام +صرامة الاب العسكري = طفل ذو شخصية قوية

عمل الام + صرامة الاب العسكري = طفل ذو شخصية مهتزة

معادلات صحيحة كلامك زاد من معلوماتي

[رونق البسمات]

المشاركة الأصلية كتبت بواسطة faraday_dz

انا افهم من كلامك ان في قناعتك لا تريدين الزواج به اصلا
امالا هني روحك و استناي مكتوبك من جهة اخرى و ربي يوفقك نتي و راكي من حقك الرفض و هو ثاني ربي يرزقو من جهة اخرى لان العسكري هو ثاني يحب من تتفهم ظروفه و تساعده

هذا صحيح لست مقتنعة الله غالب دائما تراودني افكار جهنمية حين افكر في القبول
انت تفهميني شكرا

المشاركة الأصلية كتبت بواسطة biskra abir

السلام عليكم

اختي الفاضلة قرأت كلامك و فهمت انك غير مقتنعة .. و القناعة تستطيعين القول عنها انها كل شيئ .. و من باب اخر ليس كل عسكري دو اخلاق منحطة لان صباع اليدين ماشي كل كيف بعضهم .. لولا العسكري و الشرطي و غيرهم لما كنت تنامين و تخرجين للتنزه و غيرها في طمئنينة و هو عمل شريف .. و مادامك صليتي صلات الاستخارة نقلك مش رح يخيب ظنك لانك فوضتي امرك لخالقك

شكرا جزيلا ما دامني صليت ما راح نخاف من والو و النتيجة اني رفضت للمرة الثانية و انا مرتاحة الآن

[رونق البسمات]

المشاركة الأصلية كتبت بواسطة hana nana

هو المهم يكون رجل صالح وذو اخلاق عالية
الخدمة و طبيعة الخدمة ما تهمش مع راحة البال

انا نذكر انوا صديقتي قالتلي حابة نتزوج بعسكري
باه نبقى في دارنا كي روح يخدم ههههههههه

تفكيرها لا يعجبني لانها لن تكون مستقرة و لن تشعر بأنها متزوجة شكرا جزيلا و التفكير الاول التفكير بالصلاح

المشاركة الأصلية كتبت بواسطة dinebibo

اختى انا زوجة دركي وانصح ان لا تتزوجي بدركي او عسكري لانك راح تتمرمدي اول شئ في كل تغيير للعمل راكي عند داركم او دارهم 5 اشهر او ست هذا في حالة لقا السكن اما اذا ملقاش راكي تقعدي 4 سنوات ثانيا حتى لو سكنتى معاه راكي متحضري لفي زينة ولا في شينة (لا سمح الله) في داركم والاحساس بعدم الاستقرار واذا كنت خدامة راكي تخدمي في جميع الولايات مع السوفرونس نتاع الاوراق نصيحة لوجه الله تزوجي حذا داركم اشبعي من والديك ومن زوجك في نفس الوقت ومنحكيلكش على المعاناة نتاع الصح اذا كانو دارهم مختلفين في العادات عنكم واش يسرالك مين تكونى وحدك عندهم

شكرا فعلت ما نصحتني به و قد رفضت شكرا لتفهمكي اختاه وانا مرتاحة الان

[رونق البسمات]

المشاركة الأصلية كتبت بواسطة لحن الفرح

شكراااااا على الموضوع

عفوا شكرا على المرور

المشاركة الأصلية كتبت بواسطة لحن الفرح

العسكر كلهم يغيرون اماكن عملهم

صح و هذا ما لا يعجبني شكرا

المشاركة الأصلية كتبت بواسطة ليندة ياسمين

اتزوجي مع رائد فضاء

سأكبر عقلي و اعتبرها مزحة من صديقة
شكرا

[رونق البسمات]

المشاركة الأصلية كتبت بواسطة abdouillizi

أرجو أن ترفعي المستوى على الاقل إحتراما لمهنتكي

شكرا جزيلا

المشاركة الأصلية كتبت بواسطة راية الاسلام1

السلاام عليكم
مالفت انتبااهي هو ردود بعض الاعضااء المنحطة
البنت كتبت الموضوع تبحث عن الاستشاارة والنصيحة والحقيقة بالدرجة الاولى
وانتم ترقصوون على جرااح الاخرين
اتقدمووا شوية في عقوولكم
انا وااله وليت نكره الدخوول لهذا القسم بسبب بعض الردود الكاارثية

بالنسبة لكااتبة الموضووع
انا شخصياا لا انصحك اذا كان شرطي عاادي جدااا
اما دركي او عسكري ماتغلطيش
مايخدعووكش الدرااهم احبيبتي
والله الانساان محتااج الاشيااء المعنوية اكثر من الماادية
عندي جاارتنا تقريبا 3 اشهر وهي هنا عند والديها لانو زوجها ماحبولوش يكري ماعلاباليش علااش
وزوجة اسلف أختي هو في تلمساان وهي راهي هنا في قسنطينة تقريبا شهر ممرمدة مع لولاد
معيـــشة تاع تمرميد
وكاااين حواايج بزااف ماحبيتش نحكيييهم
والله ماخفي كاان اعظم
ربي يوفقك ويعطيك الزوج الصاااالح

فعلت ذلك و رفضت شكرا جزيلا على كلامك استغربت الردود في موضوع جاد

المشاركة الأصلية كتبت بواسطة راية الاسلام1

السلاام عليكم
اذا عندكم نصااائح اللهم باارك اذا كنتو تحبو تدخلو تزيدو على العبد فعدمكم احسن من وجوودكم
قولوا خيرا او اصمتوا وحبسوونا الاستهزاااء هادا
ربي يهدي من خلق
بااارك الله فيكم
لاا حول ولا قوةالا بالله

شكرا جزيلا كبرت عقلي

[رونق البسمات]

المشاركة الأصلية كتبت بواسطة chamam

السلام عليكم ورحمة الله ....في البداية أقول يؤسفني حقا كتير من الردود التي مرت بهدا الموضوع ..ركاكة ..والحقيقة اني لو كنت مشرف ..لكان لي تصرف آخر ..لان الركاكة هده تؤدي الى الحمق لاسيما ان لمسنا في السائل الجدية وقضية ..تتعلق بحياته ..أوكي .

- شوفي اختي الكريمة ..معك اخوك الشمام جندي سابق ..أعرف هدا المجال وهو يعرفني ..باختصار شديد أول شئ افراد الجيش الشعبي الوطني -أجدع ناس - يتعلم اولا الحفاظ على سلاحه كالحفاظ على زوجته ..وهي مبادئ راسخة اد انه من ناحية الاستهانة بالزوجة وتركها ..لايوجد .

المهم نرجع للوراء ..طبعا العسكري اولا فرد من افراد المجتمع مجرد انسان يخضع في اختياره كزوج لنفس المعايير المعتادة وهي اخلاقه واصله وفصله ...اوكي

تاني شئ هي رتبة هدا العسكري ..ان كان ضابط اي رتبة عالية فهؤلاء النوعية تتمتع بسكن وضيفي وكل يوم في المنزل اي مايسمى بالسكن العسكري - لازون ميليتار- وبالنسبة للرتب الاخرى من الجنود الى صف الضباط كان زمان وولى ..حيت كان الراتب متدني وغيره ...اليوم أعرف الكتير متزوج ويأخد زوجته الى الولاية التي يعمل بها ..كمستأجر ..ويضمن لها الامن والامان ..وزيارات يومية على قدر المستطاع ان لم تكن ليلية يعني في نهاية الخدمة تكون في النهار ...ودلك راجع لوضعيته التي يقدمها لقائد التكنة من أنه هنا بعائلته اي حرمه ..فيكون هناك تحفيف كبير جدا للعسكريين من متل هده الحالات ...مع حقه المضمون في السكن الاجتماعي في ولايته أو مختلف الصيغ التي اقرتها وساهمت فيها وزارة الدفاع لمساعدة العسكريين ..تاكدي من هدا ...... من هنا أريد فقط ان اضيف ان العسكريين من أصدق الناس خصوصا عندما يتوصل الفرد منهم الى مرحلة التفكير في الزواج ...لان هده الناس عانت حقا ..وتالمت صدقا في صمت ..وعايشت مختلف الشرائح كتجارب من مخالطة اصدقاء من 48 ولاية ..ودلك مما يؤدي بهم الى الندج في فترة الزواج سواء كمعرفة لعادات الناس وطبائعهم او كتشرب لكل التجارب من الشرق الى الغرب .....لهدا ولاجله هو مجرد راي من واقع كنت أعيشه ...أقول توكلي على الله ..وتزوجي وكما قلت لك

-أجدع ناس وأحلى ناس ولهم كل الاحترام والتقدير -

للعلم فقط ..إهتمت الدولة في السنوات الاخيرة بالعسكريين بصفة عامة وقامت بتحسين رواتبهم وغيره مما يضمن لهم العيش الكريم ودلك اعترافا بجهودهم في الحفاظ على هده البلاد بغض النظر
حتى انه هناك قانون للمتزوجين ..الغير قاطنين في مقر الزوجية
من حقهم رؤية الزوجة كل 45 يوم وهو كما أعتقد قانون عادل
ومازالت الاصوات تنادي بالافضل والاحسن .

اسال الله العظيم ان يوفقك ويجعل لك الخير اينما حللت وأن يجعل لك الله من امرك يسرا ..ويسددك لما فيه خير في الدارين . بالتوفيق .

شكرا جزيلا على المعلومات احترمهم لكن قلبي لا يطمئن لهم

المشاركة الأصلية كتبت بواسطة chamam

ولا يحيق المكر السئ الا بأهله ....سوف تشربون من نفس الكأس نتيجة حتمية طبعا .

لا حول و لا قوة الا بالله

[رونق البسمات]

المشاركة الأصلية كتبت بواسطة sarah mech

انا نضن بالي العسكري خدام خدمة شريفة و ادا كان انسان مدين و راجل فحل روحي معاه لاي مكان و ماتخافيش

شكرا انا احترم هذه المهنة التنقل مشكلتي

المشاركة الأصلية كتبت بواسطة amel4

السلام عليكم
وعلاه راكي تتكبري على العسكري انا بابا 30 سنة و هو في لعسكر او اكتر قرا لتم و تربى في العسكر دخل صغير خلاص و الحمد لله اخلاقو عالية و الناس كامل يحوه
راني نشوف بلي عندك مشكل في التنقل نقولك اختي حنا حياتنا كامل و حنا نتنقلو و عند 7 سنين ملي استقرينا برك و الله التنقل بين بلدان الجزأئر روعة رايحة تكتاسبي معارف جذ جيران جذ اشخاص متنوعين تعرفي بزاف العقليات و تتعرفي على مناطق الجزائر صراحة انا ماولفتش نبقى في بلاسة وحدا و درككون يقوللنا باباهيا ننتقلو نروح
والله شيء روعة بالنسبة لي
وكيما قالولك ادا كنتي عاملة رايحة تجيك صعيبة انا ماما كانت معلمة بصح بطلت على جالنا باه تربينا و الحمد لله الكل يشهد على اخلاقنا
اختي هدا يبقى رايي و انت حرة. و الكلمة الاخيرة تبقى ليك
اه ملاحظة ماشي كامل الناس كيفكيف قادر الرأجل هادي يكون مليح كيما يقدر يكون ،،،،،
ان شاء الله تلقاي وليد لحلال للي يفررحك و يسعدك
سلام

ا

بدا لم اقل هذا الكلام لما اتكبر فقط قلبي يرفض ذلك ليس بيدي الحل الافكار السيئة تراودني و انا غير مرتاحة

المشاركة الأصلية كتبت بواسطة alla220

jاذا عاد ابواك راضيين علييييك زوجي خيرلك الف وحدة تتمنى عسكري ووفقك الله و بارك لك

شكرا جزيلا

[رونق البسمات]

المشاركة الأصلية كتبت بواسطة yassminadz

أظن أنو عندك هاجس من البعد أكثر من أنو هاد الرجل عسكري
لو نتكلم عن البعد، واش قولك في البنات لي يتزوجو ويروحو للخارج مع أزواجهم، أظن لا يوجد وجه مقارنة بينهم وبين وضعيتك، على الأقل أنت تمشي لداركم كل مدة عكيهم هوما
أما بخصوص أنو الرجل عسكري، واش نقلك، كيما كامل الشرائح في المجتمع، كاين فيهم المليح ولي ماشي نتربي وأنت أدرى مني
ما تنسايش صلاة الاستخارة

صلاة الاستخارة مستحيل ان اتقدم هذه الخطوة بدونها
هي الحل
و انتهى الامر
تم الرفض
و ارتاح القلب
شكرا

المشاركة الأصلية كتبت بواسطة البرنوس

موضوع مهم جدا .
عنى اختى فى الله لا انصحك .

شكرا و قد تم الرفض بوركت اخي

[رونق البسمات]

المشاركة الأصلية كتبت بواسطة زهرة لرضوان

صدقوني لم أفهم هذا المجتمع من جهة العنوسة ومنجهة أخرى العسكري والذهاب معه إلى مكان عمله أولما يتم نقله إلى مكان ما هو إيجي ومابعد فكري تروح معاه ولا لالا

شكرا جزيلا افضل العنوسة على معيشة غير مستقرة و انا اتحدث عن العسكري الذي يترك زوجته في دار والديه و يذهب

المشاركة الأصلية كتبت بواسطة samir1980442013

أختي الكريمة نصيحة مجرب لا أقول الا المثل الذي يقول ربي خلق وفرق وكل واحد وأخلاقه والعسكري قبل ما يكون عسكري تربى وعاش بين والديه أما اذا أردت العيش بأمان واطمئنان وبلا تمرميد وبلا تكسار الراس ابتعدي عن شئ اسمه الكاسكيطة تخيلي نفسك كل عام في مكان هذا ان كان في مكان يوجد فيه ناس أو مدينة وان سمحو له بالسكن أما اذا كان في الصحراء ولا في الجبال يجيك خطرة في الشهرين وعندو كنونجي واحد في العام اذا تركك عند أهله مصيبة يتبدل عليك كلش تقعدي وحدك شهرين وكي يجي يقعد سمانة ويروح وأنت بدورك تكرهي حياتك ولازم تخدمي دارهم وخاوتو أما اذا تركك في بيتكم المصيبة أعظم كلي مراكيش متزوجة وهذا اذا خلاك في داركم ويبداو دارهم يهدرو ويعمرو فيه وربي يوفقك انشاء الله أنت تعلمين أكثر مني

هذا هو تفكيري منذ البداية و قد ارتاح القلب الان لان الرفض كان الحب
شكرا جزيلا

[رونق البسمات]

المشاركة الأصلية كتبت بواسطة mounia 85

اختي الكريمة
اذا حبيتي مثال عن حياة امراة متزوجة من عسكري انا هنا
متزوجة مند ثلاث سنوات وزوجي من ي تزوجنا وهو في الصحراء وممنوع اني نروح معاه ...تزوجت في ولاية اخرى بعيدة عن ولايتي باكثر من 200 كلم وفي منطقة نائية او دوار كيما يقولو حتى حانوت مكانش قدامنا يعني كي نعيش تما لازم نكون عالة على عائلته بالرغم اني عندي سكنتي وحدي بصح لوكان مايقضيوليش مانلقاش منين ناكل حتى
في اول الامر كان الامر اكثر من صعب لكن بعد مدة وليت نروح لدار بابا كلما يروح ونرجع لداري كلما يجي صعبة لكن احسن مما كنت عليه من قبل
الحمد لله راني راضية بمكتوبي ومتقبلة البعد والضروف الصعبة لي راني فيهم لان زوجي و حسن اخلاقه و احترامه لي و تعبه لاجلي خلاني نتحمل كل الصعوبات على خاطر مالقري راني نعاني مستحيل معاناتي راح تكون بحجم ربع معاناته وتعبه في العمل
وبالنسبة لي لو اعاد الزمن نفسه لاعدت اختياره كزوج لانو شخص رائع ومتربي وللي راهو يقول العسكر ماهمش مربيين نقولو باللي المتربى واللي ماشي متربي كاين في كل بلاصة
المهم يا اختي المشكل مشكل قناعة يعني الا راكي مش مقتنعة بهدا اللي جا خطبك مكان لاه تقبلي بيه بغض النظر عن انه عسكري او لا وعلى حساب هدرتك ماكيش مقتنعة بيه ولو واحد بالمئة اذا ماش محتمة عليك تقبلي بيه وخلاص
ربي يوفقك ختي

كلامك رائع كتبت الصعوبات و كتبت الاختيار الامثل و قارنتها بصعوباته في العملل شكرا

المشاركة الأصلية كتبت بواسطة الوجہ البَشوش

حكم فاااشل 100 %
اثبتي لي ان العامل في القطاع المدني لا يقوم بهذه التصرفات !!!!
كل شخص ومبادئه و اخلاقه الشخصية



أمااا صاحبة الموضوع
إذا كان هذا التنقل بمسكنه فلما لا ؟؟

هو يرفض التنقل و ينصح بالبقاء في بيت الاهل يعني اهله

المشاركة الأصلية كتبت بواسطة nilly

يرحم بابكم قولولي برك ادا مشتمتوش واش راح يصرالكم؟؟؟؟؟؟؟؟؟؟؟؟؟؟؟؟ اكيد راح تموتوا او يصيبكم نوبة جنون

لمادا شتم وسب لمادا الاخلاق رمتوها فالبحر علاه هل تظنون الاسلام صلاة وصوم وحجاب فقط

الاخلاق هي صح هي اساس المسلم احنا كبار لو كان جينا صغار بلاك بصح والله تبهديلة كبير يشتم في اخوه سواء كان مسملم او كافر

كافر ملزمش نشتموه وراهي احترام وجهات نظر علاه واحد مايحترم لاخر علاه؟؟؟؟؟

ولا القلوب معمرة بالانانية والغيرة والحسد واللؤم ووو كل صفات شيطانية شيطان رجيم هو لراه يلعب في مخكم

رب يهديكم وزيهدينا

شكرا على كلامك و دفاعك بوركتي اختي

[رونق البسمات]

المشاركة الأصلية كتبت بواسطة nilly

كاين واحد المثل يقولك مول طاكسي والعسكري و استاد الجامعة خطيك منهم

هدا مثل برك ههههههههه اكيد كاين طالح وصالح في كل مكان وكل المهن

والعسكري حنا عندنا يديهم معاهم كامل لتزوجت داها واحدة جارتنا توجت عسكري داها 5 سنين لصحرا ومبعد ولالو القسنطينة ومبعد دركا راهم فالعاصمة

المشكل في الاستقرار متحيسيش روحك مستقرة كل 5 سنين وين تعشيها متحسيش روحك عندك دار واولادك كلما مرة وين يقراو وثاني ادا كنتي ماكثة فدار شوي اما عاملة فمراحش تقدري لانه كلما تدخلي ولاية فلازم عليك تديري تحويل عمل

صعيب شوي بصح ادا ناس ملاح فعادي المهم راجل يكون مليح حوايج خرين مع الوقت توالفيهم

راني معاك في مول طاكسي والعسكري و استاد الجامعة خطيك منهم ههههه

المشاركة الأصلية كتبت بواسطة marimed

لا ‘إله إلا الله ...

محمد رسول الله

المشاركة الأصلية كتبت بواسطة marimed

لا إلله إلا الله

محمد رسول الله

[رونق البسمات]

المشاركة الأصلية كتبت بواسطة أبو عبود";3991634328][b][size=&quot

سأحكي لكم قصة قد لا تصدقونها. صاحب محل ربطته علاقة بامرأة. واخبرته بأنها مطلقة. وبق على هذه الحال اشهر ثم قرر أن يتزوجها . رفضت ولما أصر عليها اعترفت له بأن زوجها عسكري وأنه لا يأتيه غلا مرة في الشهر. هذه كارثة. لهذا فمشكلة الزواج من شخص لا يبقى مع زوجته خصوصا اذا كانت لوحدها يعرضها للمعصية سواء كان عسكريا او دركيا او عاملا في اي مكان آخر. فالزواج الاصل فيه ان يعيش الرجل مع زوجته.
بالنسبة لكلامك لا اظن ان الامر يتعلق بالعسكري على سبيل التحديد بل على اي رجل لا يمكنه توفير سكن قرب مقر عمله لكي يكون قرب زوجته. ولكن السؤال الذي يجب ان يطرح" ألا يتزوج العسكري والدركي وحارس الحدود؟ اليس لهم الحق في العيش مثل بقية الناس؟ يجب ان تراعي السلطة حاجيات هؤلاء فهم للاسف يعملون في أسوا الظروف.[/size][/b]

زاوية لم افكر فيها ابدا شكرا جزيلا زاد التشجيع من صحة قراري

المشاركة الأصلية كتبت بواسطة mohammed_amine

و الله مشكل ,,من كلامك حسيت بلي انتي من النوع اللي مش متعود على قساوة الحياة او اي نوع من انواع التمرميد ,,'' تاع بابا و ماما '' معليش عل المصطلح ,,,,انا الامر اللي نصحك بيه ,,انك ماتتردديش,,يعني اذا رحتي ,رحتي كمليها مرا ونص دبري راسك حتى توالفي ,, واذا مارحتيش اصبري حتى يجيك مهندس بطال يخدم لانام كما انا ,, و ربي يجيب الخير

الله غالب كلامك صح و ما نقدرش على التمرميد و لي حق في الحلم بالاستقرار و اتقبل فكرة المشاكل الحلوة بين الزوجين لكن لا اتقبل فكرة التمرميد

المشاركة الأصلية كتبت بواسطة " أبو عبود"

واذا عاشت تمرميد في بيت والديها تزيد تتمرمد مع رجلها يعني خلقت لتتمرميد؟ الانسان من حقه يحلم بحياة كلها طمانينة وراحة علاش يشري التمرميد والميزيرية بدارهمه

رائعة يا ام عبودة

[رونق البسمات]

المشاركة الأصلية كتبت بواسطة البرنوس

عندي قصة تشبهها نوعا ما , وانا الان وبفضل الله استمع الى سورة النور .
سأقص حكاية فى رد اخر وقريبا جحدا ان شاء الله .
https://www.youtube.com/watch?v=fhj4j3m2cbu

ا

نتظر قصتك لربما شجعتني

المشاركة الأصلية كتبت بواسطة أم عبد الرحيم2

عندي 13سنة زواج و الله من التمرميد منيش خارجة و الحمد لله و زوجي مش عسكري باه تشوفي كي تكتب تكتب لكن الحمد لله متهنية و عايشة ماشاء الله مع زوجي و اولادي المهم كي يكون ولد فاميليا و يخاف ربي تأكدي انه مش رايح يظلمك الحمد لله و الله جامي ضربني او اهانني
انت صلي استخارة و شوفي اغلب رأي الاعضاء و زيدي شاوري واليك و اتوكلي على ربي
ربي يهنيك و يعطيك كل خير

ربي يخليك و يخلي عبد الرحيم و اكيد شاورت الوالدين و صليت صلاة الاستخارة
و انتهى الامر بالرفض و ارتاح القلب