يوميات ومواقف مضحكة...بعيدا عن الهم والنكد...شاركونا

[ibtihal18]

المشاركة الأصلية كتبت بواسطة مريم الصابرة

السلام عليكم راح نحكيلكم قصة الديك الرومي
قالك مريم كل شي تقولو لباباها يديرو ربي يرحمو راحت مريم وهي صغيرة شوي مش كبيرة نفهم كل شي اول مرة نشوف ف حياتي داند او الديك الرومي مش عارفة واش تسموه
المهم شفت الجزار معلقها برا كبيرة وانا تخلعت قلت اواه هذي اكبر دجاجة شفتها في حياتي تخلعت بقيت نشوف فيها طيران للدار نجري واحد السرعة ما نحكيلكمش دخلت نجري للدار نحوس على بابا ربي يرحمو
كانو خاوتي ويمى والكل فالدار تخلعو واش كاين قلت لبابا هات الدراهم وراح نجيبلكم حاجة تنخلعو لازم نخبوها هات بالخف قبل ما يدوها بابا تخلع قالي واش هذي قتلو هات برك اعطيني الدراهم لما مدلي قتلو زيد قالي واش هذي حاجة غالية او واش واش راحا تشري قتلو جيب برك وضرك نرجع
راحت ختكم مريم شراتها واش نقولكم كبيرة عليا معافرتها فالطريق وخايفة القطوط يجرو ورايا رفدتها وجارية داخلة للدار جاو كامل يجرو ليا داورو بيا يستانو الحاجة الكبيرة هذي اللي مغلفتها واش هي
ولما فتحتها شافو فيها ختي اصغر مني مستغربة متعرفش وخويا كبير يعرف اكيد يمى وبابا بقاو سكتو شوي وانا قتلهم شوفو هذي اكبر دجاجة طرطقو بالضحك بابا ربي يرحم يبكي من الضحك بالدموع ويمى وخويا الكبير وختي الصغيرة شافتهم يضحكو ضحكت وانا وليت نبكي نقولهم والله دجاجة شوفوها والله دجاجة عمري ولا ننساها ما حبوش يسكتو وانا وليت نبكي ونقولهم علاه تضحكو شوفو شعال كبيرة ونضرب فرجليا فالارض جاجة جاجة ههههههههههه سماوني جاجة فات وقت وكبرت وقعدو يفكروني بيها هناك عرفت انو هذي حيوان آخر هي الديك الرومي
ههههههههههههه عمري ولا ننسى ذاك الموقف كنا نضحكو من القلب وكانت الأسرة ملمومة يمات شابين

ههههه الله يجعل حياتك فرحة دايمة و الدنيا ديما تضحكلك
ضحكتيني بالدموع اخت مريم نحيتي عليا ربي ينحي عليك انشاء الله ............والله هذي اجمل نكتة لكل السنوات

[ibtihal18]

المشاركة الأصلية كتبت بواسطة بنت لبحر

ههههههههههههههههههههههههه قتلوتني بالضحك هههههههههههههههههههههههه
مرى كان عندي عرس وليدخالتي مالا اختكم راحت عند الحفافة وهي حداهم ماش بيعيدة بزاف و زمان صيف مكانش الناس برى في القايلة

و خارجة من عندها الله الله مكياج و شعر و نلقى مهبول جاء من ورايا و يصفق و يقول لعروسة هههههههههههههههههههههههههههه و يزغرد من ورايا هههههههههههههههههههههه وانا مالقيت ما ندير و نطيش لبليغة من رجلي و نبدى نجري وهو يجري ههههههههههههههههههههههههههه و يزغرد هههههههههههههههههههههههههههههههههههه حتى شافو وليد خالتي كبير مقدرش يجي من الضحك ههههههههههههههههههههههههههههههههههههوانا المعة هابطتلي من الخوف هههههههههههههههههههههههههههههه الموقف هدا جامي ننساه في حياتي هههههههههههههههههههههه

ههههههههههههههههههههههههههههههههههه .......................هذي نكتة العصر .......هايلة خصك غير المهبول برك ............الحمد لله انك نجوت باعجوبة

[ماريـام]

المشاركة الأصلية كتبت بواسطة بنت لبحر

ههههههههههههههههههههههههه قتلوتني بالضحك هههههههههههههههههههههههه
مرى كان عندي عرس وليدخالتي مالا اختكم راحت عند الحفافة وهي حداهم ماش بيعيدة بزاف و زمان صيف مكانش الناس برى في القايلة

و خارجة من عندها الله الله مكياج و شعر و نلقى مهبول جاء من ورايا و يصفق و يقول لعروسة هههههههههههههههههههههههههههه و يزغرد من ورايا هههههههههههههههههههههه وانا مالقيت ما ندير و نطيش لبليغة من رجلي و نبدى نجري وهو يجري ههههههههههههههههههههههههههه و يزغرد هههههههههههههههههههههههههههههههههههه حتى شافو وليد خالتي كبير مقدرش يجي من الضحك ههههههههههههههههههههههههههههههههههههوانا المعة هابطتلي من الخوف هههههههههههههههههههههههههههههه الموقف هدا جامي ننساه في حياتي هههههههههههههههههههههه

المشاركة الأصلية كتبت بواسطة Simassim

ههههه يا مريم شحال عندك مواقف والله من البارح وانا نقرا ونضحك على الديك وزدتي عليا بالكلب ههههههههه
فكرتني وقت ولدت اختي الكبيرة كان عندها عامين برك جا بابا وجاب ديك ماما قعدت تغسل فيه باش تطيبيها كاملة كان جايين الضياف وهي قاعدة تقولها ماما هادي سمية رآك تدوشيلها ههههههه وقت حطو الفطور قاعدة تبكي وتقولهم ماتكلوش ختي ههههههههههه

المشاركة الأصلية كتبت بواسطة ~الشّذى الفوآح...

تفكرت واحد الموقف

يامات لي كنا في الجامعة كنا نبغو نطيبو،،راكم عارفين،،أيا واحد المرة شرينا الفلفلة والطماطيش ونوينا نديرو شكشوكة،،قالتلنا صحبتي انا ندير،،قطعت الخضرة ودارتها تنقلى فوق النار،،كان ثم زوج قارورات زجاجية،،واحدة فيها العسل وواحدة الزيت،،تخيلو هي فرغت القرعة لي فيها العسل





عشينا ناكلو غير في ماكلة الريستو

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه

[ماريـام]

جيت قلت زعما نقرى اليوم حكاية قبل النوم

اعصرو شويا ريسانك و عصبو و تفكرولنا كاش حكايا ههههههههههه

[النجمة القطبية]

فكرتوني في واحد الحكاية
مرة خالي الصغير متزوج دارو شوية بعيدة على دار جدي باع الطموبيل ديالو وقعد مدة بلاش وكان يتعب كل يوم هابط طالع
ملا قال نشري vespa مؤقتا مابيد
ملا شراها وحطها في الغاراج تاع دار جدي
وكان مرة على مرة يسلفها لخويا الصغير يدور بيها
مالا جا خويا مرة يديها طلع الغاراج وحتى جا وليد خالي صغير قالو اعطيني دورة قالو درك نعطيك
في بالو راه يتمسخر هو صغير بزاف خمس سنين
خويا منتبهلوش ونوضها والصغير ركب فيها ويقول انطلق يا باااانتان بانتان ميكي حتى جا في الصور تع دار الجيران مقابلنا
الحمد لله جات سلامات وما صرالوا والوا وال vespa تعوجت كامل
هذا كامل من الرسوم المتحركة بانتان اللي وليد خالي يحبو بزااااف ونهار كامل وهو يهترف بيه
والصراحة حكاولي القصة ومنعرفش هذا بانتان
ولينا كامل مسمينو بانتان

[أملي باللهِ كبير]

المشاركة الأصلية كتبت بواسطة مريم الصابرة

السلام عليكم
اختي شذى أحكي لك موقف من مواقفي
اختك مريم من صغرها مدللة والدها ربي يرحمو ولازم اللي تحبها تديها اللي جرا انو مريم كانت تحب بزاف رسوم ساندي بال




اختك مريم كانت تقلدها فاللباس وقلت لامي صبغيلي شعري صفر ونلبس مئزر المطبخ مدور كيما راهي هي لابساتو وفي يوم نتفرج فيها والدي معي يشوف هذي ساندي بال اللي هبلتني وفجأة جاتني خطة لو نقولك واش هي


نعم كلب ساندي بالي اوليفر ونجري لبابا جيبلي كلب ونسميه اوليفر بابا تخلع كلب فالدار نونونو ممنوع وحرام محال بقيت نبكي وندلل ونعنق ونبوس فوالدي قالي غدوة نشوف بايتة نحلم بالكلب نتاع ساندي بال اللي يطير لانو شفتو يطير بيها وفي بالي كلبي راح يطير
الصباح نايضة مع الفجر نوض فبابا عندبالو الحرب تخلع قتلو نوض جيبلي اوليفر تخلع تشوكا قالي طيري لبلاصتك واش من كلب مع الفجر وإنطلقت النواحة مريم مااااااااااع وباااااااااااااااع نوضت الجيران وبلاكي ديري فبلاك كنت عندي 3 سنوات نو كنت حوالي 9 سنوات يعني شارفة وخارفة المهم الصباح بابا مسكين يحوس عند صحابو على كلب وجابلي واحد واش نقولك صومالي متخفي في جثة كلب قتلو واش هذا حاكمو السل نحتاج واحد سمين وشعرو طويل كيما اوليفر ولازم يكون مارو وبديت نضرب فرجليا فالارض وما حبيتش ناكل وراح جابلي واحد سمين وفيه شعر شوي عجبني نص نص
وديت اوليفر لاكور ونهدر معاه ونشوف وينتا يطير الكلب هذا وبديت نميز فرجليه هذا بواش يطير
وختك مريم طلعاتو فوق الدالة في بالي نركب فوقو ونقولو إنطلق راح يطير انا كلعت فوقو واللب قتلو إنطلق وهو رقد وتحكمني لينير ونطيح على جدو نضرب برجلي إنطلق إنطلق خلعتو ينطلق و نطيح انا وياه من فوق الدالة تكسرت انا والكلب مسكين هو تفرع رجليه تكسر اما انا تكسرت من رجلي هذيك اول مرة نتكسر محال ننساها في حياتي على اوليفر وما دار فيا
مريم كانت آفة خطيرة

*فــآصل إغمــآء من كثرة الضحكك ونوآصــل

[أملي باللهِ كبير]

شككرآ علــى الموآقف المضحككـــة ،، ضحككت من قلبــي والله حتــى ســآحت دموعـــي

هههههههههههههههههههههههههههههههه قتلتنــي موآقف مريم الصــآبرة { البليغة ، ثم الدآند ، ثم الكلب هههههههههههههه }

أضحكك الله سنككم

[ماريـام]

المشاركة الأصلية كتبت بواسطة أملي باللهِ كبير

*فــآصل إغمــآء من كثرة الضحكك ونوآصــل

هههههههههههههههههههههههههههههههههههههههههههههههههه هههههههههههههههههههه

[اسيل منة الله]

نحكيلكم انـــــــــــــــــا,,,,,,
ملي كنت صغيرة نشفلها كنت نقرا في ابتدائي وكنت دئما نلعب مع صحباتي دور صحافية ندير حصة عادي ونكمل واش نقول ســــــــــــــــــمــــــــــــــير شـــــــــــــــــــعبنا التلــــــــــــــــــــــــــــــــــــــــفزة الجــــــــــــــــــــــــــــــــزائرية دايما هاذي نقولها تخيلوا واش كان علبالي بلي صحافيين كي كملوا هدرتهم يقولوا سميرة شعبنا التلفزة الجزائرية زعما كيما سلام عليكم


ونزيد نكليلكم هاذي عام لي فات كان يقرا معايا واحد للولد مهبلي ويزعجني بتصرفاتوا واحد نهار كنت قاعدة نكتب في صبورة وجيت قعدت في بلاصتي واش لقيت ورقة واش فيها فاطمة انا نحبك وقلبي راه ليك وديما شغلا بالي المهم من هذاك كلام تع لهبال ودير من تحت محبوبك x
ونروح انا نزعف ونوري هاذيك الورقة كامل صحباتي شوفوا هذاك لحمار ,,,,,,,,,,,, واش دارلي هما يقولوا ايه هو اصلا راه حاط عينوا عليك ورنا متاكدين بلي هو









تخيلوا شكون كتبها هاذيك الورقة ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,ياو صحباتي

نهار لي قالولي بلي حنا تكهربت لان كنت في ذيك اللحظة رايحا لهذا طفل نبهدل فيه واش ضحكنا ذاك يوم والله روعة ما ننساش هاذوك ليامات ضحك وتمسخير

[minina2601]

بارك الله فيكم

[minina2601]

البنات يعطيكم الصحة

[ميمي ناصر 22]

• سلام الله عليكم

ان شاء الله الكل تمام
احلامو توحشتك بزاااااااف طولتي الغيبة ان شاء الله المانع خير
حبيت نشاركك في موقف صرالي غير هد الايامات
حبيت نروح نكشف عن طبيبة نسا وتوليد ههه حشاكم الدورة الشهرية غير منتظمة
مالا بعثت خويا يحكم الرونديفو عند وحدة يشكرو فيها
راح خويا بعد صلاة الفجر و طمالي رونديفو وجاني على 7.30 ايا نوضي وجدي روحك راكي انت الاولى
انا فرحت هههه ويا فرحة ما تمت ههههه
ايا لبست و هزيت البوشات و الدراهم وخرجت
وصلنا لعند الطبيبة غير دخلت البلوك سقساتني الفرملية على الاسم وقاتلي ادخلي لقاعة الانتظار ذرك تجي الطبيبة
وانا راني طااااااايرة من الفرحة
هد الطبيبة المشهورة اللي متصحش لكامل الناس بالاشهر انا صحتلي من اول يوم
ايا جات الطبيبة عيطت الفرملية باسمي دخلت
صبحت على الطبيبة كانت تحكي في الموبايل
مالا قاتلي اقعدي هنا كرسي في وسط الشومبرة تقريبا
هي راهي تحكي وانا راني نتسائل واش هد العلاج الجديد ههههه
ومن بعد قاتلي شوفي ليا شحال هدو قتلها 4 وهدو 7 غمضي عينك اليسرى شحال هدو 2
غمضي عينك اليمنى شحال هدو 6
شوفي هنا وين الفتحة
على اليسار
زهنا
تحت
وانا راني مطاوعتها هههههه
ومن بعد رام عليا الحال وقتلها
دكتورة نقدر نعرف واش راكي تديري
قاتلي تاست هههه
علاه ؟
يخي جيتي تديري النواضر هههههه8هههههههههههههههههههههههه
شفتو ماروكو الصغيرة كي تجيها العرقة هكذاك انا
هههه
انا نستنى فيها هنا تقولي على واش جيتي واش تشكي اطلعي للطابلة نكشف عليك ههههه وهي راهي شحال هدي وين صادة هدي ههههههههعهع
ايا سلكت 100 الل وجيت خارجة ههههههه
وهو في الاصل كاين 2 طبيبات خواتات وحدة طبيبة نساء والاخرى طبيبة عيون هههخخخ
قتلت لخويا انت منزيدش نتكل عليك

[ماريـام]

المشاركة الأصلية كتبت بواسطة ميمي ناصر 22

• سلام الله عليكم

ان شاء الله الكل تمام
احلامو توحشتك بزاااااااف طولتي الغيبة ان شاء الله المانع خير
حبيت نشاركك في موقف صرالي غير هد الايامات
حبيت نروح نكشف عن طبيبة نسا وتوليد ههه حشاكم الدورة الشهرية غير منتظمة
مالا بعثت خويا يحكم الرونديفو عند وحدة يشكرو فيها
راح خويا بعد صلاة الفجر و طمالي رونديفو وجاني على 7.30 ايا نوضي وجدي روحك راكي انت الاولى
انا فرحت هههه ويا فرحة ما تمت ههههه
ايا لبست و هزيت البوشات و الدراهم وخرجت
وصلنا لعند الطبيبة غير دخلت البلوك سقساتني الفرملية على الاسم وقاتلي ادخلي لقاعة الانتظار ذرك تجي الطبيبة
وانا راني طااااااايرة من الفرحة
هد الطبيبة المشهورة اللي متصحش لكامل الناس بالاشهر انا صحتلي من اول يوم
ايا جات الطبيبة عيطت الفرملية باسمي دخلت
صبحت على الطبيبة كانت تحكي في الموبايل
مالا قاتلي اقعدي هنا كرسي في وسط الشومبرة تقريبا
هي راهي تحكي وانا راني نتسائل واش هد العلاج الجديد ههههه
ومن بعد قاتلي شوفي ليا شحال هدو قتلها 4 وهدو 7 غمضي عينك اليسرى شحال هدو 2
غمضي عينك اليمنى شحال هدو 6
شوفي هنا وين الفتحة
على اليسار
زهنا
تحت
وانا راني مطاوعتها هههههه
ومن بعد رام عليا الحال وقتلها
دكتورة نقدر نعرف واش راكي تديري
قاتلي تاست هههه
علاه ؟
يخي جيتي تديري النواضر هههههه8هههههههههههههههههههههههه
شفتو ماروكو الصغيرة كي تجيها العرقة هكذاك انا
هههه
انا نستنى فيها هنا تقولي على واش جيتي واش تشكي اطلعي للطابلة نكشف عليك ههههه وهي راهي شحال هدي وين صادة هدي ههههههههعهع
ايا سلكت 100 الل وجيت خارجة ههههههه
وهو في الاصل كاين 2 طبيبات خواتات وحدة طبيبة نساء والاخرى طبيبة عيون هههخخخ
قتلت لخويا انت منزيدش نتكل عليك

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه


خوك هاذا هو الي يدير نواضر ماشي انتي ياختي راكي فكرتيني في راجلي

مانعني نهدر كي نخرج نقضي لازم نقولو في وذنو هههههههههه قولو شعال هاذي هههههههههههه يقول واش دير هاذي هههههههههههههههه ياربي صبرني

مرات نضحك و هو يتقلق ههههههههه مرات نقول يديرها بلعاني باش منشريش نقول سقسيه شعال دير فريتوز هو يرفد المقلة و يقولو خو هادي شعال هههههههههههههههههههههههههههههههههههههههههههههههههه هههههههههههههههههههه

[ميمي ناصر 22]

المشاركة الأصلية كتبت بواسطة ماريـام

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه


خوك هاذا هو الي يدير نواضر ماشي انتي ياختي راكي فكرتيني في راجلي

مانعني نهدر كي نخرج نقضي لازم نقولو في وذنو هههههههههه قولو شعال هاذي هههههههههههه يقول واش دير هاذي هههههههههههههههه ياربي صبرني

مرات نضحك و هو يتقلق ههههههههه مرات نقول يديرها بلعاني باش منشريش نقول سقسيه شعال دير فريتوز هو يرفد المقلة و يقولو خو هادي شعال هههههههههههههههههههههههههههههههههههههههههههههههههه هههههههههههههههههههه

هههههههه والله راجلك هدا هايل ههههه هادا راه يتسبب باه تكرهي ومتزيديش تقوليلو هههه
ربي يعينك عليه
تحياتي

[وصال سلام]

والله غير قتلتوني وذبحتوني بالضحك

كل حكاية تنسي في اختها ههههههههههههههههههههههههههههههههههههههههه

هاذي المهبول والعروس والديك الرومي والكلب لي ضايقة روحو ههههههههههههههههههههههه و ووووووو هههههههههههههههههههههههههههه ههههههههههههههههههههههههههههههههههههه
هذا لي تفكرتهم هههههههههههههههه

فكرتوني في واحدة جارة خالتي صغيرة مسكينة بصح مريضة نفسيا تجي لخويا وتقولو شهاب نتزوج بيك قدامنا كامل هههههههههههههههههههههههههههههههههههههههههههههههههه ههههههههههههههههههههههههه وهو يعود يطير وينقز كي القرد حاشاكم ههههههههههههههههههههههههههههههههههههههههههههههه وحنا هزيناهالو

وعندي حكايات خيرات ربي